އެމްއެމްއޭއިން ބުނީ މާލިއްޔަތު އަދި ރަނގަޅު ކަމަށް، އެކަމަކު ބަޖެޓު ދެކޮޅު ޖައްސަން ގޮންޖެހުން ބޮޑު!

މަޖިލީހުގެ މާލިއްޔަތު ކޮމިޓީގެ މިއަދުގެ ބައްދަލުވުމުގައި ޑެޕިޔުޓީ ގަވަރުނަރު އިމާދު އަދި އެސިސްޓެންޓް ގަވަރުނަރު އިދްހާމް މައުލޫމާތު ދެއްވަނީ. --ފޮޓޯ: މަޖިލީހުގެ އިދާރާ

27 މާޗް 2024 - 19:15

14 comments

މި ސަރުކާރުން ހަރަދުތައް ވަރަށް ބޮޑަށް ކުޑަކުރުމުގެ ސަބަބުން އަހަރުގެ ފުރަތަމަ ތިން މަހު ދައުލަތުގެ މާލިއްޔަތު ވަރަށް ރަނގަޅު ކަމަށާއި ނަމަވެސް ދައުލަތުގެ މި އަހަރުގެ ބަޖެޓު ދެކޮޅު ޖެއްސުމަށް ގޮންޖެހުން ބޮޑުކަމަށް މަރުކަޒީ ބޭންކް، އެމްއެމްއޭއިން މިއަދު ބުނެފި އެވެ.

ދައުލަތުގެ ކޭޝްފްލޯއާ ގުޅޭގޮތުން ރައްޔިތުންގެ މަޖިލީހުގެ މާލިއްޔަތު ކޮމިޓީއަށް މައުލޫމާތު ދެއްވަމުން ޑެޕިއުޓީ ގަވަރުނަރު އަހުމަދު އިމާދު ވިދާޅުވީ ދައުލަތުގެ އާމްދަނީ ލަފާކުރި ވަރަށް ވުރެ އިތުރުވެފައިވާ އިރު، ދައުލަތުގެ ހަރަދުން ގާތްގަނޑަކަށް ދެ ބިލިއަން ރުފިޔާ ސަލާމަތް ކުރެވިފައިވާ ކަމަށެވެ.

އެކަމަކު އޭނާ ވިދާޅުވި ގޮތުގައި، ދައުލަތް އަދިވެސް ހިނގަމުންދަނީ ލިބޭ އާމްދަނީއަށް ވުރެ ހަރަދު ބޮޑުކޮށެވެ.

މަޖިލީހުން މިއަހަރަށް ފާސްކޮށްފައިވަނީ 49.8 ބިލިއަން ރުފިޔާގެ ބަޖެޓެކެވެ. އާމްދަނީގެ ގޮތުގައި 33.5 ބިލިއަން ރުފިޔާ ލިބޭނެ ކަމަށް އަންދާޒާކޮށްފައިވާއިރު، މިއީ 16.3 ބިލިއަން ރުފިޔާގެ ޑެފިސިޓް ބަޖެޓެކެވެ.

"ކޮންމެ އަހަރަކު އާމްދަނީ އާއި ހާއްސަކޮށް ހިލޭ އެހީ ލަފާކުރާ މިންވަރަށް ނުލިބޭ ކަމުގެ ކަންބޮޑުވުން އަޅުގަނޑުމެން އަބަދުވެސް ފާޅުކުރަން. މި އަހަރު ވެސް ބަޖެޓު ފޫބެއްދުމުގައި ވަރަށް ބޮޑެތި ޗެލެންޖަސް އެބަހުރި،" އިމާދު ވިދާޅުވި އެވެ.

ޑޮލަރު ލިކުއިޑިޓީގެ ގޮންޖެހުން ބޮޑު

މެމްބަރުންގެ ސުވާލުތަކަށް ޖަވާބު ދެއްވަމުން އިމާދު ވިދާޅުވި ގޮތުގައި ފާއިތުވި ތިން މަހު ގްރޮސް ރިޒާވްގައި އެމްއެމްއޭގެ މިންގަނޑާ އެއްގޮތަށް ގާތްގަނޑަކަށް 580 މިލިއަން ޑޮލަރު އެބަހުއްޓެވެ.

އަހަރު ނިމޭ އިރު، ގާތްގަނޑަކަށް 600 މިލިއަން ޑޮލަރުގައި އެ އަދަދު ހިފެހެއްޓޭނެ ކަމަށް ގަބޫލުކުރެއްވޭ ކަމަށް އޭނާ ވިދާޅުވި އެވެ.

ނަމަވެސް، އިމާދު ވިދާޅުވީ ޑޮލަރުގެ ލިކުއިޑީޓީ ހިފެހެއްޓުމުގައި ބޮޑެތި ގޮންޖެހުންތައް އެބަހުރި ކަމަށެވެ. ބޭރު ފައިސާއިން ލިބޭ އާމްދަނީއަށް ވުރެ އިތުރަށް މަހަކު 50 މިލިއަނެއްހާ ޑޮލަރު ހޯދަންޖެހޭ ކަމަށް އޭނާ ލަފާކުރެއްވި އެވެ.

"އަޅުގަނޑުމެންގެ ހަރަދުތައް، ބޭރު ފައިސާއިން ކުރަން ޖެހޭ ހަރަދުތައް ކުރިއަށް ގެންދަން ބޮޑެތި ގޮންޖެހުންތައް އެބަހުރި،" އޭނާ ވިދާޅުވި އެވެ.

އައިއެމްއެފްގެ ޕެކޭޖަކަށް ސަރުކާރުން އެއްބަސްވެފައިވާ ކަމަށް ދެކެވޭ ވާހަކަތަކާ ގުޅުވައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން އިމާދު ވިދާޅުވީ އެފަދަ ކަމެއްގެ މައުލޫމާތެއް ރަސްމީ ސިފައެއްގައި އަދި ލިބިފައި ނެތް ކަމަށެވެ.

ތަރައްގީގެ މަޝްރޫއުތައް ދައުލަތުގެ ބަޖެޓް ޑޮލަރު ދައުލަތުގެ އާމްދަނީ އެމްއެމްއޭ ދައުލަތުގެ ބަޖެޓް 2024 ރާއްޖޭގެ އިގްތިސާދު އިގްތިސާދު

14 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުއްސަކުރު

28 March 2024

އަނެއްކާވެސް އިތުރު ބައިލައްކަ ބަންގާޅީން ރާއްޖެ އެތެރެކޮއްގެން ރާއްޖޭގެ އިގްތިސާދަށް ވާނީ ކޮން ފައިދާއެއް ހެއްޔެވެ. އޭން ކޮންމެ މީހަކު މަހަކު 300 ޑޮލަރު ރާއްޖޭން ބޭރުކުރާނަމަވެސް މަހަކު 15 މިލިޔަން ޑޮލަރު ބޭރުވާނެއެވެ. މިހާރުވެސް ރާއްޖޭގެ ގިނަ ވިޔަފާރިތަކުގެ ކޮންޓްރޯލް އެމީހުން ނަގައިފި. ކުޑަކުޑަ މިސާލެއް ބުނެލާނަމެވެ. މިހާރު ކުރުނބައެއް ބޯލަން ބޭނުންވިޔަސް އެމީހުން އަތުން އެމީހުން ހިންގާ ފިހަރަޔަކުން ނޫނީ ނުލިބެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ ހުސެން

28 March 2024

ދިވެހިންނަށް ސިޔާސީ ވަޒީފާ ބަހާ އުފެއްދުންތެރިކަން ފުނޑާލީމަ ވިޔަފާރިތަށް ހިނގަން ބޭރުން މީހުން ނުގެނެސް ނުވާނެ، ފުރަތަމަ އެކަން ރަނގަޅު ކުރަން ޖެހެނީ. އަހަރަން ހަމަ ހައިރާން އަންތަރީސް މިފަހަރުވެސް އިނގިލި ޖަހާފަ ގޭގަ ތިބެން އެތަކެއް ވަޒީފާ ބަހައިފި ކަމަކީ ކެންޕޭން ކުރުން. މަހަކު 25000ރ ދެން ތަކެތީގެ އަގުބޮޑު ނުވެ، ޑޮލަރު ޑިމާންޑު މަތި ނުވާނެ ގޮތެއް ކިޔައިދީބަލަ. މުސާރަ ދެނީ ދަރަނި ބަޖެޓަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކުރީ

28 March 2024

މަތި އޮމާންކޮށް، ނިކަން ފަށުވިކޮށް، ކޮންމެވެސް އިގްތިސޯދީ ބަސްތަކެއް ބޭނުންކޮށް ލާފަ ވާހަކަ ދައްކާލީމަ މީހުންނަށް ހީވާނެ ތިމާ މިއީ ވަރަށް މޮޅު މީހެކޭ. ޑޮލަރުގެ މައްސަލައަކީ ތިޔަ އެމްއެމްއޭގެ ވެރިންގެ ނާގާބިލް ކަމުން އުފެދި ފޯވެފަ އޮތް މައްސަލައެއް. އެމްއެމްއޭ އުވާލަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރުވެރިޔާ

28 March 2024

ރާއްޖޭގައި ތަޢުލީމީ ޤާބިލް މީހުން ނެތީއެއް ނޫން. ނަޒާޙަތްތެރިން ނެތީ. މާތް ﷲ ގަންދީ ކުރާ ހުވާވެސް ފައިދަށަށް ލަނީ ފައިސާއަށް. ދައްކަވަން ހުރިތަނެއް ދައްކަވާނެ. ކެތްތެރިކަމާ އެކު ކުރިމަތިލާން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ.މަނިކު

28 March 2024

ވަޒީފާ އާއި މުސާރައިގެ އަޅުން އެމްއެމްއޭގަ މަތީ ފަނޑީގަ ގިނައީ. އަމިއްލަ ސިކުނޑިން އަދި އަތުން ފައިން މަސައްކަތް ދުވަހަކުވެސް ކުރަން ނުދަންނަ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނިމަ

28 March 2024

ގިނައީ 70 އަހަރުން މަތީގެ މުވައްޒަފުން. ދިވެހިރާއްޖެއަށް އަގުހުރި މަސައްކަތެއް މި މުވަސަސާއިން މިހާތަނަށް ކޮށްފައެއްނެތް. އަބަދު ގޮންޖެހުމުގެ ވާހަކަ ދައްކަނީ، ކަންކަން ހައްލުކުރެވޭނެ ގޮތްތަކެއް ބުނެއެއްނުދެވޭ. ހިރާސްތަކަށް ހައްލުތައް ހުންނާނެ، އެކަން ސާފުކޮށް ބުނެދީ، ޒިންމާވާފަރާތަކީ ކޮބައިކަމާއި، އަވަސް ފިޔަވަޅުތަކެއް އަޅާނެ ގޮތެއް ބުނެދޭން ނޭގުމަކީ، ސިކުނޑީގެ އުނިކަމަކުންވާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަތީނާ

27 March 2024

ވަރަށް ޓެކްނިކަލް ވެގެން ވާހަކަ ދައްކާ ރޯނުއެނދުރެއް. ބޭކާރު މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

27 March 2024

ރާއްޖެ އަށް މަހަކު އަދި އަހަރަކު ވަންނަ ޑޮލަރުގެ އަދަދު އެމްއެމްއޭ އިން އިންދާޒާ ކޮށްލާފަ ހާމަ ކޮށްލަ ބަލާށެވެ. މިއުޅެނީ ޑޮލަރު ނެތިގެނެއް ނޫނެވެ. ޑޮލަރު ހުރި މީހުން އަތުން ޑޮލަރު ހޯދަން ނުކެރިގެންނެވެ. އެއީ މަހުޖަނުންނާ އިންވެސްޓަރުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

27 March 2024

އިމާދު އެބުނީ ދައުލަތުގެ ޚަރަދު ކުޑަކުރީނުން ދެ ބިލިއަން ރުފިޔާ ސަލާމަތްވިޔޭ. ދެން އެހެން ވިއްޔާ ބުނެ ބަލަ ކޮން ދާއިރާތަކުން ޚަރަދު ކުޑަވީ. ކުޑަވިއްޔާ ކުޑަކުރީ ރައްޔިތުންގެ ތަރައްގީ އަށް އަސާސީ ޚިދުމަތަށް ކުރި ޚަރަދު. އެއީ ބަނދަރު ހެދުމާއި މަގު ހެދުމާއި އިލެކްޓްރި ސިޓީއާއި ސެނިޓޭޝަން އަށް ކުރާ ޚަރަދު. 300 މިލިއަން މުވައްޒަހުންނަށް މިދިޔަ ސަރުކާރަށްވުރެ އިތުރަށް ޚަރަދު ކުރިކަމަށް އެބަބުނޭ ޔާމީނު. އިމާދު ޔާމީނަށް ގޮން ޖައްސަވަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

27 March 2024

ބަޖެޓް ދެކޮޅުޖައްސަން ގޮންޖެހުން ބޮޑުވާނެ އަސާސީ ބޭސްވަރުވާގެ ނިޒާމުކުމުގައިވާ އާސަންދައިން އަސާސީނޫން ކަންކަމަށް ޚަރަދުކުރަންޏަކާ. އައިވީއެފް އެއީ އަސާސީ ކަމެއްނޫން، އެކަން އެއީ އެއްވެސް ގައުމެއްގައި ސަރުކާރުން ކޮށްދޭކަމެއްނޫން.