11 ޖުލައި 2017 - 11:15
21 comments
އުފަންވިތާ ހަފްތާއަކަށް ވުރެ ގިނަ ދުވަސް ނުވެ ތުއްތު ތިން ކުއްޖަކު މިދިޔަ ހުކުރު ދުވަހާއި ހޮނިހިރު ދުވަހު މަރުވެއްޖެ އެވެ. އަދި އިއްޔެ ވެސް، އުފަންވި ގޮތަށް ތުއްތުކުއްޖަކު މަރުވެފައިވެ އެވެ. އޭގެ އިތުރުން، ބަނޑަށް ފަސް މަހުގައި ވިހޭ ކުއްޖަކު ވެސް އޭޑީކޭގައި އާދީއްތަދުވަހު މަރުވެފައިވެ އެވެ.
"މިހާރު"އަށް އެނގިފައިވާ ގޮތުގައި 24 ގަޑިއިރު ތެރޭ މަރުވެފައިވަނީ އުފަންވިތާ ހަތް ދުވަސް ވީ ކުއްޖަކާއި އެއް ދުވަސްވީ އަދި އުފަންވިތާ ކުޑައިރުކޮޅެއްވީ ކުއްޖެކެވެ.
އެނގިފައިވާ ގޮތުގައި އެ ތިން ކުދިން ވިހާފައިވަނީ އައިޖީއެމްއެޗުގަ އެވެ. އެކަމަކު އެ ކުދިން މަރުވި ސަބަބުތަކެއް އެ ހޮސްޕިޓަލުން ސާފުވާގޮތެއް ނުވި އެވެ.
އިއްޔެ މަރުވި ކުއްޖާއާ ބެހޭ މައުލޫމާތެއް ވެސް ނުލިބެ އެވެ.
އުފަންވާ ތަނުން ނުވަތަ ވަރަށް ޅަ އުމުރުގައި ތުއްތު ކުދިން މަރުވުން ރާއްޖޭގައި ވަނީ ވަރަށް މަދުވެފަ އެވެ. އަދި ރާއްޖެ އަކީ މި ސަރަހައްދުން ވެސް އެ ނިސްބަތް އެންމެ ދަށް ގައުމެވެ.
އާއްމުންގެ ސުވާލުތަކަކަށް ޖަވާބު ދެއްވަމުން މަޝްހޫރު ކުޑަކުދިންގެ ޑޮކްޓަރު އަބްދުﷲ ނިޔާފް ވިދާޅުވި ގޮތުގައި ޅަ އުމުރުގައި ކުދިން މަރުވާ ސަބަބު ދެނެގަނެ، އެކަން މޮނީޓާ ކުރެވޭނެ ނިޒާމެއް ރާއްޖޭގައި ވަނީ ގާއިމުކޮށްފަ އެވެ. އަދި ތުއްތު ކުއްޖަކު މަރުވެއްޖެ ނަމަ، އޭގެ ސަބަބު ބަލައި ރިޕޯޓު ކުރަން ޖެހޭނެ ކަމަށާއި އަދި އޭގެ ފަހުން، ކަމާ ބެހޭ ތަޖުރިބާކާރުންގެ ޕެނަލަކުން ވެސް އެކަން ދިރާސާކޮށް، މަރުގެ ސަބަބު ދެނެގަތުމަށް މަސައްކަތް ކުރާނެ ކަމަށް އޭނާ ވިދާޅުވި އެވެ.
އެ ފަދަ މަރުތައް ދެނެގަނެ، އެކަން ދެވަނަ ފަހަރަށް ތަކުރާރުވިޔަ ނުދިނުމަށް މަސައްކަތް ކުރާ ކަމަށް ވެސް ނިޔާފް ވިދާޅުވި އެވެ.
އޭނާ ވިދާޅުވި ގޮތުގައި ރާއްޖޭގައި ތުއްތު ކުދިން މަރުވާ ނިސްބަތް އެހާ ދަށީ ވެސް، އެކަން މަދު ކުރުމަށް ކުރަމުން އަންނަ މަސައްކަތުގެ ސަބަބުންނެވެ.
އެކަމަކު މި ހާދިސާތަކާ ގުޅިގެން ބައެއް މީހުން އަންނަނީ، ޅަ އުމުރުގައި ކުދިން މަރުވާ ނިސްބަތް މިހާރު ރާއްޖޭގައި އަނެއްކާ ވެސް އިތުރުވާން ފެށީތޯ ސުވާލުކުރަމުންނެވެ.
އޭޑީކޭގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ އެ ހޮސްޕިޓަލުގައި ތުއްތު ކުއްޖަކު މަރުވީ ގިނަ ދުވަސްތަކަކަށް ފަހުގައި ކަމަށާއި އެހެންވެ، ރާއްޖޭގައި އެ ފަދަ މަރުތައް އިތުރުވެފައިވާކަން އަދި ސީދާ ބުނަން ނޭނގޭ ކަމަށެވެ.
"މި ތަނުގައި، 25-30 ހަފުތާގައި ވިހައިގެން ވެސް ނާސަރީގައި ބާއްވައިގެން އެބަ ފަރުވާ ދެން. އަދި އިހަކަށް ދުވަހު އަޅުގަނޑުމެން މި އެއްފަހަރާ ހަތަރު ކުދިން ވިއްސީ. އެހެންވެ، މި ފަދަ ކަންކަމުގައި އަޅުގަނޑުމެން މިވަނީ ކުރިއެރުންތަކެއް ހޯދާފައި،" އަފްއާލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުނާ
16 June 2018
ޑޮކުޓަރުންނަސްވެސް ފުރާނާގައި ނުހިފެހެއްޓޭނެދޯ.
16.08.2018
03 February 2021
މަރުގަ ހިފާ ވާހަކައެއް ނޫން “ކުޑަކުދިންގެ ޑޮކްޓަރު އަބްދުﷲ ނިޔާފް ވިދާޅުވި ގޮތުގައި ޅަ އުމުރުގައި ކުދިން މަރުވާ ސަބަބު ދެނެގަނެ، އެކަން މޮނީޓާ ކުރެވޭނެ ނިޒާމެއް ރާއްޖޭގައި ވަނީ ގާއިމުކޮށްފަ އެވެ.އަދި ތުއްތު ކުއްޖަކު މަރުވެއްޖެ ނަމަ، އޭގެ ސަބަބު ބަލައި ރިޕޯޓު ކުރަން ޖެހޭނެ ކަމަށާއި އަދި އޭގެ ފަހުން،ކަމާ ބެހޭ ތަޖުރިބާކާރުންގެ ޕެނަލަކުން ވެސް އެކަން ދިރާސާކޮށް، މަރުގެ ސަބަބު ދެނެގަތުމަށް މަސައްކަތް ކުރާނެ ކަމަށް.” ނުބަލާ!!އެއްވެސް ޓެސްޓެއް ނުހެދި!
ސުޖާ
11 July 2017
ކަންބޮޑުވެގެން ތިއުޅެނީ ސިޔާސީވެރިން. މިކަންވެސް ސިޔާސީ ކޮށްލުމުގެ ބޭނުމުގައި ތިއުޅެނީ. ކޮންމެކަމެއް މިބީދައިން ކުރަމުން ދިއުމަށް ފޫގަޅާލާފައި މިވަނީ. ހިތާމަ ހުރިކަންތައްތައް މިހުންނަނީ.
އިބިރެހިމާ
11 July 2017
ކަލެއަށް އެފަދަ ކަމެއް ދިމާވެއްޖެ ނަމަ ތިހެން ބުނާނަން؟
ވަންހަނާ
11 July 2017
ބަލަގަ މަރު ވަނީ އެކަން މާ ކުރިންވެސް ނިމިފަ އޮންނަ ކަމަކަށް ވާތީ. ސިސްޓަމް ބެެލެންސް ވާން ވެގެން ވާ ކަންތައްތައް
000
11 July 2017
ތިހެން ކިޔާފައި އަމިއްލަ މަންމަ ޔާބައްބަޔައް ނުވަތަ ދަރިފުޅަށް ބޭސް ނުކުށް މަރުވާ ދޫކޮށްލަން ކެރިދާނެ؟ ބޭކާރުވާހަކަ ނުދައްކާ ވާނުވާނޭންގެންޏާ. މާއެނގޭމީހަކަށްވެގެން.
ނިހާނު
11 July 2017
ހަބީބު ތިބުނީ ތެދެއް ފާޑުފާޑު އިންޖެކްޝަނާ މައިކްރޯ ވޭވް އަވަންތެރެޔައް ފާޑުފާޑު ޕުލާސްޓިކު ތަށި ލައިގެން އެއްޗެހި ހޫނުކޮއްގެން ކަނީ ދިމާވާ ސިއްހީ މައްސަލަ ވިޔަފާރި ވެރިން ނުބުނާނެ ލާރި މަދުވާތީ ރައްޔިތުން ވިސްނާތި ފާޑުފާޑު އިންޖެކްޝަން ޖަހާއިރު
ދޮގުމައުލޫމާތު
11 July 2017
"ފާޑުފާޑު އިންޖެކްޝަނާ މައިކްރޯ ވޭވް އަވަންތެރެޔައް ފާޑުފާޑު ޕުލާސްޓިކު ތަށި ލައިގެން އެއްޗެހި ހޫނުކޮއްގެން ކަނީ" މައިކްރޯވޭވް އަވަނުން ސިއްހަތަކަށް ގެއްލުމެއް ނުލިބޭނެ އަދި އިންޖެކްޝަނުން ވަކި ގެއްލުމެއް ނުލިބޭނެ. މިހާތަނަށް ކުދިން ސަލާމަތް ކޮށްފަހުރީވެސް ހަމަ އެއިނޖެކްށަން ޖަހައިގެން. ފަހަރުގައި މީހަކަށް ފުލުފުލުންވެސް ގޮސް ހެދިދާނެ، ސާމަލުވާންވީ މިކަންތަކަށް. ތިބުނި ކަންތކާބެހޭގޮތުން ވަރަށްގިނަ ދިރާސާ ކޮށްފައެބަހުރި އަދި ގެއްލުންވާކަމެށް އެނގިފައެއްނެތް.
ސިއްތިއިބުރާހިމު
11 July 2017
ނިހާނު ތިބުނީ ހެޔޮކޮއް އިންޖެކްޝަން ނުވިކޭނެ މީހުންނައް ކޮންމެސް ކަހަލަ ބައްޔެއް ޖައްސައިގެން ލާރިބޮނޑި ކެވޭތޯ
އިބްރާޙިމް އުދުހޭ
11 July 2017
ކިތައްމެ ފެންވަރު ރަގަޅު ޞިއްޙީ ޚިދުމަތެއް އޮތަސް އަޖަލު ކަނޑައަޅުއްވާ ދުނިޔެއަށް ފޮނުއްވާ އިންސާނާގެ މަރެއް ނުހުއްޓުވޭނެ.. އެއީ އެންމެންވެސް ޤަބޫލުކުރަންޖެހޭ ހަޤީޤަތް.. އަދި އަލްހަމްދްލިއްލާހި އޭ ބުނުން ފިޔަވައި އިތުރު ޝަކުވާ އެއް ނުކުރުން އެއީ ބުއްދި އިސްކުރާ މައިންބަފައިންގެ ބަސް.. އެހެނަސް ޒަމާނީ ވަސީލަތްތަކާއި އިލްމުގެ އަލީގައި ބައެއް ޅަފަތުގެ މަރަކީ ޚިދުމަތްދޭ ފަރާތްތަކުގެ ނުހަނު ބޮޑު އިހްމާލުން ވާކަން ކަން ކަމުގައި ވާތީ ދައުލަތުން އެމައްސަލަތައް ބަލާ އިސްލާހީ ފިޔަވަޅު އިހްލާސްތެރިކަމާއި އެކު އަޅަންޖެހޭ.. އެފަދަ ކަންކަމުގެ ހަޤީޤަތް ފޮރުވާ ބަޔަކަށް ނުވަމާ..
އަޝްރަފް
11 July 2017
އަޅެ ނޫސްވެރިން ކީއްވާނީ ސިއްޙީ މައްސަލަތަކަށް އަލިއަޅުވާލާ ކަންބޮޑުވުންތައް ރިޕޯޓުތަކެއްގެ ސިފައިގަ ނަމަވެސް ގެނެސްދޭން. މިސާލަކަށް އާބާދީ ތޮއްޖެހުން، ތިލަފުށިން އަންދާ ކުނީގެ މައްސަލަ، ރޯމަސްމާރުކޭޓުގަ ވިއްކާ މަސް، ބޯފެނުގެ މައްސަލަ އަދި ބިދޭސީންގެ ސަބަބުން ދިމާވާ އެކިކަހަލަ އިޖުތިމާއީ މައްސަލަތަކާ ސިއްހީ މައްސަލަތައް. އޭރުން ކިރިޔާވެސް ސަރުކާރުން އެކަންކަމާ އުޅޭނީ. އެހެންނޫނީ ލާހިކެއްނޫން. އެއްކަމެއްވެސް ނުކުރާނެ.
އެޑްމުންޑޯ
11 July 2017
ރާއްޖޭން އުމްރާ އަށާއި އަދި ހައްޖަށްދާ ކޮންމެ މީހަކު ތިބުނާ ދޫނިރޯާގާ އިންޖެކްޝަން ޖަހާ އުމްރާއި ހައްޖަށް އަހަރަކު 7000 މީހުން ދަތުރުކުރޭ ، ހަބީބު ބުނެބަލަ ކިތައްމީހުން އެޖަހާގެން މަރުވިތޯ ؟ ތިކަލަ ގަމާރު ވާހަކަ ކޮމެންޓް ނުކުރާތި
ޜޯނު
11 July 2017
މީގެ ދެދުވަސް ކުރިން ހުޅުމާލެ ހޮސްޕިޓަލް ގައި ވެސް ކުޑަ ކުއްޖަކު މަރުވި .ެކަމަކު އެއީ ދުވަސް ނުފުރާ ވިހޭ ކުއްޖެއް
ޖަމަލު
11 July 2017
ތިލަފުށިން އަންދާ ކުނީގެ ދުން.. މީވަރަށް ވާހަކަ.. މިހާރަކަށް އައިސް ބޮޑެތި މީހުންނަށްވެސް އިހްސާސްވޭ.
ހަބީބު
11 July 2017
އޭރުވެސް ބުނިން ދޫނިރޯގާ އިންޖެކްޝަން ނުޖަހާށޭ
ވެކްސިން
11 July 2017
ވެކްސިންގެ މައްސަލައެއް އެބައުޅޭހެން ހާދަ ހީވެޔޭ. ކުދިން މަރުވުން ގިނަ ދުވަސްކޮޅެއް ވީމަ ސުވާލު އުފެދުނީ.
ވެކްސިން ހެން ހިޔެއްނުވޭ
11 July 2017
ވެކްސިންކަމަށް ވިއްޔާ މިޔަށްވުރެން ގިނަ ކުދިން މަރުވާން ޖެހޭނެ.
ވެކްސިން
12 July 2017
އިންސާނުން އުފެދޭ މާހައުލުން ނުވަތަ އުފެދުމުގައިވެސް ހަށިގަނޑުގެ ދިފާއީ ނިޒާމް ތަފާތުވޭ. އެއްބައި ކުދިން ދިފާއީ ނިޒާމް ވަރުގަދަވާނެ. ދެން އޮތީ ނުރައްކާތެރި ބަލިތައް ޖެހޭއިރުވެސް އެއްބައި މީހުން އެ ބަލިން މަރުވެގެންދާ އިރު އަނެއްބައި މީހުން އެބަލިން މިންޖުވޭ.