މަސްވެރިއެއްގެ އާމްދަނީ، ފަސް މަސް، ހަތަރު ލައްކަ ރުފިޔާ!

ގެމަނަފުށީ މަސްދޯންޏެއް މަސް ބާނައިގެން ދުއްވަނީ: ރާއްޖޭގައި އެންމެ ބޮޑު އާމްދަނީއެއް ލިބޭ އެއް މަސަައްކަތް -- ފޮޓޯ/ ފޭސްބުކް

އާމިނަތު ޝިފްލީން، މިހާރު

20 ޖޫން 2017 - 09:54

45 comments

މަސްވެރިކަން ރަނގަޅު ދުވަސްވަރެއްގައި ދިވެހި މަސްވެރިއަކަށް މަހެއްގެ މައްޗަށް ލިބިދާނެ އާމްދަނީ އަންދާޒާ ކޮށްލެވިދާނެ ހެއްޔެވެ؟ މަސްވެރިއެއްގެ އެންމެ ފަސް މަސްދުވަހުގެ އާމްދަނީ ގާތްގަނޑަކަށް 400،000ރ އަށް އަރައޭ ބުނެފި ނަމަ، ރާއްޖޭގެ މަސްވެރިކަމުގެ ހާލަތު ނޭނގޭ މީހުން ހައިރާންވެދާނެ އެވެ. އެކަމަކު މިއީ ހަގީގަތެކެވެ.

ހިސާބު ހަދާލަމާ ހެއްޔެވެ؟ ގެމަނަފުއްޓަށް ނިސްބަތްވާ ޒުވާން މަސްވެރިޔާގެ އާމްދަނީގެ ތަފްސީލަކީ މި އެވެ. އޭނާ އަށް ޖެނުއަރީ މަހު 39،900ރ، ފެބްރުއަރީ މަހު 58،700ރ، މާޗުގައި 52،300ރ، އެޕްރީލް މަހު 87،400ރ މޭގައި 78،000ރ އަދި ޖޫން މަހުގެ ތިން ހަފުތާ ތެރޭ 83،600ރ ލިބުނެވެ.

ޖުމްލައަކީ 396،900ރ އެވެ.

"ރަނގަޅަށް މަސްވެރިކަން ކުރާ ކޮންމެ ދޯންޏެއްގެ މަސްވެރިޔަކަށް ކޮންމެ ދުވަސްވަރެއްގައި ވެސް ހަފުތާއަކު 10،000ރ އަށް ވުރެ ގިނައިން ލިބޭނެ،" ގެމަނަފުށީ އޮޑިވެރިއެއް ކަމަށްވާ އަލިދީދީ، 51، ބުންޏެވެ.

މަސް އައިނެއްގެ ތެރޭގައި މަސްވެރިން ތައްޔާރުވެގެން -- ފޮޓޯ/ ފޭސްބުކް

އެކަމަކު އޭނާ ބުނި ގޮތުގައި މަސްވެރިކަމުން އެހާ ބޮޑު އާމްދަނީއެއް ލިބެން ފެށީ ވަރަށް ފަހުންނެވެ.

ކުރީގައި މިއަށް ވުރެ ގިނައިން މަސްވެރިން މަސް ބާނަ އެވެ. އެކަމަކު އޭރު ކިލޯއަކަށް ލިބޭ މިންވަރު ދަށްވުމުގެ ސަބަބުން އާމްދަނީ އެހާ ބޮޑަށް މައްޗަށް ނުދަނީ އެވެ.

އަލިދީދީ ބުނީ މަސްވެރިންގެ އާމްދަނީ ރަނގަޅު ވާން ފެށީ، 2004 ގައި މަސް ކިލޯއެއް 19 ރުފިިޔާއަށް ނުވަތަ 17 ރުފިޔާއަށް މިފްކޯއިން ގަންނަން ފެށުމުންނެވެ. ކުރިން ކިލޯއެއް ގަންނަނީ ދެތިން ރުފިޔާއަށެވެ.

އާއްމު ގޮތެއްގައި ކޮންމެ އަހަރަކު ވެސް އޮކްޓޫބަރު މަހުން ފެށިގެން ޖޫން މަހާ ހަމައަށް ދެކުނުގެ މަސްވެރިކަން ރަނގަޅުވާއިރު މަސްވެރިންނަށް ރަނގަޅު އާމްދަނީއެއް ލިބޭ ކަމަށް އޭނާ ބުންޏެވެ.

ގެމަނަފުށީ މަސްވެރިންތަކެއް އެން ދަމަނީ -- ފޮޓޯ/ ފޭސްބުކް

"ކޮންމެ މަހަކު 80،000 ނުލިބިދާނެ. އެކަމަކު މަސްވެރިކަން ރަނގަަޅު ނަމަ ހަމަ ބޮޑު އާމްދަނީއެއް ލިބޭނެ،" އަލިދީދީ ބުންޏެވެ.

މިފްކޯ އާއި ހޮރައިޒަން ފަދަ ކުންފުނިތަކުން ބައެއް ކަންކަން ރަނގަޅުކޮށްފި ނަމަ މިހާރަށް ވުރެ ވެސް ބޮޑު އާމްދަނީއެއް ލިބިދާނެ ކަމަށް ބައެއް މަސްވެރިން ގަބޫލުކުރެ އެވެ. އެގޮތުން މަސް ކިރޭނެ ކެޕޭސިޓީ ބޮޑުކުރުމާއި ބޭނުންވާ ވަރަށް އައިސް ލިބޭނެ ގޮތް ހެދުން ހިމެނެ އެވެ.

އަލިދީދީ ބުނީ ރަނގަޅަށް އައިސް ލިބޭ ނަމަ އާމްދަނީ ދެ ގުނަ ކުރެވިދާނެ ކަމަށެވެ. މިހާރު ރާއްޖޭގައި މަސްވެރިކަން ކުރަނީ ފެންވަރު ރަނގަޅު ބޮޑެތި ދޯނިފަހަރުތަކުގައި ކަމުން ތިން ހަތަރު ދުވަސް ވަންދެން ކަނޑުމަތީގައި އުޅެ، 40 ހަކަށް ޓަނުގެ މަސް ބޭނޭނެ އެވެ. އެކަމަކު އެކަން ކުރެވެން އޮތީ އައިސް ލިބޭ މިންވަރަކުން ކަމަށް އޭނާ ބުންޏެވެ.

"މަސް ރަނގަޅަށް ކިރި، އައިސް ލިބޭ ނަމަ މިއަށް ވުރެ ރަނގަޅަށް މަސްވެރިކަން ކުރެވޭނެ،" އަލިދީދީ ބުންޏެވެ.

ގެމަނަފުށީ މަސްދޯންޏެއް މަސްތަކުން ފުރިފައި: ބޮޑު އާމްދަނީއެއް ލިބޭ -- ފޮޓޯ/ ފޭސްބުކް

"އައިސް ހޯދަން ކިޔޫގައި އޮވެފައި މި ލިބެނީ ދެ ޓަނު."

މަސްވެރިންނަށް އޮތް އަނެއް ގޮން ޖެހުމަކީ އެ މަސައްކަތަށް ނުކުންނަ ޒުވާނުން އަދިވެސް މަދުވުމެވެ. އަލިދީދީ ބުނިގޮތުގައި ގިނަ ޒުވާނުން މަސްވެރިކަން ދެކެނީ އަދިވެސް "ހަޑި މަސައްކަތެއް"ގެ ގޮތުގަ އެވެ.

"އަޅުގަނޑުމެންނާ އެކު ދުވަސްކޮޅަކު މަހަށް ދިޔަ ގްރޭޑް 12 ނިންމާފައި ހުރި ޒުވާނަކު. ދުނިޔޭގެ ކޮންމެ ތާކުން ވެސް ކޯހެއް ހެދޭނެހާ ލާރި އެއްކޮށްފައި އޭނާ އެކަން ހުއްޓާލީ. އެއިން އެއްވެސް ކުއްޖަކު އަނބުރާ ނާދޭ،" އަލިދީދީ ބުންޏެވެ.

"ޒުވާނުންނަށް މިއަށް ވުރެ ވަކި ރަނގަޅު މަސައްކަތެއް ނޯންނާނެ."

މަތީގައި އެވާ އާމްދަނީގެ ހިސާބުތަކަށް ބަލާއިރު ވެސް އެކަން އެ އޮތީ އެނގޭށެވެ.

މަސްވެރިކަން މަސްވެރިން މިފްކޯ ގއ. ގެމަނަފުށި މަސްވެރިކަން

45 ކޮމެންޓް, 180 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޭޑްމޭން

21 June 2017

މި ހުރިހާ ކަމެއް ހައްލު ކުރާށޭ މި ސަރުކާރުން ކޮންމެ މަސްވެރިއަކަށް ބެއަސް ނުބޭނިއަސް 10 ހާސް ރުފިޔާ އެ ދެމުން ގެންދަނީ... (:

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިފަރީ

21 June 2017

ބޫ!!! މޮޔަވެގެން ނޫޅެ. ތީ ފިޝަރީޒް މިނިސްޓަރުކަން ކުރި ޑެންޓިސްޓަކު ދައްކާ ފޮލޯކު ވާހަކައެއް. ސިޔާސީ ވިޔަސް އެއްވެސް މީހަކު ތާރީޚާ ހޯދޭން ހުރި ފެކްޓް އޮޅުވާނެ ކަމެއް ނެތް. މަހުގެ އަގު އެއްވަރެއްގައެއް ނުހުންނާނެ. މަސްވެރިކަމަކީ މޫސުންވެސް އޮންނަ އެއްޗެއް. އަނެއްކާ ދުނިޔޭގައިވެސް މަހުގެ އަގު މާ ބޮޑަށް މައްޗަށް ދާންފެށީ ވަރަށް ފަހަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުވާ

21 June 2017

ލޮލުކުރިމަތިން ފެންނަ ކަންތައްތަކުގެ ވާހަކަވެސް ދައްކާކަން މަނެތިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތުގަ

20 June 2017

5 މަސް ތެރޭ ތީގެ ދެގުނަ ލިބެން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏ އައިކު

20 June 2017

ކަޑައެޅިގެން ދޮގެއް. ދޮށީގެ މަސްވެރިކަމުގަ މިހާރު ރާއްޖޭގަ އެއްމެ ކުރީގަ އުޅެނީ ފަރެސްމާތޮޑާ މަސްވެރިން އެމީހުންގެ އާމްދަނީ އަހަރަކު ދެ ލައްކަ ހަމަ ނުވޭ. ހަފްތާ އަކު ދިހަ ހާސް ލިބޭނަމަ އާމްދަނީ 480000 އަރާނެ. އެވެސް މަސްވެރިކަން އާދައިގެ ނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތާގުނަ

20 June 2017

ގުޑްގުޑް ކުފުރުގެ ބަސްތައް ނުކިޔައި މަޑުން ހުރެވޭތޯ ބަލާ. ތިޔައީ ﷲ ދެއްވާ ނިއުމަތެއް. ވަކި ގޮތަކަށް ވެރިކަން ކުރާތީ ދެއްވާ ނިއުމަތެއް ނޫން. ވެރިކަން ކުރާ ގޮތަށް ބައްލަވާ ދެއްވާ އެއްޗެއްނަމަ ލަފާނީ ހުސް އޮޑި. މިބުނީ ވަރަށް ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

20 June 2017

ހަސަންބޭ ، ﷲ ގަންދީ ހުވާކޮށްފައި މިބުނީ އަލިދީދީގެ ވާހަކާގައި 98 ޕަސެންޓަކީ ތެދު ހަގީގަތް ، މިރަމަޟާން މަހުގައިވެސް ދުވާލަކު 10 ޓަން އާއި 22 ޓަނު ދޭތެރޭ މަސްނުބާނާ ދޯންޏެއް ގެމަނަފުށިން މަހަކަށް ނުދޭ ، ހަފްތާ ނިމޭއިރު މިލިއެނެއްހާ ރުފިޔާ އެބަހުރި ލިބިފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

20 June 2017

ހަގީގަތެއް ، މިރަމަޒާން މަހު ކުރީ 20 ދުވަހު އެކަނިވެސް ގެމަނަފުށިން މަހަށްދިޔަ ކޮންމެ މީހަކަށް 40 ހާހާއި 75 ހާހާއި ދެމެދުގެ އަދަދަކަށް ލިބުނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯބޯ

20 June 2017

މި އާޓިކަލް ގަ ގެނެސްދީފަ ހުރި ވާހަކަތައް ރަނގަޅު. ތެދުކަމަށް ބޮޑަށް ގަބޫލު ކުރެވެނީ. ހަގީގަތަކީ އޮޑިވެރިޔާވެސް ކިޔާދީފަ އޮތް ގޮތަށް އެވަރުގެ އާމްދަނީއެއް ލިބިދާނެ. ވިސްނާ ނުލާ ތަންކޮޅަކީ މަސްވެރިކަމަކީ މުޅި އަހަރަށް ދެމިގެންދާ ކަމެއް ނޫންކަން. މަސްވެރިކަން ކުރެވެނީ އަހަރަކު 6 މަސް ދުވަހު. ރަނގަޅު މަސްވެރިކަމެއް ހުންނާނީ 3 މަސް ދުވަހު. އެހެންވީމަ 6 މަސް ދުވަހުން ލިބޭ ލާރި މުޅި އަހަރަށް ބަހާލީމަ އެއީ މަހަކު 50،000 ރުފިޔާގެ އާމްދަނީއެއް ލިބެނީކީ ނޫނެއްނު. ރަނގަޅަށް މަސްވެރިކަން ކުރާ ރަށެއްގެ އާދައިގެ މަސްވެރިއަކަށް އަހަރަކު އެވްރެޖް ކޮށް ޖެހެނީ މަހަކު 12،000 ރުފިޔާ. ދެން މީގެ ތެރެއަށް ސަރުކާރު ވައްދާނެ ކަމެއް ނެތް. ބޮއެ އެޅުން ފިޔަވާ މަސްވެރިކަމަށް ސަރުކާރުން އެއްވެސް ކަމެއް ނުކުރޭ. އަންނިވެސް ނުކުރޭ، ވަހީދުވެސް ނުކުރޭ. ޔާމީންވެސް ނުކުރޭ. ބޮޑެތި ދޯނިފަހަރު ބަންނަނީ އޮޑިވެރިންގެ އަމިއްލަ ފައިސާ އާއި ވަސީލަތާއި ތަރައްގީ ބޭނުން ކޮށްގެން. މިފްކޯ އަކީ ބަޔަކު ވައްކަން ކުރަން އޮންނަ ތަނެއް. ބެންކޮކަށް މަސް ކިރާއިރު 2 މަހުން 1 މަސް އޮނަނާނީ ހަލާކުވެފަ. އެކަމަކު ހަލާކުވި މަސްވެސް ގެންދާނީ ހަމަ ރަނގަޅު 2 މަސްވެސް ގެންދާ ފެކްޓަރީއަށް. މިކިޔާދިނީ މަސްވެރިކަމާ ގުޅޭ އަސްލު ވާހަކަ. ފޮނި ކާފޫރުތޮޅި ނުލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏ އައިކު

20 June 2017

ބަރާ ބަރު ވާހަކައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސަލް ވޭވަށް

01 November 2018

މިރަށު މަސްވެރިން ނަށް ވެސް މަހަކު އެވުރެޖު ކޮށް ބާރަހާހަށް ވުރެ މަދެއް ނުވާނެ ޖެހޭލެކެއް... ޢެވުރެޖު ކޮށް މަހަކު މަހަށް ދެވޭނީ ދިހަވަރަކަސް ދުވަހު ބާކީ 20 ދުވަހު އަމިއްލަ ގެދޮރު އެޅުމުގެ މަސައްކަތް ކުރިޔަސް އެ އީ ހަމަ ސޭވް ކުރެވޭ ފައިސާ އެއްނު.