ކޯސްޓްގާޑުގެ ލޯންޗެއް ކަނޑުމަތީގައި ހަރަކާތްތެރިވަނީ: ޑިންގީއެއް ބަންޑުން ޖަހައިލުމުގެ ސަބަބުން އުމުރުން 27 އަހަރުގެ ޒުވާނަކު ގެއްލިގެން ކޯސްޓް ގާޑުން އަންނަނީ ހޯދަމުން.
04 ޖޫން 2017 - 21:33
12 comments
މަހަށް ނުކުމެ އުޅުނު ޑިންގީއެއް ސ. ގަން ކަނޑަށް މިރޭ ބަންޑުން ޖަހާލައި ފުލުހަކު ގެއްލިގެން ހޯދަން ފަށައިފި އެވެ.
ފުލުހުން ބުނީ ޑިންގީ ބަންޑުން ޖަހާލި ހާދިސާގައި ގެއްލުނީ ކޯޕްރަލް މުހައްމަދު ސުމެއިދު ނަމަކަށް ކިޔާ ފުލުހެއް ކަމަށާއި އޭނާ ހޯދުމުގެ މަސައްކަތް ސިފައިންނާއި ފުލުހުން އަންނަނީ ކުރަމުން ކަަމަށެވެ. ހިތަދު އަށް ނިސްބަތްވާ އެ ޒުވާނާ އަކީ އައްޑޫގައި މަސައްކަތް ކުރާ ފުލުހެކެވެ.
އެމްއެންޑީއެފްގެ މީޑިއާ އޮފިޝަލް ވިދާޅުވީ ތިން ދިވެއްސަކު ދަތުރުކުރި މި ޑިންގީ ބަންޑުން ޖަހާލައިގެން، ގެއްލިގެން ހޯދަނީ އުމުރުން 27 އަހަރުގެ ޒުވާނެއް ކަމަށެވެ.
ޑިންގީ ބަންޑުން ޖަހާލުމާއެކު، ދެ މީހަކު ފަތާފައި ގޮސް ޝަންގްރިއްލާ ރިސޯޓަށް އަރާފައިވާ ކަމަށް އެމްއެންޑީއެފްގެ އޮފިޝަލް ވިދާޅުވި އެވެ. "މިހާރު" އަށް އެނގިފައިވާ ގޮތުގައި މި ހާދިސާގައި ސަލާމަތްވެ، ފަތާފައި ގޮސް ޝަންގްރިއްލާ އަށް އެރީ ފޭދޫގެ ދެ މީހެކެވެ.
"ޑިންގީ ފެނިފައި ވަނީ ޝަންގްރިއްލާ ރިސޯޓާ ދެކުނު ފަރާތު ފަރުމައްޗަށް ލައްވެފައި އޮއްވައި،" އެމްއެންޑީއެފުން ބުންޏެވެ.
އެމްއެންޑީއެފުން ބުނިގޮތުގައި ޑިންގީ ބަންޑުން ޖަހާލި ޚަބަރު ލިބުނީ މިރޭ 8:30 ހާއިރު އެވެ.
ސަދަން އޭރިއާގެ ކޯސްޓްގާޑު ހަކުރާ ލޯންޗާއި ހާބާ ކްރާފްޓް ލޯންޗާއި ޑައިވިން ޓީމެއް ގުޅިގެން، ގެއްލުނު މީހާ ހޯދުމުގެ މަސައްކަތް ކުރަމުން އަންނަ ކަމަށް އެމްއެންޑީއެފުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޭވީ ސީލް
05 June 2017
ލައިފްޖެކެޓް އަޅައިގެން ނޫނީ ކަނޑުމަތީ ނޫޅެވޭ ގޮތް ހެދުން ވަރަށް މުހިއްމު. ބޭރު ގައުމުތަކުގެ ނޭވީ ތަކުގަވެސް އޮންނަނީ މިހެން. ފަތަން އެނގުނަސް ނޭނގުނަސް ކަނޑުމަތީގަ އުޅެންޏާ ޖެހޭނެ ލައިފް ޖެކެޓް އަޅަން. އުސޫލްތައް ހަރުދަނާ ކުރަންޖެހޭ. މިގޮތަށް ކޮންމެފަހަރަކު މީހަކު ގެއްލޭ އިރަށް ދައުލަތުން އެތައް ހާސް ރުފިޔާއެއް ޙަރަދު ކުރަންޖެހޭ. އެކަމަކު ނަތީޖާއަކީ ޑެޑް ބޮޑީއެއް. މީ ރަނަގަޅު ގޮތެއް ނޫން
ދޯކާ
05 June 2017
ކޮން ކަހަލަ އެކުވެރިނެއް ތީ؟ އަޚާ ވީ ނުވީ ތަނެއް ބަލާލަންވެސް ނޭންގުނީ؟ ގައިމު އެހާ ދުރައް ފަތާފަ ދާއިރު ކޮންމެސް އެކަކަށް ފާހަގަ ވާން އެންމެ ރަނގަޅު ދޯ؟ ދެން ހާސްވެފަ ތިބި ވަރުން ނޭންގުނީ އޯލަ!!!!
ޖަމީލު
05 June 2017
ކިހިނެތް އިނގެނީ ކަނު އަނދިރީގަ އެމީހުންގެ އެކުވެރިޔާ ހޯދަން މަސައްކަތް ކޮށް ނުފެނުމުން އެމީހުން އަމިއްލަ ސަލާމަތް ހޯދީކަމެއް؟ ހެޔޮނުވަނެ ދެކޮޅު ނުބަލާ ތިފަދަ ގޮތް ގޮތަށް ވާހަކަ ދައްކަން... ދިވެހިންގެ ގައިން ދިވެހިވަންތަކަމެއް ނުކެނޑޭނެ... ޕިސް ޕިސް ޕިސް
ޢަހަންމައިދީ
05 June 2017
ޥަރައް ދެރާ، ހީކުރަން އޭނާ ހެޔޮހާލުގަ ހުއްޓާ އަވަހައް ފެންނާނެކަމައް. ދިވެހިން މީ އެވެސް ކަމެއްގައި ނޫނީ ދަތުރެއް ކުރުމުގައި ސަލާމަތީ ކަންކަމާ ވިސްނާ ބަޔެއްނޫން. ޢަދި ތައޔާރެއްވެސް ނުވާނެ. ޢެބަހުއްޓޭ ހެސްކިޔާފަ ވިއްސާރަ ކަޑުގަދައިރު ރޭގަންޑު ދަންވަރު ކެޕްޓަނުން 2 ކޮޓރި ސަފާރީ ދޯންޏެއްގައި ސްކޫލު ދަރިވަރުން ތަކެއް ގޮވައިގެން ހުވަދޫ ކަންޑު ހުރަސް ކުރަން އުޅެފަ. ޢެންމެފަހުން ދޯނި ކުރިޔައް ނުދާތީވެ އަންބުރާލީ.
މޫސަ
05 June 2017
ޙިތާމަ ކުރަން ގެއްލިފައިވާ ބޭފުޅާގެ ޚަބަރެއް ވުމަށް އެދޭހާލު ދެރަކަމަކީ ކޮބާ ތަމްރީނުގެ ބޭނުމަކީ ކޮބާ އަޚުވަންތަ ކަމަކީ ކޮބާ ރަހްމަތް ތެރިން ދިޔާއީ ދޯ ؟؟؟ އެކުގައި ދިޔަ މީހެއް އޭނަަޔަކީ .... ތިމާމެން ސަލާމަތުން ދިޔަ އިރު ރަހްމަތް ތެރިޔާ ކޮބައިތޯ ނުބެލުމަކީ ހިތާމަ ހުރި ކަމެއް ސަލާމަތްވި މީހުނާއި ސުވާލު ކުރެވެން ވާނެ ފުރިހަމަޔައް. މީ މުވައްސަސާ ތަކުގެ ފެންވަރު މިފެންނަނީ.........
ސައްދާމް
05 June 2017
ކަންހިނގިގޮތް ނޭނގޭ އިރު ވެސް ރަޙުމަތްތެރިޔާ ކޮބައިތޯ ނުބަލާ ވާހަކަ ތި ލިޔަނީ......... އެންމެ ފުރަތަމަ ޑިންގީ ބަންޑުން ޖަހާލާފައި ވަނީ ރާޅަކާ ފަރަށް ، އޭރު ވެސް ބޮޑެތި ރާޅުތައް ދަނީ ބޯމައްޗަށް ބިންދާލުމުން އަދި ސަލާމަތް ވީ ދެމީހުން ވެސް ސަލާމަތުގެ އައްސޭރިއަށް ދެވުނީ ރާޅާ އެކު ފާރަށް ލެއްގުމުން....... ދެން އެ ދެމީހުން ނަށް ފަތާފައި އަނެކަކު ނެގޭ ވަރަށް ވުރެ ސަރަހައްދުގެ ރާޅު ބޮޑު އަދި ވެއްޓުނު ތިން ވަނަ މީހާ އަށް ވަނީ ޑިންގީ ރާޅާ އެކު ބަންޑުން ވީއިރު އަނިޔާވެފައި...... މިބުނީ އެއް ރާޅު ބިންދާލާ ތަނެއްގެ ވާހަކައެއް ނޫން ، ފުލުފުލުން ރާޅު......... އެދެ މީހުން އެކުވެރިޔާ ހަބަރެއް ނުވުމުން އެތަކެއް ދުރަށް ފަރުމަތިން އެއްގަމާ ހިސާބަށް ގޮސް މީހުންނަށް އަންގައިގެން ހޯދުމުގެ މަސައްކަތް ފެށީ....... މިއީ މަށަށް އެނގޭ ވަރަށް މިބުނީ...... ދެން އަމިއްލަ ނަފްސާ ސުވާލު ކޮށްފައި ބުނެ ބަލަ ، އެދެމީހުން މަސައްކަތް ނުކުރާ ކަމަށް ؟.................
ސައްދާމް
05 June 2017
ކަން ހިނގި ގޮތް އެނގޭ ނަމަ ބިރުން ތުރުތުރު އަޅާނެ...... އެކަމަކު ކޮމެންޓް ކުރާއިރު ހީވަނީ އެތާހުރި މީހަކު ހެން.......
ހުސޭނު
05 June 2017
މޫސާ ކޮޔާ! އެ ލޯންޗް ގައި ހުރި ހަމެކަނި ފުލުހަކީ ގެއްލިގެން ހޯދާ މީހާ. ދެންތިބީ ދެ ސިވިލިއަނުން. ޓްރެއިނިންގްގެ ވާހަހަކަ ބާއްވާ. ކޮންމެ ޓްރެއިނިންގެއް ހެއްޖަސް ހުރިހާކަމަކަށް ހެޔޮވަރެއްނުވާނެ.މުސީބާތުގައި އޮންނާނީ ފުރަތަމަ ތިމާ ދެންތިބިމީހުން ފަހުން.
ޢަލީ
05 June 2017
ލައިފު ޖެކެޓު އަޅައިގެން ނޫންގޮތަކައް ކަނޑުމައްޗައް ނޭރުމައް ގާނޫނު ފާސްކޮއް އެއައް އަމަލު ކުރަން ލާޒިމު ކަމައް ކަނޑައަޅަންޖެހޭ މިހެން އަމަލު ނުކުރާނަމަ ޖޫރިމަނާ ކުރަންޖެހޭ
މެންޓަލިސްޓް
04 June 2017
އެހެންވީމައި ތިޔަބުނަނީ ފުލުސްމީހާއަށް ރަގަޅަށް ފަތަންނޭންގެނީއޭތޯ ؟؟ ނޫނީ އޭނާއެގަޑީގައި ޕެނިކްވެގެން ހާސްވެގެން ގޮތްހުސްވެ އަޑިއަށް ދިއައީއޭތޯ ؟؟ ނޫނީ ބަނޑުންޖަހާލިގަޑީގައި އޭނާގެ ބޯ ޑިންގީގެ ކޮންމެވެސް ތަނެއްގައި ޖެހި ބުރާންތިވީއޭތޯ ؟؟ މިކަަހަލަ ކޮންމެވެސް ގޮތެއްތާވާނީ ،،،، ދެންމަރަކީ އެއްވެސް މީހަކަށް ވަގުތެއްއެނގޭ އެއްޗެއްނޫންތާ ،،، މަރުގެ އިންޒާރަކީ އަބަދުވެސް ބޮޑުފޮތުގައި ކޮންމެމީހަަކަށްވެސް ދީފައިއޮންނައެއްޗެއްތާ ،، އެހެންވެތާ ކޮންމެދުވަހަކީ އެމީހާ ދުނިޔޭގައިއުޅޭނެ އެންމެ ފަހުދުވަސްކަމަށް ހަދައިގެން ހުރިހާކަންކަމެށް ކޮއްއުޅެންޖެހެނީ ،، އަދި ކޮންމެނަމާދަކީ ފަހުނަމާދުގެ ގޮތުގައި ކުރަންޖެހެނީ ،،،، ވަރަށްވެދުން
ރައްޓެސެއް
05 June 2017
ކިތައްމެއް މޮޅު މީހަކަށް ވިޔަސް ކަމެއް ދިމާވާންވީމަ އެކަމަކު ރެކިނުގަނެވޭނެ. އޭނައަކީ މޮޅަށް ފަތަން ދަންނަ އަދި ފީނަން އެންގޭ މީހެއް.
ހުސެންބެއްޔާ
04 June 2017
އައްޑުއަތޮޅު މީދޫގައިވެސް ކުދިކުދި ޑިންގީގައި މީހުން ކުރުމަސް ބާނަން ކަނޑަށް ނުކުތުމަކީ ވަރަށް އާއްމުކަމެއް. އެއްވެސް ސޭފްޓީ އެއް ނުގެންގުޅޭ.. ބަންޑުންޖަހާލީމާ ދެން މޮބައިލަކުން ކުރާނެ ކަމެއް ނޯންނާނެ. ތިޔަ އެއްޗެހީގައި ލައިފްޖެކެޓް ހުންނަންޖެހޭނެ