އައިޖީއެމްއެޗްގެ ލެބޯޓްރީއެއް.
25 އޮކްޓޯބަރ 2024 - 19:12
17 comments
އައިޖީއެމްއެޗްގެ ލެބޯޓްރީގައި އަހަރެއްގެ މައްޗަށް ދެ މިލިއަނެއްހާ ޓެސްޓް ހަދާ ކަމަށް، އެ ހޮސްޕިޓަލުން އާއްމުކުރި ތަފާސްހިސާބުން ދައްކައިފި އެވެ.
މާލެ ހޮސްޕިޓަލްސް ގްރޫޕުން އިއްޔެ ބޭއްވި ނިއުސް ކޮންފަރެންސްގައި ސީއީއޯ އިބްރާހިމް އަބްދުއްރައްޒާގް ހަލީމް ވިދާޅުވީ ސަރުކާރުގެ މައި ހޮސްޕިޓަލުގައި އަހަރަކު އެވްރެޖުކޮށް 1.9 މިލިއަން ޑައިގްނޯސްޓިކް ލެބޯޓްރީ ޓެސްޓު ހަދާ ކަމަށެވެ.
ހުޅުމާލެ ހޮސްޕިޓަލުގައި 483،185 ލެބް ޓެސްޓު ހެދިއިރު، ހުޅުމާލެ ހޮސްޕިޓަލްގެ އަދަދު އުޅެނީ 253،520 ގަ އެވެ.
އައިޖީއެމްއެޗްގައި އަބަދު ވެސް އެންމެ ބާރު ބޮޑު އިމަޖެންސީ އަދި ޖީޕީ ޑިޕާޓްމަންޓުން އަހަރެއްގެ މައްޗަށް 150،000 މީހުންނަށް ފަރުވާދީފައިވެ އެވެ. ހުޅުމާލެ ހޮސްޕިޓަލުގައި އޭގެ ދެ ގުނައެއްހާ މީހުންނަށް ވަނީ ފަރުވާދީފަ އެވެ.
ހުޅުމާލެ ހޮސްޕިޓަލުގައި އިމަޖެންސީ އަދި ޖީޕީ ޑިޕާޓްމަންޓުން 238،978 މީހުން ފަރުވާ ހޯދިއިރު، ވިލިމާލެ ހޮސްޕިޓަލްގެ އަދަދު އުޅެނީ 2307 ގަ އެވެ.
އައިޖީއެމްއެޗްގައި އިއްޔެ ބޭއްވި ނިއުސް ކޮންފަރެންސްގައި، މާލެ ހޮސްޕިޓަލްސް ގްރޫޕުގެ ސީއީއޯ އިބްރާހިމް އަބްދުއްރައްޒާގް ހަލީމް ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
އައިޖީއެމްއެޗްގައި އަހަރެއްގެ މައްޗަށް 25،500 މީހުން ސާޖަރީ ހަދަ އެވެ. ހުޅުމާލެ ހޮސްޕިޓަލުގައި އެއާ ކައިރި ކުރާ އަދަދަކަށް ވެސް ފަރުވާ ނުދެވެ އެވެ. އެ ހޮސްޕިޓަލުގައި އަހަރެއްގެ މައްޗަށް 1،696 ސާޖަރީ ހެދިއަސް، ވިލިމާލޭގައި އަދި ސާޖަރީ ކުރާކަށް ނުފަށަ އެވެ.
އެކްސްރޭއާ ސްކޭންތައް ހަދަން 285،120 ފަހަރު އައިޖީއެމްއެޗުން ހިދުމަތް ދީފައިވެ އެވެ. އެ ކެޓަގަރީގައި ހުޅުމާލެ ހޮސްޕިޓަލް 121،531 ފަހަރު އަދި ވިލިމާލެ ހޮސްޕިޓަލްގެ އަދަދަކީ 5،697 އެވެ.
އެޑްމިޓު ކޮށްގެން ވެސް އައިޖީއެމްއެޗްގައި 15،000 ފަހަރު، ހުޅުމާލެ ހޮސްޕިޓަލުގައި 4،480 ފަހަރު އެހީތެރިކަން ދީފައިވެ އެވެ.
ހަލީމް ވިދާޅުވީ ވިލިމާލޭގައި ހޮސްޕިޓަލްގެ ނަން ބޯޑެއް އިނަސް އެއާ ގާތަށް ވެސް ފަރުވާ ނުދެވޭ ކަމަށެވެ. ސަރުކާރުން ވަނީ އެ ހޮސްޕިޓަލް މިހާރު ހިންގާ އިމާރާތުގައި އާ ހޮސްޕިޓަލެއް އަޅަން ނިންމައި، އެކަމުގެ ދިރާސާތައް ހަދަން ޗައިނާގެ ކުންފުންޏަކާ ހަވާލުކޮށްފަ އެވެ. އެއާއެކު، ވިލިމާލޭގައި ދިރިއުޅޭ މީހުން ފަރުވާ ދިނުމަށް އިތުރު ގޮތެއް ހަމަޖައްސަމުން އަންނަ ކަމަށް އޭނާ ވިދާޅުވި އެވެ.
ވިލިމާލޭގައި ދަތުގެ ހިދުމަތް ދިނުން މާދަމާ ރަސްމީކޮށް ފަށަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިރަސީދީރާސީ
26 October 2024
ރާއްޖޭގެ ރައްޔިތުންގެ ހާލު ފެނޭބާ. ތީ އަދި 6 މަސްދިވަހުގެ ކިއު އޮތްއިރުވާވަރު. ކޮންދުވަހަކޔންބާ މިކަންކަމަށް ހެލްތުން އެކްސަން ނަގާނީ. ރާއްޖޭގެ އާބާދީގެ ބޮޑު ބަޔަކީ ބަލި މީހުންކަމުގައި ވެދާނެ ބިރު އެބައޮތް މިޑަވަރުން ދަންޏާ. ހަކުރު ބަލި،ހިތުގެ ބަލި، ކެނަސަރު، ގުނަވަން ބަދަލުކުރުން، ކިޑުނީ ބަލި، ފުއްޕާމޭގެ ބަލިތައް މިވަނީ އަދަދު ވަރަށް ގިނަވެފައި.
މަރީނ
26 October 2024
ނަމެއްގަ ހިންގަނީ ގިނަކްލިނިކުތައް ހުރިހާ ޓެސްޓެއް މިހަދަނީ އައިޖީއެމްއެޗް އިން.
ފަރަންޖީ
26 October 2024
އެއީ އެންމެ ރަނގަޅު ގޮތަކީވެސް. ލެބަކީ ކުދިކުދިކޮށް އެފިޝެންޓުކޮށް ހިންގޭނެތަންތަނެއް ނޫން. ބޮޑެތި ލެބްތަކަށް ކޮލިޓީމެޝިން އިންވެސްޓުކުރެވޭނީ. ރާއްޖެކަހަލަ ކުޑަތަނަކަށް ކޮލިޓީ ހިފަހައްޓަން މީ އެންމެ މޮޅުގޮތް.
ސަރުކާނު
26 October 2024
ހުޅުމާލެ ހޮސްޕިޓަލުގައި 483،185 ލެބް ޓެސްޓު ހެދިއިރު، ހުޅުމާލެ ހޮސްޕިޓަލްގެ އަދަދު އުޅެނީ 253،520 ގަ އެވެ. އައިޖީއެމްއެޗްގައި އަބަދު ވެސް އެންމެ ބާރު ބޮޑު އިމަޖެންސީ އަދި ޖީޕީ ޑިޕާޓްމަންޓުން އަހަރެއްގެ މައްޗަށް 150،000 މީހުންނަށް ފަރުވާދީފައިވެ އެވެ. ހުޅުމާލެ މިކިޔާ އެެއްޗެއް ނޭގުނު
ފޮނިޓައްޕު ހަސަނު
26 October 2024
އަޅެފަހެ ދެން ފަހެ ކޮބައިހޭ މައްސަލައަކީ. ތިބުނާ 2 މިލިއަން ޓެސްޓު ހަދައިދީގެން އުޅެނީ ހިލޭހޭ؟ ތިޔަ ޓެސްޓު ތަކުން ލިބުނު އެތަކެއް ސަތޭކަ މިލިއަން ރުފިޔާ ހާމަ ނުކުރީ ކީއްވެހޭ؟ ހަމަ ޔަގީނުން ވެސް ހިލޭ ތިބުނާ ޓެސްޓު ތަކެއް ނަހަދާނެ. ރައްޔިތު މީހާ ދައުލަތަށް ދައްްކާ ޓެސްޓު ތަކުން އާސަންދަ ހަމަޖައްސާފައި ވަނީ. އާސަންދައިން ދިވެހިރައްޔިތުން ތޮބުނާ ޓެސްޓު ތަކަށް ފައިސާ ދެއްްކީ.
ފަރަންޖީ
26 October 2024
"ރައްޔިތުން" ދެއްކީ ކޮން ޓެކްސްއެއްބާ؟ ޖީއެސްޓީ؟ މުދަލުގެ ޑީއުޓީ؟ ޓެކްސް ދެއްކީ ވިޔަފާރިތަކުންނާ ޓޫރިޒަމް ދާއިރައިން. "ރައްޔިތުން" ޖީއެސްޓީން ދެއްކީ %10 ޓެކްސް. ގައުމު ހިންގަނީ ޓޫރިޒަމް ދާއިރާއިން ލިބޭ ލާރިން. ހުރިހާ ކަމެއް ހިލޭ މިކުރަނީ ޓޫރިޒަމުން ގައުމަށް ލިބޭއެއްޗަކުން.
ދުއްތޫރު މުޑަހަދި
26 October 2024
ޑޮކްޓަރަކަށް ދައްކާ ކޮންމެ މީހަކު ލައްވާ ޓެސްޓެއް ބޭސް ކޮތަޅެއް ގިނަ ފަހަރު ބޭސް ސިޓީ ލިޔާނީ މެޑިކަލް މާފިޔާ ކުލިނިކުން ތަފާތު ބުރޭންޑެއްގެ ބަޑުދިޔާވާ ނުވަތަ އެލާޖިކްވާ ހުންބޭހެއް. އެއް ބިލއަން ރުފިޔާގެ ބޭސް ކޮތަޅު . ދެ މިލިއަން ޓެސްޓާއި ބޭހަށް ރައްޔިތުންގެ ބަޖެޓުން އަހަރަކު ބިލިއަނެއް. ! އައިޖީއެމްއެޗް ފެންބިލު ކަރަންޓު ބިލަކީ ދައްކާ އެއްޗެއް ނޫން ؟
އޮނަރަބަލް ތުއްސީ ބިން ކުރުސީ ބެއްޔާ .
26 October 2024
ދެ މިލިއަން ލެބް ޓެސްޓަށް މަރުކަޒު ކުރެވިފައިވާ މާލޭ ހަތަރު އަވަށުގައި އަނެއްކާ ވެސް ކުލިނިކުތައް ހަދައިގެން އަތޮޅު ތެރޭ ރައްޔިތުން ގަނަތަޅުވަން ނޫޅެ އަތޮޅުތެރޭގައި މެޑިކަލް މާފިޔާ ކުލިނިކުތައް ފަތުރަބަލަ
އައިމިނާ
25 October 2024
ވިލިމާލެ ބްރިޖް ހަދާއިރު އިތުރު ހޮސްޕިޓަލެއް ބޭނުންވޭބާ. ކުރިއަށްވެސް އާބާދީ އިތުރުނުވާ ރަށެއް. އެއްވެސް ފަސޭހަ ގޮތެއް ނެތްރަށެއް. ތިގޮތަށް ދިރިއުޅެން ބޭނުން މީހުންނަށް ފަސޭހަވާނެ ފަޅު ރަށްރަށުގަ އުޅެން.އޭރަށް ތިމާވެށިތެރޭގަ ނިދޭނެ.އުޅެވޭނެ. ކޮންމެ ބަޔަކުވެސް ބޭނުންވާނީ ފަސޭހަކޮށް އުޅެން . ހިރަފުސް ގަނޑުގަ ދެފައި ފިހުނުބަނބުކޭލެއްހެން ހަދައިގެން އުޅެން ބޭނުންވާނީ ކޮންބައެއްބާ.
ފަރީދާޖަލާލް
25 October 2024
ހ އެގޭ އެއްވެސް ބައްޔެއް ނެތް
ހެހހެ
25 October 2024
ބޭކާރު ޓެސްޓްތައް ހަދާފަ ކޮމްޕެނީތަކުން ދައުލަތް ކަހާލަނީ، މެޑިކަލް މާފެއާ ހިންގަނީ
ފަރަންޖީ
26 October 2024
ބޭކާރު ޓެސްޓު އައިޖީއެމްއެޗުން ހެދީމައި އެކަހާލެވެނީ ދައުލަތްބާ؟ ނޫނީ އެއީ ދައުލަތައް ވަންނަ އެއްޗެއް ނޫންބާ؟
އެދުރު 1
25 October 2024
އައިޖީއެމްއެޗްގައި އަހަރެއްގެ މައްޗަށް 25،500 މީހުން ސާޖަރީ ހަދަ އެވެ“ މިއީ އެހާ އެކިއުރޭޓް އަދަދެއް ކަމަށް ނުބެލެވޭ. މިހާވަރަށް ސާޖަރީ ހެދޭނީ ހުކުރު ހޮނިހިރު އަދި ހުރިހާ ބަންދު ދުވަސްތަޢް ހިމަނައިގެން ކޮންމެ ދުވަހަކު 70 ވަރަކަށް ސާޖަރީ ހަދައިގެން
ޱަކް
26 October 2024
ބަލަ އެމެޖެންސީ ސާޖަރީ ވެސް ހަދާނެ.ކަށީގެ،އީއެންޓީ،އޮފްތަލް، ޖެނެރަލް،ގައެނީ ލައިގެން މިވަރު މާ ބޮޱައްވެސް ވާނެ
ރޯނުއެދުރު1
26 October 2024
މީހެއްގެ އަތަށް ހެރިފައި ހުންނަ ކައްޓެއް އިމަޖެންސީ ރޫމުގައި ނެގިއަސް އެވެސް ގުނާނެ ސާޖަރީއަކަށް، އެހެންވީމާ ތިވަރު ވެދާނެތާ.
ކްލޯން
26 October 2024
ކޮންމެ ސާޖަރީއަކީ 5-6 ގަޑިއިރުން ކުރާ ބަނޑުފެޅުމުގެ ސާޖަރީތަކެއް ނޫން. ސާޖަރީއަށް ފެތޭ 5 މިނިޓުގެ ކަންކަންވެސް ހުރޭ.