މިނިސްޓަރު ސައީދު ރަސްމިއްޔާތެއްގައި ވާހަކަ ދައްކަވަނީ. ކުރީގެ ރައީސް މައުމޫނާއި ނަޝީދުގެ ވެރިކަމުގައި ވިއްކި ރަށްތައް އަދިވެސް ނުހެދި އެބަހުރި ކަމަށް އޭނާ ވިދާޅުވި. - ފޮޓޯ: ނިޝާން އަލީ/ މިހާރު
09 މާޗް 2017 - 23:37
41 comments
ކުރީގެ ރައީސް މައުމޫން އަބްދުލްގައްޔޫމާއި ކުރީގެ ރައީސް މުހައްމަދު ނަޝީދުގެ ވެރިކަމުގައި ވިއްކެވި ރަށްތައް އަދިވެސް ނުހެދި އެބަހުރި ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ލޯކަލް ކައުންސިލް އިންތިހާބުގައި މާލެ ސިޓީ ކައުންސިލަށް ސަރުކާރު ކޯލިޝަނުން ނިކުންނަ ކެންޑިޑޭޓުން ތައާރަފް ކުރަން މިރޭ ބޭއްވި ޖަލްސާގައި ސައީދު ވިދާޅުވީ ކުރީގެ ސަރުކާރުތަކުން އަތޮޅުތަކާއި ރަށްތަކާއި ގިރިތަކާއި ފަޅުތައް ދިގު މުއްދަތަކަށް ވިއްކާފައިވާ ކަމަށެވެ.
އެ ގޮތުން ބައެއް ރަށްތައް 90 އަހަރަށް ދިންއިރު، ބައެއް ރަށްތައް 50 އަހަރަށާއި 25 އަހަރަށް ބައެއް ވިޔަފާރިވެރިންނަށް ދީފައިވާ ކަމަށް އޭނާ ވިދާޅުވި އެވެ. އަދި އެ ތަންތަން ތަރައްގީ ނުކުރެއްވީތީ މިނިސްޓަރު ވަނީ ރައީސް ނަޝީދަށާއި މައުމޫނަށް ވަރަށް ބޮޑަށް ފާޑު ވިދާޅުވެފަ އެވެ.
"އޭރު ދިން ރަށް ރަށް އެބަހުރި މި ގައުމުގެ ބައެއް ވިޔަފާރިވެރިންގެ އަތުގައި އަދިވެސް ތަރައްގީ ނުކޮށް، އެއީ އަޅުގަނޑަށް އެންމެ ގާތުން އެނގޭ ކަންކަން، އެއީ ތިޔަބޭފުޅުންގެ މުދާ ނޫން ކޮން ބައެއްގެ މުދާތޯ؟" ބްރިޖު ބެލުމަށް ހާއްސަކޮށްފައި އޮތް ޕްލެޓްފޯމްގައި ބޭއްވި ޖަލްސާގައި މިނިސްޓަރު ވިދާޅުވި އެވެ.
މިނިސްޓަރު ވިދާޅުވި ގޮތުގައި ރައީސް އަބްދުﷲ ޔާމީންގެ ސަރުކާރުން ތަންތަން ދެމުން އަންނަނީ "ހަ ފަރާތް" ފެންނަ ގޮތަށެވެ. ރައީސް ޔާމީންގެ އަމާޒަކީ ދައުރު ހަމަވުމުގެ ކުރިން ރާއްޖޭގައި 50 ރިސޯޓު ހުޅުވައި ހިދުމަތްދިނުން ކަމަށް ވެސް އޭނާ ވިދާޅުވި އެވެ.
ސައީދުގެ ވާހަކައިގައި ކުރީގެ ރައީސުންނަށް ގައުމުގައި ވެރިކަން ކުރަން އިތުރު ފުރުސަތެއް ނުދޭން ޖެހޭ ފަދަ މޭރުމަކުން ވަނީ ވާހަކަ ދައްކަވައިފަ އެވެ.
"ސޮލީބީ ހަނގުރާމަވެރިންގެ ފަންޑުގައި ރައީސް ނަޝީދު ކުރައްވާ ކަމެއް އެ ކުރައްވަނީ. އަޅުގަނޑު މައާފާއެކު އެދެނީ އޭގައި ރައީސް މައުމޫން ވެސް ޖެހުމަކީ ލަދު ގަންނަ ކަމެއް،" އޭނާ ވިދާޅުވި އެވެ.
މިނިސްޓަރު ސައީދު ވިދާޅުވި ގޮތުގައި ދިވެހި ގައުމުގެ ހުރިހާ ގިންތިއަކަށް "ފިޓުވާ" ވެރިކަމެއް މި ގައުމުގެ ތާރީހުގައި ކުރައްވަނީ ރައީސް ޔާމީނެވެ. ރާއްޖޭގެ އެކިކަންކޮޅުތަކަށް އަންނަ ތަރައްގީ ފެނިފައި ބޭރުގެ އިންވެސްޓަރުން ރާއްޖެއާ މެދު ވަރަށް ބޮޑަށް ޝައުގުވެރިވެފައިވާ ކަމަށް ވެސް އޭނާ ވިދާޅުވި އެވެ.
މީގެ އިތުރުން މި ގައުމުގެ އިސްލާމް ދީނާއި އިސްތިގުލާލު ދަމަހައްޓައި، މިނިވަންކަން ދިފާއުކޮށްގެން ތަރައްގީ ގެނެވޭނެ ވެރިއަކު ރައީސް ޔާމީން ފިޔަވައި ނެތް ކަމަށް ވެސް އޭނާ ވިދާޅުވި އެވެ.
ސައީދު ވިދާޅުވީ ރާއްޖޭގައި 2.5 ބިލިއަން ޑޮލަރުގެ އިންވެސްޓްމަންޓެއް އެބަ ކުރެވޭ ކަމަށާއި އެއީ ރާއްޖޭގެ ދެ އަހަރެއްހާ ދުވަހުގެ ބަޖެޓް ކަމަށެވެ.
"މިއަށް ހަސަދަވެރިވެގެން ކުރީގެ ރައީސުންނަށް އިނާމެއް ދޭނަމަ، ރަނގަޅު ލިބާހެއް ފައްސަވާ އެ ބޭފުޅުންނަށް،" ސައީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚިޔާލް123
11 March 2017
ދެރަކަމަކީ ތިމާގެ ބޮސް ހިއްރުއްސަން ދޮގުހަދަމުން ދާތީ، ސައީދު ދައްކަބަލަ ސައީދުމެން ދިން ރަށެއް ހަދައިގެން ހުޅުވި ރިސޯޓެއް، އަދި ދައްކަބަލަ ސައީދުމެން އައިސް ހަދައިގެން މީހުންވެއްދި ފުލެޓެއް ، މިއީ ހަގީގަތް ހުޅުވިތަނެއް ތިޔަހުޅުވަނީ ތިޔަވިދާޅުވައި ބޭފުޅުންގެ ވެރިކަމުގައި ދިންތަންތަން ނޫންތޯ، ތިވަރު ބޭފުޅަކު ގައުމެއްގެ އިކޮނޮމިކް މިނިސްޓަރު ކަންކުރައްވާތީވެސް ހައިރާންވޭ، އަދި ތިޔަކުން ތިޔަހޯދަން އުޅޭވޯޓެއްވެސް ނުލިބޭނެ
އަޖައިބު
11 March 2017
ބަލަ އެއަރޕޯޓް އަތުލިގޮތަށް ތިޔަބުނާ ރަށްތަށް އަތުލާފަ ހެދޭވަރު ބަޔަކަށް ދިނީމަ ނިމުނީނުން. ބާރު އޮތް މީހުން ކޮންމެހެން އެހެންމީހުންގެ ވާހަކަ ދައްކަން ހަދާނެ ކަމެއްނެތް ފިތުނަ އުފައްދާކަށް. ގޯސް ކޮށް ހުރި ކަންތަށް ރަގަޅު ކުރީމަ ވީނުން. ތިބުނާ ރަށްތައް އަތުލާފަ ބުނެ މިވެނި މީހަކު ދިން ރަށް ނުހެދި މިހާދުވަސްވީމަ އަތުލިއްޔޭ. ތަންކޮޅެއްޒިންމާދާރު ވާން ވެއްޖެ އެއްނުން.
ތުރާކުނު އަލިބެ
11 March 2017
އިކޮނޮމިކް މިނިސްޓަރަށް އިނގޭތޯ އިގްތިސާދު ރަނގަޅު ކުރަން ރައްޔިތުން ނުފެލާ؟ ތި ތަރައްގީ އަކީ ހަމަ އެކަނި ކޮންުކުރީޓު ގަނޑެއްތަ؟ ނޫނީ ވަކި ބަޔަކަށް ފައިދާ ވާ ކަންކަންތަ؟ އާން އަދި އެއީ ތެދެއްތަ ޔާމިނު އަށް ސަނާ ނުކީއާ ވަޒީފާ ގެއްލެނީ؟ ހާދަ ހީވޭ މިހާރު. އެންމެންވެސް ކުރަނީ އެކަން!
ލާރީ ބޫތް
11 March 2017
ސައުދީ ބަހޭ ބަހޭ... ލާރީ ބަހޭ ބަހޭ.. ރަން ބަހޭ ބަހޭ.. ކަދުރު ބަހޭ ބަހޭ.. މަނަވަރު ބަހޭ ބަހޭ.. ފައީސާ ބޫތު ބޫތު..
ވާވާ
10 March 2017
ސައިދު އަކީވެސްވަރަށް ބުރޯ ވެގެން އުޅުނު މީހެއް. އެހެން ވީމަ މިހާރު ވަޒީފާގަނޑު އޮންނާނީ ދެ ރައީސުންނަށް ބެވި ވަރަކަށް. އަދި ނާއިބު ރައީސް ކަން ލިބިއްޖެއިޔާ ހާދަ ވަރެއް ވާނެ ތާ ދޯ.
މެންޓަލިސްޓް
10 March 2017
ސައީދުއަށް ވަރަށްސަލާމް ،، ނަޝީދުއާޢި މައުމޫންއިރުގައި އެކިފަރާތްތަކަށް ދޫކުރި ނޫނީ އެކުއިޝިޒަން ފީދައްކާފައި ނެގި ރައްތަށް ނުހެދި ހުރުމަކީ އެދެބޭފުޅުންގެ މައްސަލައެއްނޫން ... އެއީ އެތަންތަން ނެންގެވި ބޭފުޅުންނަށް ފައިނޭންސް ރެއިޒްނުކުރެވިގެން ވާކަމެށް ،، ނަޝީދުއިރުގައި ދިން ރ.ދިގަލި ، ދ.ދޫރެސް ރ.ކޮއްޓަފަރުވެސް މިހާރު އެހުޅުވަނީނޫންތޯ ؟؟ އަދި ޅ ، ނ ގައިވެސް އެހުޅުވަނީ ނޫންތޯ ؟؟ އެހެންވީމައި ސައީދުގެ ތިޔަ ހިސާބު ދިމާލެއްނުވޭނޫންތޯ ؟؟ ވަރަށްވެދުން
ބާބޫ
10 March 2017
ތިމީހުން ރައްޔަތުންނަށް ކަމެއްކޮށްދޭނީ ކިހެނެއް ؟ އަބަދުވެސް ތިއުޅުއްވަނީ އިދިކޮޅުމީހުންގެ ފަހަތުން ނުނެއްޓެވިގެން ؟
އިންޑިއާ މީހާ
10 March 2017
ވަރަށް ދެރަ. ސަރުކާރަށް ކިތަންމެ ތާއީދު ކުރެވުނަސް މިހިނގާ ކަންކަމާމެދު ވަރަށް ދެރަވޭ. ރައީސް ޔާމީނަށް ތަރައްގީ ގެންނަށް އެނގޭނެ. ޚައްސަކޮށް އިގުތިސާދީ ގޮތުން ހަމަޔަކަށް އަޅުވަފާނެ. މި ސަރުކާރުގެ ގިނަ ކަންތަކަށް ތާއީދު ކުރެވުނަސް، ސިޔާސީ މީހުންނާ ޖައްސާލައިގެން މިކުރާ (ގޯސް / އިޚުލާސްތެރިނޫން) ކަންކަމުން ފަހު ވަގުތު އެތައް ހިތެއް މި ސަރުކާރާ ދެކޮޅުވާނެ. އެދެކޮޅާށް އެމްޑީޕީ ހިތްތައް އެކުވެއްޖިއްޔާ އަދި މާ އުނދަގޫވާނެ. ސަރުކާރަކީ ރައްޔިތުންނަށް ރަނގަޅަށް ކަންކަން ކޮށްދެންޖެހޭ ބަޔެއް. އެކަމަކު ވޯޓޫލާ ދުވަހު އެސަރުކާރުން ކުރި ގޯސް ކަންކަމަށްވެސް ބަލާނެ. ބަޔެއްގެ ލޯބި ޖެހިފައިހުރި މީހުންނާ ޒާތީގޮތުން ޖައްސާނުލާ، އަސްލުގަވެސް ހުރި ގޯސްކަންކަން ނަގައިގެން ވާހަކަ ދައްކާނަމަ ގަބޫލު ކުރެވޭނެ. ސަބަބަކީ ދިވެހިރާއްޖޭގައި އޭރުވެސް އަދި މިހާރުވެސް އުޅުނީ ހަމައެކަނި އެވެރިންނާ، ތިޔަ ބޭކަލުންނެއް ނޫން. އަހަރެމެން ކޮންމެެ ރައްޔިތަކީވެސް ދިވެހިރާއްޖޭގެ ތަޖުރިބާ ހުރި މީހުން. އެހެންވެ، ހިތު ހުރިހާ ގޮތްގޮތަށް މިކަހަލަ ފޫ ނުބެދޭ ކަންކަން ނުކުރައްވާ. އަދިވެސް ސަރުކާރަށް ތާއިދުކުރާ ވަހާކަ ދަންވާލަމުން، އެކަންކަން ރަނގޅުކުރުމަށް ގޮވާލަން. މިއީ ގޮވުމެއްނޫން. އެކަމަކު ސަރުކާރުގެ ބޮޑީ ވަޒީފާއެއްގަ ހުރެފަ މިގޮވުން ގޮވަންޖެހޭނީ ފިލައިގެންހުރެ. ﷲ ރަނގަޅުގޮތް މި ސަރުކާރަށް ވިސްނަވާނދޭވެ.
ސިންތިލީ ވޫމް
10 March 2017
މިސަރުކާރައްވެސް ޖެހޭނީ އެހާލަތު، އުމަުރު ދުވަހަކު މައުމޫނާއި ނަޝީދު ހީކުރި ގޮތަކައް ވެރިކަމަކު ނުތިބެވޭނެ!!!
މުހައްމަދު
10 March 2017
މި މީހުން މަޤާމުގެ ދިފާއުގައި ދޮގުވާހަކަ ފަތުރާ ރައްޔިތުންނަށް އޮޅުވާލަން ޖެހިލުމެއް ނުވާނެ. މަޤާމު ގެއްލުނީމާ ބުނާނެ އެއީ ސިޔާސީ ގޮތުން ދެއްކި ވާހަކަ އެކޭ، އަހަންނަށްވެސް ހަޤީޤަތުއި ރައީސް މައުމޫނާއި ރައީސް ނަޝީދު މާރަނގަޅޭ.