ވަކި ފަނޑިޔާރަކަށް ވާތީ ތަހުގީގު ކުރުމަށް ސަމާލުކަން ނުދެން: ޖޭއެސްސީ

ވަކި ފަނޑިޔާރަކަށް ވާތީ ތަހުގީގުކުރުމަށް ސަމާލުކަން ނުދޭ ކަމަށާއި ބަލަނީ ހުށަހަޅާ ޝަކުވާ އާއި ހެކިތަކަށް ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން މިރޭ ބުނެފި އެވެ.

އެ ކޮމިޝަނުން އެހެން ބުނީ، ހައި ކޯޓުގެ ފަސް ފަނޑިޔާރެއްގެ މައްސަލަ ބަލަން ފެށުމާ ގުޅިގެން ކުރީގެ ބައެއް ފަނޑިޔާރުންނާއި އާއްމުންގެ ފާޑުކިޔުން އަމާޒުވެފައި ވަނިކޮށް ދިފާއުގައި ނެރުނު ބަޔާނެއްގަ އެވެ.

ޖޭއެސްސީން ބަލަމުންދަނީ ހައި ކޯޓުގައި އެންމެ ގިނަ ދުވަސްވީ ފަނޑިޔާރު މުހައްމަދު ނިޔާޒާއި ފަނޑިޔާރު މުހައްމަދު ފައިސަލްގެ މައްސަލައިގެ އިތުރުން ފަނޑިޔާރު ހުސައިން މަޒީދާއި ފަނޑިޔާރު ފާތިމަތު ފަރުހީޒާ އަދި ފަނޑިޔާރު ދީބާނާޒް ފަހުމީގެ މައްސަލަތަކެވެ.

އެ ފަނޑިޔާރުންގެ މައްސަލަތައް ބަލަމުންދާ މި ދަނޑިވަޅާ ދިމާކޮށް ޖޭއެސްސީން މިރޭ ނެރުނު ބަޔާނުގައި ބުނީ، އެ ކޮމިޝަނަށް ހުށަހަޅާ ސުލޫކީ މައްސަލަތައް ބަލާއިރު، ސަމާލުކަންދެނީ ވަކި ކޯޓެއްގައި މަސައްކަތްކުރާ ފަނޑިޔާރަކަށް ވާތީ ވަކި ގޮތަކަށް އަމަލު ކުރުމަށް ނޫން ކަމަށެވެ.

ކޮންމެ ކޯޓެއްގައި މަސައްކަތްކުރާ ފަނޑިޔާރަކަށް ވިޔަސް ޖޭއެސްސީ އަށް ހުށަހަޅާ ޝަކުވާގައި ފާހަގަކޮށްފައިވާ ކަންކަމާ ގުޅިގެން ގާނޫނުއަސާސީ އާއި ގާނޫނުތަކުގެ އަލީގައި މައުލޫމާތު ސާފުކޮށް، ބަލަންޖެހޭ ހުރިހާ ކަމެއް އެންމެ ފުރިހަމައަށް ބެލުމަށް ފަހު ނޫނީ އެއްވެސް ފަނޑިޔާރެއްގެ ސުލޫކީ މައްސަލައެއް ބަލަން އެ ކޮމިޝަނުން ނިންމާފައި ނުވާނެ ކަމަށް ބުންޏެވެ.

ސުލޫކީ މައްސަލަތަކުގެ ގޮތުގައި ޖޭއެސްސީ އަށް މި އަހަރުގެ މިހާތަނަށް 176 ޝަކުވާ ހުށަހަޅާފައިވެ އެވެ. އޭގެ ތެރެއިން ތަހުގީގު ކުރަން ނިންމާފައި ވަނީ 57 ޝަކުވާ އެވެ. މައްސަލަ ބެލުމަށް ފަހު ސާބިތުވެ، ފިޔަވަޅު އަޅަން ނިންމާފައިވަނީ ހުށަހެޅި މައްސަލަތަކުގެ ތެރެއިން 3.4 ޕަސެންޓަށެވެ.

އެއީ ހަ ފަނޑިޔާރުންނަށް ކަމަށް ޖޭއެސްސީން މިރޭ ބުންޏެވެ.

"މިއީ، ކޮމިޝަނަށް ހުށަހެޅޭ ޝަކުވާގެ ނިސްބަތުން ބަލާ ނަމަ މަދު އަދަދެކެވެ،" ޖޭއެސްސީން ބުންޏެވެ.

Iss Fandiyaaru kamun Faisal isthiufaa dhinumun High court vaguthee gothun hingun Fandiyaaru Jameel ah

The most trusted news source in the Maldives

Mihaaru

ހައި ކޯޓުގެ އިސް ފަނޑިޔާރު ކަމުން ފަނޑިޔާރު ފައިސަލް އިސްތިއުފާ ދެއްވުމާ ގުޅިގެން އެ ކޯޓުގެ ހިންގުން ވަގުތީ ގޮތުން ފަނޑިޔާރު އަބްދުﷲ ޖަމީލް މޫސާއާ ހަވާލުކުރަން ޖޭއެސްސީން މިދިޔަ ބުދަ ދުވަހު ވަނީ ނިންމައިފަ އެވެ.