ކުރީގެ ރައީސް މުހައްމަދު ނަޝީދު
13 ޖުލައި 2017 - 21:58
35 comments
ސުޕްރީމް ކޯޓުން މިރޭ އިއްވި ހުކުމުގެ ސަބަބުން ރައްޔިތުންގެ މަޖިލިހުގެ ގޮނޑި ގެއްލިދާނެ މެމްބަރުންނަށް ހިތްވަރު ދެއްވައި، އެ ބޭފުޅުންގެ ފަހަތްޕުޅުގައި ކުރީގެ ދެ ރައީސުން ތިއްބަވާނެ ކަމުގެ ޔަގީންކަން ދެއްވައިފި އެވެ.
ކުރީގެ ރައީސް މައުމޫން އަބްދުލްގައްޔޫމާއި ކުރީގެ ރައީސް މުހައްމަދު ނަޝީދު ވަކިވަކިން ކުރެއްވި ދެ ޓްވީޓެއްގައި ވިދާޅުވީ ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމަށް ސޮއިކުރެއްވުމުން އެއްވެސް މެމްބަރެއްގެ ގޮނޑި ގެއްލިއްޖެ ނަމަ އެ ގޮނޑި ކާމިޔާބުކޮށްދޭން މަސައްކަތްކުރައްވާނެ ކަމަށެވެ.
ނަޝީދު ވިދާޅުވީ ގޮނޑި ގެއްލިދާނެތީ އެ މެމްބަރުން ކަންބޮޑުވެވަޑައިނުގަތުމަށެވެ.
އެމަނިކުފާނު ވިދާޅުވި ގޮތުގައި ގޮނޑި ގެއްލުވާލިއަސް "ﷲގެ އިރާދަފުޅާ އެކު، ތި ގޮނޑި ނަގައިދޭނެ" އެވެ.
ނަޝީދުގެ މި ޓްވީޓް އައީ ރައްޔިތުންގެ މަޖިލީހުގެ މެމްބަރުން ޕާޓީ ބަދަލުކޮށްފި ނަމަ، ޕާޓީން ވަކިވެއްޖެ ނުވަތަ ވަކިކޮށްފި ނަމަ މަޖިލީހުގެ މެމްބަރުކަމުގެ ގޮނޑި ގެއްލޭނެ ކަމަށް ސުޕްރީމް ކޯޓުން ކަނޑައެޅުމާ ގުޅިގެންނެވެ.
Majlis Raees ge ithubaaru neiykamah soi kurevvumun gon'di gellidhaane kamah kanboduve nullavva.Allah ge iraadhafulhun thi gon'di nagadheynan
— Mohamed Nasheed (@MohamedNasheed) July 13, 2017
ސުޕްރީމް ކޯޓުގެ ހުކުމް ބިނާކުރެއްވީ ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލާގައި ޕީޕީއެމްގެ 10 މެމްބަރަކު ސޮއިކުރެއްވުމާ އެކު، ބަންޑާރަ ނައިބު މުހައްމަދު އަނިލް ވެއްދެވި ދުސްތޫރީ މައްސަލައަށެވެ.
މައުމޫންގެ ޓްވީޓްގައި ވިދާޅުވީ ރައްޔިތުންގެ ހައްގުގައި މަސައްކަތްކުރެއްވުމުން ގޮނޑި ގެއްލިއްޖެ ކޮންމެ މެމްބަރަކު އަލުން ހޮވައިދޭން މަސައްކަތްކޮށްދެއްވާނެ ކަމަށެވެ.
މައުމޫން އޭގެ ކުރިން ކުރެއްވި ޓްވީޓެއްގައި ވިދާޅުވި ގޮތުގައި "މިއީ ޑިމޮކްރަސީގެ ކަޅު ދުވަހެކެ"ވެ. އެކަމަކު އަބަދުވެސް ކާމިޔާބު ލިބޭނީ ރައްޔިތުންނަށް ކަމަށް، އެމަނިކުފާނު ވިދާޅުވި އެވެ.
Rayyithunge haqqu gai masakkaiy kurevvumun gon'di gellijje komme menbaraku alun hovaidhinumah iraadha kurevviyyaa masakkaiy koh dheynan.
— Maumoon Abdul Gayoom (@maumoonagayoom) July 13, 2017
މައުމޫން ކުރެއްވި ޓްވީޓް
ބަންޑާރަ ނައިބު އަނިލް ހުށަހެޅުއްވި ދުސްތޫރީ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރި ހުކުމުގައި ބުނާ ގޮތުން ގޮނޑި ގެއްލޭނީ މިއަދުން ފެށިގެން ޕާޓީތަކުން ވަކިވާ، ވަކިކުރާ އަދި އެހެން ޕާޓީއަކާ ގުޅޭ މެމްބަރުންނެވެ. މިހާރުގެ ރައްޔިތުންގެ މަޖިލިހުގެ އިންތިހާބަށް ފަހު އެތައް މެމްބަރުންނެއް އެކި ޕާޓީތަކަށް ބަދަލުވެފައި ވިޔަސް، އެ މެމްބަރުންގެ ގޮނޑިއަށް އަސަރެއް ނުކުރެ އެވެ.
މެމްބަރެއްގެ ގޮނޑި ގެއްލިއްޖެ ނަމަ އެ ދާއިރާއެއްގެ ބައިއިލެކްޝަން ބާއްވަން އިލެކްޝަންސް ކޮމިޝަންގެ މައްޗަށް ވަނީ އަމުރުކޮށްފަ އެވެ. ގާނޫނު ބުނާ ގޮތުން ރައްޔިތުންގެ މަޖިލިހުގެ ހުސްވާ ގޮނޑިތަކުގެ ބައިއިލެކްޝަން ބާއްވަން ޖެހެނީ ދެ މަސް ދުވަހުގެ ތެރޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮގުބާ
14 July 2017
ސުޕުރީމް ކޯޓު ތިދެއްކީ ރީތި ނަމޫނާއެއް ސަބަބަކީރިސްވަތުގެ ހުތުރު ފައިސާ މަޖިލިސް މެންބަރުން ސަލާމަތްވިކަން
ޓ
14 July 2017
މެންބަރުން ހަލާކު ކޮއްފަ ކޮންވާހަކައެ.ކޮބާލަދު
ބޯނެއް ބުރުމާ
14 July 2017
ނަޝީދު މަސައްކަތްކުރާނީ އެމްޑީޕީ އަށް މެމްބަރުން ހޮވަން! މައުމޫނު؟! މާރިޔާ ވިދާޅުވިހެން ކަތިވެޅި ގެއްލި މަރިޔަބު ގެއްލި މަގުމަތިވެފަ މައުމޫނު ތިހިރީ!
ނަސީދު
14 July 2017
އަހަރެމެން އަމުދަކުން ނޫޅެން ރައްޔިތުންނަކާ ހެދީ! އަހަރެމެން އެކަކުވެސް ނޫޅެން. އަހަރެމެން އެންމެންވެސް މިއުޅެނީ ހަމަ އަހަރެމެންގެ އަމިއްލަ އެދުމާ ހެދީ. ޔާމީނުވެސް ލައިގެން މިބުނީ! ކަލޭމެން މޮޅެތި ސުރުޚީ އަޅައިގެން ތިކޮށްދޭ ޕްރޮޕަގަންޑާ މަސައްކަތުން އަހަރެމެންގެ މަސައްކަތަށް ވަރަށް ބޮޑަށް ކުރިއެރުންވެސް ލިބޭ!
މުރާސިލް
14 July 2017
ކެނެރީގޭ ނަޝީދާއި މައުމޫނާއި ދެބޭފުޅުން މެންބަރުންގެ ހައްޤުގައި އުޅުއްވާނެ ކަމަށް ހީވުމަކީ ކުށް ހީއެކެވެ. އެއީ ވެރިކމަގުގެ ލައްޒަތު ހޯދުމަށް ފެންބޮވައިގެންވާ ވާލެއް ބޮޑުކަމުން އަމިއްލަ އެދުނަށްޓަކައި ކުރައްވާ ކަންކަމެވެ ޢަދި އަމުދުން ކެނެރީގޭ ނަޝީދަކީ މުޅިންވެސް އަމިއްލަ އެދުމަށް ނޫނީ އެއްވެސް ކަމެއް ނުކުރާނެ ބޭފުޅެކެވެ. ޤައުމު ވިއްކާލައިގެންވެސް އަމިއްލަ މަންފާހޯދަން މަސައްކަތް ކުރާކަށް ނަޝީދު ފަހެއް ނުޖެހޭނެއެވެ.
މުރާއެ
14 July 2017
ގައުމު ވިއްކާލަން ބަޔަކު އެބަ އުޅޭތަ؟ އެކަހަލަ ގާނޫނެއްވެސް އަދި ބަޔަކު ހެދީތަ؟ ނޫނީ ރައްޔިތުނަގެ ތިޖޫރީއަށް ބަޔަކު ވައިވެސް އެބައެޅޭތަ؟ ހާދަ ބިރަކާ ޝައްކެކޭދޯ ތިޔަކުރަނީ.
ސުލޭމާނު
14 July 2017
ގޮނޑިގެއްލޭ މީހުންނަށް ކުރިމަތި ނުލެވޭ ގޮތަށް ޤާނޫނު ހަދާނެ. ދެނޯ!! ބޯހުރެގެން ކާމިޔާބު ވާނީ. އަދި ތި ދައްކާ ވާހަކަ ގަޅި.
މޮޔަ މީހާ
14 July 2017
ކަލޯ ސުލޭމާނު ސުޕްރީމް ކޯޓުގެ ނިންމުން ކިޔާލިންތަ ރަނގަޅަށް؟ ދެން އޮތީ މަޖްލީސް! ކޮންޓްރޯލް އޮތީ އިދިކޮޅު ފަރާތްތްކުގެ އަތުގާ.. ރައީސް މީހާ މިހާރު އެހުރީ ސްޕްރީމް ކޯޓުގެ ނިންމުމުން އިދިކޮޅަށް ދިޔަ މެމްބަރުން ގުޑާ ނުލީމާ ހަތަރު އުދަރެސް ފެނުޖެހިފާ.. ހީވޭ ކަމެއް ހެން! އަނިލް ކުރިކަމަކުން ރައީސް މީހާގެ ރިހޭ ފައިމައްޗަށް ދެވަނަ ފޮއި އެވައްޓާލީ... ހައްހައްހައްހާ....
ގަޅިބެ
14 July 2017
ޕާޓީ ވަކިވުމުން މެމްބަރުކަމުން ވަކިވާ ނަމަ އެއީ އެ މެމްބަރަކު ޖަވާބުދާރީ ކުރުވަން ރައްޔިތުންނަށް ލިބޭ ފުރުސަތެއް ކަމަށާއި މެމްބަރުކަމުން ވަކިވިޔަސް އެ ދާއިރާއެއްގެ ބައި އިލެކްޝަންގައި ވާދަ ކުރުމުގެ ފުރުސަތު އެ މެމްބަރަކަށް ލިބިގެންދާނެ ކަމަށް އުއްތަމަ ފަނޑިޔާރު ވިދާޅުވި އެވެ.
އާނުތު ލާއިލާ
14 July 2017
ގޮނޑި ގެއްލޭ މެމްބަރުންނަށް ކުރިމައްޗެއް ނުލެވޭނެއްނު ބައި އިލެކްޝަންގައެއް؟ މި 4 ލީޑާރސް އަނެއްކާ ހުކުމް ކިޔިބާ؟
އަބުދުﷲ
14 July 2017
އާނުތު ލާއިލާ ތިރީގައި ނަކަލު ކުރެވިފައި މިވަނީ އެހުކުމުގައި ބައި އިލެކުޝަނުގައި (މެމްބަރުކަން ގެއްލޭބޭފުޅުންނައް) ބައިވެރިވެވޭނެކަން ސާފުކޮއް އަންގައި ދިނުމައް އުއްތަމަ ގފަނޑިޔާރު ބުނެފައި ވާކަމައް ލިޔެވިފައިވާ ޕެރަގޮރާފް. ތިބޭފުޅާ ރަނގަޅައް ހުކުމް މުތާލިއާކުރުމައް ދައްނަވަން. (ނޯއިންގ ލިޓިލް އިޒް އަ ޑޭންޖާރ) ޕާޓީ ވަކިވުމުން މެމްބަރުކަމުން ވަކިވާ ނަމަ އެއީ އެ މެމްބަރަކު ޖަވާބުދާރީ ކުރުވަން ރައްޔިތުންނަށް ލިބޭ ފުރުސަތެއް ކަމަށާއި މެމްބަރުކަމުން ވަކިވިޔަސް އެ ދާއިރާއެއްގެ ބައި އިލެކްޝަންގައި ވާދަ ކުރުމުގެ ފުރުސަތު އެ މެމްބަރަކަށް ލިބިގެންދާނެ ކަމަށް އުއްތަމަ ފަނޑިޔާރު ވިދާޅުވި އެވެ.
ހަމީދު އަލީ
14 July 2017
ސުޕްރީމްކޯޓުގެ ހުކުމް ކިޔާލާފައި ވާހަކަ ދައްކާނަމަ ދޯ؟
ގައުމު
14 July 2017
ހުރިހިތާމައެއްގެ ބޮޑުކަމާއެވެ. މިގައުމުގައި އަދުލުއިންސާފުގާއިމްކުރަން މިތިބަމީހުންގެ ހާލަތާމެދު ހިތާމަކުރަން ޕާޓީގެޓިކެޓްގައި ގޮނޑިއައްއައިސް ޕާޓީބަދަލުކުރުމުން ވޯޓުލީމީހުންގެ ހައްގުގެވާހަކަދައްކާއިރު މެންބަރުން ހޮވަން ވޯޓުލީ އެންމެންވެސް ތިބީ ހަމައެގޮތުގައިތޯ ކިތައް ހާސްމީހުންތޯ ކުރިންތިބިގޮތްބަދަލުކުރީ މައުމޫންގެ ކިތަށް ސަޕޯޓަރުންތޯ އެމީހުންނަށް ވޯޓުލީ އަދާލަތުގެ ކިތަށް ސަޕޯޓަރުންތޯ ޖުމްހޫރީ ޕާޓީގެ ކިތަށް ސަޕޯޓަރުންތޯ ހެޔޮނުވާނެ ތިހާދދަރަޖައަށްވެއްޓެން
ޙސހސ
14 July 2017
ކޮންމެ މީހަކުވެސް އެމީހެއްގެ ފެންވަރުން ބޮޑާކަން ދައްކަމުން ތިދަނީ.........ވަކި މޮޅު/ ދެރަ އެކަކުވެސް ނެތް.....އެނގިދާނެތާ ރައްޔިތުން ނައްޓަކައި ގޮނޑި ދޫކޮއްލާ މެންބަރުން......
GAN Island
13 July 2017
މި ދައުލަތުގެ ހައްޤަށްޓަކައި ކުރާޏްޖެހުނު ކޮންމެ ކަމެއް ކުރުމަށް އަހަރުމެން ތައްޔާރު. ރާއްޖޭގެ ރައްޔިތުންނަށް ޑިމޮކްރަސީގެ މީރުރަހަ ހޯދާ ދިނުމަށް ރާއްޖޭގެ ސިޔާސީ ޕާޓީ ތަކުގެ ތެރެއިން Maldivian Democratic Party އާއި Jumhooree Party އަދި Adhaalath Party ގެ އިތުރުން ރާއްޖޭގެ ރައްޔިތުންގެ މެދުގައި އެންމެ މަޤުބޫލު ސިޔާސީ ލީޑަރުން ކަމުގައިވާ މުޙައްމަދު ނަޝީދު އާއި މައުމޫނު އަބުދުލް ޤައްޔޫމް ކުރައްވާ މަސައްކަތް އިތުރަސް ފުލާ ކުރައްވަން ޖެހޭ. . . މިދައުލަތުގެ ޤާނޫނު އަސާސީ ކޮށާސި ކޮށާލުން ހުއްޓުވުމަށާއި ރާއްޖޭގެ އަދުލު އިންސާފުގެ ނިޒާމް މިނިވަން ކުރުމަށް އަދި ދައުލަތުގެ ހަޒާނާ ރައްކާތެރި ކޮށް ދިނުމަށާއި ވެރިކަމަށް ބަސްބުނުމުގެ ހައްޤާއި ބާރު ރައްޔިތުންނަށް ދިނުމަށްޓަކާ ކުރާޏް ޖެހޭ މަސައްކަތް ފެށޭ ހިސާބަކީ ''މަޖިލީހުގެ ރައީސް ކަމުގެ ގޮނޑީކޮޅު'' ކަމުގައިވާ ނަމަ އެ ގޮނޑި ކޮޅު ހޯދައިގެން އެކަން ކުރާން ޖެހޭ. . . މަޖިލީހުގެ ރައީސްގެ ގޮނޑީ ކޮޅު ހޯދުމަށް ހުރި ހުރަހަކީ ޔާމީން އަބުދުލް ޤައްޔޫމް ގެ މިނިސްޓަރަކު (ބަންޑާރަ ނައިބް ކަމުގެ މަޤާމް ގައި ވެސް ހުންނެވި މީހާ) ސްޕްރީމް ކޯޓަށް ހުށަހެޅުއްވި މައްސަލައަށް ނެރެދެއްވި ރޫލިންގ ކަމުގައި ވާނަމަ ''އެއީ ބިރެއް'' ކަމަށް މަސީހް އާއި ދެކޮޅަށް ވޯޓް ދެއްވަން ތިބި މެންބަރުންނަށް ހީފުޅުވާނަމަ އެކަމުގައި ނުރައްކަލެއްނެތް ކަމުގެ ޔަޤީންކަން އެމެންބަރުންނަށް ދެއްވަން ޖެހޭ. . . . މިގޮތުން އެމްޑީޕީ ޖޭޕީ އަދި އޭޕީ އިން ނިންމާންވީ މިކަމުގައި ސަރުކާރާއި ދެކޮޅަށް ރައްޔިތުންގެ ހައްޤަށްޓަކައި ވޯޓް ދެއްވުމުން ގޮނޑީ ގެއްލިއްޖެ މީހަކަށް ފަސޭހަ ކަމާއި އެކުގައި ބައިއިލެކްޝަން ކާމިޔާބު ކުރުމަށް 3 ޕާޓީ ގުޅިގެން މަސައްކަތް ކޮށްދީ ގޮނޑި ކާމިޔާބު ކޮށްދޭނެކަން.