ލ. އިސްދޫ: ރޭ އެކްސިޑެންޓް ހިނގީ ކައްސާލައިގެން ކަމަށް ބެލެވޭ
30 އެޕްރީލް 2017 - 10:44
12 comments
ލ. އިސްދޫ ބޮޑު މަގުގައި ރޭ ހިނގި އެކްސިޑެންޓުގައި މަަރުވި ޒުވާނާގެ ކަނދުރާ އޮތީ ބިނދިފައި ކަމަށް ރަށު ސިއްހީ މަރުކަޒާ ހަވާލާދީ ކައުންސިލުން މިއަދު ބުނެފި އެވެ.
އިސްދޫ ފަތިސްހަނދުވަރު، މުހައްމަދު ޔޫސުފް، 27، އެކަނި ދަނިކޮށް ރޭ 11 ޖަހާކަންހާ އިރު އެކްސިޑެންޓް ހިނގީ ސައިކަލް ކައްސާލައިގެން ކަމަށް ބެލެވެ އެވެ. ކުރީގޭ ވާރޭ ވެހިފައި އޮތުމުން މަގުގައި ކިސަޑު ހެދިފައި އޮތް ކަމަށް ރަށު މީހުން ބުނެ އެވެ.
މަންޒަރު ދުށް ބައެއް މީހުން ބުނާ ގޮތުގައި، އިސްދޫ އަވަށުން ކަލައިދޫ އަވަށަށް ޔޫސުފް ދުއްވާފައި ދިޔައީ އާދައިގެ ސްޕީޑެއްގަ އެވެ. އެކްސިޑެންޓް ވެގެން މީހުން ދިޔައިރު އޭނާ އޮތީ ސައިކަލާ 20 ފޫޓު ދުރުގަ އެވެ.
އިސްދޫ ކައުންސިލްގެ މެމްބަރަކު ވިދާޅުވީ އެކްސިޑެންޓު ހިނގުމާ އެކު ޔޫސުފް ސިއްހީ މަރުކަޒަށް ގެންދިޔައިރު ވެސް އޮތީ މަރުވެފައި ކަމަށެވެ. އޭނާގެ ކަނދުރާ ބިނދުމުގެ އިތުރުން ސީރިއަސް އެހެން އަނިޔާތަކެއް ވެސް ލިބިފައިވާ ކަަމަށް، ޑޮކްޓަރުންނާ ހަވާލާދެއްވައި، ކައުންސިލް މެމްބަރު ވިދާޅުވި އެވެ.
"ތަންކޮޅެއް ކިސަޑު ދިމާލެއްގައި އެކްސިޑެންޓު ހިނގީ. އެ ސަރަހައްދުގައި ކޮންމެވެސް ވަރަކަށް ކިސަޑު ހެދިފައި ހުރި ކަމަށް ވަނީ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބެ
30 April 2017
މީހުން ނޫޅޭ ސަރަހައްދެއްގައި ހިނގި އެކްސިޑެންޓް އެއްނަމަ އިތުރަށް ބަލަން ޖެހެއެވެ.
އަލިބެ
30 April 2017
ކިތައްމީހުންގެ ފުރާނަ ދިޔައީމަތޯ މިޒުވާނުންނަށް ވިސްނޭނީ ބާރަށް ނުދުއްވަން، މީ މިފަދަ ހާދިސާއެއްގެ ޚަަބަރު އިވޭ ކޮންމެ ފަހަރަކު އަަހަރެންގެ ހިތައް އަރާ އެއްޗެއް. ޒުވާނުންނޭ ހެޔޮނުވާނެ. ވިސްނަބަލަ ތިމާއަށް ބާރަށް ދުއްވީމަ ކިތަންމެ އުފަލެއް ލިބުނަސް އެކަމުން ދިމާވާ ނުރައްކާތެރި ހާދިސާއަކުން ހިތާމާކޮށްކޮށް ހަލާކުވަނީ އާއިލާ މީހުންނާއި ގާތް އެކުވެރިން. އަދި އެކަމުގެ ސަބަބުން އެހެން މީހުންގެ ފުރާނައަށްވެސް ނުރައްކާވާ ފަހަރު މަދެއްނޫން. މިފަދަ ކަންކަން ހުއްޓުވަން ކަމާބެހޭ ފަރާތްތަކުން ވެއްޖެ އެންނު ރަނގަޅު ހަރުކަށި ފިޔަވަޅުތަކެއް އަޅަން. މާލޭގައި ތާރުއެޅި ސަރަހައްދުގައިވެސް ބައެއް ޒުވާނުން ރޭސް ޓްރެކްގައި ދުއްވާ ސްޕީޑުގައި އެބަ ސައިކަލު ދުއްވާ. އެކަން ހުއްޓުވާނެ ބަޔަކު ނެތް. ޓްރެފިކް ބަލަހައްޓާ ފަރާތްތައްވެސް ތަންތަނުގައި ޗެކްޕޯސްޓް ޖަހައިގެން ޓްރެފިކް ކޮންޓްރޯލް ކުރަނީ ނުރައްކާތެރި ހާދިސާއެއް ދިމާވީމަ. އެވެސް ދެތިން ދުވަހަށް. މީހާލަތަކީ.
ޕިސް ޕިސް
30 April 2017
އަޅެ ރަނގަޅަށް ކިޔާފަ ކޮމެންޓު ކޮށްބަލަ އެއޮތީ ހަމަ ރީތިކޮށް ބުނެދީފަ ބާރަކަށް ނޫނޭ ދުއްވީ
މޫސަ
30 April 2017
މާލެ އާއި ދެން ރާއްޖޭގެ ރަށްރަށާއި ތަފާތު ވުވަނީ ކޮންގޮތަކުންބާ
ލީން
30 April 2017
ތިމައްސަލަ އެބަޖެހޭ ތަހުގީގުކުރަން! އޭނާގެ ކަނދުރާ ބިނދުމުގެ އިތުރުން ސީރިއަސް އެހެން އަނިޔާތަކެއް ވެސް ލިބިފައިވާ ކަަމަށް، ޑޮކްޓަރުންނާ ހަވާލާދެއްވައި، ކައުންސިލް މެމްބަރު ވިދާޅުވި އެވެ.
ޢީސާ
30 April 2017
ލިބޭ ހުރިހާ ޓެކްސް އެއް މާލެއަށް ތަޅާ ބުރުވާ... ރާއްޖެތެރޭގެ މަގުތަށް އޮއްގޮތަށް ބާއްވާ...
ގަމާރު
30 April 2017
އާދއިގެ ސްޕީޑެއްގައި ދުއްވި ސައިކަލާ އެ ސައިކަލް ދުއްވި ޒުވާނާއާދެމެ 20ފޫޓުގެ ދުރުމިނެއް ހުރުމުން ސައިކަލް ދުއްވާފައިވަނީ އާދައިގެ ސްޕީޑެއްގައި ނޫންކަމަށް ހެކިދޭ
.
30 April 2017
ކަލެއަށްތައެނގެނީ
ރަންނަމާރި
30 April 2017
އެރަށު މީހުންނަށް އެއީ އާދައިގެ ސްޕީޑް...
1/2ކގ
30 April 2017
ގަމާރު ވީމަ އެހެން ހެކިދެވިދާނެ.
ތައްހާނު
30 April 2017
އާދައިގެ ސްޕީޑެއްވެޖެޔާމް 20 ފޫޓްކަށް ނުދާނެ ގަބޫލް ނުކުރެވޭ 10 ފޫޓް ވެސް ދުރު
ޔޯޔޯ
30 April 2017
ސްޕީޑް 30ކމ ގައި ދުއްވާފައި ދަނިކޮށް ކަހާލިޔަސް ދުއްވާ މީހާއަށް ކުއްލި ޝޮކެއްލިބި، ވެއްޓެންދާ ދަނޑިވަޅުގައި ބޭއިހްތިޔާރުގައި ހުންގާނުގައި ހިފިފައި އިންނަ އަތް ދޫވެގެންދާއިރު ރޭސް އަރާގޮތް ދިމާވުމަކީ އެކަށީގެންވާ ކަމެއް