ފުނަދޫ ދާއިރާގެ މެމްބަރު އަލީ ސަލީމް މަޖިލީހުގެ ޖަލްސާއެއްގައި ވާހަކަ ދައްކަވަނީ. - ފޮޓޯ: މަޖިލިސް
20 ޖޫން 2016 - 16:20
11 comments
ފުރަތަމަ ފަހަރަށް މީހަކު ފްލެޓެއް ގަންނަ އިރު ސަރުކާރަށް ޓެކްސް ދައްކަން ނުޖެހޭ ގޮތަށް ބިމާ ބެހޭ ގާނޫނަށް މިއަދު އިސްލާހު ހުށަހަޅައިފި އެވެ.
މަޖިލީހުގެ މިއަދުގެ ޖަލްސާގައި ފުރަތަމަ ކިޔުން އިއްވި މި އިސްލާހު ހުށަހެޅުއްވި ސަބަބެއްގެ ގޮތުގައި ފުނަދޫ ދާއިރާގެ މެމްބަރު އަލީ ސަލީމް ވިދާޅުވީ ބިމާ ބެހޭ ގާނޫނުގެ ދަށުން އެއްމަދު އިމާރާތެއްގެ ފްލެޓު ވިއްކާ ހާލަތުގައި އެއީ އަލަށް މީހަކު ގަންނަ ފްލެޓެއް ނަމަ، ސަރުކާރަށް ޓެކްސް ދައްކަން ނުޖެހޭ ގޮތް ހެދުން ކަމަށެވެ.
އެއްމެދު އިމާރާތެއްގެ ފްލެޓެއް ވިއްކުމުގެ މުއާމަލާތެއްގައި ބައިވެރިވެވޭނީ އުމުރުން 18 އަހަރު ވެފައި ތިބި މީހުންނަށެވެ. އަދި އެއީ ފްލެޓެއް ގަންނަ ފުރަތަމަ ފަހަރު ކަމަށްވާ ނަމަ، އެ ފްލެޓު ވިއްކާ ފަރާތުން ސަރުކާރަށް ދައްކަން ޖެހޭ ޓެކްސް އިސްތިސްނާވާނެ ކަމަށް އިސްލާހުގައިވެ އެވެ.
މި އިސްލާހުގައިވާ ގޮތުން އެއްމެދު އިމާރާތެއްގެ ފްލެޓެއް ގަންނަ މީހާގެ ނަމުގައި ރާއްޖޭގެ އެއްވެސް ސަރަހައްދެއްގައި ބިމެއް އޮތުމަކީ އިސްތިސްނާގެ މަންފާ އެމީހަކަށް ލިބެން އޮތް ހުރަހެއް ކަމަކަށެއް ނުބެލެވޭނެ އެވެ.
ސަލީމް ވިދާޅުވީ ރައްޔިތުންނަށް ދިމާވެފައި އޮތް އެންމެ ބޮޑު ދައްޗަކީ ބޯހިޔާވަހިކަން ކަމަށެވެ. މި އިސްލާހުގެ ސަބަބުން އެތައް ބަޔަކަށް ވަރަށް ބޮޑު ލުޔެއް ލިބޭނެ ކަމަށް ވެސް އޭނާ ވިދާޅުވި އެވެ.
"ބޯހިޔާވަހިކަން ނުލިބުމަކީ ރައްޔިތުންނަށް ދިމާވެފައި އޮތް ބޮޑު މައްސަލައެއް، ހާއްސަކޮށް މާލޭ ސަރަހައްދުގައި ދިރިއުޅޭ މީހުންނަށް، ރަށްރަށުގައި ފްލެޓުތަކާ އެއްޗެހި އަޅަމުން ދާއިރު ބޯހިޔާވަހިކަމަށް ބޭނުންވެފައި ތިބި މީހުންނަށް ވަރަށް ބޮޑު ލުޔަކަށް [މި އިސްލާހު] ވާނީ،" ސަލީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަކަރުވެރިން
21 June 2016
ޕީޕީއެމްގެ މެމބަރުން ފުލެޓްތައް ގަނެ ނިމުނީމަ އަނެއްކާވެސް ޓެކްސް ނަގަން ފަށާނެ. މީ ޕޕމ ގެ ވެރިންތައް ފުލެޓް ގަންނަން ވެގެން ކުރި ކަމެއް
ހަސަން
21 June 2016
ފުލެޓުތައްވެސް ޔާމީންގެ އާއިލާ މީހުނަށް ބަހާލަންވީނު.
ޒަބީބު
21 June 2016
ކޮންއިރކުތޯ ފްލެޓަށް ޓެކްސް ދައްކަނީ؟ ޓެކްސް ދައްކަނީ ފްލެޓް ހުރި އިމާރާތްހުރި ބިމުން ފްލެޓަކަށްޖެހޭ މިންވަރު ބަލާފައި އެބިމަށެވެ. ދައްކަނީ ބިމުގެ ޓެކްހެވެ.
އިބޫ
21 June 2016
ތިޔަ ގޮތަށް ފުރަތަމަ ފލެޓް ޓެކްސް ފްރީ ކުރުމަށް، އެއިރުވެސް އެމްޑީޕީ މެމްބަރ އައްޑޫ ޝަރީފު ހުށަހެޅުއްވީ + އެމްޑީޕީ މެމްބަރ ގަޕޯ ތާއިދު ކުރެއްވި، އެކަމު މެޖޯރިޓީ ޕީޕީއެމް މެމްބަރުން ރިޖެކްޓް ކުރީ،،،،
އަލީޝާކިރު
20 June 2016
މުޅިންވެސް އޮޅުވާލުން ގެދޮރުވެރިކުރުމޭ ކިޔައިގެން ހައުސިން މިނިސްޓްރީގެ ދޮރުމަތީ އެތައްބަޔަކު އެތައްދުވަހު ގަނަތަޅުވާފަ ގޮތްގޮތައް ޕޮއިންޓް ދީފާ އަގުހެޔޮކޮއް ފުލެޓުލިބޭނެ ކަމައް ބުނެ 33000 ރުފިޔާ ނުދެއްކޭ މީހާ ނިކަމެތިކޮއް މުޅިރާއްޖެއިން މުއްސަނދިންކޮޅު ހޮވާލައިގެން ގެނެސް ޔާމިނުގެ ވެރިކަމައްޓަކާ އެމީހުން އަޅުންގެ ގޮތުގަ ގެންގުޅޭނެ ތަން މިފެންނަނީ ކަމެއް ކުރަން ހެޔޮހިތަކުން އުޅޭނަމަ ފުރަތަމަވެސް ގެދޮރު ވެރިކަމައް ފޯމުލާފަތިބި ހުރިހާ މީހުންނައް އެއްވެސް ޝަރުތަކާ ނުލާ ތިކަން ކޮއްދިނީސް ރައްޔިތުން މިހާރައްވުރެ ހޭލުން ތެރިވާންވެއްޖެ ހަމަމީހަކު އެއްޗެއްބުނާއިރައް ރީލޯޑު ކޮއްދިނުން ހުއްޓާލަންވެއްޖެ
ނައިންސިކްސްޒީރޯ
20 June 2016
ތި އިޞްލާޙުގެ ދަށުން މި ރާއްޖޭގައި އުޅޭނީ މުޅިންވެސް އަލަށް ފްލެޓް ގަންނަ މީހުން!
ައަހުޔާން
20 June 2016
މުޅިންވެސް ނިކަމެތި މީހާއަށް ގެއްލުންވާ އުސޫލު މި ގައުމުގަ އޮންނަނީ.
ނިދިއްޖެ
20 June 2016
ފުރަތަމަ ގަންނަ ފްލެޓްސް ތަކަށް ސަރުކާރަށް ދައްކަން ޖެހޭ ޓެކްސް އިން ލުޔެއް ދިނުން އެއީ ވެސް މައްސަލަ އެއް ނޫނެވެ. އެކަމަކު ސަރުކާރަށް ޓެކްސްގެ ގޮތުގައި ލިބޭ އާމްދަނީ ބޮޑަށް ރަނގަޅީ އެކޮމްޕޯނަންޓް އާއި ނުކުޅެ އެހެން ގޮތް ގޮތުން ގެދޮރުވެރިކުރުވަން މާލެ ސަރަހައްދަށް އެހެން ބިޒްނެސް މޮޑެލް އެއް ތައާރަފް ކުރުމެވެ. އެމޮޑެލް އަކީ އެއީ ފްލެޓް ތައް އިމާރާތް ކުރާނީ 200 އަހަރުގެ ގެރެންޓީ ހުންނަ އުސޫލުން ވަރަށް ކޮލިޓީ ކޮށް އެވެ. އަދި ފްލެޓް ކުލި ދައްކަން ޖެހޭނީ 100 އަހަރު ދުވަހަށް ބަހާލައިގެންނެވެ. އެގޮތުން މަހަކު ދައްކަން ޖެހޭ ނޮމިނަލް ކުލި 1500 ރުފިޔާ އަށް ވުރެން ބޮޑު ވެގެން ނުވާނެއެވެ. އެއިރުން ވެސް ފްލެޓް ކުއްޔަށް ހިފާ މީހާ ސަރުކާރަށް މަހަކު 3000 ރުފިޔާ ދައްކަން ޖެހޭނެއެވެ. ސަބަބަކީ އެއީ މެއިންޓަނަންސް އާއި ލިފްޓް ފީ އާއި ކުނި އުކުމާއި މަރާމާތު ކުރުމާއި މިބައި ބައެވެ. މިފަދަ ކަންކަމާއި މެދު މަޖްލީހުގެ މާލޭ ސަރަހައްދުގެ އެމްޕީން ކުރަނީ ކޮން މަސައްކަތެއްތޯ މިފަދަ މައްސަލަ ތައް ހައްލު ކުރަން. މާލެ ސަރަހައްދުގެ ހުރިހާ އެމްޕީން ތިބީ ރައްޔިތުންގެ ވިންދު ދަންނަ ވަރުން ނިދާފައި ތޯއެވެ.
ޚިޔާލް
20 June 2016
ސަލީމް ހުޅުމާލެއިން ބައްލަވައިގެން އުޅުއްވާ ރޯހައުސްއަށް ޓެކްސް ދައްކަންޖެހިގެން އެންމެފަހުން ގާނޫނު ބަދަލް ކޮއްލަނީތޯއެވެ. ނޫނޭވާ ރަގަނޅު ސާބަސް ސަލީމްބޭ
އަހްމަދު
20 June 2016
ތި އިސްލާހް ވީ އެންމެ ަވަހަކަށް ފާސްކޮށް ދެއްވުމަށް ދަންނަވަން