ސަފާރީއެއްގައި އުޅުނު ދިވެއްސަކު ކަނޑަށް ވެއްޓިގެން، ހޯދަމުން ދަނިކޮށް އޭނާ މަރުވެފައި އޮއްވައި ފެނިއްޖެ އެވެ.
އދ. އަތޮޅުގެ ރިސޯޓެއް ކައިރީ އޮތް ސަފާރީއަކުން ކަނޑަށް ވެއްޓިގެން ހޯދަމުން ދިޔައީ ނ. ހޮޅުދޫ ސީވީޑް އަލީ އަރުޝަދެވެ.
އެމްއެންޑީއެފުން މީގެ ކުޑައިރުކޮޅެއް ކުރިން ބުނީ، ގެއްލިގެން ހޯދަމުން ދިޔަ ދިވެހި މީހާގެ ހަށިގަނޑު، މާލެ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަންގެ ޑައިވަރުން، ކަނޑުގެ 69 މީޓަރު އަޑިން ހޯދާފައިވާ ކަމަށެވެ.
އަދި ޑައިވަރުންގެ ޓީމުން، އެ މީހާގެ ހަށިގަނޑު، މިހާރު ލޯންޗަށް ނަގާފައިވާ ކަމަށެވެ.
އަރުޝަދު ރޭގެ ވަގުތެއްގައި ސަފާރީގެ ޑެކްމަތީ ހުއްޓާ ވެއްޓި އުޅަނދުގެ އަރިމަތީ ޖެހިފައި ކަނޑަށް ވެއްޓޭ މަންޒަރު ސީސީޓީވީން ފެންނަ ކަމަށް ފުލުހުން ބުނެފައިވެ އެވެ.
ނަމަވެސް، އޭނާ ކަނޑަށް ވެއްޓެން މެދުވެރިވި ސަބަބެއް އަދި ސާފެ ނުވެ އެވެ.