ގުޅިފަޅުގެ 2،319 ގޯތީގެ ރަޖިސްޓަރީ ހަވާލުކޮށްފި

ގުޅިފަޅުން ގޯތި ލިބުނު މީހުންގެ މެދުގައި ގުރު ނަގުން.-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

20 ނޮވެމްބަރ 2025 - 09:35

ބިންވެރިޔާ ސްކީމުގެ ދަށުން ގުޅިފަޅުން ދޫކުރާ ގޯތިތަކުގެ ތެރެއިން 2،319 ގޯތީގެ ރަޖިސްްޓަރީ ހަވާލުކޮށްފައިވާ ކަމަށް ހައުސިން މިނިސްޓްރީން ބުނެފި އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ހެދި ގުޅިފަޅުގެ ލޭންޑް ޔޫސް ޕްލޭން މި ސަރުކާރުން ބަދަލުކޮށް، ގިރާވަރުފަޅުން ކުރިން ދޭން ނިންމި ބައެއް ގޯތިތައް ގުޅިފަޅުން ދޭގޮތަށް ހަމަޖެއްސި އެވެ. އެހެންވެ، ކުރީގެ ރަޖިސްޓަރީތައް ބާތިލުކޮށް، ގޯތި ލިބޭ ސަރަހައްދުތައް އަލުން ކަނޑައަޅައި ގޯތީގެ ރަޖިސްޓަރީ ދޫކުރަން ފެށި މިދިޔަ ޖުލައި މަހުގަ އެވެ.

ގޯތި ދިނުމުގެ އުސޫލަށް ފުށުއަރާ ކަންތައްތަކެއް އާ އެއްބަސްވުމުގައި ހުރި ކަމަށް ބުނެ، ގޯތިތަކުގެ ރަޖިސްޓަރީ ދިނުމަށް ހަދާ އާ އެއްބަސްވުމުގައި ސޮއިކުރަން ބައެއް މީހުން ދެކޮޅު ހަދަމުންދަނިކޮށް، މިނިސްޓްރީން ވަނީ އާ ރަޖިސްޓަރީ އާއި އެއްބަސްވުމުގައި ސޮއިކުރުމުގެ ފަހު މުއްދަތު ދީފަ އެވެ.

ގުޅިފަޅުން ގޯތި ލިބުނު މީހުން ކިއުއެއްގައި.-- ފޮޓޯ: ފަޔާޒު މޫސާ | މިހާރު

އެ މުއްދަތު މި މަހުގެ ހަ ވަނަ ދުވަހަށް ހަމަވެފައިވާއިރު، ހައުސިން މިނިސްޓްރީގެ އޮފިޝަލަކު މިއަދު ވިދާޅުވީ މިހާތަނަށް 2،319 މީހަކަށް ރަޖިސްޓަރީ ދޫކޮށްފައިވާ ކަމަށާއި އޭގެ ތެރެއިން 25 މީހަކަށް ޕްލޮޓް ހަވާލުކޮށްފައިވާ ކަމަށެވެ.

ސަރުކާރުން ނިންމާފައި ވަނީ ގުޅިފަޅުން 2,438 ގޯތި ދޭށެވެ. އޭގެ ތެރޭގައި، ގިރާވަރު ފަޅުން ގުޅިފަޅަށް ބަދަލުކުރި 1,347 ގޯތި ވެސް ހިމެނެ އެވެ. އެހެންކަމުން، މިހާތަނަށް ރަޖިސްޓަރީ ހަވާލުނުކުރެވި އޮތީ 119 މީހަކާ އެކަންޏެވެ.

ގުޅިފަޅުން ހިއްކަން ކަނޑައެޅި ސަރަހައްދު އެއްކޮށް ހިއްކާ ނިންމާފައި.-- ފޮޓޯ: ހައުސިން މިނިސްޓްރީ

ގޯތީގެ މައްސަލާގައި ހައުސިން މިނިސްޓްރީން ކުރިން ނެރުނު ބަޔާނެއްގައި ބުނީ ހުޅުމާލެ އާއި ގުޅިފަޅު އަދި ގިރާވަރު ފަޅުން ގޯތި ލިބުނު މީހުންނަށް ކުރީގެ ސަރުކާރުން ގޯތީގެ ރަޖިސްޓަރީ ހަވާލުކޮށްފައި ވިޔަސް، އެކި ސަބަބުތަކާ ހުރެ ގުޅިފަޅުގެ ލޭންޑް ޔޫސް ޕްލޭނަށް މި ފަހުން ގެނައި ބަދަލާ އެކު، އެ ތަނުން ގޯތި ލިބުނު މީހުންގެ ޕްލޮޓް ނުވަތަ ބިމުގެ ސަރަހައްދު ބަދަލުވެފައިވާ ކަމަށެވެ. އެ މީހުންނަށް ގޯތި ދޭނެ ސަރަހައްދުތައް ކަނޑައެޅީ އަލުން ގުރުނަގައިގެން ކަމަށް ހައުސިން މިނިސްޓްރީން ބުންޏެވެ.

އެ މިނިސްޓްރީން ބުނެފައިވާ ގޮތުގައި ކުރީގެ ސަރުކާރުން އެ މީހުންނާ އެކު ހަދާފައިވާ އެއްބަސްވުންތަކުގައި ބިމާ ބެހޭ ގާނޫނާ ފުށުއަރާ ކަންތައްތަކެއް ހުއްޓެވެ. އާ އެއްބަސްވުމެއް ހަދަން ނިންމީ އެ ކަހަލަ ސަބަބުތަކަށްޓަކައި ކަމަށް ބުންޏެވެ.

ބިންވެރިޔާ ސްކީމްގެ ދަށުން ހުޅުމާލެ އާއި ގުޅިފަޅު އަދި ގިރާވަރު ފަޅުން ޖުމްލަ 9،031 ގޯތި މާލޭ މީހުންނަށް ދޭން ނިންމާފައިވެ އެވެ.

ބޯހިޔާވަހިކަން ގުޅިފަޅު ހައުސިން މިނިސްޓްރީ ކޮންސްޓްރަކްޝަން މިނިސްޓްރީ

15 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގޯތިތައް ކޮބައިހޭ؟؟؟

21 November 2025

އައު ރަޖިސްޓްރީ ޙަވާލު ކުރުމަކުން ނުފުދެ އެވެ. ގޯތިތައް ވެސް ޙަވާލު ކުރާށެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެވަނަ ކެޓަގަރީ

20 November 2025

މާލެއަށް ރާއްޖެތެރޭމީހުން ހިޖުރަކުރީ މާލެ ރީތިވެގެންނެއްނޫން. ހުރިހާކަމެއް ސެންޓްރަލައިޒްކޮށްގެން މާލެނޫން އެހެން ރަށެއް ގަސްތުގަ ތަރައްގީނުކޮށް އޮތީ. މިގޮތަށް ރާއްޖެތެރޭމީހުން މާލެއަށް ނޫނީ ބަރޯސާނުވެވޭނެގޮތް ހެދުމުން މާލެއަށް ހިޖުރަކޮށް މާލެއަށް ހިދުމަތްކުރުމުގަ މާލޭމީހެކޭ ތަފާތެއްނެތި މާލޭ މީހުންނަށް ޖިޒީ ދައްކާ. އެކަމަކު ބޯހިޔާވަހިކަމާ ޖެހޭއިރު އަދިވެސް އޮތީ ދެވަަނަ ކެޓަގަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލެ ވީމަ ވެސް ހަމަ އެގޮތްދޯ؟

21 November 2025

އަބަދުވެސް އޮޕްޝަން އޮވޭ ބޮޑުމީހާ ފަހަތުން ނުދުވެ، އަމިއްލައަށް ބުރަކޮށް މަސައްކަތް ކޮށްގެން ކުރިޔަށް ދާންވެސް. ބޮޑުމީހާ ކައިރީ އެނބުރުނީމަ ހިތްވަރެއް ނުކޮށްވެސް އެލިބުން ވަރަށް ގާތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުފިނާމު ކަން

20 November 2025

"މިހާތަނަށް ރަޖިސްޓަރީ ހަވާލުނުކުރެވި އޮތީ 119 މީހަކާ އެކަންޏެވެ." ހަވާލު ވާން ދިޔާމަ ނުދިނީމަވެސް ހަވާލު ނުވިކަމަށް ބަލަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ގޯތި ލިބުނު ފަރާތެއް

20 November 2025

‫އާ އެގްރީމެންޓެއްގައި ސޮއި ނުކުރުވާ. އެއީ ބަޔަކު ހަދާ ބުހުތާނުދޮގު. ހަމައެކަނި ބިނއމް ބަދަލުވިކަމުގެ ލިޔުމެއްގައި ސޮއިކުރުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަަމަހާލަތު

20 November 2025

ގިރާވަރު ފަޅުގެމީހުން މަތީން ހަނދާންނެތިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

20 November 2025

ބަލަ ރައީސް ވިދާޅުވި ދުވަހެއް އަދި ނާދެޔޭ. މިމަހުގެ 23 އަންނަށް މާގިނަދުވަހެއްނެތޭ. މިއަދަކީ 20 އޭ. ދެން އޮތީ 3 ދުވަސްކަން ހަނދާންނެތީތަ؟ ގިރާވަރު ފަޅާއި ދެންވެސް އެސަރުކާރުން ކަނޑުން ދޭންބުނި ގޯތިތައް އޮތްތަން ހިއްކައިދީ އެ ގޯތިތަކުގައި ގޭއެޅޭނެ ގޮތް ހަމަޖައްސައިނުދެވިފައެއް ނެތެއްނުން. ބާކީ 3 އަހަރު އެބައޮތޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

20 November 2025

‫ކޮންމެ ރައްޔޮތަކަށްވެސް ބޯހިޔާވަހިކަމުގެ ޙައްޤު ހަމަހަމަކޮށް އޮންނަން ޖެހޭ. ރާއްޖޭގަ ހުރިހަރިހާ ރަށަކުން ވެސް ބިން ކަނޑާފަ ދޭ އުސޫލުން މާލޭގެ ރަށްވެހިންނަށްވެސް ލިބެންހޭ. ރަށް ފުރުނީމަ ފަޅުހިއްކާނީ ފަޅު ފުރުނީމަ ކައިން ފަޅެއް ހިއްކާނީ ނޫނީ ބޮޑުރަށަކަށް ހިޖުރަކުރަން ފުރުޞަތު ދޭނީ. މި އުސޫލް ހުރިހާ ރައްޔިތުންނަށް ހަމަހަމަކޮށް އޮންނަން ޖެހޭ. ވޭތުވެ ދިޔަ ބައި ގަރުނުގަ މާލެއިން ގޯތި ނުދީ މާލެ ފުރާލީ ސަރުކާރުތަކުން. ނަތީޖާއަކީ ބިން ދަތިވެ ބިމުގެ އަގު އިންތިހާއަށް ބޮޑުވުން. ނިމިދިޔަ ސަރުކާރުން މިކަމަށް ޙައްލެއް ހޯދައިދިނުމަށް ފެށި މަސައްކަތަށް ފާޑުކިޔަނީ ވަރަށް އަމިއްލައެދުން ބޮޑު ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޖިސްޓަރީ

20 November 2025

ފެކްޓް ޗެކްކޮށްލައްވަން ފެނޭ. ޕްލޮޓްތައް އަލުން ހަމަޖައްސައި ރަޖިސްޓަރީ ދޫކުރިއިރު އައު އެގްރީމެންޓެއް ނުހަދާ. ހަމަ ކުރީގެވެސް އެގްރީމަންޓް އޮތީ. ބަދަލުގެނައީ ރަޖިސްޓަރީއަށް އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔު ނިޔަތަކާއެކު މަސައްކަތް ފައްޓަވާ.

20 November 2025

އަދުގެ ރައީސް މިމަސައްކަތް އަވަސްކޮށް، މިކަން އަމަލީ މަސައްކަތް ފަށައިދިނުން ވަރަށް ބޮޑަށް އެދެން. މިވަރަށް ތާއީދު. ރައީސް ކޮޅަށް މިއަނބުރާލެވިއްޖެއްޔާ ވަރަށް ފައިދާކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަފީސާ

20 November 2025

ފުރަތަމަ ރަޖިސްޓްރީ ހަވާލު ކުރިފަހުން މިހާރު 2 އަހަރު މިވީ ބިން ހަވާލުކުރީއަކީނޫން، ރަޖިސްޓްރީ ކޮށްފަ މާލޭ ސަރަހައްދުގަ ބިމެއް އޮތީތީ ، ފްލެޓް އަށް ސަރުތު ހަމަނުވޭ. ހުރިހާ ކޮޅަކުން މާލޭ މީހުންނަށް ދޯކާ މިލިބެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

20 November 2025

ގޯއްޗާއި ފުލެޓާ އޮތަސް މަތިމައްޗަށްވެސް މާލޭވިއްޔާ ލިބެންޖެހޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާނުު

20 November 2025

ގޯތި ނުހޯދާ ފުލެޓު ލިބުން ނަމަ ބުނާނެ މާލެ މީހަކަށް ވީތީ ފުލެޓު ލިބުނީތީ ގޯއްޗަށް ށަރުތު ހަމަނުވެޔޭ. އިންސާނެއްގެ ހިތް ފުރޭނެތަ ދުވަހަކުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖީން

20 November 2025

އެބުނަނީ ގޯތީގެ ރަޖިސްޓްރީ އަޮތަސް 2 އަހަރުވީއިރުވެސް ބިން ހަވާލު ނުކުރާވާހަކަ، އެއްޗެއްފެންންއިރަށް ނުކިޔާ އަދިވެސް ކޮމެންޓް ކުރެވޭތޯ ބަލާތި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަނދޭ

20 November 2025

ބިންވެރިޔާ ސްކީމްގެ ދަށުން ހުޅުމާލެ އާއި ގުޅިފަޅު އަދި ގިރާވަރު ފަޅުން ޖުމްލަ 9،031 ގޯތި މާލޭ މީހުންނަށް ދޭން ނިންމާފައިވެ އެވެ. *މާލޭމީހުނަށް ކޮންދޯކާއެއްދިނީ. މިހުރިހާގޯތި މިދެނީ މާލޭ ރައްޔިތުންނަށް. ކަނޑައެޅިގެން ދޮގުހަދާ ފިތުނަ ފަސާދަ އުފައްދަން ނަފީސާ ތިޔައުޅެނީ ކީއްވެ؟