އެއާޕޯޓުން މީހުން ގެންނަން މިރޭ 1 ޖަހަން ދެން އެމްޓީސީސީގެ ބަސް ދަތުރުތައް ބާއްވަނީ

އެމްޓީސީގެ ބަސްތަކެއް ޕާކުކޮށްފައި: އެއާޕޯޓުގައި ތާށިވެފައި ތިބި މީހުންގެ ދަތުރު ފަސޭހަކުރަން މިރޭ އެކެއް ޖަހަން ދެން ބަސް ދަތުރު ބާއްވަން އެ ކުންފުނިން ވަނީ ނިންމާފައި. -- ފޮޓޯ | މިހާރު

03 ޖެނުއަރީ 2025 - 21:24

11 comments

މާލެއަށް މިއަދު ބޯކޮށް ވާރޭވެހި ފެންބޮޑުވުމާ ގުޅިގެން އާއްމު ދަތުރުތަކަށް ބުރޫއަރާފައިވާތީ އެއާޕޯޓުގައި ތާށިވެފައި ތިބި މީހުން މާލެ ގެންނަން މިރޭ 1 ޖަހަންދެން ބަސް ދަތުރުތައް ކުރިއަށް ގެންދާނެ ކަމަށް އެމްޓީސީސީން ބުނެފި އެވެ.

އެއާޕޯޓު މިއަދު ބާރު ބޮޑުވީ ރާއްޖެ އިން އުމްރާ އަށް ދިޔަ މީހުންގެ ތެރެއިން ފުރަތަމަ ގްރޫޕް އެނބުރި އައުމާއި ޗުއްޓީއަށް ފަހު ފުރާ މީހުންނާއި އަންނަ މީހުން ގިނަ ވުމުންނެވެ.

މާލޭގެ މަގުތަކާއި ހުޅުލޭގައި ފެންބޮޑުވެފައި އޮތުމުން ޓެކްސީތަކުގެ ދަތުރު މިއަދު މަދެވެ. އެހެންވެ, އެމްޓީސީސީން ވަނީ އުމްރާ އިން އައި މީހުން ވެސް މާލެ ގެނައުމަށް ބަސް ދަތުރުތައް ބާއްވައިފަ އެވެ.

އެ ކުންފުނިން މިރޭ ބުނީ އެއާޕޯޓުގެ ޓްރެފިކް ބޮޑު ދުވަހަކަށް ވެފައި މޫސުން ގޯސްވުމާ އެކު އަދިވެސް ގިނަ ބަޔަކު އެއާޕޯޓުގައި އެބަތިބި ކަމަށެވެ. އެ މީހުންގެ ދަތުރު ފަސޭހަކޮށްދިނުމުގެ ގޮތުން އެ ކުންފުނީގެ ބަސްތައް މިރޭ އެކެއް ޖަހަން ދެން ދަތުރުކުރާނެ ކަމަށް އެމްޓީސީސީން ބުންޏެވެ.

"މި ކުންފުނިން ފޯރުކޮށްދެމުންދާ އާރުޓީއެލް ބަހުގެ ހިދުމަތުގައި ހިމެނޭ R3 R4 R9 ގެ ބަސްތައް ދަތުރުކުރަން ހަމަޖެހިފައިވާ ކަން ކަސްޓަމަރުންގެ މައުލޫމާތަށްޓަކައި ދަންނަވަމެވެ," އެމްޓީސީން ބުންޏެވެ.

ބަސް ދަތުރުތަކާ ގުޅޭ އިތުރު މައުލޫމާތު ހޯދަން 1650 އަށް ގުޅަން އެމްޓީސީސީން އެދެ އެވެ.

މި ދުވަސްވަރު ރާއްޖޭގެ ބޮޑު ސަރަހައްދަށް ވަރަށް ބޮޑަށް މޫސުން ގޯހެވެ. މޫސުން ގޯސްވުމުގެ ސަބަބުން މާލޭގެ އިތުރުން ބައެއް ރަށްރަށުގައި ފެންބޮޑުވެ، އުދައެރުމުގެ ހާދިސާތައް ވެސް ވަނީ ހިނގައިފަ އެވެ. އަދި ދަތުރުފަތުރަށް ވެސް ވަނީ ބުރޫއަރައިފަ އެވެ.

އެމްޓީސީސީ ވާރޭ ވެލާނާ އިންޓަނޭޝަނަލް އެއާޕޯޓް މޫސުން

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިމްރާހް

04 January 2025

ވަރަށް ރަނގަޅު ނިންމުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުސޫމް

04 January 2025

ނިމިދިޔަ ދައުރުތަކުގަވެސް މިރާއްޖޭގެ އެތަކެއް ރައްޔިތުންނެއް ހައްޖު އުމްރާއަށް ދިޔަ. އެކަމަކު މިކަހަކަ ކަމެއް ފެނިގެންނެއް ނުދޭ. ރައީސް މުއިއްޒު ތަފާތީ މިހެންވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރުޝިދް

04 January 2025

މިކަހަކަލަ ވަރަށް ރަނގަޅު ކަންތައް ކުންފުނިތަކުން ކުރާކަމީ ވަރަށް އުފާވާ ކަމެއް. މިރޭވެސް ބޮޑެތި ކުންފުނިތައް އިސްވެ އޮވެ ފެންހިންދުމުގެ މަސައްކަތުގަ އަމަލީގޮތުން އުޅުންތަން ފެނިގެންދިޔަ. މީ ރައީސް މުއިއްޒު ދެންނެވިފަދަ ހީވާގި އެމްޑީންނަކީ