ކޭ ޕާކް މައްސަލާގައި 100 އަށް ވުރެ ގިނަ ދައުވާ އުފުލާފައިވާ މަންޑޭގެ ޝަރީއަތް ފަށައިފި

މަންޑޭ: އޭނާގެ ޝަރީއަތް މިއަދު ވަނީ ފަށާފައި. މިއީ ރާއްޖޭގައި އެކަކުގެ މައްޗަށް އެންމެ ގިނައިން ދައުވާކުރާ މައްސަލަ.

މުއިއްޒު އިބްރާހިމް، މިހާރު

30 ޖުލައި 2024 - 09:58

ކޭ ޕާކް ރެސިޑެންސްގެ ފްލެޓްތައް ވިއްކުމުގެ ނަމުގައި ގިނަ ބައެއްގެ އަތުން ފައިސާ އަތުލި ކަމަށް ތުހުމަތުވާ ހަސަން މަމްދޫހު (މަންޑޭ) ގެ ޝަރީއަތް ކްރިމިނަލް ކޯޓުން މިއަދު ފަށައިފި އެވެ.

ކޭ ޕާކް ހަދަމުން އަންނަ ހަންބޯ ކުންފުނީގެ ހިއްސާދާރެއް ކަމަށްވާ މަންޑޭ ފްލެޓް ވިއްކާނެ ކަމަށް ބުނެ ގިނަ ބައެއްގެ އަތުން ފައިސާ ނެގި ކަމަށް ބުނެ އޭނާގެ މައްޗަށް 100 އަށް ވުރެ ގިނަ ދައުވާ ދައުލަތުން ކުރެ އެވެ. އެއީ ޓެކުމުގެ 50 ދައުވާއަކާއި އޮޅުވާލުމުގެ އަމަލެއް ކުރުމުގެ 50 ދައުވާގެ އިތުރުން ސައްހަ ނޫން ލިޔުމެއް ދިނުމުގެ ތިން ދައުވާ އާއި މަނީ ލޯންޑްރިންގެ އެއް ދައުވާ އެވެ. މިއީ ރާއްޖޭގައި އެކަކުގެ މައްޗަށް އެންމެ ގިނައިން ދައުވާކުރާ މައްސަލަ އެވެ.

މަންޑޭގެ އިތުރުން ރ. އަލިފުށީ ކިނާރާ ޖައިޝަން ސައީދުގެ މައްޗަށް ވެސް 95 ދައުވާއެއް އެ މައްސަލާގައި ކުރެ އެވެ. އެ ދެ މީހުންގެ މައްސަލާގެ ޝަރީއަތް ކްރިމިނަލް ކޯޓުން މިއަދު ފެށީ އެއްކޮށެވެ. މިއަދުގެ އަޑުއެހުމުގައި އެ ދެ މީހުން ވެސް އެދުނީ ވަކީލަކު އައްޔަން ކުރަން ފުރުސަތެއް ދިނުމަށެވެ.

އެ މައްސަލަ ބައްލަވާ ގާޒީ އަލީ ނަދީމް ވިދާޅުވީ އަމިއްލައަށް ވަކީލަކު ހަމަޖެއްސޭ ފަދަ މާލީ ތަނަވަސްކަން ނެތް ނަމަ ދައުލަތުގެ ހަރަދުގައި ވެސް މި ބާވަތުގެ މައްސަލަތަކުގައި ވަކީލުން ހަމަޖައްސައި ދެވޭނެ ކަމަށެވެ. އަދި ބޭނުންވަނީ ކޮން ގޮތެއްތޯ ގާޒީ ސުވާލު ކުރެއްވި އެވެ.

މަންޑޭ އާއި ޖައިޝަން މިއަދުގެ އަޑުއެހުމުގައި

އެ ދެ މީހުން ވެސް ބުނީ ބޭނުންވަނީ އަމިއްލައަށް ވަކީލަކު ހަމަޖައްސަން ކަމަށެވެ.

ގާޒީ ނަދީމް ވިދާޅުވީ އެންމެ ގިނަވެގެން އެކަމަށް ދެވޭނީ 10 ދުވަސް ކަމަށާއި އަދި ދެން އޮންނަ އަޑުއެހުމެއްގައި ވަކީލަކު ނެތަސް، މައްސަލަ ކުރިއަށް ގެންދަވާނެ ކަމަށް ގާޒީ ވިދާޅުވި އވެެ.

ގިނަ ބައެއްގެ އަތުން މަންޑޭ ފައިސާ ނެގި ކަމަށް ތުހުމަތުކޮށް ފުލުހުންނަށް މައްސަލަ ހުށަހެޅީ ހަންބޯ ކުންފުނީގެ އަނެއް ހިއްސާދާރުގެ ފަރާތުންނެވެ. އެ މައްސަލާގައި މަންޑޭ ހައްޔަރުކޮށް، އަދި އޭނާގެ ގޭގައި ހުރި އަގުހުރި ސާމާނުތަކާއި ދަބަހާއި ސެންޓާއި އަގުބޮޑު އެޕާޓްމެންޓެއް ވެސް ފުލުހުން ހިފެހެއްޓި އެވެ.

މަންޑޭ މިހާރު ހުރީ ބަންދުން ދޫކޮށްލައިފަ އެވެ.

އެ ދައުވާތައް ސާބިތުވެއްޖެނަމަ މަންޑޭގެ މައްޗަށް 40 އަހަރުގެ ޖަލު ހުކުމެއް އައުމުގެ ފުރުސަތު އެބައޮތެވެ.

ކުށްކުރުން ހުޅުމާލެ ކްރިމިނަލް ކޯޓް ޚިޔާނާތް ހަސަން މަމްދޫހު (ކޭޕާކް)

30 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިއްޕާ

01 August 2024

އަދީބަށް ހެދިހެން ސިންގަޕޫރަށް ފޮނުވާލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންޑޭ

30 July 2024

ތިހާ ދައުވާ ގިނަވިއްޔާ ޓިއުސްޑޭއެއްގަ މަންޑޭ ދޫވާތަންވެސް ފެނިދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަައަސަދު

30 July 2024

ތިހާ ބައިވަރު ދައުވާ ކުރަންޔާ މާދަން މިނިވަންވާނެ. އަދީބުވެސް 1000 އަހަރަށް ޖަލަށް ލެވޭނެ ކަމަށް ސަމީމު ބުނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

30 July 2024

500 މިލިއަން އަށްވުރެ ގިނައިން ޚިޔާނާތްވެ 500 އަހަރުގެ ހުކުމެއް އަންނާނެކަމައް ބުނިމީހާ ގައުމުގެ ރައީސް މާފުދީގެން ސަލާމަތްވާ ގައުމުމީ!!!. އަވަހަށް ކަޅުދަބަހެއް ހޯދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

30 July 2024

40 އަހަރުގެ ޖަލުހުކުމެއް އައުމުގެފުރުސަތު. ކޮބާތޯ އެއްކަލަ 500 އަހަރުގެ ޖަލުހުކުމެއް އަންނާނެކަމަށް ވިދާޅުވި ބުރޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

123456.

30 July 2024

ބައެއް ކުންފުނިތަ މީހުން އަތުން ލާރި ނަގާފަ އުޅެނީ ފިލައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

30 July 2024

ވަކީލުން މާސްކް އަޅައިގެން މިހުންނަނީ މޫނިފޮވރުވަންތޯ އެވެ؟ މިހާރު ކޮވިޑްގެ ހާލަތު އުވާލައިފި އެވެ. ކޯޓް ތަކުން ވެސް އާންމު ހާލަތައް ދާން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

30 July 2024

ބްރޯ އެއީ ވަކީލެއް ނޫން. އެއީ މިމައްސަލައިގަ ހިމެނޭ 2 ވަނަ މީހާ. 2 މީހުންނަށް ވެސް ވަކީލުން ހަމަޖައްސަން ގާޒީ 10 ދުވަސް ދިންކަން ލިޔުން ކިޔާލީމަ ސާފްވޭ.ކޮމެންޓް ލިޔުނީ ފޮޓޯ ކެޕްޝަން އަދި އާޓިކަލް ރަނގަޅަށް ކިޔާފަތަ؟؟ އެސްއެސްސީ ދިވެހި ޕޭޕަރުގެ ދޭހައިން ލިބުނީ ކިތައް މާކްސްތޯ އާހަލަން ބޭނުން. ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަނާ

30 July 2024

ތަހުޤީޤަކާނުލާ ޢުމުރަށް ޖަލަށްލާންޖެހޭ މީހުންމީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަހީނު82828

30 July 2024

މި މައްސަލައިގައި މަންޑޭ އަށް ކޮރެއާ މީހަކު ވަނީ ކެހިދީފަ. މި ސްކޭމްގެ ބޮޑު ފައިދާ އެއްނެގީ އެ ބިދޭސީ މީހާ. ޢޭނާ ވަނީ ފިލައިގެން ގޮސްފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވާނިބުނީ

01 August 2024

ހިނިއަންނަނީ .މަންޑޭ ކަލޭ އަމިއްލައަށް ކޮމެންޓު ނުކޮށްބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޖަބް

30 July 2024

މިފަދަ ގަޣްމީ ބަތަލުން އަށް ސިންގަޕޫރު ގައި ސަރުކާރު ހަރަދުގަ އެޕާރޓްމެންޓް ގަނެފަ. ދައުލަތުގެ ހަރަދުގަ މި ބައިމީހުން ގެ އާއިލާ ބަލަހައްޓަން ގޮވާލަން.