ޕީޕީއެމްގެ ބައްދަލުވުމެއްގައި މެމްބަރު އަބްދުﷲ ހަލީލް ވާހަކަ ދައްކަވަނީ: ފ. އަތޮޅު ވިއްކާލަން އުޅޭ ކަމަށް ކުރާ ތުހުމަތުތައް އޭނާ ދޮގުކުރެއްވި. --ފޮޓޯ: މިހާރު
22 ފެބުރުއަރީ 2017 - 15:10
48 comments
ފ. އަތޮޅުގައި ސަރުކާރުން ހިންގަން އުޅެނީ ރާއްޖެ ދުވަހަކު ވެސް ނުދެކޭ ފަދަ ތަރައްގީގެ ބިޔަ މަޝްރޫއެއް ކަމަށާއި އެހެން ވިޔަސް އެ އަތޮޅުން މީހުން ނުބާލާނެ ކަމަށް ނިލަންދޫ ދާއިރާގެ ޕީޕީއެމްގެ މެމްބަރު އަބްދުﷲ ހަލީލް މިއަދު ވިދާޅުވެއްޖެ އެވެ.
ސައުދީ އަރަބިއްޔާގެ އިސް ފަރާތްތަކަކަށް ފ. އަތޮޅު ވިއްކާލަން އުޅޭ ކަމުގެ އަޑު ފެތުރިފައި ވަނިކޮށް، ހަލީލް އޭނާގެ ފޭސްބުކްގައި ވިދާޅުވީ އެ އަތޮޅަށް ކަނޑައަޅާފައިވާ މަޝްރޫއު ކުރިއަށް ގެންދިޔަސް އެތަން އޮންނާނީ މިހާރެކޭ އެއްގޮތަށް ރާއްޖޭގެ ސިޔާދަތުގެ ދަށުގައި ކަމަށެވެ. އަދި އެތަނުގައި ހިނގާނީ ރާއްޖޭގެ ގާނޫނު ކަމަށް ވެސް އޭނާ ވިދާޅުވި އެވެ. އެކަމަކު އެ އަތޮޅު ނުވަތަ އަތޮޅުގެ ބައެއް ނުވަތަ ރަށެއް ވިޔަސް ނުވިއްކާނެ ކަމަށް އޭނާ ވިދާޅުވެފައެއް ނުވެ އެވެ.
"އޮންނާނީ ރާއްޖޭގެ ވެރިކަމުގެ ދަށުގައި، ރާއްޖޭގެ ބައެއްގެ ގޮތުގައި. ފ. އަތޮޅުގެ ރައްޔިތުންނަށް އުފާވެރިކަމާއި ހިތްހަމަޖެހުމުގަ ފ. އަތޮޅުގައި ދިރިއުޅެވޭނެ،" އެ މަޝްރޫއުގެ ތަފްސީލް ނުދެއްވައި ހަލީލް ވިދާޅުވި އެވެ.
އޭނާ ވިދާޅުވި ގޮތުގައި ގައުމަށް ތަރައްގީ އަންނަން ބޭނުން ނުވާނީ، ވެރިކަމަށް ދަހިވެތިވާ ހަސަދަވެރިންނެވެ.
ސައުދީ ރަސްގެފާނު ސަލްމާން ބިން އަބްދުލްއަޒީޒް އަންނަ މަހު ރާއްޖެ އަށް ކުރައްވާ ދަތުރުފުޅާ ދިމާކޮށް، ފ. އަތޮޅު ވިއްކާލަން އަޑުފެތުރިފައިވާތީ، އެކަން ރައްޔިތުންނަށް ސާފުކޮށްދޭން ޓްރާންސްޕޭރަންސީ މޯލްޑިވްސް އިން ވެސް ވަނީ ގޮވާލައިފަ އެވެ.
ސޯޝަލް މީޑިއާގައި ދައުރުވަމުންދާ ބައެއް ލިއުންތަކުގައި ތުހުމަތުކޮށްފައިވާ ގޮތުގައި ފ. އަތޮޅުން ބައެއް ސައޫދީ އަރަބިއްޔާ އަށް ވިއްކާލާ މަޝްރޫއު ޕްލޭންކޮށްފައި އޮތީ، ރައްޔިތުންނަށް ވަރަށް ބޮޑަށް ގެއްލުންވާ ގޮތަށެވެ.
ފ. އަތޮޅު ވިއްކާލަން އުޅޭ ކަމަށް ފަތުރާ މައުލޫމާތުތަކާ ގުޅިގެން ސަރުކާރުން ރަސްމީކޮށް މިހާތަނަށް އެއްވެސް އެއްޗެއް ނުބުނެ އެވެ. އެ އަތޮޅު ވިއްކާނުލުމަށް އިދިކޮޅު ޕާޓީތަކުން ވަނީ ސަރުކާރަށް ގޮވާލައިފަ އެވެ.
ފ. އަތޮޅުގައި ސައޫދީން ކުރިއަށް ގެންދާނީ ތަރައްގީގެ ބޮޑު މަޝްރޫއެއް ކަމަށް މިދިޔަ މަހު އެ އަތޮޅު މަގޫދޫގައި ވާހަކަފުޅު ދައްކަވަމުން ރައީސް ޔާމީން ވަނީ ވިދާޅުވެފަ އެވެ. އެކަމަކު މަޝްރޫއޫގެ ތަފްސީލެއް ނުދެއްވަ އެވެ. އެމަނިކުފާނު ވިދާޅުވި ގޮތުގައި އެ މަޝްރޫއާއެކު އެ އަތޮޅު މުޅި ދުނިޔެ އަށް ހުޅުވާލެވި، ވަރަށް ގިނަ އަދަދަކަށް ވަޒީފާގެ ފުރުސަތު ތަނަވަސްވެގެންދާނެ އެވެ. މުޅި ދުނިޔޭގައި ވެސް އިންޓަގްރޭޓަޑް ޓޫރިޒަމްގެ ގޮތުގައި އޮތީ ވަރަށް މަދު ތަނެއް ކަމަށާއި ސަރުކާރުގެ ވިސްނުމަކީ ފ. އަތޮޅަށް އެފަދަ ތަރައްގީއެއް ގެނައުން ކަމަށް ރައީސް ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންމަދު
23 February 2017
ދިވެހިންވެސް އަމިއްލަުަށްރަށްނަގާފަ ކޮންމެސް ބޭރުމުމީހަކާ ހަވާލުކުރަނީ ދެން ސަރުޖާރު ކުރުމުން ކޮބާ މައްސަލަޔަކީ
ބޭކާރު
23 February 2017
ނުވެސް ބޭލޭނެ ހަލީލު، ވަގުުތު އެބަ ކައިރިވޭ 0 ވާން...
ދޮގެއްތަ؟
23 February 2017
2012 ފެބްރުއަރީ 7 އާ ހަމައަށް އައިއިރު ވަގުތާމެދު ޚިޔާލެއް ފިކުރެއް ނެތި. 50 އަހަރު 100 އަހަރު 200 އަހަރު ގޮވަމުން ދިޔަ ބަޔަކަށް ވަގުތު ކައިރިވަމުން އަންނަކަމުގެ އިހުސާސް ކުރެވެން ފެށިކަން އެވެސް ގައުމަށް އައި ހެޔޮ ބަދަލެއް.
އައްޑޫ ރަދުން
23 February 2017
މީހުންބާލާފަ ތަނެއް ތަރައްގީ ކުރަން ފެޑެރަލް ގަވަމެންޓުން ބަޔަކަށް ދިނުމަކީ ދުނިޔޭގަ އާކަމެއްނޫން.ވަޒަން ވެރިން ދެކޮޅުވެސް ހަދާފާނެ އެކަމަކުވެސް އެދެވޭ ބަދަލެއް މީހުނަށް ދީފަ އެބަޔަކު ރުހުނަސް ނުރުހުނަސް އެކަން ކުރެވިދާނެ މީ އެއްވެސް މައްސަލައެއްނޫން.ވަރަށް ފަހުން އިނގިރޭސި ވިލާތުގައިވެސް މިކަލަ ކަމެށް ހިނގި.ބުރުމާ ނޫނީ ޗަމްޕާއަށް ރަށެއް ދިނުމަކީ ސައުދީ ރަސްގެފާނަށް ރަށެށްދިނުމަކީ ވާނީ އެއްކަމެށް ކޮންމެ މީހަކުވެސް ގަރުނަކަށް ރަށްތައް ނަގައިގެން ތިބޭނީ.ދެން މިކަހަލަ ކަންތަކުގައި ރާއްޖޭގެ ވިޔަފާރި ވެރިންނަށް ދިނުމަށް ވުރެން ބޭރުމީހުންނަށް ދިނުން ރަނގަޅު.މިހެން މިބުނީ 80ގެ ކުރީކޮޅު ޔުނިވާސަލް ރިސޯޓެއްގަ މަސައްކަތް ކުރި ވޭޓަރުން ލައްވާ އެތާ އެޅި ހުރިހާ ރޫމްތަކެއް އަޅަން ވެލިނަގުވާ ގާޖަހާ ހެއްދީ ލޯލާރިއެއްވެސް ނުދޭ.750ރގެ މުސާރައަށް ލާރިކޮޅެއް އިތުރުކުރަން ބުނީމަބުނީ ކަލޭމެނަށް އެއްވެސް އެއްޗެއް ދޭކަށް ނުޖެހެޔޯ ގެސްޓުން އަތުން ވާވަރަށްވުރެ އިތުރަށްވެސް ލިބޭނެޔޭ.2001 އަހަރު ބުރުމާގެ ސަން އައިލެންޑުގަ އައުޓްލެޓް ކޭޝިއަރަކަށް ދިނީ 2400ރ ސާވިސްޗާޖަށްދިނީ މަހަކު 330ރ ވީއިރު ބޭރުބަޔަކަށް ފިޔަފާރި އުސޫލުން ބިންދިނުމަކީ ދިވެންހިންނަށް ދިނުމަށްވުރެ ހުރިހާ ގޮތަކުންވެސް ރަނގަޅުކަމެށް.މިއީ ތެދެއްކަން އިގޭނެ ދޭ ސާވީސްޗާޖް އަޅާ ކިޔާލީމަ...
އަހަންމާ
23 February 2017
ތިއޭ ގޯސްވާ ތަންކޮޅަކީ. އަހަރެމެން ބިމުން ބާލާފައި ގެންނަ ކަންކަމަށް ތަރައްގީ އޭ ނުކިޔޭނެ. އަހަރެމެން އެބިމުގައި އަރާމާ އުފަލުގައި، އެރީތި ކަމުގައި ބައިތިއްބައިގެން ކުރާ ކަމެއް ކުރާ. ދެން މިއޮތީ ލިސްޓް. ފ. އަތޮޅާ އެތަނަށް ތިޔަކަން ކުރީމަ ހިޖުރާ ކުރާނެ ދިވެހިންގެ އަންދާޒާ (ކުރިއަށް އޮތް 300 އަހަރަށް) ހަދާލާ އެހުރިހާއެންމެންނަށް ހެޔޮވަރުގެ ޕްލޮޓެއް ބިމުން ދޭން ރަށާ ތަންބާއްވާ، އެގްރިކަލްޗަރަލް އަދި ރިކްރިއޭޝަނަލް ރަށް ބާއްވާ، ހިމާޔަތް ކރުާ ރަށްތަކާ ފަރުތައް ބާއްވާފައި ސިޔާދަތަށް ބުރު ނާރާނެ ގޮތަށް އަތޮޅު އެކައުންޓަށް ފައިސާ ވަންނަ ގޮތަށް ކުރާކަމެއް ކުރޭ! ތިޔަ ސައުދީންނަކީ ވަރަށް ޔަހޫދީ ބައެއް. ފަލަސްތީނަށްވެސް ހެދިގޮތް ކަލޭ ކިޔާލާ. މިކަންކަން ދިވެހިންނަށް އެނގޭތީ ހިތް ނުތަނަވަސް ވެގެން އެއުޅެނީ. މިނަސޭހަތް ގަބޫލު ކުރާނެ ކަމަށް ހީކުރަން.
އަންބާ
23 February 2017
ތުހުމަތެއް ނުކުރާނެއެއްނު އެންމެ ފުރަތަމަވެސް ކަމުގެ ހަގީގަތް ރައްޔިތުންނަށް ހާމަކޮށްދިންނަމަ ، ޚިއްވެ ވަގަށް ތިބެ ސިއްރުސިއްރުން ބިޔަމަޝްރޫއުތަށް ހިންގަން ތިއުޅެނީ ، ޖީބަށް ލެވޭ ވަރު މަދުވެދާނީދޮތަ
ހަސަނު
23 February 2017
ފ.އަތޮޅުގައިވެސް އެހެން އަތޮޅުތަކުގައިވެސް ރަށްތައް އެބަހުރި. ދިވެއްސަކު އެބައުޅޭތަ ރާއްޖެއަށް ފައިދާހުރި ކަމެއް ކޮށްދޭން. މިހާރުވެސް ގިނަ ރަށްރަށް މިދެނީ ރިސޯޓުހަދަން ދިވެހިންނަށް. ދަނޑު ހައްދަން ދިވެހިންނަށް. ނިކަން ބުނެބަލަ ދިވެއްސަކު މަސައްކަތެއް ކުރޭތޯ. ފައިދާ ނަގަނީ ކޮން ބައެއްތޯ؟ އަބަދު ތިބޭނީ ރާއްޖޭން ބޭރުގަ. ހެއްދެވިހާ ނުބައިކަމެއް ކުރަން ފައިސާކޮޅު ކުރިއަށް ނަގައިގެންގޮސް. ރަށްވެސް ހަމަ ދޭއިރަށް ވިއްކާލާނެ. ކޮންފަދަ މޮޅެތި ވާހަކަައެއް މިދައްކަނީ. އަބުދުއްލާ ބުނިހެން އެކަންވެސް އޮތީ ކޮށް ނިމޭ ހިސާބުގަ. ނަސީބަކުން ނުވީވެސް. މިހާރު މިދައްކަނީ ވަކި ކޮން ހާސަރެއް. ކަމެއް ވެދާނެތީ ބިރުންތަ ތިއުޅެނީ. ބަލަ ޔާމީނަކަށް ނޫނޭ ފައިދާވާނީކީ. ތަންދޮރު ކުޑަވެގެން ތިއުޅެނީ ކޮންކަމަކާތަ؟
ދޮގެއްތަ؟
23 February 2017
ތިބުނީ ވަރަށް ހެޔޮ ވާހަކައެއް.
އިންތިގާލީ
23 February 2017
މަށަކީ އެމްޑީޕީ މީހެއް.
ހެހެހެހެ
23 February 2017
އެހެންތަ؟
ފަޅުރަށް
22 February 2017
ހއ ގައި އެބައޮތް ވަރަށް ރީތި ފަޅުރަށެއް ހއ ބީނާ ފުށި
ހަބީބު
22 February 2017
ދޮގުހެދުމައް މިވަރެއް ނެތް 2 އަހަރުނއަޅަންބުނި އެއާޕޯޓުވެސް ލޮލަކައް ނުފެނޭ ރައްޔިތުން ސަރުކާރު ދެކެ ރުޅިއަންނަނީ ވައްކަމާ ފަސާދަ ބޮޑުކަމުން މިކަމާ އެމްޑީޕީ ދެކެ ރުޅިނާންނާތި މަށަކީ ދިވެހި ދަރިޔެއް
އަބްދުއްލާ އަލީ
22 February 2017
އެމްޑީޕީ ގެ ވެރިކަން 2012 ފެބްރު އަރީ ގެ ނިޔަލަށް ދެމިއޮތްނަމަ ގދ އަތޮޅުގެ 17 ފަޅުރަށް ވިއްކާލީސް ، ކެސިނޯ އައލެންޑްސް ގެ ނަމުގާ އެތަންތަން ތަރައްގީ ކުރީސް ދުނިޔޭގެ އެތަން މިތަނުން ޖުވާކުޅޭ މީހުން ރާއްޖެ ގެނައީސް . ،މިހާރު އެމްޑީޕީ ން މިދައްކަނީ ކޮންވާހަކަތަކެއް ؟
އަހުމދު
22 February 2017
ތިބުނަ މސްރޫއެއްގެ ތަފްޞީލް ކޮންމެވެސްމީހެއްގެ ބަނޑުގއި ފެންނަނީ ހަފަރާތް ވާނުވާއެއްނޭގެ . އެންމެފަހުން ރައްޔިތުން ލީ ވޯޓްގެ ނަތީޖާ ފަހަރަކުތަނެއް ތަނެތް ވިއްކަމުން ބޮޑުބައި ޖީބަށް ލަމުން މިދަނީ .