ރަށެއްގެ ސްކޫލު ދަރިވަރުންތަކެއް އިންޖީނުގެއަކަށް ޒިޔާރަތްކޮށް ފޮޓޯއަކަށް ހުއްޓިލައިގެން: ދިވެހި މާއްދާއަށް އެންމެ މޮޅީ އަތޮޅުތަކުގެ ދަރިވަރުން .--ފޮޓޯ: އެޑިއުކޭޝަން މިނިސްޓްރީ
01 މާޗް 2017 - 18:05
30 comments
ގްރޭޑް 4-7އާ ދެމެދުގެ ދަރިވަރުންގެ ތެރެއިން އިނގިރޭސި މާއްދާ އިން އެންމެ މޮޅު ނަތީޖާއެއް ހޯދާފައިވަނީ މާލެ އާއި އައްޑޫ އަދި ފުވައްމުލަކުގައި ކިޔަވާ ދަރިވަރުން ކަމަށާއި އެހެން ރަށްރަށުގެ ދަރިވަރުން އެންމެ މޮޅީ ދިވެހި މާއްދާ އަށް ކަމަށް ނޭޝަނަލް އެސެސްމަންޓް އިމްތިހާނުގެ ރިޕޯޓުން ދައްކައިފި އެވެ.
ދަރިވަރުންގެ ފެންވަރު ބެލުމަށް އެޑިއުކޭޝަން މިނިސްޓްރީން 2015 އާއި މިދިޔަ އަހަރު ހެދި ނޭޝަނަލް އެސެސްމަންޓުގެ ރިޕޯޓު މިއަދު ވަނީ އާއްމުކޮށްފަ އެވެ. ކޮލިޓީ އެޝުއަރެންސް ޑިޕާޓްމަންޓުން ތައްޔާރުކުރި ރިޕޯޓުގައި 112 ސްކޫލެއްގެ 5،441 ދަރިވަރުން އެ އިމްތިހާނު ހެދި އެވެ.
އެޑިއުކޭޝަން މިނިސްޓްރީން މިއަދު އާންްމުކުރި ރިޕޯޓު ދައްކާގޮތުން ގްރޭޑް ހަތަރެއްގެ ދަރިވަރުންގެ ތެރެއިން ދިވެހި މާއްދާ އަށް އެންމެ މޮޅީ 68.8 ޕަސެންޓް ހޯދައިގެން މ. އަތޮޅެވެ. އެންމެ ދަށުން ލިބިފައި ވަނީ ރ. އަތޮޅުގެ ސްކޫލުތަކަށެވެ. އެއީ 57 ޕަސެންޓް މާކްސް ހޯދައިގެންނެވެ.
ނޭޝަނަލް އެސެސްމަންޓް ރިޕޯޓު، އެޑިއުކޭޝަން މިނިސްޓަރު ޑރ. އާއިޝަތު ޝިހާމް ނެރެދެއްވަނީ.-- ފޮޓޯ: ނިޝާން އަލީ/ މިހާރު
ނޭޝަނަލް އެސެސްމަންޓް ގްރޭޑް ހަތެއްގެ ދަރިވަރުންގެ ދިވެހި ނަތީޖާ ދައްކާގޮތުން 60 ޕަސެންޓާއެކު އެންމެ ކުރީގައި އުޅެނީ ބ. އަތޮޅެވެ. ދެން އެންމެ ދަށުން ލިބިފައިވަނީ ލ. އަތޮޅަށެވެ.
ގްރޭޑް ހަތަރެއްގައި ކިޔަވަމުން އަންނަ ދަރިވަރުންގެ ހިސާބު އިމްތިހާނުގެ ނަތީޖާ އަށް ބަލާއިރު، އެވްރެޖްކޮށް މުޅި ރާއްޖެއިން ހޯދާފައިވަނީ 57.5 ޕަސެންޓެވެ. އަދި 4.7 ދަރިވަރުން ވަނީ ހިސާބުން 80 ޕަސެންޓަށްވުރެ ގިނައިން މާކްސް ހޯދާފައިކަން އެ ރިޕޯޓުގައި ފާހަގަކޮށްފައި ވެ އެވެ. ހިސާބު މާއްދާއިން އެންމެ މަތީ ނަތީޖާއެއް ހޯދި ކަމަށް ޕްރެޒެންޓޭޝަނުގައި ބުނެފައިވަނީ އައްޑޫ އާއި ވ. އަތޮޅާއި ބ. އަތޮޅެވެ.
ހިސާބުން ގްރޭޑް ހަތެއްގެ ދަރިވަރުން ހޯދި ނަތީޖާ އެވްރެޖް ގޮތެއްގައި އުޅެނީ 50 ޕަސެންޓުގަ އެވެ. އެ މާއްދާއިން އެންމެ މަތިން ވެސް ހޯދީ 52 ޕަސެންޓާއެކު ހދ. އަތޮޅެވެ.
ނޭޝަނަލް އެސެސްމަންޓް ރިޕޯޓު ނެރުމަށް ހޮޓެލް ޖެންގައި މިއަދު ބޭއްވި ހަފުލާގައި ބައެއް ސްކޫލުތަކުގެ ޕްރިންސިޕަލުން ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު
އިނގިރޭސި މާއްދާއަށް ބަލާއިރު، ގްރޭޑް ހަތަރެއްގައި ކިޔަވަމުން އަންނަ ދަރިވަރުން އެވްރެޖް ގޮތެއްގައި ހޯދާފައިވަނީ 52.9 ޕަސެންޓެެވެ. މާލެ އާއި އައްޑޫ އަދި ފުވައްމުލަކުން ވަނީ އިނގިރޭސިން އެންމެ މަތިން ހޯދައިފަ އެވެ. ގްރޭޑް ހަތެއްގައި ކިޔަވަމުން އަންނަ ދަރިވަރުންގެ ފެންވަރު ބެލުމުގެ އިނގިރޭސި އިމްތިހާނުން ވެސް އެންމެ މަތިން ހޯދާފައިވަނީ މި އަތޮޅުތަކެވެ.
އެ ރިޕޯޓުގައި ފާހަގަކޮށްފައިވާ ގޮތުގައި ފިރިހެން ދަރިވަރުންނަށް ވުރެ، ތިން މާއްދާއިން ވެސް އަންހެން ދަރިވަރުން ހޯދި ނަތީޖާ ރަނގަޅެވެ.
މި ރިޕޯޓު ނެރެދެއްވުމަށްފަހު ވާހަކަދައްކަވަމުން އެޑިއުކޭޝަން މިނިސްޓަރު ޑރ. އާއިޝަތު ޝިހާމް ވިދާޅުވީ ނޭޝަނަލް އެސެސްމަންޓުގެ ސަބަބުން މާއްދާތަކުން ދަރިވަރުން ދަށްވާ ސަބަބާއި އިތުރަށް ރަނގަޅު ކުރަންވީ ކަންތައްތައް އެނގިގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީނާ
08 February 2019
ތިބުނާ މާލޭގެ ބައެއް ސްކޫލު ތަކުގަ ނުލިބޭ ޚިދުމަތް ބައެއް ރަށްރަށުގަ މާރަނގަޅަށް ލިބެން ހުންނަކަން އެނގޭތަ؟
ރަބަރު
27 September 2017
މާލޭ ގައި ހުރި ސްކޫލެއްގައި ކިޔެވީމަ އެވަރިހަމަ ރާއްޖޭކޮންމެ ރަށަކުންއަޔަސް އެއީ މާލޭ ކުއްޖެއް. އަދި ތިފާހަގަކުރެވުނު ކަމަކީ މާ ފަޚުރުވެރިވާންވީކަމެއް ނޫނެވެ. ރާއްޖޭން ބޭރުގައި ކިޔަވާކުދިން ވަކިން ޚާއްޞަކޮށް ކުރިއަރާފައިވާ ގައުމުތަކުގައި ކިޔަވާ ކުދިން މޮޅުވާނެ. އެއީ ހއ ތުރާކުނުކުއްޖަކަށްވިއަސްމެއެވެ. އާންމުގޮތެއްގައި އެކުއްޖަކު ހެދި ބޮޑުވަމުން އަންނަ މާހައުލުގައި ހިނގާކަންތައްތަކާ ހަރަކާތްތަކާއި ތަރައްގީގެ އަސަރު ތައުލީމަށްކުރާނެއެވެ.
ފިކް ދިޝް
03 August 2017
ދެކުނުގެ ދެސީޓެގެ ރައްޔިތުން ދަރިންނަށް ކިޔަވަދޭން ޒަމާނުއްސުރެން ކުރި މަސައްކަތް މާލޭގެ ހުރި ބިމުންފެށިގެން މައްޗަށް ތަރިތަކާ ހަމައަށް އެހެރަ އަރަމުންދާ އިމާރާތްތަކުން ފެނޭތަ؟ އަޅުވެތިކަމަކީވެސް ބައެއްފަހަރަށް އިންސާނާ ކުރި އެރުމަށް ލިބޭ ފުރުސަތަކަށްވޭ. އޯލް އާ އީކުއަލް ބަޓް ސަމް އާ މޯ އީކުއަލް. ދެން ހީލާ އިސްކަންދަރު ސްކޫލް ހުންނަ މަގުގަ ނަޝާލާ. ބުރާންޗާ.
ޕީސް
13 March 2017
އޭ އާސިމާ ރާއްޖެތެރެ ކުދިން މާލެ ސްކޫލް ތަކުގަ ވަނަތައް ހޯދަނީ ދިރާސާ ކޮއްލާ ރަންގަޅަށް
އިބިރިހިން ބެއްޔާ
03 March 2017
މަށަކީ ސިޓީމަން އެއް. ހައްލަކީ މިހާރު މިކިޔާ "އަތޮޅު" މިބަސް "ސިޓީ" މިބަހަށް ބަދަލުކޮއްލުން. ޢޭރުން އޯކޭވާނެ.
މިސް
03 March 2017
އާނ ދެންވެސް ދަށް ކުދިން ބައިތިއްބާފަ ތި މޮޅު ކުދިންނަށް އިސްކަންދީ... ޖަސްޓް ލައިކް އޯލްވޭސް
މާމިގިލި
03 March 2017
އަތޮޅުތަކުގެ އެހެނެ ރަށި ކުދުންނަށް އަޅައިއެއްނުލައި. . އެހެންވެއި ވައިގޮތްތިޔާ ފެންނާންނެއި
ރަދުން
03 March 2017
ފެންވަރު އެއީ ސައިޒް ބަައިގެން މޭ މަތީ އަޅާ އެއްޗެއް އުތަ
ބޭބެ
02 March 2017
ކުރީގެ ސަރުކާރުތަކުން އަތޮޅުތެރޭގެ ކުދިންނަށް އެހާބޮޑު އިސްކަމެއް ނުދެ. އެކަމަކު ބޭރުން ލިބޭ ޓީޗަރުންގެ ތެރެއިން އަބަދުވެސް މޮޅު ޓީޗަރުން ނަގަނީ މާލޭގެ ސްކޫލްތަކަށް. ލެބޯޓްރީއާއި ކޮމްޕިއުޓަރ ލެބްގެ ޚިދުމަތްވެސް ދެނީ ވަރަށްވެސް ދައްކޮށް. ނަމަވެސް މިހާރުގެ ސިޔާސަތުތަކުން މިކަންތައްތައް ކަށް ހެޔޮ ބަދަލު ލިބިއްޖެނަމަ ފެނިގެންދާނެ ނަތީޖާ ވަރަށްވެސް ތަފާތުވާނެ. އެހެނަސް ގަބޫލްކުރަންޖެހޭ ޙަގީގަތަކީ މާލޭގެ މާޙައުލުގައި ކިޔަވާކުދިންގެ ޢިލްމީ މަޢުލޫމާތު އެތައްގުނައެއް އިތުރުވާނެކަން. މާބޮޑު މަސައްކަތަކާއި ނުލައި ދަސްވަމުންދާ އާބަސްތައް ގިނަވާނެ.
ރަހުމަތު ފަވާޒު
02 March 2017
މާލޭގެ ސްކޫލްތަކާއި އައްޑޫ އަދި ފުވައްމުލަކު ސްކޫލްތަކުގެ ވާހަކަމީ. މާލޭ ސްކޫލްތަކުގެ ބޮޑު ޕަސެންޓެއް އެއީ ރަށްރަށުގެ ކުދީން. އެހެންވީމާ މާލެއަށް ލިބޭ މޮޅަކީ ނިސްބަތުން މުޅި ރާއްޖެއަށް ލިބޭ މޮޅެއް. އެހެން އަތޮޅުތަކުގެ މީހުންނަށްވެސް ލިބޭ މޮޅެއް.
♞އަސްގެ
14 March 2017
މާލެއަށް ދިމާވާ ކޮންމެ ކަމަކީ ގައުމީ ކަމެއް.. މިސާލަކަށް މާލެ މީހުން ފެނަށް ޖެހުމުން - އެވީ ރާއްޖެ ފެނަށް ޖެހުނުކަމަށް..