އެމްޑީޕީގެ ޗެއާޕާސަންގެ މަގާމަށް މީކާއީލް ވާދަކުރައްވަނީ

އެމްޑީޕީގެ ޖަލްސާއެއްގައި މީކާއީލް ވާހަކަ ދައްކަވަނީ.

29 ނޮވެމްބަރ 2025 - 20:14

އެމްޑީޕީގެ ޗެއާޕާސަންގެ އިންތިހާބުގައި ވާދަކުރައްވަން ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމް ނިންމަވައި، މިރޭ އެކަން އިއުލާން ކުރައްވައިފި އެވެ.

އެންމެ ބޮޑު އިދިކޮޅު އެމްޑީޕީގެ ޗެއާޕާސަންގެ މަގާމު ހުސްވީ މިދިޔަ ހަތަރު އަހަރެއްހާ ދުވަހު އެ މަގާމު ފުރުއްވި ފައްޔާޒު އިސްމާއިލް މި މަހުގެ 23 ވަނަ ދުވަހު އިސްތިއުފާ ދެއްވުމުންނެވެ.

ޗެއާޕާސަންގެ އިންތިހާބު ބާއްވާނެ ތާރީހު އަދި ކަނޑަނާޅައި އޮތް ނަމަވެސް މީކާއީލް މިރޭ ވިދާޅުވީ، އެމްޑީޕީގެ ލީޑަޝިޕުން އާ ޖީލަކަށް ހޯދުމުގެ މި މުހިންމު މަސައްކަތުގައި އެ ޕާޓީގެ އާންމު މެމްބަރުންގެ އެއްބާރުލުމަށާއި ތާއީދަށް އެދިވަޑައިގަންނަވާ ކަމަށެވެ.

އެމްޑީޕީގެ ޗެއާޕާސަންގެ މަގާމު އިންތިހާބު ބޭއްވެންދެން އެ މަގާމުގެ މަސްއޫލިއްޔަތު ވަގުތީ ގޮތުން އަދާކުރައްވާނެ ބޭފުޅަކު ކަނޑައެޅުމާ ގުޅޭ ގޮތުން އެ ޕާޓީގެ ގައުމީ މަޖިލިހުގެ ރޭގެ ބައްދަލުވުމުގައި މަޝްވަރާކުރި ނަމަވެސް އެ ބައްދަލުވުން ވަކި ހިސާބަކުން ހުއްޓާލީ އަރައިރުން ބޮޑުވެ، ނިޒާމު ގެއްލުމުންނެވެ.

ޗެއާޕާސަންގެ މަސްއޫލިއްޔަތު ވަގުތީ ގޮތުން ހަވާލު ކުރުމަށް ދިއްދޫ ދާއިރާގެ ކުރީގެ މެމްބަރު އަބްދުﷲ ވަހީދުގެ ނަން ރޭގެ ބައްދަލުވުމަށް ހުށަހަޅައި ވޯޓަށް ވެސް އެހި އެވެ. ޖުމުލަ 95 މެމްބަރުން ހާޒިރުވި ބައްދަލުވުމުގައި ވަހީދަށް 47 ވޯޓު ލިބިވަޑައިގަތެވެ. ޗެއާޕާސަންގެ މަގާމަށް ބޭފުޅަކު ކަނޑައަޅަން 48 ވޯޓު ބޭނުންވާއިރު، ވަހީދުގެ ވޯޓާ ހިސާބުން ޒުވާބު ހޫނުވެ، ނިޒާމު ގެއްލުނީ އެވެ.

ވަހީދުގެ އިތުރުން ވަގުތީ ޗެއާޕާސަންގެ ވޯޓު ލިސްޓުގައި އައްޑޫ ހިތަދޫ އުތުރު ދާއިރާގެ ކުރީގެ މެމްބަރު މުހައްމަދު އަސްލަމާއި ހަނިމާދޫ ދާއިރާގެ މެމްބަރު އަބްދުލްޣަފޫރު މޫސާ (ގަޕޯ) ގެ ނަން ވެސް ގައުމީ މަޖިލިހުގެ މެމްބަރުން ގެންގުޅުއްވި އެވެ. އެކަމަކު، ބޮޑަށް ހިޔާލު ތަފާތުވީ އަސްލަމަކީ ގައުމީ މަޖިލިހުގެ މެމްބަރަކަށް ނުވާއިރު، އޭނާ އަށް ޗެއާޕާސަންގެ މަގާމު ފުރުއްވިދާނެތޯ އެވެ.

ވަގުތީ ޗެއާޕާސަނަކަށް ވަހީދުގެ ނަން އައީ ކުރީގެ ރައީސް މުހައްމަދު ނަޝީދުގެ ފަރާތްޕުޅުންނެވެ. އަސްލަމާއި ގަޕޯގެ ނަމަށް ވޯޓަށް އަހަން މަސައްކަތްކުރީ ކުރީގެ ރައީސް އިބްރާހިމް މުހައްމަދު ސޯލިހުގެ ފެކްޝަނުންނެވެ.

އެމްޑީޕީ ސިޔާސީ ޕާޓީ ސިޔާސީ

30 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮކޭ

30 November 2025

ތިޔައީ ވަރަށް ރޭސިސްޓް އަދި އަމިއްލައަށް ބޭފުޅުހެދިގެން އުޅޭ އިންސާނެއް. އެލީޓް މީހެއް ކަމައް ގަބޫލު ކުރާ މަ މޮޅު ހެދިގެން އުޅޭ އިންސާނެއް. އެމްޑީޕީގެ ސްޕްރެމަސިސްޓް/ބޭފުޅު މީހުން މީނާއަށް ސަޕޯރޓް ކުރާތައް މި ޕާޓީގެ މީހުންނައް ވަރަށް އަވަހައް ފެނިގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު ޕްލަސް

30 November 2025

އިނގިރޭސި ވިލާތުން ކިޔަވާފައި ތިބި މީޙުން ލީމާ ރައްޔިުތން ލަނީ ޖަލު ގޮޅިއަށް. އެއީ އެތާ އޮންނަ ގޮތް. ހަމަޖެހިގެން އުޅޭނީ ރާނީއާއިލާއާ 6 ކަ މީހުން. މަވާ ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

30 November 2025

ކުރައްވަނިއްޔޭ? ކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުބާ

30 November 2025

އެމްޑީޕީއޭ ކިޔައިގެން ވިއްކި މުދާ ބާވެއްޖެ. އަނެއްކާ އެ ވިޔަފާރި ކުރި މީހުންގެ މިހާރު އެކަންކުރާވަރުގެ ޗަލަރެއްވެސް ނެތް. ދެން އެހެން ކަމަކާ އުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމާކުރޭ

30 November 2025

އަޑުގަދަ މީހަކަށް ދެންޏާ ދީ. އެއްވެސް ކަމެއް ނުވޭ. މަމްދާނީ ހެދެން ނޫޅޭ އަދި ހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު އެމްޑީޕީ

30 November 2025

ކަަލޯމެންނަށް ނޭނގޭ ދޯ މިވާގޮތް. މިއީ އިލްޔާސް. 2.0. ޔައުނީ އަންނި ބްރޯ އޭ ޕާޓީ ވެރިަކން ކުރާނީ. މިބޭފުޅާ ހުންނާނެ ޔޭސް ބުނަން. ތަންކޮޅެއް މެޗުއަރ ހަރދަނާ ގަބީލާ ޝަކްޝިއްޔަތެއް އާންމު މެމްބަރުނގެ ތެރޭ ތިބޭނެ. އެކަމަކު ގަބީލާ ނުވަތަ ގަބީލާ ޕަޕެޓަކަށްނުވާނެތީ މަތިފަޑި ސަބޯޓޭޖް ކުރާނެ އެމީހަކު. މުނައްވަރާ އިބްރާ ދުއްވާލިގޮތަށް. އެމީހުން ތިބި ނަމަ އެމީހުން ވެރިަކން ކުރިނަމަ މި ކަރްޕްޓް ބަނގަޑުތަކުން މިހާރު ގައުމު ސަލާމަތް ނުވެގެން އުޅޭކަން ނުޖެހުނީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޝީރް

30 November 2025

އެމްޑީޕީގެ ޗެއަރޕާސަންއަކީ ކުޅޭ ކުޅޭ މަގާމަކަށް ވިޔަދީގެންނުވާނެ، ޕަޓީގަ ނެތީބާ ހަރުދަނާ ގާބިލް ތަޖުރިބާ ލިބިފައިވާ މީހުން، ކީކޭ ދެން ބުނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސަންގު

30 November 2025

އަދި ތިވަރުގެ މަގާމަކަށް ކުރިމަތިލާވަރު ނުވޭ. މަޖިލީސް ނޫން ތަނެއްގައި ޕަރފޯމެންސް ދައްކާ. ބޭނުންވަނީ ކަންކަން ރާވާ ތަންފީޒު ކުރެވޭ މީހުން. ހުސް އަނގަ ތަޅާ މީހުނެއް ނޫން. ވީ ހޭވް ހެޑް އިނަފް.