އަލަށް ތައާރަފްކުރި ހައުސިން ލޯނާ ބެހޭ ގޮތުން ގަވަރުނަރު އަޒީމާ (މ) ވާހަކަ ދައްކަވަނީ --ފޮޓޯ: ނިޝާން އަލީ/ މިހާރު
11 ޖުލައި 2017 - 16:23
33 comments
ޓާޓާ އިން މާލޭގައި އެޅި ފްލެޓްތައް ލިބުނު ފަރާތްތަކަށް އިސްކަން ދީގެން ހާއްސަ ލޯނު ސްކީމެއް މިއަދު ތައާރަފުކޮށްފި އެވެ.
އެމްއެމްއޭގައި އޮތް ނޫސްވެރިންގެ ބައްދަލުވުމެއްގައި އިއުލާންކުރި މި ލޯން ސްކީމްގައި ބޭންކްތަކުން ދޫކުރާ ލޯނުތަކުގެ އިންޓަރެސްޓް ރޭޓަކީ ފަސް ޕަސެންޓާއި ހަ ޕަސެންޓެވެ. އަދި ޑައުންޕޭމަންޓަށް ދަައްކަން ޖެހޭ ފައިސާގެ ގެރެންޓީ ދޭން އެމްއެމްއޭގައި ފަންޑެއް ގާއިމްކުރަން ވެސް ވަނީ ހަމަޖައްސައިފަ އެވެ.
އެމްއެމްއޭ އާއި ހައުސިން މިނިސްޓްރީ އަދި އެޗްޑީސީ ގުޅިގެން ތައާރަފްކުރި ލޯނު ސްކީމާ ބެހޭ ގޮތުން ނޫސްވެރިންނާ ވާހަކަދައްކަވަމުން ގަވަރުނަރު ޑރ. އަޒީމާ އާދަމް ވިދާޅުވީ މި ލޯން ސްކީމްގެ ފުރަތަމަ ފިޔަވަހި ހާއްސަކުރަނީ ކުރީގެ ގާކޮށި އޮތް ބިމާއި އަރަބިއްޔާ ހުރި ބިމުގައި ޓާޓާ އިން އެޅި ދެ އިމާރާތުން ފްލެޓް ލިބުނު ފަރާތްތަކަށް ކަމަށެވެ.
އެ ފްލެޓްތައް ލިބުނު މީހުންގެ އެޕްލިކޭޝަން ބޭންކުތަކުން އަންނަ އޮގަސްޓްމަހު ބަލައިގަންނަން ފަށާނެ ކަމަށް ވެސް އޭނާ ވިދާޅުވި އެވެ.
"އެ ދެ އިމާރާތުން ފްލެޓް ލިބުނު މީހުންނަށް ލޯނު ދިނުމަށް ފަހު ބޭންކުތަކަށް ލޯނު ދޫކުރެވެން ހުރި މިންވަރަކުން އެހެން ފަރާތްތަކަށް ވެސް ލޯނު ދޫކުރެވޭނެ. މި ސްކީމްގެ ދަށުން އެންމެ ފުރަތަމަ ލޯނު ދޫކުރެވޭނީ ގާކޮށި އަދި އަރަބިއްޔާގައި ހަދާފައިވާ ފްލެޓްތައް ލިބުނު ފަރާތްތަކަށް،" އަޒީމާ ވިދާޅުވި އެވެ.
އާ ހައުސިން ލޯނާ ބެހޭ ގޮތުން ހައުސިން މިނިސްޓަރު މުއިއްޒު ވާހަކަދައްކަވަނީ. ފޮޓޯ: ނިޝާން އަލީ /މިހާރު
އޭނާ ވިދާޅުވީ ފްލެޓްތައް ލިބުނު ފަރާތްތަކުން ޑައުންޕޭމަންޓް ނުދައްކައި ފްލެޓްގެ އަގު އެއްކޮށް ލޯނުން ފައިނޭންސް ކުރެވޭނެ ކަމަށެވެ.
"ޓާޓާ ފްލެޓް ލިބުނު މީހުންގެ ތެރެއިން މިހާރު އެމްއައިބީ މެދުވެރިކޮށް ލޯނު ހަމަޖެހިފައިވާ ފަރާތްތަކުގެ ލޯނު ވެސް ރީސްޓްރަކްޗާކުރުމަށް ވަނީ މަޝްވަރާކުރެވިފައި. އެ ލޯނުތައް ރީސްޓްރަކްޗާ ކުރެވޭނެ ކަމުގެ އުއްމީދު އެބަ އޮތް،" އަޒީމާ ވިދާޅުވި އެވެ.
އެމްއެމްއޭ އިން ބުނީ މި ލޯނު ދޫކުރަނީ 25 އަހަރު ދުވަހުގެ ތެރޭގައި އަނބުރާ ދައްކާ ގޮތަށް ކަމަށެވެ.
އެންމެ ގިނަވެގެން 2.2 މިލިއަން ރުފިޔާ ލިބޭ މި ލޯނުގެ އިންޓަރެސްޓް ރޭޓް ބިނާވަނީ ޑައުންޕޭމަންޓް ދައްކާ ނިސްބަތަކަށެވެ. އެގޮތުން ލޯނު ޑައުންޕޭމަންޓަށް 20 ޕަސެންޓް ދައްކާ ނަމަ އިންޓަރެސްޓް ރޭޓަކީ ފަސް ޕަސެންޓެވެ. ދިހަ ޕަސެންޓްގެ ޑައުންޕޭމަންޓެއް ނަމަ އިންޓަރެސްޓް ރޭޓަކީ 5.5 ޕަސެންޓެވެ. އޭގެ އިތުރުން ޑައުންޕޭމަންޓަށް ފަސް ޕަސެންޓް ދައްކާ ނަމަ އިންޓަރެސްޓް ރޭޓަކީ ހަ ޕަސެންޓެވެ.
އަޒީމާ ވިދާޅުވި ގޮތުގައި އެ ލޯނުގެ އިންޓަރެސްޓް ރޭޓަށް ބަދަލުގެނެވޭނީ އެމްއެމްއޭގެ ހުއްދައާ އެކު ދިހަ އަހަރު ފަހުންނެވެ.
އޭނާ ވިދާޅުވީ ތިން އަހަރަށް ކުރިޔަށްގެންދާ ލޯނު ސްކީމްގެ ދަށުން ރާއްޖޭގެ ރީޓެއިލް ބޭންކެއްގެ ޖުމްލަ ފައިސާގެ ދިހަ ޕަސެންޓް ހައުސިން ލޯނަށް ކަނޑައަޅަން ޖެހޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާދާސީދާ
12 July 2017
10 އަހަރު ފަހުން %20 ނެގިޔަސް ހެޔޮތޯ؟ 2.2 މިލިޔަންގެ ލޯނެއް ނެގުމުން، ދައްކާ ނިމޭއިރު 4.3 މިލިޔަން އެބަޖެހޭ! ތިޔަ 25 އަހަރުން ދައްކަންޖެހޭ ފައިސާދެއްކުމަށް، އާދައިގެ މީހަކު 35 އަހަރާއި 8 މަސްދުވަހު މަަަސައްކަތްކުރަންޖެހޭ!
ބޭޝަރަމް
12 July 2017
އެއް ފިޔަވައްސެއްގައި ހިމެނޭ 2 ބަޔަކަށް ދެގޮތަކަށް ނެހެދޭނެ! އިންޑިއާގެ ކުންފުންޏާއި ދައުލަތާއި ޖެހުނު މައްސަލައެއްގައި އިތުރަށް ފައިސާދައްކަން ޖެހުމުން އެޗްޑީސީން ފައިސާ ދެއްކީ އެއީ ފްލެޓް ލިބުނު މީހާގެއް އެއްވެސް އިހުމާލެއް ހިއްސާއެއް އޮވެގެން ހިނގި ކަމެއްނޫނެވެ. އެކަމުގައި އިހުމާލުވި ބަޔަކު ހޯދައި އެމީހުން ހުރަގެއަށް ލާށެވެ. ރޯމާ ދުވާލު އެންމެން ކުރިމަތީ، ހިތުހުރި އެއްޗެއް ހަދާއިރު، ހަމަ ހިތަށް އެއްޗެއް ނާރަނީތޯ؟ ތިފްލެޓް ތަކަށް އެޗްޑީސީ 227 މިލިއަން ދައްކާފަ، އާންމު މީހާއަށް 2 މިލިއަނަށް ފްލެޓެއް ވިއްކަނީ ކޮން ހަމަޔަކުންތޯ؟ ފްލެޓް ލިބިނު މީހުންގެ ފަރާތުން މި މައްސަލަ އޭސީސީއާއި ކަމާބެހޭ ފަރާތްތަކަށް ފޮނުވައި އިތުރަށް ތަހުގީގު ކުރުމަށް ގޮވާލަން!!
އޭނަ
12 July 2017
މީ އަބަދުވެސް މައްސަލައަކީ، ކީއްވެތަ އެންމެ ދިވެހީންނަށް އެއްގޮތަކަށް މިކަން ކޮށްނުދެވެނީ. އަބަދުވެސް ވަކިބަޔަކަށް އަމާޒުކޮށްގެން. އިންސާފުވެރިކޮށް މިކަހަލަކަންތައް ނުކުރެވެންޏާ އެނގޭ ބަޔަކާ ޙަވާލުކޯށްފަ ދޭބަލަ. ރައްޔިތުންގެ މުދަލާ ފައިސާއަކީ އެންމެންގެ އެއްޗެއް. ވަކިބަޔަކު ބަގުޑި ބައްދާކަށްނުޖެހޭ
ޑިމޮކްރަސީ
12 July 2017
ތަންކޮޅެއް ލުއި ގޮތެއް ނޫން ސޯސަލް ހައުސިންގ ގަހިގަންޖެހޭނީ އެއްހުކުމެއް/ ކީއްވެތަ މީހުން ނުފެލިގެން ތި ތެޅިބާލަނީ
މަމެން
11 July 2017
އިސްލާމިކް ބޭންކްހުސްވެއްޖެޔޯ... މުވައްޒިފުންނަށް ފައިނޭންސްކުރެވޭވަރުވެސް ނެތޯ.. މިއެތާއުޅޭ ކުދިން ކިޔާވާހަކަ؟
ޢަލީ
12 July 2017
އެއީ ދޮގެއް.. މަވެސްމީ އެތާމުވައްޒަފެއް
ބޭބެ
11 July 2017
އަޅުގަނޑު ވަރަށް އިޙްލާސްތެރި ކަމާއިއެކު ސާފުކޮއްލަން ބޭނުން މިމުއާމަލާތުގައި ރިބާ ނުހިމެނޭނެތޯ. ހިމެނޭނަމަ އަހަރެންނާއި އަހަރެންގެ އާއިލާއިން މަގުމަތީގައި ނިދަންޖެހުނަސް ތިފްލެޓެއް ބޭނުމެއް ނޫން. އަހަރެން ވޭތުވެދިޔަ 7 އަހަރު މިއިންތިޒާރު ކުރަމުން އައީ ކުރީގަ އޮތް ސަރުކާރުން ވައުދު ވީހެން އަދި މިހާރު 'ޗައިނާ' ފްލެޓްތައްވެސް ދީފައިވާ އުސޫލުން ލިބޭ މުސާރައިން ދިގުމުއްދަތައް ދައްކާ ހަލާސް ކުރަން.
ހުސޭނާ
11 July 2017
މިދެން ތަންފުކެއް ބޮޑުވަރު ދިވެހިދައުލަތުން ދިވެހިން ނިކަމެތި މީހާ ފެލާލަނީ
ހަސަނު
11 July 2017
މި ސްކީމުގެ ދަށުން ލޯނު ލިބޭނީ 5 ޕަސަންޓު އިންޓަރެސްޓު ގުނަކޮށްފަ.. އަދި ރިބާ އެޅި ލޯނު ބޭނުން ނުވާ ބޭފުޅުން އިސްލާމީ ބޭންކުން ނުވަތަ އިސްލާމީ ގޮފިން ލޯނު ނަގާ.. އޭރުން 5 ޕަސަންޓު ފައިދާ ގުނަކޮށްފަ ލޯނު ދޭނެ...
ޑްރީމް
11 July 2017
ގެދޮރު ގަންނަން ކުޑަ އިންޓްރެސްޓެއްގައި ލޯނު ދޫކުރަނީ ނަމަ އެއީ މަމެންނަށް ކުޑަ އުފަލެއް ލިބިގެން ދާނެ ކަމެކެވެ. މަމެން އެދެނީ ލޯންގެ ރިޕޭމެންޓް ޕީރިއަޑް 50 އަހަރަށް ބަހާލާ އަދި ލޯނަށް އެލިޖިބުލް ވާ މީހުންގެ އެންމެ މަތީ އުމުރަކީ އެއީ 72 އަހަރު ކަމުގައި ހަދާ ދެއްވާނެ ކަމަށެވެ. 50 އަހަރުން މަތީ އުމުރެއްގެ މީހަކު ލޯން ނަގައިފިނަމަ އެމީހެއްގެ ދަރިއަކު ހުރި ނަމަ ދަރިއަކު ޖެހޭނީ އެފަދަ މީހަކު ދުނިޔެ ދޫކޮށްފައި ދާއިރު އެފަދަ މީހެއްގެ ދަރިއަކު ލޯން ދައްކަން ޖެހޭ ގޮތަށް އެގްރިމެންޓް ކޮށް އެކަން އެމަގުން ސަރުކާރުގެ އިކޮނޮމިކް ކައުންސިލުން ހަމަ ޖައްސަވާ ދެއްވާނެ ކަަމަށެވެ. މާލޭގައި ކުއްޔަށް އުޅޭ މީހުން ހަނާ އަރުވާލަނީ ތަންތަން ކުއްޔަށް ދޭ މީހުން. މިކަން އެބަޖެހޭ މަމެންގެ ސަރުކާރުން ބަދަލު ކޮށް މާލެ ސަރަހައްދުގައި ދިރިއުޅެން ބޭނުންވާ ކޮންމެ ބަޔަކަށް މާލެ ސަރަހައްދުން ފްލެޓްްސް ތައް އަބަދު ވެސް ގަންނަން ލިބޭނެ އިންތިޒާމް ފަސޭހަ އިން ހަމަ ޖައްސާ ދެވޭނެ ގޮތަކަށް އެކަން ހަމަޖައްސާ ދެއްވުމަކީ އެއީ މަމެން ވަަރަށް ދެކެން ބޭނުންވާ ކަމެކެވެ. މަމެން ދެކެނީ މަހު ކުލީގެ ގޮތުގައި ދެކޮޓަރީގެ އެޕާރޓްމެންޓް އަކަށް ދައްކަން ޖެހޭނީ މަހަކު 2000 ރުފިޔާ ކަމަށް. އަޕްފްރަންޓަށް ދައްކަން ޖެހޭނީ 12 ހާސް ރުފިޔާ ކަމަށް. އެއިރުން އެންމެ ބޮޑަށް އެބޭނުންވެފައިވާ މީހާ އަށް ވެސް އެލިބިގެން ދާނީ. އެއިރުން ދިވެހި ރައްޔިތުން ދިވެހި ސަރުކާރު ދެކެ ލޯބިވެ އަދި ދިވެހި ދަރިންނަށް ދިވެހި ގައުމު ދެކެ ލޯބިވާން ފުރުސަތު ލިބޭނެއެވެ. މަމެން ވަރަށް ދެކެން ބޭނުންވޭ ރާއްޖެތެރޭން މާލެ ސަރަަހައްދަށް ހިޖްރަ ކޮށްފައިވާ ހުރިހާ މީހުންނަށް ވެސް އެއިން ކޮންމެ މީހެއްގެ އަމިއްލަ ފްލެޓް ގައި ދިރިއުޅޭ ތަން ދެކެން. މީ މަމެން މަރުވުމުގެ ކުރިން ވަރަށް ދެކެން ބޭނުންވާ ކަމެކޭ. ދަ ޕްލޭފުލް ކޮންވަރޒޭޝަން ސްޓާރޓްސް ހިއަރ. ދިސް އިޒް މީ ޕްރޭއިންގް ދެޓް ދިސް އިޒް ދަ ވެރީ ފަސްޓް ޑޭ ދެޓް އައި އޭމް ގޮނާ ޝެއަރ ޔުއަރ ޑްރީމް އޭޒް މައި ސްވީޓް ޑްރީމް.
މަސްހިބަރު
11 July 2017
ރައީސް ނަޝީދު ސަރުކާރުގައި ހުޅުމާލެއިން ފްލެޓް ލިބުނު މީހުންނަށް ދޫކުރި ގޮތައް، ރައީސް ޔާމީންގެ ސަަރުކާރުން ލުއިފަސޭހަ ކަމާއިއެކު ފްލެޓްތައް ނުދެވެންވީ ސަބަބެއް ނުވިސްނޭ........ އެއީ އެމީހުންގެ އެއްވެސް ޝަރުޠެއްނެތް. ހަމައެކަނި ފްލެޓް ލިބުމުން ނިމުނީ ދެން އެއްބަސްވުމުގައި ސޮއިކޮށް މަހުންމަހަށް ދައްކަން ޖެހޭވަރު ބޭންކްގައި ހުރުން........ ސުވާލަކީ މިސަރުކާރުން ރައްޔިތުން ހެއްވަނީހޭ.... ނުވަތަ ރޮއްވަނީހޭ........ ހަނދާނެ ގޮތެއް ނޭގެންޏާ ކަންކުރަން އެނގޭ ބަޔަކާއި ހަވާލު ކުރުން ބުއްދި ވެރިވާނެ..... ވަރަށް ވެދުން