ކްރިމިނަލް ކޯޓުގައި މިއަދު އޮތް އަޑުއެހުމަށް ފަހު ފާރިސް އަނބުރާ ދޫނިދު އަށް ގެންދަނީ.---މިހާރު ފޮޓޯ: ހުސެއިން ވަހީދު
19 ޖުލައި 2017 - 15:04
39 comments
ކުރީގެ ރައީސް މައުމޫން އަބްދުލް ގައްޔޫމްގެ ދަރިކަލުން ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ގެ މައްޗަށް ތުހުމަތުކުރާ ރިޝްވަތު ހުށަހެޅުމުގެ މައްސަލައިގެ ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ދެންމެ އަމުރުކޮށްފި އެވެ.
ހަތަރު ގަޑިއިރަށް ވުރެ ގިނައިރު ވަންދެން ކުރިއަށް ގެންދިޔަ ބަންދުގެ މުއްދަތުގެ މަޖިލިހުގައި، ފާރިސް ޝަރީއަތް ނިމެންދެން ބަންދުގައި ބަހައްޓަން ގާޒީ އަލީ އާދަމް އަމުރު ކުރެއްވި ސަބަބުތަކުގެ ތެރޭގައި ހެއްކަށް ނުފޫޒު ފޯރުވަފާނެ ކަމަށް ބެލެވުން ހިމެނެ އެވެ.
ރިޝްވަތުގެ ތުހުމަތުގެ މައްސަލައިގެ ޝަރީއަތް ނިމެންދެން ފާރިސް ބަންދުގައި ބަހައްޓަން ކޯޓުން ނިންމިއިރު، އެ ޝަރީއަތް އަދި ނުފަށަ އެވެ. ފުލުހުން އަދިވެސް ދަނީ ހެކި ހޯދުމުގެ މަސައްކަތް ކުރަމުން ކަމަށް ވެ އެވެ. އެގޮތުން ފާރިސްގެ ބަންދުގެ މުއްދަތު ޖެހުމަށް ކޯޓަށް ގެންގޮސްފައިވަނިކޮށް ވެސް ވަނީ، އޭނާ ދިރިއުޅުއްވާ ގޭގޭގައި ހަރުކޮށްފައި ހުރި ސީސީޓީވީ ކެމެރާގެ ރެކޯޑިން ސިސްޓަމް ފުލުހުންގެ ތަހުގީގަށް ގެންގޮސްފަ އެވެ.
ކްރިމިނަލް ކޯޓުގައި މިއަދު އޮތް އަޑުއެހުމަށް ފަހު ފާރިސް އަނބުރާ ދޫނިދު އަށް ގެންދަނީ.---މިހާރު ފޮޓޯ: ހުސެއިން ވަހީދު
ޖިނާއީ އިޖުރާއަތުގެ ގާނޫނު ބުނާ ގޮތުން މީހެއްގެ މައްޗަށް ދައުވާ އުފުލުމުގެ ކުރިން، އޭނާގެ ބަންދާ މެދު ގޮތެއް ނިންމާއިރު، ކުށް ކުރި ކަމުގެ އެކަށީގެންވާ ހެކި ހުރެއްޖެ ކަމަށް ފެނިއްޖެ ނަމަ، އެ މީހަކު ޝަރީއަތް ނިމެންދެން ބަންދުގައި ބެހެއްޓުމަށް އަމުރުކުރުމުގެ ބާރު ގާޒީ އަށް އޮވެ އެވެ.
ރައްޔިތުންގެ މަޖިލިހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލަ މަޖިލިހަށް ވެއްދުމަށް މެމްބަރުންނށް ނުފޫޒު ފޯރުވައި ރިޝްވަތު ހުށަހެޅި ކަމުގެ ތުހުމަތުގައި ފާރިސް ހައްޔަރުކުރީ އިއްޔެ އެވެ. މަސީހް މަގާމުން ވަކިކުރުމުގެ މައްސަލަ މަޖިލިހަށް ވެއްދުމުގައި ވެސް އިސްކޮށް ހުންނެވި ފާރިސް ވަނީ އެ ތުހުމަތަށް އިންކާރުކޮށްފަ އެވެ.
ފާރިސްގެ މައްޗަށް އިތުރު ތުހުމަތެއް ކޮށް، އެ މައްސަލާގައި ހައްޔަރުކޮށްފައިވާއިރު، ޕީޕީއެމްގެ ދިދަ އާއި ލޯގޯ ގަވާއިދާ ޚިލާފަށް ބޭނުންކުރި ކަމަށް ބުނެ އޭނާގެ މައްޗަށް ވަނީ ދައުވާކޮށްފަ އެވެ. އެ މައްސަލައިގެ އިބްތިދާއީ އަޑުއެހުމެއް މިދިޔަ ހޯމަ ދުވަހު ވަނީ ބާއްވައިފަ އެވެ. އިބްތިދާއީ ދެވަނަ އަޑުއެހުން އޮންނާނީ އަންނަ އާދީއްތަ ދުވަހު އެވެ. ފުރަތަމަ އިބްތިދާއީ އަޑުއެހުމުގައި ފާރިސް ވަނީ އޭނާގެ މައްޗަށް ކުރާ ދައުވާ އަށް އިންކާރު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަބެ
19 July 2017
އެންމެފުރަތަމަބުނީ ކާފީ ހެކި އެބަހުރިކަމަށް! މިހާރުތިޔައުޅެނީ ހެކި ހޯދަން. ތިޔަ އިންޓެލިޖެސް ރިޕޯރޓްތަކަކީ ފިނި ކޮޓަރީގައި ތީވީބަލަންތިބެގެން ހަދާއެއްޗެއްތޯ!
ކޮސް ކަމެއް
19 July 2017
ގިނަވެގެން އެއްމެ އަހަރަކު ވެރިކަމުގައި ހުރުމަށް ޓަކައި މިއީ ދެން ކޮންކަމެއް ބާއެވެމި ވެރިކަމަށް 2 އަހަރަށް ވުރެ ގިނަ ދުވަހު ދެމި ނޯންނާނެ ކަން ރައީސް މީހާއަށް ވެސް ހަމަ ރަގަޚަށް އެގޭނެ ވިއްޔާއެވެ
ހެހެހެހެހެ
19 July 2017
1( އެކެއް) އަހަރު ދެން އޮތީ..އޮޅުނީ ދޯ؟
އަހުމަދު
19 July 2017
ޞަންދު ކުރީ ގޭގަ ކަމެއް ދޫނދޫގަ ކަމެއް ގާމާދޫގަ ކަމެއް މާލޭ ޖަލުގަ ކަމެއް ސާފެއް ނުވިއެވެ. ޢިތުރައް ބުނާނެ ވާހަކަ އެއްނެތެވެ.
އައިއެފް
19 July 2017
ވާނުވާ ޖަހާލީދޯ. ސަރުކާރު ބަލިވެއްޖެ.
ބުރުހާނުއްދީން ރައްބާނީ
19 July 2017
ފާރިޝް ކިތަންމެ ހިވެފާހުއްޓަސް ފާރީޝްގެ ވަކީލު ހާދަރުންކުރުވެފާހުރިހެން ހީވެޔޭ. ވެދާނެދޯ ކުރީގެ ފިލްމުސްޓާރެއްކަމަށްވީމާ ޖައްސައިގެންހުންނަ ޕޯހެއްކަމަށް.
ށަން
19 July 2017
ޙަމައެކަނި ޝުކުރުކުރާނީ ﷲތައާލާއަށް މިނުބައިނުލަފާ ވެރިމީހާގެ ނިމުން ވަރަށް ގާތްވެއްޖެ
މަދަނީ އެއްބެ
19 July 2017
ތިފޮޓޯ އިންފެންނަ ޕޮލިސް މީހަކީ މިވެރިކަމުގައި ހުރިހާ ސިޔާސީ މީހުންނަށް ޝަރީއަތް ހިންގި އިރު ކޯޓް ސަރަހައްދުން ފެންނަ މޫނެއް..އަދީ ހުކުމް ކުރި އިރު ހުރި... ކާނަލް ނާޒިމް ހުކުމް ކުރި އިރު ހުރި... މިހާރު ފާރިޝްގެ މުައްދަތު ޝަރީއަތުގައި ވެސް ހަމަ މީނަ... އަޅެ މިއީ އިއްތިފާގެއްތަ... ނޫނީ އެހެން ކަމެއް ތަ؟
އަފިހުންކޭ
19 July 2017
އެ ތަނުން ކާކު؟ ކެމޮފުލާޖު ޔުނީފޯ ތަ ނޫނީ ކެޝުއަލްކޮށްތަ، ތިޔަބުނާ މީހަކު ހުރީ؟ ސާފުކޮށްދީ!
ރޯޒް
19 July 2017
ތިޔައީ ވެރިަކަމަށް ތައްޔާރުކުރަން މިރާއްޖޭގައި ފޮނުވާ އެކަޑެމީ! މަރުހަބާ ފާރިސް. 2018 އަށް ދޮޮންވަނީ
ހެޔޮބަސް
19 July 2017
ނުހައްގުން އަނދަގޮނޑިވެސްޖެހިދާނެއެވެ. ކަސްތަޅު އަޅުވައި ގައިދުވެސްކުރެވިދާނެ! އެހެނަސް އަހަރެމެންގެ ރުހުމެއް ތާއީދެއް ގަދަކަމަކުން ނުހޯދޭނެ. އަނިޔާވެރި ކަމަކީ މާތް ﷲ އެކަލާނގެ ޒާތުފުޅަށް ޙަރާމްކުރައްވާފައިވާ ކަމެއް. އަނިޔާވެރިންގެ ނިމުމަކީ ހިތި ނިމުމެއްކަމުގައި ލެއްވުމަށް އެކަލާނގެ މިންވަރުކުރެއްވި ގޮތަކަށް ބަދަލުގެނެވޭނެ އެއްވެސް ބާރެއް އެހެން އެއްވެސް ފަރާތަކަށް ލިބިފައިނުވާކަން ހަނދާންކޮށްދެން.
ގުނބޯ
19 July 2017
ހަމަ އަންތަރީސްވެއްޖެ، އަސްލު މަ ހައިރާންވަނީ ގައްސާން މަޢުމޫނު އާއި ދުންޏާގެ ވަރަ ކެނޑިފަހުރި ވަރު އިހުސާސް ކުރެވޭތީވެ، މިދެބައިން ލަދުގަންނަން ޖެހޭނޭ މިހާރު މިސަރުކާރު ތެރޭގައި ތިބެން، ތީފުކެއްބޮޑުވަުރު...... ނަގޫފިތުނަސް... ސްޓީލިންގ ޕެރަޑައިސް ހަނދާވޭ ވަރަށް....