ނިޒާރު (ކ) އާއި ޣަފޫރު
13 އެޕްރީލް 2017 - 12:19
26 comments
ދައުލަތުގެ އެކި މުއައްސަސާތަކުން ރާއްޖެ ޓީވީ ޖޫރިމަނާކުރާތީ، ހުޅުވާފައިވާ "އަބުރު ފަންޑް" އަށް ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެމްބަރު އަލީ ނިޒާރާއި ކުޅުދުއްފުށީ އުތުރު ދާއިރާގެ އަބްދުލްޣަފޫރު މޫސާ 100،000ރ. ހަދިޔާކުރައްވައިފި އެވެ.
ޚިޔާލުފާޅުކުރުމާއި އަބުރު ރައްކާތެރިކުރުމުގެ ނަމުގައި ނޫސްވެރިކަން ހަނިކުރެވޭ ގޮތަށް ރައްޔިތުންގެ މަޖިލީހުން ފާސްކުރި ގާނޫނުގެ ދަށުން ރާއްޖެ ޓީވީ ވަނީ ދެ ފަހަރަށް ޖޫރިމަނާކޮށްފަ އެވެ. ބްރޯޑްކާސްޓިން ކޮމިޝަނުން އެންމެ ފަހުން އެ ޓީވީ ޖޫރިމަނާކުރީ އެއް މިލިއަން ރުފިޔާ އިންނެވެ. މި ފައިސާ އެއް މަސް ދުވަހުގެ ތެރޭގައި ދައްކަން ޖެހެ އެވެ.
ނިޒާރު ވިދާޅުވީ އެއް މިލިއަން ރުފިޔާ އިން ރާއްޖެ ޓީވީ ޖޫރިމަނާކުރީ 200،000ރ.ގެ ޖޫރިމަނާ ދެއްކުމާ އެކު ކަމަށް ވާތީ ކޮމިޝަނުގެ މަގްސަދު ވަރަށް ބޮޑަށް ސާފުވާ ކަމަށެވެ. އެ ޖޫރިމަނާ ނުދައްކައިފި ނަމަ ލައިސަންސް ބާތިލްކުރުމުގެ އިހްތިޔާރު ކޮމިޝަނަށް ލިބިގެންވާ ކަން ނިޒާރު ފާހަގަކުރެއްވި އެވެ.
"ކޯޓަށް ވެސް ދެވެން މި އޮންނަނީ މި ޖޫރިމަނާ ދެއްކުމަށް ފަހު. ގާނޫނާ އަޅުގަނޑުމެން ދެކޮޅުހެދީ މިހެންވެ. މިއީ މީޑިއާތަކަށް ކުރާ ވަރަށް ބޮޑު ޖެއްސުމެއް،" ނިޒާރު ވިދާޅުވި އެވެ.
އޭނާ ވިދާޅުވި ގޮތުގައި ރައްޔިތުންގެ މަޖިލިހުގެ ތެރެއިން ކުޑަ ވެސް ފުރުސަތެއް ލިބިއްޖެ ނަމަ އަބުރުގެ ގާނޫނު އިސްލާހުކުރައްވަން ހުށަހަޅުއްވާނެ އެވެ.
ޣަފޫރު ވިދާޅުވީ އޭނާގެ މުސާރަ އިން 50،000ރ. ރާއްޖެ ޓީވީ އަށް ދެއްވީ އެ މީޑިއާ އިން ކުރާ މަސައްކަތުގައި ބައިވެރިވާން ކަމަށެވެ.
ރާއްޖެ ޓީވީ އެއް މިލިއަން ރުފިޔާ އިން ޖޫރިމަނާކުރީ ރައީސް އަބްދުﷲ ޔާމީންގެ އިއްޒަތަށް ގެއްލުންވާ ވާހަކަތަކެއް މިދިޔަ އޮކްޓޫބަރު މަހު އެމްޑީޕީގެ ހަރުގޭގައި ބޭއްވި ޖަލްސާއެއްގައި މީހަކު ދެއްކުމުން، އެ ވާހަކަތައް އެ ޓީވީން ލައިވްކުރުމުންނެވެ. މިއީ، ނޫސްވެރިކަމުގެ މިނިވަންކަން ހަނިކުރުމުގެ މަގުސަދުގައި، ރައްޔިތުންގެ މަޖިލިހުން ފާސްކުރި އަބުރުގެ ގާނޫނު ދަށުން މިހާ ބޮޑު ޖޫރިމަނާއެއް ކުރި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާބެ
14 April 2017
ތިއަށް ކިޔަނީ ރައްޔިތުން ފެލައިގެން ރާއްޖެޓީވީ ހިންގުން. މިސްކިތު ފަންޑު ފޮއްޓޭ ރާއްޖެޓީވީން ގޮވާއިރު ތިމާމެން ލާރިއެއް ބޭނުންވާ ކޮންމެފަހަރަކު ފަންޑު ފޮށި ހުޅުވީމާ އެއަށް ކިޔަންޖެހޭނީ ގުދޯ ގުދޯ ގޮވުން ނޫންބާ؟
އަހްމަދު
14 April 2017
މިއީ ސިޔާސީ ސްޓަންޓް. މީހުންގެ ކުރިމަތީ ކުޅެލި ޑްރާމާއެއް. ރާއްޖޭގެ ބިން ބަޔަކަށް ވިއްކާލުމަށް ފަސްކުރި ބިލަށް ވޯޓް ވިއްކާލި ފައިސާ ކޮބާތޯ. އެފާއިސާއިން ތިކަހަލަ ކިތަންމެ ޖުރުމާނާއެއްވެސް ދެއްކިދާނެ.
Mishy
14 April 2017
ތިއޮތީ މީހަކަށް އަބުރެއް ލިބފައި...އަހަރެން ހިތައްއަރާ މިމީހުން އިދިކޮޅު ޕޓ ގެ ގޮތުގައި އޮންނަ ދުވަހަކުން މިފަދަ ބިލްތައް ފާސްނުކުރެވުނު ނަމައޭ ހިތަށް ނާރާނެ ބާއޭ!
ކަރުންމަތީގެ ޑޮކްޓަރު
14 April 2017
ތިޔަ ފައިސާ ﷲ ގެ މަގުގައި ހެޔޮ ކަމަކަށް ޚަރަދު ކުރިނަމަ ހުރި ނިޢުމަތްތަކުގެ ބޮޑުކަމާއެ. އެކަމަކު ޣާފިލުކަމުގައި ކަންދެއްކުމަށް ތިކުރި މުޑުދާރު ޢަމަލުގެ ހުރި ނުބައި ކަމާއެ.
Mishy
14 April 2017
ކޮރަޕްޝަނާއި ނުލާ އެއްވެސް މަޝްރޫޢެއް ނުހިނގާނެޔޯ!...ކޮރަޕްޝަން ހުއްދަތަ؟
އަލީ
14 April 2017
ކޮރަޕްޝަނާއި، އަނިޔާވެރިކަމާއި، ބޭއިންސާފު ހާމަ ކުރާ ބަޔަކަށް ފައިސާގެ އެހީ ވުމަކީ ﷲ ގެ މަގުގައި ހެޔޮކަމަކަށް ކުރެވުނު ޚަރަދެއްކަން ހަމަ ޔަގީން.
އާސަންދަ
13 April 2017
ކުޅުދުއްފުށީ އުތުރު ދާއިރާގެ މެންބަރަކީ ވަރަށް ގިނަ މީހުންނަ އެހީވާބޭފުޅެއް. ހާސަކޮއް ބަލިމީހުންނަށް
ބޯސަންދަ
15 April 2017
ތި މެމްބަރުންނަށް ދަންނަވައިގެން ޒާހިލް އަށް އެހީ އެއް ހޯދަދީބަލަ، އެފަކީރު މިހާރުވެސް ހާލު ބޮޑުވެ އެޑްމިޓް ކޮށްފައި. ފުރަތަމަ އަބުރު ގެއްލޭނީވެސް އިންްސާނާ ދުނިޔޭގަ ދިރިހުރެގެންދޯ!!!
ސާޖީ
13 April 2017
ދިވެހި ޤައުމުގައި ސިއްހީ ގޮތުން ނިކަމެތި ހާލުގައި އުޅޭ އެތައް ބަޔަކު އެބަ އުޅޭ. ދުވަހަކު މެންބަރަކު މިލިއަނުން އެއިން މީހަކަށް ލާރިއެއް ދޭ ވާހަކައެއް ނީވޭ. ނަން ހާމަކޮށްގެން އިޝްތިހާރުވާން ކުރާ ކަންކަމަށް އަދުގެ ހޭލުންތެރި މުޖުތަމައުން ތަރުހީބެއް ނުދޭ. ތިހެން ރާއްޖޭގެ ޗެނަލްތައް ސިޔާސީ ނުކުރައްވާ. ތި ގޮތަށް ރީތިނަން ހޯއްދަވަން ނުއުޅުއްވާ.
ޕޮގުބާ
13 April 2017
ރާ ޓީވީ ވީމަ ތިލާރި ތިދިނީ އަހަރުމެން ނުވެ ދެރައެއް އެބަތި ވަރަށް ހާލުގަ އުޅޭ މީހުން ކައިރީގަވެސް ކީއްތަވާނި ލާރިއެއްދިއްކޮއްލީޔާ މިހާރު ދޮގުޚަބަރު ފަތުރަން ހިއްވަރު ދިނުމަށް ވުރެ މާހިޔޮކަންބޮޑު ވާނެކަންވެސް ތިލާރި ދިންބަޔަކަށް އެގޭނެ
ހަބީބު
13 April 2017
މަވެސް މިހިރީ ރާއްޖެޓީވީފަޖތުގަ ޔާމީނުގެ އަމުރައް ތިފަދަނާތަހުޒީބު ކަންކަން ނުކުރުމައް ޔާމީނުގެ ޕަޕެޓުންނައް ގޮވާލަން
މިސިންގް
13 April 2017
އައްޑޫ ހިތަދޫ މީހަކު އޭޑީކޭ ހޮސްޕިޓަލުން ނުނެރެވި އޮތް. އެއީ ނިޒާރުގެ ދާއިރާ ކަމަށްވަނީ. ނިޒާރަށް އެތަން ނުފެނި ރާއްޖެޓީވީ ފެނުނީ އެއީ ރާއްޖެޓީވީ ގައި އެބަހުރިތޭ ތަމެންގެ ދާއިރާ ގެ އެކަކު ވެސް. އައްޑޫން ވައްކަން ކުރޭ ގިއްގެޅެން ދެން. އެކަން ނުހުއްޓުވޭ ހުއްޓުވަން މަސައްކަތެއް ވެސް މަޖްލީސް މެމްބަރެއްގެ ހައިސިއްޔަތުން ކޮށްފައި ނެތް. ނިޒާރު އަޅެ ބުނެދީފާނަންތޭ ތަމެން އައްޑޫގެ ތަރައްގީ އަށް ކޮށްދޭން މަޖްލީސް ތެރޭން ކުރަނީ ކޮން ކަމެއްތޭ. އަޅެ ބުނެދީބަލަ. އެއެއް ނޫންތޭ ތަމެންގެ ޕްރައިމަރީ ޒިންމާ އަކީ.
ސީދާ
13 April 2017
މަވެސް ބޭނުން ދޭން