ޓްރަމްޕް: އަލިފާން ނިއްވަން ނޭނގިގެން މި އުޅެނީ ކޮންކަހަލަ ބައެއް؟

ލޮސް އެންޖެލިސްގައި ރޯވެ އަނދަމުންދާ އިމާރާތެއް ކައިރިން މީހަކު ސައިކަލެއްގައި ދަނީ: ޓްރަމްޕް ވިދާޅުވީ އަލިފާން ނިއްވާނުލެވެނީ ސިޓީގެ ވެރިންގެ ސަބަބުން ކަމަށް. -- ފޮޓޯ: އޭއެފްޕީ

13 ޖެނުއަރީ 2025 - 06:16

9 comments

އެމެރިކާގެ ކެލިފޯނިއާގެ ލޮސް އެންޖެލިސްގައި ރޯވެ އަނދަމުންދާ އަލިފާންގަނޑުތައް ނިއްވާނުލެވިގެން އުޅެނީ އެ ސިޓީގެ ވެރިންގެ ނާގާބިލްކަމާހުރެ ކަމަށް ވިދާޅުވެ އެމެރިކާގެ އިންތިހާބީ ރައީސް ޑޮނަލްޑް ޓްރަމްޕް ވަރަށް ބޮޑަށް ފާޑު ވިދާޅުވެއްޖެ އެވެ.

"އެލްއޭ ގައި އަދިވެސް އަލިފާންގަނޑު އެ ދަނީ ފެތުރެމުން. އެ ނާގާބިލް ސިޔާސީ މީހުންނަށް އެ އުޅެނީ އަލިފާން ނިއްވާލާނެ ގޮތެއް ނޭނގިގެން،" ޓްރަމްޕް އޭނާގެ ޓްރޫތު ސޯޝަލް މީޑިއާ ޕްލެޓްފޯމްގައި އިއްޔެ ލިޔުއްވާފައިވެ އެވެ.

"މިއީ މި ގައުމުގެ ތާރީހުގައި ކުރިމަތިވި އެންމެ ބޮޑު އެއް ކާރިސާ. އެ މީހުންނަށް އެ އުޅެނީ އަލިފާން ނިއްވާނުލެވިގެން. ކޮންކަހަލަ ބައެއްތަ އެއީ؟"

އެލްއޭގައި އަނދަމުންދާ އަލިފާންގަނޑުތައް ފެތުރޭލެއް ހަލުވިކަމާއި އަލިފާންގަނޑު ފެތުރިފައިވާލެއް ބޮޑުކަމުން އެކަން ވެފައި ވަނީ އަލިފާން ނިއްވާ މީހުންގެ ގާބިލްކަމާއި ވަސީލަތްތަކުގެ ޓެސްޓަކަށެވެ. އަދި މިފަދަ ހާލަތަށް ތައްޔާރުވެފައިވާ މިންވަރާ މެދު ވެސް ވަނީ ސުވާލު އުފެދިފަ އެވެ.

އެމެރިކާގެ އިންތިހާބީ ރައީސް ޑޮނަލްޑް ޓްރަމްޕް ކެމްޕެއިން ރެލީއެއްގައި: އޭނާ ވަނީ އަލިފާނުގެ މައްސަލައިގައި އެލްއޭގެ ވެރިންނަށް ފާޑު ވިދާޅުވެފައި. -- ފޮޓޯ: އޭއެފްޕީ

އަލިފާން ނިއްވަން ބޭނުންކުރާ ހައިޑްރަންޓްތަކުން ފެން ހުސްވުމާއި ފަސް ދިމާލެއްގައި ރޯވެ އަނދަމުން ދާއިރު މި ވަގުތު ދިމާވެދާނެ އެހެން ކަމަކަށް އިޖާބަ ދިނުން މިހާރު ވެފައިވަނީ ވަރަށް ބޮޑު ގޮންޖެހުމަކަށެވެ.

އަންނަ ހަފްތާގައި ވެރިކަމާ ހަވާލުވެ ވަޑައިގަތުމުގެ ތައްޔާރީތައް ވަމުން ގެންދަވާ ޓްރަމްޕް ވަނީ ކެލިފޯނިއާގެ ޑިމޮކްރެޓިކް ގަވަރުނަރު ގެވިން ނިއުސޯމްއަށް ބޮޑެތި ތުހުމަތުތައް ކުރައްވައިފަ އެވެ. އެއާ އެކު އޭނާ ވަނީ އެލްއޭ އަށް ވަޑައިގެން، އަލިފާނުގެ ގެއްލުންތައް ބައްލަވައިލެއްވުމަށް ޓްރަމްޕަށް ދައުވަތު ދެއްވައިފަ އެވެ.

އަލިފާނުގެ ހާދިސާތަކުގައި މިހާތަނަށް 16 މީހުން މަރުވެ، 150،000 އަށް ވުރެ ގިނަ މީހުން ގެދޮރު ގެއްލި، 12،000 އަށް ވުރެ ގިނަ އިމާރާތް ހަލާކުވެފައިވާ ކަމަށް އޮފިޝަލުން ވަނީ ބުނެފަ އެވެ.

"އަގު ބޮޑު، ހިތްގައިމު އެތައް ހާސް ގެއެއް ގެއްލި، އިތުރު އެތައް ގެއެއް އިސާހިތަކު ގެއްލިދާނެ. މުޅި ހިސާބުގައި މީހުންތައް އެ ދަނީ މަރުވަމުން،" ޓްރަމްޕްގެ ޕޯސްޓުގައި ވިދާޅުވެފައިވެ އެވެ.

އަލިފާން ނިއްވާ މީހުން ކެނޑިނޭޅި މަސައްކަތްކުރަމުން ދާއިރު ވެސް ޕެލިސޭޑްޒްގައި ރޯވި އަލިފާން ދަނީ ގެޓީ ސެންޓަރުގެ އާޓް މިއުޒިއަމްގެ އަގުބޮޑު ކަލެކްޝަންތަކުގެ އިތުރުން، އާބާދީ ބޮޑު ސަން ފެނާންޑޯ ވެލީއާ ދިމާލަށް ފެތުރެމުންނެވެ. -- އޭއެފްޕީ

ކެލިފޯނިއާ ލޮސް އެންޖެލިސް އަލިފާނުގެ ހާދިސާ އެމެރިކާ ޑޮނަލްޑް ޓްރަމްޕް ރައީސް ޑޮނަލްޑް ޓްރަމްޕް

9 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފާންފޮށި

13 January 2025

އަދިވެސް ތިމާމެން ވަރުގެ ބަޔަކު ނެތިގެން އުޅޭތި. އަލިފާނުގެ ވެރި ރައްބު، އިޒްރާއީލްގަ މި ފަދަ ގަދަ ހޫނު އަލިފާންގަނޑެއްލައްވާ އެބައިމީހުންނަށް އަޒާބު ދެއްވާންދޭވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރަކަ

13 January 2025

އައްޒާއަށް ނަރަކަ ދައްކާލާނަމޯ ބުނި ޓްރަމްޕު ގަދަބަސްބުނެފަ އޮއްވާ އިސާހިތަކު އެމަރިކާއަށްމިވީ ކިހިނެތްބާ ؟މި ޓްރަމްޕު ޒައާމަތިގައި ހަނގުރާމައެއްނުފަށާނަމޯ ކިޔާފަ ފޮނިބޮޑިވެ ބަސްބުނާއިރު ވަރަށްހީވޭ ބޮޑިހަނގުރާމައެއްފަށައި މުޅިދުނިޔެ ނުރައްކަލަކަށްވައްޓާނެހެން ( އީރާނުގެ ހަނގުރާމަ )

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެ

13 January 2025

ރަގަޅަށް ނަރަކަ ފެނިފަ މިހާރު ހުންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރާތް

13 January 2025

އެމެރިކާއަށް އަލިފާން ގައްޒާ އަށް ގަދަ ފިނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވަނަ

13 January 2025

ނޭނގެ މާ ގަދަ ބަޔަކޯ... އަދިވެސް މިބައި މީހުން އިތުރަށް ނިކަމެތި ކުރެއްވާށެވެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލި68

13 January 2025

މުޅިދުނިޔެ ބަނޑުދަށުލައިގެން އުޅޭމީހުނަށް ކަމެއްނުވިތާ. ބަލަ ޓުރަންޕާ ބާރުވެރި ފަރާތުން ކަންކަން އަންނަން ފެށީމާ ދެން މަމެން އިންސާނުންނަށް ކުރެވޭނެ މާބޮޑުކަމެއް ނޯންނާނެ. އަލިފާން ނިވާނޭ އެންމެ ފަހުގެ ވަސީލަތްތައް ހުއްޓަސް، މުސްލިމުންނަށް ގެއްލުންދީ ހިތުހުރިގޮތެއް ހަދަމުންދާއިރު ދެރައީ ބާރުގަދަ ފަރާތެއް ވާކަން ނުދަތީމަ. ދެން ހަމަ ލަލަލާ. ބޮޑަށޤ ރަނގަޅީ އަދިވެސް އެމެރިކާއަށް ބޮޑެތި ބޮޑެތި ގެއްލުން ލިބުނީމަ. ތީ ދުނިޔޭގެ ބޮޑުހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޅޮލޭ

13 January 2025

ދެން އަލިފާން ކޮންޓްރޯލްކޮށް މިކަން ނިންމީމަ ދެން ބުނާނީ ކީކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮއްޓޭ

13 January 2025

މިހާރު އަލިފާން ނިިއްވުނަސް އެމީހުންނަށް ދުވަހަކުވެސް ނުވާވަރުގެ ބޮޑު ގެއްލުންވެފަ އޮންނާނީ. އަލިފާން ނިވުނަސް އެއާއެކު ނިކުންނަ އެހެން މައްސަލަތައް އަވަހަކަށް ނުނިމޭނެ.