އަލީ ހުސެއިން އިދިކޮޅު ފަރާތްތަކުގެ ޖަލްސާއެއްގައި ވާހަކަ ދައްކަވަނީ.---މިހާރު ފައިލް ފޮޓޯ
04 ޖުލައި 2017 - 20:35
20 comments
ވެރިކަން ކުރާ ޕީޕީއެމްގެ މުސްތަޝާރު އަދި ރައީސް އަބްދުﷲ ޔާމީންގެ ފެކްޝަންގެ ރައްޔިތުންގެ މަޖިލީހުގެ މެމްބަރުންނަށް ރައްކާތެރިކަން އޮތީ އެ ޕާޓީން މިވަގުތަށް ވަކިވެގެން ކަމަށް ކެންދޫ ދާއިރާގެ މެމްބަރު އަލީ ހުސެއިން މިއަދު ވިދާޅުވެއްޖެ އެވެ.
އިދިކޮޅު ޖުމްހޫރީ ޕާޓީގެ މެމްބަރު އަލީ ވިދާޅުވީ ރައީސް ޔާމީންގެ ފެކްޝަންގައި ތިއްބެވި އިސްލާހަށް ލޯބި ކުރައްވާ، މަޖިލިހުގެ މެމްބަރުން ޕީޕީއެމުން ވަކިނުވާ ނަމަ، އޭގެ ހިތި ނަތީޖާ ފެނުމަކީ ވެސް ކައިރި ކަމެއް ކަމަށެވެ.
"މިސާލަަކަށް ޕާޓީގެ ވިޕްލައިނާ އެއްގޮތަށް ވޯޓު ނުދެއްވާ މެމްބަރުންގެ ގޮނޑި ގެއްލޭ ފަދަ ހުކުމެއް ވެސް އަތުވެދާނެ ކަމަށް ބަލަން ޖެހޭނީ. ކޯޓުގެ ހުކުމަކުން އެ މެމްބަރުން ތަޅު އެޅުވޭ ގޮތް ވެއްޖިއްޔާ އެއީ އެ ބޭފުޅުންނަށް ވެސް ވަރަށް ބޮޑު ދެރައަކަށް ވާނީ. އިސްލާހީ މަސައްކަތަށް ވެސް ލިބޭ ގެއްލުމަކަށް ވާނެ. އެހެންވީމާ އެ މެމްބަރުން އެންމެ ރަނގަޅު ވާނީ ލަތީފް ]ދިއްދޫ ދާއިރާގެ މެމްބަރު] ކަން ކުރެއްވި ގޮތަށް ކުރެއްވުން،" ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު ޕީޕީއެމުން ވަކިވެފައިވާތީ އެއަށް އިޝާރާތް ކުރައްވަމުން އަލީ ވިދާޅުވި އެވެ.
އަލީ ވިދާޅުވީ މަޖިލިހުގައި ތިއްބެވި އިސްލާހަށް މަސައްކަތް ކުރާ ޕީޕީއެމްގެ މެމްބަރުން އެ ޕާޓީން ވަކިވުމަށް އޭނާ ބާރު އަޅުއްވަނީ ޕީޕީއެމްގެ ބާނީ އަދި ކުރީގެ ރައީސް މައުމޫން އަބްދުލް ގައްޔޫމަށް ދެރައެއް ދިނުމަށް ނޫން ކަމަށެވެ.
އަލީ މިއަދު ކުރެއްވި ޓްވީޓެއްގައި ވެސް ވިދާޅުވީ "އިސްލާހަށް ތާއީދު ކުރައްވާ ހުރިހާ އެމްޕީސް ޕީޕީއެމްގެ ދަރުބާރު ފެކްޝަނުން ވަކިވުމަށް ގޮވާލަން" ކަމަށެވެ.
އޭނާ ވަނީ ކޯޓުން އަމުރެއް ނެރުމުގެ ކުރިން އެ މެމްބަރުން އަވަހަށް ރައްކާތެރިވުމަށް ވެސް އެދިވަޑައިގެންފަ އެވެ.
Islaahah thaaeedhu kuravvaa hurihaa MPs PPMge dharubaaru fakshanun vakivumah govaalan. Courtun amureh nerumuge kurin avahah rakkaatherivey.
— Ali Hussain (@AleeVoice) July 4, 2017
އަލީ ހުސައިންގެ ޓްވީޓް.
އަލީ މިފަދަ ޓްވީޓެއް ކުރައްވާފައި މިވަނީ ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލަ އިއްޔެ އިދިކޮޅު ފަރާތްތަކުން މަޖިލީހަށް ވެއްދިއިރު، ރައީސް ޔާމީން ފަޅީގެ މަޖިލިސް 10 މެމްބަރަކު ވެސް ސޮއިކޮށްފައި ވަނިކޮށެވެ.
މަސީހުގެ އިތުބާރު ނެތް ކަމުގެ މައްސަލާގައި 45 މެމްބަރަކު ސޮއި ކުރައްވާފައިވެ އެވެ.
މަސީހާ ދެކޮޅަށް ސޮއިކުރެއްވި ޕީޕީއެމްގެ 10 މެމްބަރުން:
- ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު - ދަގެނތި ދާއިރާގެ މެމްބަރު އިލްހާމް އަހުމަދު - މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން - އިހަވަންދޫ ދާއިރާގެ މެމްބަރު މުހައްމަދު އަބްދުﷲ - ތިނަދޫ އުތުރު ދާއިރާގެ ސައުދުﷲ ހިލްމީ - ފުވައްމުލަކު އުތުރު ދާއިރާގެ މެމްބަރު އަލީ ޝާހު - ތިނަދޫ ދެކުނު ދާއިރާގެ އަބްދުﷲ އަހުމަދު - މަހިބަދޫ ދާއިރާގެ މެމްބަރު އަހުމަދު ތޯރިގް (ޓޮމް) - ހަނިމާދޫ ދާއިރާގެ މެމްބަރު ހުސެއިން ޝަހުދީ - އިސްދޫ ދާއިރާގެ މެމްބަރު އަހުމަދު ރަޝީދު އިބްރާހީމް (ގާރީ)
* މި ލިސްޓުގައި ހިމެނޭ 10 މެމްބަރުންގެ ތެރެއިން ލަތީފް ވަނީ ޕީޕީއެމުން ވަކިވިކަން ފަހުން އިއުލާން ކުރައްވާފައި. އަދި ގާރީ ރަޝީދު ވަނީ ލިސްޓުގައި އޮތީ އޭނާގެ ވަގު ސޮއެއް ކަމަށް ފަހުން ވިދާޅުވެފައި. ނަމަވެސް އޭނާ ލިސްޓުގައި ސޮއިކުރައްވާ ފޮޓޯ އިދިކޮޅު ފަރާތްތަކުން ވަނީ އާންމުކޮށްފައި.
ރައީސް ޔާމީންގެ ފަޅީގައި ތިއްބެވި މަލިޖިސް މެމްބަރުންތަކެއް މަސީހުގެ އިތުބާރު ނެތްކަމުގެ މައްސަލައިގެ ލިޔުމުގައި ސޮއި ކުރެއްވުމުން އެކަން ވަނީ ވަރަށް ބޮޑަށް ހޫނުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެރާގު
05 July 2017
ރަގަޅު ހިޔާލެއް
ޕޮގުބާ
05 July 2017
ސަލާމަތާ ރަށްކާތެރިކަންއޮތީ ﷲނަހީކުރެއްވި ކަންކަމުން ދުރުވެގެން ހުރުމުން ކޮންމެބޭފުޅަކުވެސް ވިސްނުމަކާ ފިކުރެއް ހުންނާނެ ޕާޓީތަށް އުފެއްދީވެސް އަތުގެ ފަސްއިނގިލި އެއްވަރު ނުވެހުރީމަ އަތުގެ ފަސްއިގިލި އެއވަރުނަމަ ހުރިހާކަމެއްވެސް ފުރިހަމަވާނެ މާތްﷲ މިދުނިޔެ މައްޗައް ބާވާލެއްވި ހަމައެކަނި ދީނަކީ އިސްލާމްދީން އެހެންދީންތަކަކީ މާތްﷲ އެއީ ކަލަކު ކަމުގައި ގަބޫލު ނުކުރާ މީހުން އަމިއްލަޔަށް ހަދައިގެން އުޅޭ ދީންތަކެއް އެކަމަކުވެސް ﷲ އެބައިމީހުންނަށްވެސް މިދުޔެ މަތީގަ ރަށްކާތެރިކަން ދެއްވި އެއީ ގިޔާމަތް ދުވަހުން އެބައި މީހުންނަށް ވޭންދދެނި އަޒާބު ދެއްކުމައްޓައެ ވިސްނާފިކުރު ކުރާ ބަޔަކަށް މެނުވީ އިބުރަތް ހާސިލެއް ނުވާނެ.
އެކިހިނެތް
05 July 2017
އަތުގެ ފަސް އިނގިލި އެއްވަރުނަމަ ހުރިހާ ކަމެއް ފުރިހަމަވީހޭ؟ ހެއްދެވި ފަރާތުން ހައްދަވާނީ އެންމެ ރަގަޅަށް.
ކަލޭފާނު
05 July 2017
އަނގަ އޮތީތީވެ ފުޅާކުރަނީއެވެ. ތިގޮނޑިލިބުނީ ޕީ.ޕީ އެމްގައި މީހުން ތިބީމައެވެ.
ފުވައްމުލަކު މީހާ
05 July 2017
ޕާރޓީ ސިޔާސަތުގައި ފެނުނީ 30 އަހަރުގެ ވެރިކަން ނިމުނުތަން. އެވެރިކަން ނިންމީ ބޮޑު އިއްތިހާދެއް އެކުލަވާ އިިދިކޮޅު އަދި ޚިޔާލު ތަފާތު އެންމެން ގުޅިގެން. މިދެންނެވި ގުޅުން ކުޑަސުވަސްކޮޅަކުން ރޫޅުނު. ވެރިކަން ބަދަލުވެ. ނާއިބު ރައީސް ވެރިކަމަށް އައީ . ހަމައެފަދަ ގުޅުމަކުން ދެވަނަ ފަހަރަށް ވެރިކަން 05 އަހަރަށް ޕާރޓީ ޒަޢާމަތަކާ ރައްޔިތުން ޙަވާލުކުރި. އެވެރިކަމާ ޚިޔާލު ތަފާތުވެ ބޮޑެތި ކަންތައްތައް ހިންގި. ރާއްޖެއާ ރާއްޖެއިން ބޭރުން . ސިޔާސީ ގިނަ ބަޔަކު ޖަލުގައި ހޭދަކުރަން ޖެހުނު. ކުރެވުނު ކުށަށް އަދަބު ލިބުނު. ބައެއްފަރާތުން ދެކޭގޮތުގައި އަދަބު ދެވުނޫ ކުށެއްކޮށްގެނެއްނޫން. ދެންދިމާވީ ބާރުގެ ތިލަފަތް. ނުފޫޒުގެ މައްސަލަ. އެދޭގޮތަކަށް އުމުރު ދުވަހަށް ގައުމުގެ ކަންކަން ހިންގުމަށް ބާރު ލިބިދެވޭނެ ކަމަށް ގަބޫލް ކުރުވުން. އެއާއެކު އުފެދުނީ ބޮޑު ޕްރެޝަރަރެއް. ވެރިކަން ހިމާޔަތް ކުރުމާ މެދު ސުވާލު އުފެދުނު އަދި އުފައްދާ ޕްރެޝަރެއް. ޕްރެޝަރ އުފައްދަނީ މުއްސަނދި މީހުން. ބޭނުން ކޮންމެ ވަގުތެއްގައި ކޮންމެކަމެއް ކުރެވޭ މީހުން. ކަމެއްދިމާވާއިރަށް ވެރިކަން ބަދަލުކޮށް ބާރު އޮތީ ތިމަންނަމެންގެ އަތުގައޭ ބުނެ ހަށި ފޮޅާލުމުން އޭގެ ދެރަ ނިކަމެތިކަން އޮތީ ރައްޔިތުންނަށް މިއަދުވެސް މާދަމާވެސް އަދި އަނެއްދުވަހުވެސް ރައްޔިތުމީހާގެ ބުރަ މަސައްކަތުނޫނީ ހުންނަން ޖެހޭނީ ހުސްބަނޑާ. ޟަރޫރީ ބޭނުމެއް ނުފުއްދޭނެ. ވީމާ މިފަދަ ސިޔާސީ ޕްރެޝަރ އުފެއްދުމުގެ ކުރީން ވަރަށް ފުންކޮށް ވިސްނާ ތިމާގެ ހައިސިއްޔަތު އަދި ރައްޔިތުމީހާގެ ހައިސިއްޔަތު އެއްތިލަފަތަކުން ކިރާލުން ބުއްދިވެރި
ހަސަނު
04 July 2017
ރައްކާތެރިކަންއޮތީ ތިޔަހެންނޫޅި ތައުބާވެމީހައިސްލާހުވުމުން
ޙެލްތީ ފުޑު މޭކް ހެއާ ޝައިނީ
04 July 2017
ހެހެ
ހުސޭުނުބޭ
04 July 2017
އަދީބާއެކު ހަދަން އުޅުނު ޑީލް ހަދަން ސަރުކާރުން ފުރުސަތު ނުލިބުނީމަ ގޯަސްވީ ސަރުކާރު.
ހުޭނުބޭ
04 July 2017
ކޯޓަކުން ނާންގާނެ ވަކިމީހަކު ވަކި ޕާޓީއަކުން ކެޑޭކަށް... ގަމާރުވިޔަސް ބޯޑުވަރު
އަލީ
04 July 2017
ކޯޓުން އަންގާފަ ނާންގާނެ ކަމެއް ހަމަ ލަފާކޮއްލަންވެސް ނޭގޭނެ. މިކަން އެމެންބަރުންނައްވެސް ހަމަ ރަގަޅައްއެނގޭނެ.
ސޯޓު
05 July 2017
އެ އޮތީ ޕާޓީ ވެސް ހަވާލުކޮށްފަ
ރައްކާތެރި
04 July 2017
ރައްކާތެރިކަން އޮތީ الله ސުބުހާނަހޫ ވަތައާލާ އައް ބިރުވެތިވެގެނ.
ޙައްޤު ގޮތުގައި
04 July 2017
މަޖްލީސް އިންތިޚާބު ގައި ޕީޕީއެމް އަށް ކެމްޕޭން ކޮށްދެއްވަން ރައީސް މައުމޫނު ވަޑައިގަތެވެ.އެމަނިކުފާނު ކެމްޕޭނުގައި ވިދާޅުވެފައި ވަނީ "ރައީސް ޔާމީނާ އެކުގައި ޕީޕީއެން އާއެކުގައި" ހުރުމަށެވެ. ޥީމާ އަޅުގަޑު މެން މިތިބީ އެގޮތުގައެވެ.