ސުމޭދު މަހަށް ދިޔަ ޑިންގީ.
06 ޖޫން 2017 - 14:24
27 comments
މިދިޔަ އާދީއްތަދުވަހު ހަވީރު އައްޑޫން ތިން މީހުންނާ އެކު މަހަށް ނުކުމެ އުޅެނިކޮށް، ޑިންގީއެއް ބަންޑުން ޖަހާލައި އެކަކު ގެއްލުނު ހާދިސާގެ ތަހުގީގު ކުރިއަށް ދާ ކަމަށް ފުލުހުން މިއަދު ބުނެފި އެވެ.
ގަން ކަނޑުގައި ހިނގި ހާދިސާގައި ގެއްލުނު ހިތަދޫ އާބިން މުހައްމަދު ސުމޭދު 27، ހޯދުމުގެ މަސައްކަތް އަދިވެސް އަންނަނީ ކުރަމުންނެވެ.
ފުލުހުންގެ މީޑިއާ އޮފިޝަލް ވިދާޅުވީ އެ ހާދިސާ އިތުރަށް ތަހުގީގު ކުރަމުން އަންނަ ކަމަށެވެ.
"ސުމޭދު ހޯދުމުގެ މަސައްކަތާ އެކު ތަހުގީގު ވެސް ކުރިއަށް އެބަދޭ. އަދި މިކަމާ ގުޅޭ ގޮތުން ސުވާލު ކުރަން ޖެހޭ މީހުންނާ ސުވާލު ވެސް ކުރަމުން މި އަންނަނީ،" އޮފިޝަލް ވިދާޅުވި އެވެ.
މި ހާދިސާގައި ސަލާމަތްވި ދެ މީހުންގެ ތެރެއިން ފޭދޫ ފަހާގޭ، ހުސައިން ސައީދު ބުނި ގޮތުގައި 17 ފޫޓްގެ ޑިންގީ ބަންޑުން ޖަހައިލީ، ނެގި ބޮޑު ރާޅަކާ އެކުގަ އެވެ. އަދި ޑިންގީ ބަންޑުން ޖަހާލައި އެ މީހުން ކަނޑަށް ވެއްޓުނު ފަހުން ވެސް، އޭތި އަނގަމަތި ކޮށްގެން އުޅެނިކޮށް ތިން ހަތަރު ފަހަރަށް ޑިންގީ ބަންޑުން ޖަހާލި އޭނާ އިއްޔެ "މިހާރު" އަށް ބުނެފައިވެ އެވެ.
ނަމަވެސް ހުސައިން އާއި ހާދިސާގައި ސަލާމަތްވި އިބްރާހީމް ނާއިފް ފަތާފައި އެރި ފަޅު ރަށުން، އެ މީހުން ތިބި ޑިންގީ ފެނުނުއިރު، އޭގައި ތަކެތި ހުއްޓެވެ. އޭގެ ތެރޭގައި ލައިފް ޖެކެޓާއި ފިންސާއި 20 ލީޓަރުގެ ހަމަކާއި ކާން ބޭނުން ކުރާ ޒާތުގެ ތަށި ފަދަ ހިމެނެ އެވެ.
އެހެންވެ ޑިންގީ ބަންޑުން ޖަހައިލި ކަމަށް ބުނާ ވާހަކަ ގަބޫލު ނުކުރެވޭ ކަމަށް ސުމޭދުގެ އާއިލާ އިން ވަނީ ބުނެފަ އެވެ. އަދި ފުލުހުން ވެސް ބުނީ ޑިންގީ ފެނުނު އިރު އޮތް ހާލަތަށް ބަލާ އިރު، އޭތި ބަންޑުން ޖެހިކަން ކަށަވަރު ނުވާ ކަމަށެވެ.
ބަންޑުން ޖަހާލި ކަމަށް ބުނާ ޑިންގީ ފެނުނު އިރު އޮތް ގޮތް ދައްކުވައިދޭ ވީޑިއޯއެއް.
ސުމޭދު ހޯދުމުގެ މަސައްކަތް ކުރަމުން ދަނިކޮށް އޭނާގެ ފޯނާއި ދޮށްޓެއް ފެނިފައިވެ އެވެ.
ޑިންގީގައި ސާމާނުތައް ހުރި ފޮޓޯ އާއި ވީޑިއޯ ވެސް މިހާރު ސޯޝަލް މީޑީއާގައި ދައުރުވަމުން އަންނަ އިރު، ބައެއް މީހުން ދަނީ މި ހާދިސާގައި ސުވާލު އުފެދޭ ގިނަ ކަންތައްތަކެއް ހުރި ކަމަށް ބުނަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުރިޓޯ
09 June 2017
ފޮޓޮއާ މަންޒަރު ފެނުނީމަ ހާދަ ގަބޫލުކުރަން ދަތި ވާހަކައެކޭ!!! ލޯންޗު ބަންޑުން ޖަހާލިނަމަ އޮޔާ ދާނެ ވަރައް ގިނަ ސާމާނު ތިޔަ ލޯންޗުގައި އެބަހުރި... އޮޅުވާލަން އުޅުނަސް ބޮޑުވަރު....
ހަމަ ތެދެއް
08 June 2017
ތިކަން ކުރަން އަދި މާ އަވަހެއްނުން.
ޝަމީ
07 June 2017
ޑިންގީ ތެރޭމިވަގުތު ފެންނަން ހުރި ތަކެއްޗަކީ ޑިންގީގެ ވަތްތަކުގަ ހުރި ތަކެތި ...
ޑިންގީ
07 June 2017
ކޮބާ ޑިންގީގެ އިންޖީނުގެ ހާލަތު؟ ލޮނުވަދެފައި ނެތްނަމަ ތިއޮތީ ޑިންގީ ގައި ދަތުރުކޮށްފައި އައިސް ރަށަށް އެހެލާފާފައިކަމަށް ބެކެވިދާނެ. ޑިންގީގެ ފޮރެންސިކް ރިޕޯޓް ހަދާ. ކްރައިމް އަކަށް ބަލައިގެން. އަދި އެމީހާގެ ބޯފެޅިފައި ހުރީ މީހަކު ޖަހައިގެން ތޯ، ނުވަތަ ކޮންތާކު ޖެހިފައިތޯ؟
މެންޓަލިސްޓް
07 June 2017
ތިޔައީ އާދަޔާޙިލާފް ޑިންޑީއެއް ،،، އެއީ އެޑިންގީގެ އަމިއްލަ ޒާތުގައި ގްރެވިޓީއަށް ތަކެތި ދެމުމުގެ ބާރުހުރި ޑިންގީއެއް ،، އެހެންވީމައި ބަނޑުން ކިތަންމެވަރަކަށް ޖެހިޔަސް އެތެރޭގައި ހުރިތަކެތި ހުންނާނީ ހަމަ ތަތްލަފާއި ގްރެވިޓީގެ ބާރުގައި ،،، ތިޔައީ ވަރަށް މަދުން ހުންނަވައްތަރެއްގެ ޑިންގީއެއް ،،، ތިޔަޒާތުގެ ޑިންގީއެންމެ ފަހުން ތާރީޙްދައްކާގޮތުން ފެނިފައިހުރީ މާޔަންސްގެ ޒަމާނުގައި ،،،، ވީމާ އެގޮތަށް ރިޕޯޓްހައްދަވާލައިފައި ސުމައިދު ނުފެންނަ ކަމަށް މައްސަލަ ނިންމާލީމައި ނިމުނީ ،،،، ރިލްވާންވެސް ކާރަކަށް އެރުވިކަން ޔަގީންވޭނޫންތޯ ،، ނަމަވެސް އޭނާވެސް ވީގެއްލިފައި ނޫންތޯ ... ވަރަށްވެދުން
ޙަރީ
06 June 2017
ފޮޓޯތަކާއި އެއްޗިހި ނަގަންޖެހޭ ފަރާތުން ނަގާފަ އެއައްފަހު އާއިލާމީހުނައް އޭތިދެއްކީވެސް..ކޮންމެހެން އޮޅުވާލާނެކަމެއްނެތެއްނު.އަަހަރެންް ގަބޫލުކުރާ ހިިއްއޮތީ މިފަަހަރު އިންްސާފު ލިބޭނެއޭ...ބަލަަންް ތބެމާ
އިންސާފް
06 June 2017
ކާރިޘާ އަށް ދިމާވާ ކޮންމެ ފަހަރަކު އެންމެން މަރުވާން ޖެހޭނެތަ، މަރުނުވަންޔާމު ބާކީ ތިބެނީ ޒިންމާ ނަގަންޖެހޭ މީހުންތަ؟
ކަމަނަ
06 June 2017
ދައްކާ ވާހަކައަކީީ އިންސާނާގެ ބުއްދި ގަބޫލު ކުރެވޭ ވާހަކައެއްނަމަ ތިހެން ބުނެވިދާނެ
ގުއްޔު
06 June 2017
އެދެމީހުން ތިޔަ "ޑިންގީ" އަށް ލާފަ ހަމަ އެތަނަށް ގެންގޮސް އެމީހުން ލައްވާ "ޑިންގީ" 4 ފަހަރު ބަންޑުން ޖަހަންފެނޭ
ސައްދާމް
06 June 2017
އެދެމީހުން އަމިއްލައަށް ތަ ފުރަތަމަ ބަންޑުންޖެހީ........ ތިކަން ހަވާލު ކުރަން ވީ ރާޅު ތަކާ...... ފުރަތަމަ ބަނޑުންޖެހީ ރާޅު އަދި އަނެއްފުށަށް ޖެހީ ވެސް ރާޅު.......
ކޮލޮމްބޯ
06 June 2017
ވަރަށް ފުރިހަމައަށް ތަހްގީގު އެބަގެންދަވާ! ކޮންމެދުވަހަކު ރައްޔިތުންނާއި ތަހްގީގުގެ މައުލޫމާތު ހިއްސާ އެބަ ކުރައްވާ! ސުމޭދު ހޯއްދަވަން ކުރެވެންހުރި ހުރި ހުރިހާ ކަމެއް ކުރައްވާ! ފުލުހުންގެ ބޭނުންވެއްޖެނަމަ، ކަންކަން ކުރުމުގެ ގާބިލުކަން ހުރިކަން އެބަ ދައްކަވާ!
ދީދީ
06 June 2017
ލޯންޗު ބަންޑުން ޖަހާލިނަމަ އޮޔާ ދާނެ ވަރައް ގިނަ ސާމާނު އަދިވެސް ތިޔަ ލޯންޗުގައި އެބަހުރި. ޥީޑިޔޯ އިން ތިޔަ ފެންނަނީ ކްރައިމް ސީންއެއް، ހިޔެއް ނުވޭ ފުލުހެން އެ ކްރައިމް ސީސް ސެކުއަކުރިހެނެއް. ފޮޓޯ އިން ފެނުނު އަޔެއް ތަކަތި މިހާރު ލޯއްޗުގަ ނެތް.