ހުޅުމާލޭގެ މަގުމަތި: ހުޅުމާލޭގައި އިންޓަނޭޝަނަލް ދެ ސްކޫލް ހަދަން ވަނީ ނިންމާފައި.-- ފޮޓޯ: އަމިން ކޮންސްޓްރަކްޝަން
21 އޯގަސްޓް 2017 - 14:07
7 comments
ހުޅުމާލޭގެ ފޭސް އެކެއްގައި އިންޓަނޭޝަނަލް ދެ ސްކޫލު އަޅާނެ ބަޔަކު ހޯދުމުގެ މަސައްކަތް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ފަށައިފި އެވެ.
އެ ކުންފުނީގެ މެނޭޖިން ޑިރެކްޓަރު މުހައްމަދު ސައިމަން ވިދާޅުވީ މިއަހަރު ނިމުމުގެ ކުރިން އަމަލީ މަސައްކަތް ފެށުމަށް، އެކި ފަރާތްތަކާ މިހާރު މަޝްވަރާކުރަމުން އަންނަ ކަމަށެވެ.
ފޭސް އެކެއްގައި މިހާރު ވެސް އިންޓަނޭޝަނަލް ސްކޫލެއް ހުރެ އެވެ. އެއީ ސްރީ ލަންކާގެ ގޭޓްވޭ ކޮލެޖާއި ކޮލިޓޭޓް އެޑިއުކޭޝަން ގުޅިގެން ހިންގާ ގޭޓްވޭ އިންޓަނޭޝަނަލް ސްކޫލެވެ.
ސައިމަން ވިދާޅުވީ ފޭސް އެކެއްގައި އިންޓަނޭޝަނަލް ފެންވަރުގެ ދެ ސްކޫލު އަޅަނީ، އާބާދީ އިތުރުވަމުން އަންނާތީ ކަމަށެެވެ. އަދި ކުރިއަށް އޮތް ތަނުގައި ފޭސް ދޭއްގެ ސަރަހައްދުގައި ވެސް ސްކޫލު އަޅާނެ ބަޔަކު ހޯދާނެ ކަމަށް ސައިމަން ވިދާޅުވި އެވެ.
"އެއް ދުވަހުން އަނެއް ދުވަހަށް އާބާދީ އިތުުރުވަމުން މިދަނީ. ފޭސް އެކެއްގައި ހަދަމުންދާ ބައެއް ފްލެޓުތަކުގެ މަސައްކަތް ނިމުމާ ކައިރި ވެފައިވާއިރު އެތަން ތަނަށް މީހުން އާބާދުވާން ފެށުމުން، ސްކޫލުތަކަށް ޑިމާންޑު ބޮޑުވާނެ. އެހެންވެގެން ދެ ސްކޫލު އަޅާނެ ބަޔަކު ހޯދުމުގެ މަސައްކަތް ކުރަމުން މިދަނީ. އަދި އެ ސްކޫލުތައް އަޅާނެ ގޮތުގެ ޕްލޭނެއް ނުނިންމޭ،" ސައިމަން ވިދާޅުވި އެެވެ.
ޒުވާނުންގެ ސިޓީގެ ގޮތުގައި ތަރައްގީކުރަމުން އަންނަ ހުޅުމާލޭގައި މިހާރު ވެސް 35،000 އަށްވުރެ ގިނަ މީހުން ދިރިއުޅެމުން އަންނައިރު، މިއަހަރު 10،000 މީހުން އިތުރުވާނެ ކަމަށް ސައިމަން ލަފާކުރެއްވި އެވެ.
މިވަގުތު ރާއްޖޭގައި ހުރި އެންމެ ބޮޑު ސްކޫލު، ރެހެންދި ސްކޫލު ވެސް ހުންނަނީ ފޭސް އެކެއްގަ އެވެ. އަދި މިއަހަރުގެ ޖެނުއަރީ މަހު އެޗްޑީސީން ވަނީ މުޅިން އާ ކޮންސެޕްޓަކަށް، ރެހެންދިއަށްވުރެ ބޮޑު ސްކޫލެއް އެޅުމަށް 132 މިލިއަން ރުފިޔާއަށް އަމިން ކޮންސްޓްރަކްޝަނާ ހަވާލުކޮށްފަ އެވެ. ހަތް ބުރިއަށް އިމާރާތް ކުރާ އެ ސްކޫލު އަންނަ އަހަރުގެ ކުރީކޮޅު ނިމޭނެ އެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ިމުހައްމަދު
22 August 2017
ބިލަބޮންގ ކަހަލަ އިންޓަރނޭޝަނަލް ސްކޫލެއްތޯ؟
ހައްވާ
21 August 2017
ގޭޓްވޭ ކަހަލަ "އިންޓަރނޭޝަނަލް" ސްކޫޅްތަކެއްބާ؟
އުމަރު
21 August 2017
ލައްކާއިން ބަޔަކު ގެނެސްގެން ސްކޫލެއް ހިންގީމަ އެބަދަލުވީ އިންޓަނޭޝަނަލް ސްކޫލަކަށް، މިއީ ދިވެހިންގެ ލޮޖިކް، ދުނިޔޭގެ އެހެން ޤައުމުތަކުގައި އެޤައުމުގެ މީހުން އިންޓަނޭޝަނަލް ކަރިކިއުލަމަށް ކިޔަވައިދީގެން އިންޓަނޭޝަނަލް ސްކޫލު ހިންގަނީ، ކޮންމެވެސް ދިވެއްސަކު އޭނާއަށް އެކަން ނުވީމަ ލަންކާގެ ބަޔަކު ބޮލަށް ވަދެގެން ސަރުކާރުގެ ކަންކަމާއިބެހޭ ފަރާތްތަކަށް ރިޝްވަތުދީގެން ހިންގާ ބޮޑެތިޖަރީމާތަށް މިއީ، ހުޅުމާލޭގެ އާބާދީ ބޮޑުވީމަ ވަޒީފާ އުފެއްދޭނެ ވިޔަފާރި މާހައުލެއް ގާއިމްކުރަންޖެހެނީ، ވިޔަފާރިތަކަށް ބިންތަށް ދޫކުރަންވީ، އަތްތެރިމަސައްކަތަށް، ވަޑާމުގެ މަސައްކަތަށް، ކޮންސްޓްރަކްޝަން މަސައްކަތްތަކަށް، މިހެންގޮސް އިތުރު ވަޒީފާއުފެދޭނީ ވިޔަފާރިތަކަށް ބިންދޫކޮށްގެން، ސްކޫލުތަކާއި ފުލެޓް އެޅިޔަސް އަދި ތަރައްޤީވީއެއްނޫން
ޒަމްޒަމް
21 August 2017
އިންޓަނޭޝަނަލެއް ކުރަންވީ. ސަރުކާރު ސްކޫލުތަކެއް އަޅަންވީ. އެޑިއުކޭޝަނަކީ މިހާރު ބޮޑު ވިޔަފާރިޔަކަށް ހަދައިފި.
ނުރަބޯ
21 August 2017
ވަރަށް އިޙްތިރާމާއެކު ދަންނަވަންޖެހެނީ ދިވެހިރާއްޖޭގެ ހުރިހާ ސްކޫލްތަކަކީ އިންޓަރނޭޝަނަލް ސްކޫލްތައްކަމަށް. ބައެއްގައުމުތަކުގައި، ސްކޫލްތަކަށް އިންޓަނޭޝަނަލް ސްކޫލްތައްކިޔަމުންދަނީ އެގައުމުގެ ތަކުގެ ޕަބްލިކް ސްކޫލްތކާއި ޚިލާފަށް އިންޓަނޭޝަނަލް ސްކޫލްތަކުގައި ސްކޫލް ނިންމާ އިމްތިހާނަކީ ކެންބްރިޖް/ އެޑްއެކްސެލް ފަދަ އެކްޒާމަކަށްވާތީ. ނަމަވެސް އެގައުމުތަކުގެ ސަރުކާރު ސްކޫލްތަކުގައި އާންމުކޮށް ކިޔަވައިދޭނީ އެގައުމެއްގެ އަމިއްލަބަހުން އަދި ހަދާނީވެސް އެގައުމުގެ ލޯކަލް އިމްތިހާނު. ދިވެހިރާއްޖޭގެ ހުރިހާ ސަރުކާރު ސްކޫލެއްގައި ކިޔަވައިދެނީ އިނގިރޭސިން އަދި ހަދަނީ ކެމްބްރިޖް/އެޑްއެކްސެލް އިމްތިހާނު. ވެގެންމިއުޅޭގޮތަކީ ތަޢުލީމު ދިނުން ވިޔަފާރި އަކަށް ބަދަލުވަމުންމިދަނީ. މީގެ ނަތީޖާ އަކީ ސަރުކާރުން ޕަބްލިކް ސްކޫލްތަށް ފުނޑާލުން، ދެން ކިރިޔާވެސް ލިބޭމީހާ ޖެހޭނީ ޕްރައިވެޓް ސްކޫލްތަކަށް ކުދިން ފޮނުވަން ނޫނީ ސަރުކާރުސްކޫލްގައި ދަސްވާރު ހަދަންމަޑުކުރަންޖެހޭނީ. ހިތާމަހުރި.
ސިއްތިއިބުރާހިމު
21 August 2017
ހުޅުމާލެ ނޫނަސް ހދ ހއ ގެރައްތަކުގަވެސް އިންޓަރ ނޭޝަނަލް ސްކޫލް އަޅަން ހަމަރަނގަޅު ވަކިބައެއްގެ ދަރިން މާލޭފުޅު ސަރަހައްދުގަ ތިބީމަ އޮންނަތަފާތު ކުރުން ފެނިގެން މިދަނީ
ކޮށްބަލަ
21 August 2017
ހުޅުމާލޭގައި އިންޓަރނޭޝަނަލް ސްކޫލް އަޅާ ހިންގަން ދޭންވީ ސިންގަޕޯރގެ ސްކޫލް އަކަށް. ސިންގަޕޯރގެ ސްޕޯރޓްސް ޔުނިވަރސިޓީ އަށް ދޭންވީ ސްކޫލް ތަކާއި ކޮލެޖްސް ތައް ހިންގަން ހުޅުމާލޭން 100 ހާސް އަކަފޫޓްގެ ބިމެއް. ވިއްކާލަންވީ އެ ޔުނިވަރސިޓީ އަށް އެފަދަ ބިމެއް 2 ބިލިއަން ރުފިޔާ އަށް ފްރީ ހޯލްޑް އުސޫލުން. އެއިރުން ހުންނާނީ ރަނގަޅަށެވެ.