އަލިފާނުގެ ހާދިސާގައި އެޕާޓްމެންޓް އެއްކޮށް އަނދާފައި: ހަތަރު މީހަކަށް ފަރުވާދޭން ޖެހުނު
04 ޖުލައި 2024 - 19:37
3 comments
މ. އެންޒިއަންގޭގެ ތިން ވަނަ ފަންގިފިލާގައި މިއަދު ހިނގި އަލިފާނުގެ ހާދިސާގައި އެ އެޕާޓްމެންޓް އެއްކޮށް އަނދައި، އެތަނުގައި ދިރިއުޅޭ މީހުން ވަގުތީ ހިޔާއަށް ބަދަލުކުރަން ޖެހިއްޖެ އެވެ.
މި ހާދިސާގައި ދުމުގެ އަސަރުކޮށްގެން ހާލު ބޮޑުވި ހަތަރު މީހަކަށް އައިޖީއެމްގައި ގެންދަނީ ފަރުވާދެމުންނެވެ. ހާދިސާ ހިނގި އެޕާޓްމެންޓްގައި ދިރިއުޅެނީ ވެސް ހަތަރު މީހުން ކަމަށް މައުލޫމާތު ލިބިފައިވެ އެވެ.
އެމްއެންޑީއެފުން ބުނީ މ.އެންޒިއަންގޭގެ ތިން ވަނަ ފަންގިފިލާގައި ހިނގި އަލިފާނުގެ ހާދިސާގައި އެ ފަންގިފިލާގައި ހުރި ގިނަ އަދަދެއްގެ ތަކެއްޗަށް ގެއްލުން ވެފައިވާ ކަމަށެވެ.
އަލިފާނުގެ ހާދިސާގައި އެޕާޓްމެންޓްގައި ދިރިނޫޅެވޭވަރަށް ގެއްލުން ވެފައިވާތީ، ހާލުގައި ޖެހުނު މީހުންނަށް އެހީތެރިކަން ފޯރުކޮށް ދިނުމުގެ މަސައްކަތް ނޭޝަނަލް ޑިޒާސްޓަ މެނޭޖްމެންޓް އޮތޯރިޓީން ކުރަމުން އަންނަ ކަމަށް ވެސް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަސް
05 July 2024
ކަމާއިބެހޭ ފަރާތްތައް ހޭވެރިކަންވާކަށް ނުވޭތޯ؟ ރޯވި އިމާރާތާއި އިންވެގެންކަހަލަ ގޮތަކަށް އެހުރީ ބުނެވޭ ގޮތުގައި ތެޔޮ ޓޭންކު ހަދައި ރައްކާކޮއްފަހުރި އެލްސިއޯން ބޭކަރީ. އަލިފާންގަނޑު އިތުރަށް ފެތުރި އެހެން އިމާރާތްތަކުގައި ހިފިނަމަ ކިހިނެއްތޯވާނީ. އާދޭސް ދަންނަވަން. މިހިތާމަވެރި ހާދިސާއެއް ހިނގައި އެތައް ބައެއްގެ ފުރާނަ ގެއްލިގެން ނުދަނީސް، އެކަންބަލައި ހައްލުކޮށް ދެއްވާ. ނޫސްވެރިން ގެ ޒިންމާއެއް ވެސް މިކަމުގައި އެބައޮތް.
އަހުމަދު ނަސީމް ޒާހިރު
04 July 2024
މިކަން މެދުވެރިވީ ކިހިނެއް ވެގެންތޯ ބައްލަވާ ދެއްވާ އެކަމުގެ މައުލޫމާތު ނޫސްވެރިން ރައްޔިތުންނަށް ފޯރުކޮށް ދެއްވުމަކީ އަޅުގަނޑުގެ ވަރަށް ބޮޑު އެދުމެކެވެ. ސަބަބަކީ އެފަދަ ކަމެއް ހިނގާފާނެ ކަންކަމުން ރައްޔިތުން ދުރުވެ ރައްކާތެރި ފިޔަވަޅު އެޅުމަށް ހޭލުން ތެރިވާނެ ކަމަށް ފެންނާތީ އެވެ.
ހާމިދު ޝާހިދު
04 July 2024
ވަރަށް ހިތާމަވެރި ޚަބަރެއް. އެ 4 މައިންނަށް ކެތްތެރިކަން ދެއްވާ އަވަސް އަލިމަގެއް ދައްކަވާންދޭވެ!