ކުރީގެ މިނިސްޓަރު އަސްލަމްގެ ފޯނު ބިލަށް ދައުލަތުން ޚަރަދުކުރި ތިން ލައްކަ ރުފިޔާ ހޯދަން ދައުވާކޮށްފި
އަސްލަމް: އޭނާގެ ފޯނު ބިލަށް ދައުލަތުން ދެއްކި ފައިސާ އަނބުރާ ހޯދަން އޮޑިޓާ ޖެނެރަލް އޮތީ ލަފާ ދެއްވާފައި
13 ޖުލައި 2017 - 12:57
22 comments
އެމްޑީޕީ ސަރުކާރުގެ ހައުސިން މިނިސްޓަރު މުހައްމަދު އަސްލަމްގެ ފޯނު ބިލު ދައްކަން ދައުލަތުން ޚަރަދުކުރި ތިން ލައްކަ އަށް ވުރެ ގިނަ ރުފިޔާ ހޯދަން ދައުލަތުން އަސްލަމާ ދެކޮޅަށް ދައުވާކޮށްފި އެވެ.
އޮޑިޓާ ޖެނެރަލް ނެރުއްވާފައި، ހައުސިން މިނިސްޓްރީގެ 2010 ވަނަ އަހަރުގެ އޮޑިޓް ރިޕޯޓް ދައްކާ ގޮތުން 2009 ވަނަ އަހަރުން ފެށިގެން އެކިފަހަރު މަތިން އަސްލަމްގެ ފޯނު ބިލު ދެއްކުމަށް އެ މިނިސްޓްރީގެ ބަޖެޓުން 312،000 އަށް ވުރެ ގިނަ ރުފިޔާ ޚަރަދު ކޮށްފައިވެ އެވެ. އެ ފައިސާ ޚަރަދު ކޮށްފައިވަނީ ގާނޫނާ ޚިލާފަށް ކަމަށާއި އެހެންވެ އެ ފައިސާ އަނބުރާ ހޯދަން އޮޑިޓާ ޖެނެރަލް އޭރު ލަފާ ދެއްވާފައިވެ އެވެ.
ފައިސާ ހޯދަން އަސްލަމާ ދެކޮޅަށް ދައުލަތުން ސިވިލް ކޯޓުގައި ދައުވާކުރާ މައްސަލަ މިިއަދަށް ވެސް އެ ކޯޓުން ތާވަލްކުރި އެވެ.
މާލިއްޔަތު ގަވާއިދާއި ޚިލާފަށް ޚަރަދު ކޮށްފައި ހުރި ފައިސާތައް އަނބުރާ ހޯދުމުގެ މަސައްކަތް ފިނޭންސް މިނިސްޓްރީން އަންނަނީ ކުރަމުންނެވެ.
އެމްޑީޕީގެ ވެރިކަމުގައި ބައެއް އިސް ބޭފުޅުން ގަވާއިދާ ޚިލާފަށް ޚަރަދުކުރި ފައިސާތައް އަނބުރާ ދައްކަން ފިނޭންސް އިން އޮތީ އަންގައިފަ އެވެ. އެ ފައިސާ ނުދައްކައިފި ނަމަ ދައުވާ ކުރާނެ ކަމަށް އެ މިނިސްޓްރީން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ބަކުރު
14 July 2017
ކިތަންމެ ވަރަށް ދެއްކިނަމަވެސް މިސަރުކާރެއް ދެނެއްނާންނާނެ 2018 އަށް ސޮރީ ފޯ ރައީސް ޔާމީން އަށް
އަމިއްލައެދުން
14 July 2017
ވަކިކުލައެއްގެ މީހެއްގެ ވާހަކަ ވީމަ އަޑާ ރާގާ ބަދަލުވޭ... މީ ޑިމޮކްރަސީގެ ބައްޕައޭ އައްމައޭ ކިޔާމީހުންގެ ހާލު.... އެހާ ޔަގީންވަންޏާ ބުނޭ ދަޢުވާކުރިއަސް މައްސަލައެއް ނެތޭ...
ރިޔާ
14 July 2017
މިކަންތައް ތަކުގެ ވާހަކަ އެމް ޑީޕީ ކުދިން އަޑަށް ބާރު ލާފަ ނުދައްކަނީ ކީއްވެބާ. ސިވިލް ސާވަންޓުންގެ މުސާރަ ކުޑަކޮށް ކެއީ ވެސް ހަމަ އެބޭފުޅުން.
ފޯނު
13 July 2017
ފުރަތަމަ ވެސް އެއްމެ ބޮޑު ކޮރަޕޝަން ތަހްގީގު ކުރަމާ ބަހީ...އޭގެ ފަހުން..
ޖާނޭ
13 July 2017
މުލިއާގޭގަ ކެއުން ތައްޔާރުކޮއްފަ ޖަލްސާ ތިބާއްވަނީ ބަލަ ހާޒިރުވެ ކާ މީހުންނަށް ފަހުން ބިލްކުރާނެ ސަރުކާރެއްވެސް ހަމަ އަތުވެދާނެއެއްނު އަސޭ!
އަހުމަދު
13 July 2017
ކޮމެންޓެއް ކޮށްލާނެ މީހަކުވެސް ނެތީތަ؟ ކޮރަޕްޝަން އެއް ނޫން ދެއްތޯ؟ މިއީ ސިޔާސީ ދައުވާ އަކަށް ނުވާނެބާ؟
ހަސަނު
13 July 2017
ދައުލަތުގެ ވަޒީފާގައި އުޅެފައިވާ ހުރިހާ އެންމެނަށް ދީފައިވާ މުސާރަ އަބުރާ ހޯދުމަށް ސަރުކާރަށް ކޯޓަށް ދެވިދާނެތޯ
ސުއޫދު
13 July 2017
ބަލަ އަލްޤީންވެސް ލާރި ގަނޑެއްކޭ... ކީއްވެ އެ ހޯދަން ނޫޅެނީ.
ޖާނޭ
13 July 2017
އަލްގީނު ކެޢީ އެއްނޫން. ސާބިތެއް ނުވޭ. އެބޭފުޅާ ފަރިއްކުޅުއްވީޔޯ !
ޙދހސވ
13 July 2017
މިހާރުވެސް މިއުޅެނީ ސަރުކާރުން ދޭން ހުރި ލާރި ނުލިބިގެން ކާކުބާ މި ދޭނީ
ގަމާރުބެ
13 July 2017
ބަލަ 5 އަހަރު ނިމެންދެން ކެއްކުރިނަމަ ތި ފައިސާވެސް ކޮންމެވެސް ގޮތަކުން ހަމަކުރިސްކަންނޭނެ. ދައުރު ހަމަނުވަނީސް ކޮންމެވެސް ބަޔަކު ވެރިކަމުގެ ދަހިވެތިކަމުގަ ވެރިކަން ބަދަލުކޮށް އެކަމާ ހަވާލުވެއްޖެވިއްޔަ. އެހެންވީމަ އެކަމާ ހަވާލުވިމީހުން ތިފައިސާ ދައްކަ. މިހާރު އެހެންވެސް ބުނެވިދާނެދޯ ކަންވީގޮތުން. އެކަމަކު 5އަހަރު ހަމަކޮށްފަ ފޭބިނަމަ އެކަންކުރިބަޔަކު ތިފައިސާ ދައްކަން ޖެހުނީހީ. އެއީ ވެރިކަން ހަވާލުކުރަނީ 5 އަހަރައްކަމައްވާތީ. މިސާލަކަށް މީހަކު ދޯންޏެއްބަންނަން ބަޔަކާ ހަވާލުކޮށްފަ ދޯނި ބަންނަން ދިން މުއްދަތު ހަމަނުވަނީ އެދޯނި އެމީހުން އައިސް ޖަހާގަނެގެން ގެންދިޔާމަ. ދޯނި އެހިސާބައް ބަންނަން ހަރަދުވި ފައިސާވެސް ދައްކަން ޖެހޭނީ ވަޑިމީހާތޯ. ކަންކަމާ ދޭތެރޭގަ ވިސްނަބަލަ. ހަމަ ބަޔަކައް ހަސަދަލިޔަކަސް ކަމަކުނުދާނެ. ޖީއެމްއާރައްވެސް ފައިސާދައްކަންޖެހުނީ އެހެންވެ.
ޖާރިޔާ އަހުމަދު ދީދީ
13 July 2017
އެއްވެސް ގުޅުމެއް ނެތް. މިހާލަތުގައި ވަޑިމީހާ ދައްކަން ޖެހުނީ ދޯނިބަންނަން ދިޔަ ޚަރަދެއް ނޫން. ދޯނި ބަންނަން ލާރި ހަވާލުކުރީމާ އަމާނާތަށް ޚިޔާނާތްތެރިވެ، އަމިއްލަކަންކަމަށް ޚަރަދުކުރި ފައިސާ އަނބުރާ ދޭންޖެހޭނެ. ވައްސަލާމް.