ހުޅުމާލެ 3 އިން ޖެނުއަރީގެ ނިޔަލަށް ގޯތި ދީ ނިންމާނަން: ފަޒުލް

ބިންވެރިޔާ ސްކީމްގެ ދަށުން ހުޅުމާލެ 3 އިން ގޯތި ލިބުނު މީހުންނަށް އަންނަ އަހަރުގެ ޖެނުއަރީގެ ނިޔަލަށް ގޯތިތައް ހަވާލުކޮށް ނިންމާނެ ކަމަށް އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ރޭ ވިދާޅުވެއްޖެ އެވެ.

އެ ކުންފުނީގެ މުހިއްމު ޕްރޮޖެކްޓްތަކެއް އިފުތިތާހު ކުރުމަށް ބޭއްވި ރަސްމިއްޔާތުގައި އޭނާ ވިދާޅުވީ، ހުޅުމާލެ 3 ހިއްކުމުގެ މަސައްކަތް މިހާރު މެދުކެނޑިފައި އޮތަސް ވަރަށް އަވަހަށް އަލުން އެ މަސައްކަތް ފަށާނެ ކަމަށެވެ. އަދި ހައްގުވެރިންނަށް ޖެނުއަރީގެ ނިޔަލަށް ގޯތިޔައް ހަވާލު ކުރާނެ ކަމަށް އޭނާ ވިދާޅުވި އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ސަަރުކާރުން ފެށި ބިންވެރިޔާ ސްކީމުގެ ދަށުން ކަނޑުންނާއި ފަޅުން ގޯތިތަކެއް ދިން އިރު ހުޅުމާލޭގައި ވެސް އޭގެ އެއްބައި އެބައޮތް ކަމަށް ފަޒުލް ވިދާޅުވި އެވެ.

"ހުޅުމާލޭގެ ފޭސް 3 ގެ ހިއްކުން މަޑުޖެހިފައި އޮތް ކަން އަޅުގަނޑު މެނޭޖިން ޑިރެކްޓަރެއްގެ ހައިސިއްޔަތުން ގަބޫލު ކުރަން. އޭގެ ގޮންޖެހުންތަކެއް އެބަހުރި. އެހެން ނަމަވެސް އެ ގޮންޖެހުންތަކާ އެކު ވެސް އަޅުގަނޑުމެން މިއަދާ ހަމައަށް ކުރަމުން އައި މަސައްކަތަކަކީ އެއްވާނެއްގައި އެއް ހިސާބެއްގައި ހިފެހެއްޓުން،" އޭނާ ވިދާޅުވި އެވެ.

އެޗްޑީސީން ކުރިއަށް އޮތް ތަނުގައި ހިންގާނެ އެންމެ މުހިއްމު ޕްރޮޖެކްޓްތައް މިނިސްޓަރު ސައީދު އިފުތިތާހު ކޮށްދެއްވާއިރު އަރިހުގައި އެޗްޑީސީގެ އެމްޑީ ފަޒުލް.---ފޮޓޯ: ފަޔާޒު މޫސާ| މިހާރު

ފަޒުލް ވިދާޅުވިގޮތުގައި، ގޯތިގެދޮރު ބޭނުންވާ މީހުންނަށް ހާއްސަ ކޮށްގެން ހައުސިން ލޯނު ސްކީމެއް މިދިޔަ ހަފުތާގައި ފެށުމާ އެކު، ބިންވެރިޔާ ސްކީމުގެ ދަށުން ދޫކޮށްފައިވާ ކޮންމެ ޕްލޮޓެއްގައި އިންވެސްޓަރުންނާ ގުޅިގެން ހެޔޮ އަގެއްގައި ބޯހިޔާވެހިކަން ފޯރުކޮށްދޭނެ އެވެ.

"އަޅުގަނޑުމެން ޖެހުނީ ފަޅުން ބިން ހިއްކަން. ވޯޓަ ނެތްވޯކާއި ކަރަންޓު ނެޓްވޯކް ވިއުގަ ބަދަލު ކުރަން ޖެހުނު. އެކަން ވެސް އަޅުގަނޑުމެން މިދަނީ ކުރަމުން. އެ ތަނުގައި ތި ބޭފުޅުންނަށް ގެ އެޅުމަށް ކުރަންޖެހޭ މައިގަނޑު މަސައްކަތްތައް އެބަ ކުރަން،" އޭނާ ވިދާޅުވި އެވެ.

ހުޅުމާލޭގައި ހިންގާ ބިޔަ ޕްރޮޖެކްޓްތަކާ އެކު، ހުޅުމާލޭގައި ދިރިއުޅޭ ރައްޔިތުންނަށް ލުއިތަކެއް ލިބޭނެ ކަމަށް އެމްޑީ ވިދާޅުވި އެވެ. އަދި ވިޔަފާރިތަކަށް ވެސް ފަހި ފުރުސަތުތަކެއް ލިބޭނެ ކަމަށް ވިދާޅުވި އެވެ.

"ހައުސިން އަށް ބެލިކަމުގައި ވިޔަސް އޭގެ އިތުރުން ވިޔަފާރި އަށް ބެލި ކަމުގައި ވިއަސް، ވިޔަފާރި ރޮނގުން ހުރި ފުރުސަތުތައް ކަމުގައި ވިއަސް، އެންޓަޓެއިންމެންޓަށް ބެލިއަސް، އޭގެ ކޮންމެ ކަމެއް ތަރުތީބު ކޮށްފައި ވާނީ އެޗްޑީސީގެ ވިންދާ އެއްގޮތަށް،" ފަޒުލް ވިދާޅުވި އެވެ.

2,100 social housing flat himeney gothah, HDC ge biya 15 project eh launch koffi

The most trusted news source in the Maldives

Mihaaru

އެޗްޑީސީން ރޭ 15 މަޝްރޫއުއެއް އިފްތިތާހު ކުރި އިރު އޭގެ ތެރޭގައި ސޯޝަން ހައުސިންގެ ދެ މަޝްރޫއެއް ހުޅުމާލޭގައި ހިންގަން ވަނީ ޕްލޭން ކޮށްފަ އެވެ. އެ މަޝްރޫއުތަކަށް ކަނޑައަޅާފައިވާ ފްލެޓްތަކުގެ ތެރެއިން 2،100 ފްލެޓެއް ހުޅުމާލޭގައި އަޅާނެ އެވެ.