ޕީޕީއެމްގެ ރައީސް މައުމޫން، ގާސިމާ ސަލާމްކުރައްވަނީ: ސަރުކާރުން ކަންކަން ކުރާ ގޮތަށް ގާސިމް ރޭ ވަނީ ވަރަށް ބޮޑަށް ފާޑުވިދާޅުވެފައި. -- ފޮޓޯ: ނިޝާން އަލީ /މިހާރު
20 މާޗް 2017 - 17:14
31 comments
ގާނޫނުއަސާސީގައި ހަމަހަމަކަމާއި އިންސާފުވެރިކަމާއެކު ބާރުތައް ބަހާލާފައި އޮންނައިރު ވެސް މި ސަރުކާރުން ކަންކަން ކުރަމުން ދަނީ ގާނޫނުއަސާސީއާ އެއްގޮތަށް ނޫން ކަމަށާއި ރައްޔިތުންނަށް ގެއްލުނު ހައްގުތައް އަލުން އިއާދަކުރަން ޖެހޭ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ރޭ ދެއްކެވި ވާހަކަފުޅަށް ކުރީގެ ރައީސް މައުމޫން އަބްދުލް ގައްޔޫމާއި ކުރީގެ ރައީސް މުހައްމަދު ނަޝީދު މިއަދު ވަރަށް ބޮޑަށް ތައުރީފް ކުރައްވައިފި އެވެ.
މައުމޫނާއި ނަޝީދު ވަނީ، ގާސިމްގެ "ހިތްވަރަށް ސާބަސް ދެއްވައި" އިސްލާހީ މަސައްކަތުގައި ދެމި ހުންނެވުމަށް އެދިވަޑައިގެންފަ އެވެ.
Hon. Qasim Ibrahim ge vaahakafulhah marhaba! Ekeh anekehge kibain hiyvaru libi iraadha kurehviyaa kaamiyaab hoadhaanan.
— Mohamed Nasheed (@MohamedNasheed) March 20, 2017
ގާސިމްގެ ވާހަކަ އަށް ތައުރީފް ކުރައްވައި ނަޝީދު ކުރެއްވި ޓުވީޓެއް.
ޕީޕީއެމްގެ ރައީސް މައުމޫން ނެރުއްވި ބަޔާނުގައި ވިދާޅުވީ ޖުމްހޫރީ ޕާޓީގެ ޖަލްސާގައި ގާސިމް ދެއްކެވި ވާހަކަތަކުން، އިސްލާހީ މަސައްކަތުގައި ސާބިތުކަމާ އެކު އަދިވެސް ދެމިހުންނެވި ކަން އެނގިގެންދާ ކަމަށެވެ. ބިރުދެއްކުންތަކާއި ފިއްތުންތަކަށް ބެލުމެއް ނެތި ގާސިމަކީ، ގައުމަށްޓަކައި ސާބިތުކަމާ އެކު ކުރިއަށް ވަޑައިގަންނަވާ ބޭފުޅެއް ކަން ވެސް އެ ވާހަކަ އިން ސާފުވި ކަމަށް މައުމޫން ވިދާޅުވި އެވެ.
ގާނޫނު އަސާސީ އިސްލާހު ކުރުމުގެ ނަމުގައި އެމްޑީޕީ އާއި ޖުމްހޫރީ ޕާޓީ ގުޅިގެން މަސައްކަތް ކުރިއިރު ބޭއްވި މުޒާހަރާއެއްގައި ނަޝީދާ އެކު ގާސިމް ބައިވެރިވެވަޑައިގަންނަވަނީ. --ފޮޓޯ:ރާއްޖެޑޮޓްއެމްވީ
އެކި ދާއިރާތަކުން ގާސިމް ގައުމަށް ވެދެއްވާ އެހީތެރިކަން ވެސް އެ ބަޔާނުގައި މައުމޫން ފާހަގަކުރައްވާފައިވެ އެވެ.
"ގާސިމް އިބްރާހިމް އަކީ މިހާރު އޮތް ސަރުކާރު ގެނައުމަށްޓަކައި އަގު ނުކުރެވޭ މަސައްކަތްތަކެއް ކޮށްދެއްވާފައިވާ ބޭފުޅެއް ކަމުގައިވީ ނަމަވެސް އަދުގެ ސަރުކާރުން އެމަނިކުފާނުގެ ވިޔަފާރި އަށް ނުހަނު ބޮޑެތި ގެއްލުންތަކެއް ކުރިމަތިކުރުވަމުންދާ ކަމީ ހިތާމަ ހުރި ކަމެކެވެ،" މައުމޫންގެ ބަޔާނުގައިވެ އެވެ.
މައުމޫން ވިދާޅުވި ގޮތުގައި ގައުމު ހަމަ މަގަށް އެޅުމަށްޓަކައި އެންމެން އެއްކޮށް، އެއް މިސްރާބަކަށް ކުރާ މަސައްކަތް ކާމިޔާބުކުރެވޭނެ އެވެ.
"އެހެންކަމުން މަނިކުފާނުގެ ތިޔަ ހިތްވަރާއި ސާބިތުކަމާއި ކެރުމަށާއި ގައުމުގެ އިސްލާހަށްޓަކައި މަނިކުފާނު ކެނޑިނޭޅި ތިޔަކުރައްވާ ގައުމީ މަސައްކަތްޕުޅަށްޓަކައި މަނިކުފާނަށް އަދިވެސް އެއްފަހަރު އައްސަރި ބަހާއި ސާބަސް ދަންނަވަމެވެ،" ބަޔާނުގައި މައުމޫން ވިދާޅުވި އެވެ.
ލޯކަލް ކައުންސިލްތަކުގެ އިންތިޚާބަށް ޖޭޕީން ކުރިމަތިލި ކެންޑިޑޭޓުން ތައާރަފް ކުރުމަށް މ. ކުނޫޒުގައި ބޭއްވި ޖަލްސާގައި ގާސިމް ވަނީ ރައީސް އަބްދުﷲ ޔާމީންގެ ސަރުކާރަށް ވަރަށް ބޮޑަށް ފާޑު ވިދާޅުވެފަ އެވެ. މިއީ ފަހަކަށް އައިސް ގާސިމްގެ ބަހުގެ ހޫނު ހަމަލާތަކެއް މި ސަރުކާރަށް އަމާޒުވި ފުރަތަމަ ފަހަރެވެ.
ގާސިމް ވިދާޅުވީ ގައުމު ހަމަ މަގަށް އެޅުވޭނީ ޖޭޕީ އާއި އެމްޑީޕީގެ ޓިކެޓްގައި ރައްޔިތުންގެ މަޖިލިހަށް ހޮވުމަށް ފަހު، ޕާޓީ ބަދަލު ކުރެއްވި މެމްބަރުން އަލުން އެ ޕާޓީތަކާ ގުޅިވަޑައިގަތުމުން ކަމަށެވެ. ގާނޫނުއަސާސީ އާ ޚިލާފަށް ރައީސް އަބްދުﷲ ޔާމީންގެ ސަރުކާރުން ހިންގާ ކަންކަން ފާހަގަކުރައްވަމުން ގާސިމް ވިދާޅުވީ ގާނޫނުއަސާސީ އޮންނަނީ "އެންމެ މީހަކު ވެރިކަން ކުރާ" ގޮތަކަށް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުގޮލި
21 March 2017
ތިޔަ ދެ މީހުންނަކީވެސް ގާސިމަށް ލަނޑުދިން ދެމީހުން. އަމިއްލަ އެދުން ނޫން އެއްޗެއް ނެތް ތިޔަ ދެމީހުންގެވެސް. ގާސިމް ހައްޔަރުކޮށް ޖަލަށްލާ އެފަކީރުގެ ޒިންދަގީ ދުއްވާލަން މަސައްކަތްކުރި. މައްސަލައަކީ ވެރިކަން ރާއްޖޭގައި ކުރަންޖެހޭނީ ތިޔަ ދެ މީހުން ކުރެ މީހަކު. އެހެންމީހަކު އެކަމާ އުޅެންޏާ އެއީ ކުށެއް. ގާސީމްނަމަވެސް ވެރިކަމާ އުޅެންޏާ ލިބޭނީ ލަނޑު. އަނެއްކާވެސް މޫސުން އައިމާ ގާސިމް ވަރެއްނެތް. މިއޮތީވާ ކަމެއް
އުމަރު
21 March 2017
ގާސިމް ރައްޔިތުން މާޔޫސްވެފައިތިއްބައި ހިއްވަރުދީފި، ގާސިމް ގޮވާލިގޮތަށް ހުރިހައި ކިޔަވައިގެންތިއްބެވި އިންޓަލެޗްޓުއަލް މީހުންތަށް މިޤައުމު ސަލާމަތްކުރުމަށް ތެދުވާންވެއްޖެ، ގާސިމް ތިޔަގޮތުގަިއ ހުއްޓައި ގާސިމްގެ ތާއިދު ބޮޑުވަމުންދާނީ، އެހެންކަމުން 3 ވަނަ ފަހަރަކީ ކާމިޔާބް ލިބޭނެ ފަހަރު
ދޮންސޮރު
21 March 2017
އާފަހެ ގައުމުގެ މުދާތައް ގާސިމަށް ހިބައިން ދޭކަށް ނުޖެހޭނެ ސަރުކާރުގެނައުމަށްޓަކާ ކިތަންމެ މަސައްކަތެއް ކުރިޔަސް ގާސިމަކަސް އަހުމަދަކަސް ގައުމުގައި ހެދިފައި ހުންނަ އުސޫލް ތަކާޚިލާފަށް ކޮށްގެންނުވާނެ.ޔާމީންގެ ސަރުކާރުން ކަންތައްކުރަމުންދަނީ ހަމަރަގަޅަށް. ތިމާއަށް ނުވާވަރަށް ކަންކަމާ އުޅުނީމާ ވާގޮތް ގާސިމަށް އެވަނީ.
ޙަފްޞާ/މާލެ
21 March 2017
ސަޅި ޝޯވްއެއް! ފަނުފުލުން ދާނީ!
ޙަނީފް
21 March 2017
ރައީސް މައުމޫނާއި، ނަޝީދުގެ ވިސްނުން އެއްގޮތް ވެގެން އުފެދުނު އައު ވިސްނުން ވަނީ ތަޣައްޔަރު ވެފައި. އެކަމުން ދޭހަވާކަމަކީ ކޮންމެ ބޭފުޅެއްވެސް ބޭނުންވަނީ ޤައުމާ ރައްޔިތުންނަށް ތަރަށޤީ ގެނެސްދީ އިސްލާމީ ވަޙްދަތު ކުރިއަރުވަން ނޫންކަން. ބޭނުންވާ ކަމަކީ އާރާއި ބާރާއި ވެރިކަން ހޯދުންކަޏް ވަރަށް ސާފް.
ގގ
21 March 2017
ޤާނޫނު އަސާސީ އިސްލާހު ކުރަންވީ ރައީސު ކަމަށް ހަމައެކަނި ކުރިމަތި ލެވޭނީ 65 އަހަރުން މަތީގެ މީހުންނަށޭ. އޭރުން މާރަގަޅުވާނެ!
ބަތަލް
21 March 2017
ގާސީމަކީ ބަތަލެއް..
މާކުންބޭ
20 March 2017
ފެބްރުއަރީ 8 ވަނަދުވަހު ބައްދަބައްދާފައި " ނަސީބެއްނު މިލިޓަރީ ގެންނަން ނުޖެހުނުކަން" މިވެރިކަމުން ސަލާމަތްވީއޭ ޤާސިމް ބުނިވީޑިއޯ ބެލިން.
ބޮޑުވަރު
20 March 2017
އެއްކަލަ ގާސިމް ހިޔަންޏަށް މުޑިނަގަންފެށި އަނެއްކާ މިމީހުން ބުނީ ތޯއްޗެއް ފަސްދޮލަސްފަސް އަހަރުގެ މާއްދާ އުވާލާނަމޭ މައުމޫނާ ގާސިމަށް ކުރިމަތި ލެބޭ ގޮތާށް އެހެންވެ ތޯއްޗެއް ގޮވެލިފަތި ގޮވަންފަށައިގެން މިއުޅެނީ އަނެއްކާ.ގާސިމް ކުރިއާދޭހުން ޔާމީނު ޙޮoޥީI!!!. ގާސިމްޥހޮވައިދޭތަޯ އެވަރަށް އާދޭސްކޮށް ލާރިތައް ބަހައިގެން ވެސް ގާސިމް އެތައްފަހަރެއްގެ މަތިންވެސް ނުހޮވުނީކީIއްވެ ތަ . ގާސިމް ކޮސްނުގޮވަބަލަ
ހަމަ
20 March 2017
ތިޔައީ މިގައުމުގެ ފަޚުރުވެރި ލީޑަރުން ތިޔަ 3 ބޭފުޅުން ގުޅިވަޑައިގެން ނިކުންނަވާ ކަމަކަށް މިގައުމުން ނޫނެކޭ ބުނާކަށް ފަރުދީ ފެންވަރުގަ ވިޔަސް ގައުމީ ފެންވަރުގަ ވިޔަސް ބޭނުމެއް ނުވާނެ ގައުމުގެ ހާލުގެ ދުލުން އެދި ގޮވަނީ ތިފަދަ އެކުވެރި ކަމަކަށް ރަހުމާ ހަމުދަރުދީ އާއި ލޯބި މިވަނީ މިވަގުތު ނެތިގޮސް އަރުއްވާއިގެންފަ