މެމްބަރު މުހައްމަދު އަމީތު މަޖިލިހުގެ ޖަލްސާއެއްގައި ވާހަކަ ދައްކަވަނީ: ބިން ވިއްކޭ ގޮތް ހެދީ ސައުދީގެ ޝާހީ އާއިލާ އިން ބޭނުންވެގެން ކަމަށް ނިހާން ވިދާޅުވާ އޯޑިއޯއެއް ވަނީ އާންމުވެފައި.---ފޮޓޯ: މަޖިލިސް
19 މާޗް 2017 - 15:09
33 comments
ބޭރުގެ ފަރާތްތަކަށް ރާއްޖެ އިން ބިން މިލްކު ކުރެވޭ ގޮތަށް ގާނޫނުއަސާސީ އިސްލާހު ކުރީ ވަކި ބަޔަކަށް އޭގެ މަންފާ ލިބޭ ގޮތް ހެދުމަށް ކަމަށް ރައްޔިތުންގެ މަޖިލީހުގެ މެމްބަރުންނަށް އޭރު އަންގާފައި ނެތް ކަމަށް މަޑުއްވަރީ ދާއިރާގެ ޕީޕީއެމްގެ މެމްބަރު މުހައްމަދު އަމީތު މިއަދު ވިދާޅުވެއްޖެ އެވެ.
ފ. އަތޮޅުގެ ބައެއްގައި ސައޫދީ އަރަބިއާގެ ޝާހީ އާއިލާ އިން ބޮޑު މަޝްރޫއެއް ހިންގަން ނިންމާފައި ވަނިކޮށް، ވެރިކަން ކުރާ ޕާޓީ، ޕީޕީއެމްގެ ޕާލަމެންޓްރީ ގުރޫޕުގެ ގްރޫޕުގެ ލީޑަރު އަހުމަދު ނިހާން އެކަމާ ބެހޭގޮތުން ވާހަކަ ދައްކަވާ އޯޑިއޯއެއް ވަނީ ލީކުވެފަ އެވެ. އެ އޯޑިއޯގައި ނިހާން ވިދާޅުވާ ގޮތުން ބޭރުގެ ފަރާތްތަކަށް ރާއްޖެ އިން ބިން މިލްކު ކުރެވޭ ގޮތަށް 2015 ގައި ގާނޫނުއަސާސީ އިސްލާހުކުރީ ސައޫދީގެ ޝާހީ އާއިލާ އިން ބޭނުންވެގެންނެވެ. އެކަމަކު އެކަން ސިއްރެއްގެ ގޮތުގައި ބާއްވަން ޝާހީ އާއިލާ އިން އެދުނު ކަމަށް މިދިޔަ ބުރާސްފަތިދުވަހުގެ ރޭ ލީކްކުރި އޯޑިއޯގައި ނިހާން ވިދާޅުވެ އެވެ.
މި އޯޑިއޯއާ ގުޅޭ ނިހާން މީޑިއާގައި ވާހަކަ ދައްކަވާކަށް ބޭނުމެއް ނުވި އެވެ.
ބިދޭސީންނަށް ރާއްޖެ އިން މިލްކު ކުރެވޭ އިސްލާހާ ގުޅިގެން، އަމީތު ކުރެއްވި ޓްވީޓެއްގައި ވަނީ ގާނޫނުއަސާސީ އެގޮތަށް އިސްލާހުކުރީ ވަކި ބަޔަކަށް ވަކި ތަނެއް ދިނުމަށް ކަމެއް އޭރު މެމްބަރުންނާ ހިއްސާ ނުކުރާ ކަމަށެވެ. އެކަން ހިނގީ އެގޮތަށް ނަމަ އެއީ އޮޅުވާލުމެއް ކަމަށް އޭނާ ވިދާޅުވި އެވެ. .
ބިދޭސީންނަށް ބިން މިލްކު ކުރެވޭ އިސްލާހާ ދެކޮޅަށް މި މަހުގެ ހަ ވަނަ ދުވަހުގެ ރޭ ކުރެއްވި ޓްވީޓެއްގައި ވެސް އަމީތު ވަނީ ވާހަކަ ދައްކަވައިފަ އެވެ. އޭނާ އޭރު ވިދާޅުވީ "ލިބިދާނެ މާލީ ފައިދާއަކަށް ގައުމުގެ އިސްތިގުލާލު ގުރުބާން ވެދާނެ ކަމެއް ކޮށްގެން ނުވާނެ" ކަމަށެވެ. އަދި މިއީ ސަރުކާރާ ދެކޮޅަށް އަމީތު ވާހަކަ ދެއްކެވި ފުރަތަމަ ފަހަރު ވެސް މެ އެވެ.
އަމީތަކީ ވެސް ބިދޭސީންނަށް ބިން މިލްކު ކުރެވޭ ގޮތަށް ގާނޫނުއަސާސީ އަށް ގެނައި އިސްލާހާ އެއްކޮޅަށް ވޯޓު ދެއްވި މެމްބަރެކެވެ.
ނިހާންގެ އޯޑިިއޯގައިވާ ގޮތުން ރާއްޖޭގެ ބިމެއް ބޭރުގެ ފަރާތްތަކަށް ދެވޭނީ 99 އަހަރަށް ކަމަށް ގާނޫނުއަސާސީގައި އޮތުމުން، ރާއްޖޭގައި އިންވެސްޓް ކުރަން ސައޫދީގެ ޝާހީ އާއިލާ އިން ދެކޮޅު ހެދި އެވެ. ގާނޫނުއަސާސީ އަށް ބަދަލު ގެނައީ އެހެންވެގެން ކަމަށާއި އެކަމަކު އެކަން ކުރީ ޝާހީ އާއިލާ އިން ބޭނުންވެގެން ކަން ސިއްރުކުރަން އެ އާއިލާ އިން ބޭނުންވީ ކަމަށް އެ އޯޑިއޯގައި ނިހާން ވިދާޅުވެފައިވެ އެވެ.
ސައޫދީގެ ރަސްގެފާނު ސަލްމާން ބިން އަބްދުލްއަޒީޒު އިއްޔެ ރާއްޖެ ވަޑައިގަތުމަށް ހަމަޖެހިފައި ވަނިކޮށް، ކުއްލި ގޮތަކަށް ވަނީ އެ ދަތުރުފުޅު ކެންސަލްކޮށްފަ އެވެ. އެ ދަތުރުފުޅުގައި އިގްތިސާދީ މުހިންމު އެއްބަސްވުންތަކެއްގައި ސައުދީ އާއި ރާއްޖެއިން ސޮއިކުރާ ގޮތަށް އޮތީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިބެ
20 March 2017
އެގޭނެ
ގައްލޭ
20 March 2017
މިހާރު އެގިއްޖެ އެއްނުން އަވަހައް ތިކޮޅުދޫކޮއްލާ
ެުުއެބުރި
20 March 2017
65 އަހަރުން މަތީ މީހުނައް ރައީސް ކަން ނުކުރެވޭ ގޮތައް ވޯޓު ދިން އިރުވެސް ނޭގެދޯ ވަކި މީހަކައް ފަހާ ކޯޓެއް ކަމެއް. ތީ ރައްޔިތުނަައް ހަރާމް ކޯރުވާ މީހުން.
އަހުމަދު
20 March 2017
ދިވެހިން ވާނީ ދިވެހީންނަށް. މިހާރު ހުރިހާ ބޮޑެތި ކާއިނުންނަށްވުރެ ކޮމެންޓް ކުރިހާ މީހުނަށް ގޯސްވީ އަމިތު. އެކަމަކު ގާތްގަނޑަކަށް މި އެމެންނަކީވެސް ހަމަ ވަކި މީހަކު ބުނާއިރަށް ސަޖިދަ ޖަހާ މީހުނޭ!!!
ކޮތަރު
20 March 2017
ދެންކުރާނެކަމެއްނެތް .. ތިއޮތީއަތަށްގޮވާފަ .. ދެންވެސް ކުރިއަށްއޮތްތަނުގަ ސަމާލުވާތި ... ރައްޔިތުންނަށް ގެއްލުމެއްލިބޭނެ ގާނޫނެއް ތިމަންމެން ފާހެއްނުކުރާނަމޭ ބުނެހަޅޭއްލަވާމީހުންތިބޭނެ ....
އަހުމަދު
19 March 2017
އަމީތުއަށްވެސް މިހާރު އެގިއްޖެނުން ވަކިބަޔަކު ބޭނުންވެގެންކަން ގާނޫނު އަސާސީ ބަދަލުކުރީ، ގައުމަށް ވެވޭ އެންމެ ބޮޑި ހިޔާނާތް އެއީ، ދެންވެސް ތައުބަވެ، ގައުމުއިސްލާހް ކުރުމުގައި މަސައްކަތްކުރޭ، މަޖިލިސްވެސް ރީފޯމް ކުރަންއެބަޖެހޭ، ހހުރިހާ ޖަރީމާއެއް ހިންގީ މަޖިލިސް ބައިވެރިވެގެން
ފެންވަރު
19 March 2017
އާނ ވޯޓުލާށޭ ވިޕްލައިނޭ ބުނާއިރަށް ވޯޓުލާންވިއްޔަ ތިތާ ބޮޑުމުސާރަދީފަ ހޮވާފަ ބައިތިއްބާފަ ތިތިބީ. މި ވޯޓުލެވެނީ ކޮންކަމަކަށްކަމެއް، އޭގެން ނުކުންނާނީ ކޮން ނަތީޖާއެއްކަމެއް، އޭގެން ރައްޔިތުންނަށް ވާނެ ފައިދާއެއް ގެއްލުމެއް ބަލައިނުލާ ފައިސާ ގޯނި ދޭ މީހާ ބުނާގޮތަށް ވޯޓުލާފަ ދެން ޒިިންމާއިން ބަރީއަވާން މަސައްކަތްނުކުރޭ! ޒިންމާ އަދާކުރޭ!
ޖިލްބާބު ހަބީބު
19 March 2017
މަ ވޯޓްލީ ކަމެއްވެސް މަށަކަށް ނޭގެޔޯ؟! މަށަކީ ރައްޔިތުން ވޯޓުދީގެން ހޮވި މެމްބަރެއްކަންވެސް މަށަކަށް ނޭގެޔޯ؟! ގާނޫނު އަސާސީ ބަދަލު ކުރިކަމެއްވެސް މަށަކަށް ނޭގެޔޯ؟! އެއިރު ގާނޫނު އަސާސީ ބަދަލުކުރަން ވާހަކަ ދެއްކިކަމެއްވެސް މަށަކަށްނޭގެޔޯ؟!. އެއީ ސައުދީ ރަސްގެފާނަށް ބިން ވިއްކަންކަން މިއެނގުނީ ހަމައެކަނި ނިހާނަށްތާ!. ނިހާނު އެވަރުވެސް ބަލައިފި. މިހާވަރުން ގާނޫނު އަސާސީ ބަދަލުކުރަނީ ކީއްވެގެންކަން. ދެންތިބި މީހަކަށް އެވަރުވެސް ނޭގުނު. މަށަށް ހީވަނީ މިބައިމީހުން ދެންއޮންނަ މަޖިލީހަކަށް ނުހޮވައިފިއްޔާ ވަރަށް ތަފްޞީލުކޮށް ގާނޫނު އަސާސީ ބަދަލުކުރީ ކާކު ބުނެގެންކަމާއި ނެގިފައިސާއާއި ފައިސާއަށްވީގޮތްވެސް ކިޔާދޭނެހެން. ޚާއްޞަކޮށް ޔާމީނު ދެވަނަ ދައުރަކަށް ނުހޮވައިފިއްޔާ މިއެންމެން މިހުރިހާކަމެއް ޔާމީނަށް ނިސްބަތްކޮށްފައި ތިމާމެންގެ އިނޮސެންޓްކަން ރައްޔިތުންނަށް ހާމަކުރާނެ.
ދޯ
19 March 2017
މަ ހުރީ ދެކަމުހާއްޖަތައް ދެވީފަކަންވެސް ކަށަކައްނޭގެޔޯ..
އަޙްމަދު
19 March 2017
މާގިނަ ވާހަކަ ދައްކާނެ ކަމެއްނެތް މާ ހެޔޮއެދޭ މީހަކަށްވާން. އިސްތިއުފާދީ! ކަނޑުކޮސްހެދީ ކަލޭމެން، އަހަރެމެން ބުނިން އެހެން ނަހަދާށޭ.
ޓެސްޓ
19 March 2017
ދެންވެސް އިސްލާހުވޭ، ރައްޔިތުންނަށް ފައިދާވާގޮތަށް އަމަލުތައް ބެހެއްޓޭތޯބަލާ، މީހުން ބުނާހާގޮތަށް ވޯޓުދޭކަށްނުވާނެ، އާޚިރުގަ ކިތައްމެބޮޑު ލަޑެއްވެސް ރައްޔިތުންނަށް އަދި ތިމާއަށްވެސް ލިބިދާނެ!