ޚަބަރު / މޫސުން

މާލެ ފެނު އަޑީގައި: 24 ގަޑިއިރު ތެރޭ 136 މިލިމީޓަރުގެ ވާރޭ

ރެއިން ފެށިގެން މާލެއަށް ކުރަމުންދާ ވިއްސާރާގައި ފެން ބޮޑުވެފައިވާ ގެޔަކުން ފެން ހިންދަނީ - ފޮޓޯ: ނިޝާން އަލީ / މިހާރު

ނާޒިމް ހަސަން، މިހާރު

21 ޑިސެމްބަރ 2024 - 09:40

12 comments

ރެއިން ފެށިގެން ހުއްޓުމެއް ނެތި މާލެއަށް ކުރި ވިއްސާރާގައި ފެންބޮޑުވެ، އާންމު ދިރިއުޅުމަށް ބުރޫއަރައިފި އެވެ.

މާލޭގެ ބޮޑު ސަރަަހައްދެއްގައި، ހާއްސަކޮށް މާފަންނުގެ އެކި ހިސާބުތަކުގައި ވަރަށް ބޮޑަށް ވަނީ ފެންބޮޑުވެފަ އެވެ. މެޓް އޮފީހުގެ ތަފާސްހިސާބުތައް ދައްކާ ގޮތުން މިދިޔަ 24 ގަޑިއިރު މާލެއަށް 136.5 މިލިމީޓަރުގެ ވާރޭވެހިފައިވެ އެވެ.

ފެން ހިނދުމުގެ މަސައްކަތް ސިފައިން ގެންދަނީ ކުރަމުންނެވެ. މާލޭގެ ފަސް ސަރަހައްދެއްގައި 16 ޕަންޕު ބަހައްޓައިގެން، ފެން ހިންދުމުގެ މަސައްކަތް ކުރަމުން އަންނަ ކަމަށް ސިފައިން ސިފައިން ބުންޏެވެ.

ރެއިން ފެށިގެން މާލެއަށް ކުރަމުންދާ ވިއްސާރާގައި ފެން ބޮޑުވެފައި - ފޮޓޯ: ނިޝާން އަލީ / މިހާރު

ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެ، ގޭބިސީތަކަށް ފެންވަންނަމުންދާތީ އެހީތެރިކަން ފޯރުކޮށްދިނުމުގެ ގޮތުން ވެލިބަސްތާ ޖެހުމުގައި ވެސް ސިފައިން އަންނަނީ ހަރަކާތްތެރިވަމުންނެވެ.

ނޭޝަނަލް ޑިޒާސްޓާ މެނޭޖްމެންޓް ސެންޓަރުން ވެސް ބުނީ ވާރޭވެހި މާލޭގައި ފެންބޮޑުވެފައިވާތީ އިދާރާތަކާ ގުޅިގެން މަސައްކަތް ކުރަމުން އަންނަ ކަމަށެވެ.

މާލޭއަށް ބޯކޮށް ވާރޭވެހި ފެންބޮޑުވެދާނެ ކަމުގެ އިންޒާރު މިދިޔަ ބުރާސްފަތި ދުވަހު މެޓް އޮފީހުން އިދާރާތަކަށް ދީފައިވެ އެވެ. ސިފައިންނާއި ފުލުހުންނާއި ޑިޒާސްޓާ އަދި ޑިފެންސް މިނިސްޓްރީގެ އިސް ބޭފުޅުން ތިއްބަވާ ގްރޫޕަކަށް ވެސް މެޓް އޮފީހުން އެ އިންޒާރު ފޮނުވި އެވެ.

ރެއިން ފެށިގެން މާލެއަށް ކުރަމުންދާ ވިއްސާރާގައި ފެން ބޮޑުވެފައި - ފޮޓޯ: ނިޝާން އަލީ / މިހާރު

މެޓްގެ އެލާޓްގައި ބުނީ މިއީ ރާއްޖޭގެ ސަރަހައްދަށް ހުޅަނގު މޫސުން ނިމި، އިރުވައި މޫސުން ފެށޭ ދުވަސްވަރު ކަމަށެވެ. މޫސުން ބަދަލުވާ ދުވަސްވަރާ ދިމާކޮށް ރާއްޖެ ކައިރީގައި ދެ ކޮޅިގަނޑު އުފެދެމުން ދާތީ، ކުރިއަށް އޮތް ދުވަސްތަކުގައި ރާއްޖޭގެ ހުރިހާ ހިސާބަކަށް މޫސުން ގޯސްވާނެ ކަމަށް މެޓް އޮފީހުން ބުންޏެވެ.

ވައިގަދަވެ ވިއްސާރަވުމުން ލިބިދާނެ ގެއްލުންތަކުން ސަލާމަތްވާން ރައްކާތެރިކަމުގެ ފިޔަވަޅު އަޅަން އެންޑީއެމްއޭ އިން ވަނީ އިރުޝާދުދީފަ އެވެ. ވިއްސާރަވެ، ދިޔަވަރު ބޮޑުވާ ގަޑިތަކުގައި އުދަ އެރުން ވެސް އެކަށީގެންވާ ކަމެއް ކަމަށް އެންޑީއެމްއޭ އިން ބުންޏެވެ.

އެ ފިޔަވަޅުތަކުގެ ތެރޭގައި؛

- ގެއަށް ފެން ނުވަންނަ ގޮތަށް ގޭގެ ދޮރުމަތީގައި ވެލި ބަސްތާ ޖެހުން

- ގޭތެރޭގައި ފެން ބޮޑުވެއްޖެ ނަމަ ގެއްލުން ވާނެ މުދާ އުސް ތަންތަނަށް ބަދަލުކުރުން

- ގަދަ ވަޔާ އެކު އެއްލާލަފާނެ ތަކެތި ބަނދެ ރައްކާތެރިކުރުން

- ކާޑުގެ ބާވަތްތަކާއި ޒަރޫރީ ތަކެއްޗަށް ދަތިނުވާނެ ގޮތަށް ދުރާލައި ކަންކަން ހަމަޖެއްސުން

ރެއިން ފެށިގެން މާލެއަށް ކުރަމުންދާ ވިއްސާރާގައި ފެން ބޮޑުވެފައި - ފޮޓޯ: ނިޝާން އަލީ / މިހާރު

ޑިޒާސްޓާ މެނޭޖްމަންޓު އޮތޯރިޓީން ވަނީ ދަތުރުކުރުމުގެ ކުރިން މޫސުމާ ބެހޭ އެންމެ ފަހުގެ މައުލޫމާތު ހޯދައި މޫސުމަށް ސަމާލުކަން ދޭން އެދިފަ އެވެ.

މެޓް އޮފީހުން ބުނި ގޮތުގައި ކުރިއަށް އޮތް ދުވަސްތަކުގައި ރާއްޖޭގެ ބޮޑު ބަޔަކަށް ވައިގަދަވެ، ވިއްސާރަކުރާނެ އެވެ. އުތުރުގެ އަތޮޅުތަކުގެ ކަނޑު ގަދަވެ، ދެކުނާއި މެދުރާއްޖޭގެ އަތޮޅުތަކުގެ ކަނޑުތައް ވަރަށް ގަދަވާނެ ކަމަށް ވެސް އެ އިދާރާއިން ވަނީ ލަފާކޮށްފަ އެވެ.

މޫސުން މާލެ ވާރޭ މެޓް މޫސުން ލަފާކުރާ ގޮތް

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަދުނުވާނެ

21 December 2024

މަގުތައް ހަދާ ވަރަކަށް މާލެއަށް މީހުން ގިނަވެ ކޮންމެ ގެއެއް ކުދި ކުދި ކޮށިތަކަކަށް ބަދަލުވެ ގެ ނުހެދިގެން ވަގުތީ ހިޔާތަކަކަށް ބަދަލުވެ މަގުމައްޗަށް ކުދި ވޯޓަރފޯލްހެން ފެން އޮހޭ ފަދަ ތަންތަން ގިނަވީމަ ކިތަންމެ މޮޅަށް ހަދާފަ ހުންނަ މަގުތަކަކަށްވެސް ނުކަތާނެ. ކިރިޔާ ވެހިލާއިރަށް މަގުތައް އޮންނަނީ ކޯރު ކޯރަށްވެފަ. ބޮޑެތި މަގުތަކުގަ ކޯރު ހެދިފަ އޮންނައިރު އެއްބައި ގޯޅިތަކުގަ އެއްވެސް ފެނެއް ނޯވޭ. ފެން ދަތުރުކުރާ ގޮތާ މެދުވެސް ވިސްނާލަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާބުނެގެންފަރަށްދާމީހާގެފްރެންޑް

21 December 2024

އަހަރުމެން މާލޭގެ ސުކޫލްތަކަށް ވިއްސާރަދުވަސް ދުވަހު ކިޔަވަންދިޔައީ ގަމްބޫޓު ލައިގެން އަދި މަގުފާރު ކައިރިން ގާބުރިތައް މަތިން ހުރަސްކޮށްފަ. ޒަމާންބަދަލުވެ ލާރިލިބެންފަށާ އެތަންމިތަނުން މުޅިގައުމުގެ ރައްޔިތުންގެ ބޯމައްޗަށް ލޯނުނަގައިގެން މާލޭގެމަގުތައް"ރަގަޅު ފެންވަރަކަށް" ހަދަންފެށީ. އޭގެފަހުން މިވީހާ ދުވަހަކު ކެޑިނޭޅި ޕްރޮޖެކުޓުތައް ކުރިއަށް ހަރަދުބަރަދު ފަތުއަޑުކިޔާ. އެކިޔާ ރަގަޅު ފެންވަރު ކޮބާ. މިވަރުގެ ފަސާދައެއް މަށަކުނުދެކެން އެގިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާރަށު މައިކު

21 December 2024

ޑީވޯޓާރ ނިޒާމް ޤާޢިމުކުރިފަހުން މާލޭގަ ފެންބޮޑުވި ހަނދާނެއްނުވޭ. ރައްޔިތުންގެފައިސާ ކަޗޯރުކުރަންޏާ ކޮންފައިސާއެއް ހުންނާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާހިރު

21 December 2024

ދިވެހިރާއްޖޭގައި މިހުންނަނީ ކުދިކުދި ރައްތަކެކެވެ. އެހެންކަމުން ރަށްތަކަށް ވެހޭ ފެން އަމިއްލައަށް މޫދަށް ފައިބައިގެންދާގޮތަށް ހެދުމަކީ ވަރަށް ފަސޭހައިން ކުރެވިދާނެކަމެއްކަމަށް ފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ދޮންކެޔޮ

21 December 2024

އައިޖީއެމްއެޗްދޮށުގާ މާމޮޅު ޕަންޕުގެ ނިޒާމެއް ގާއިމްކޮށްފައިވާކަމަށް އަޑުއިވޭ. މާލޭގެ ދެތިންތަނުގާ މީގެ އިތުރު ނިޒާމުތަކެއް އަޅުވާނުލެވޭނެތޯ؟ މިހެންބުނީމާ އަފީފު ރަތަށްއަރާނެކަންވެސް އެނގޭ. އެހެނަސް މިބުނީ. ފެންފޮދެއް ވެހެލާއިރަށް މުގައްދަސްރަށްކޮޅުގެ މުގައްދަސްކަން ގެންލިގެންދޭ. އަފީފަށް އެކަން ނޭންގިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗުއްޓީމޫސުން

21 December 2024

މިއީ ސުކޫލް ޗުއްޓީ އައީމަ ވާގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބޯ

21 December 2024

މިލި ލީޓަރޭ ކޮޑި އޭ ކިޔާނެ ކަމެއް ހަތަރު ސަރުކާރެއް ”ވައުދު“ ވެގެން ވެރިކަމެއް އައިސްފި. މާލޭގެ ފެންބޮޑުވުން ނުހުއްޓުވުނު. ހަމަ ކޮންވެސް ހާސަރެއް ދަމަދަމާ ތިބެނީ. ތިމާމީހުންގެ އަންބޮނޑި ބޮޑުކުރުން ނޫން ކަމެއް.ުހިގާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 December 2024

މިދައްކަނީ 1 ކިލޯމީޓަރުގެ ކުޑަ ރަށެއް ގެ ވާހަކަ އެވެ. ވަށައިގެން އޮތީ ކަނޑެވެ. އެއީ މާލެ އެވެ. ކޮންމެ އަހަރުއްގައި ވިއްސާރަ މޫސުމުގައި ފެން ބޮޑުވެ އެވެ. ވަށައިގެން އޮތީ ކަނޑެވެ. މާލޭގެ މެދުން ބިއަސް ހޮޅި އަޅައިގެން 10 ބުރި އިމާރާތެއް ހަދަން ހުރިހާ ފެނެއް މޫދަށް ފޮނުވާލެވެ އެވެ. މިއީ ހައްލު ކުރެވިދާނެ މައްސަލަ އެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާލި

21 December 2024

ފެންވަދެ ގެއްލުންވީމަދޯ ޑިސާސްޓަރ މެނޭޖްމެންޓް އިން އެއްޗެއް ޖީބައްލެވޭނި.މޮޔަދޯ މިމީހުންވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި.

21 December 2024

ރައްކާވެތިބިއްޔާ ދަތުރޭކިޔާނީ، އެކަމު އެކަމާ އުޅޭނީ ވާނެ އެއްޗެއްވީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާަ

21 December 2024

މީ ކާބަފައިން އަމަލު ކުރަމުން އައިގޮތް. މިޒަމާނުގައި މިކަން ގަބޫލު ނުކުރަނީ. މީ އޮޓޮމެޓިކް ޒަމާން ވަގުތުން ބަޓަނަށް ފިތާލީމާ ނިމޭނެ ކަމަށް ގަބޫލުކުރާ ޒަމާން.