ޚަބަރު / މެމްބަރު ސައުދު ހުސެއިން (ވިލިނގިލި)

މިސްރާބު ހުރީ ހަޒާނާ އަކީ ރަދުންގެ މިލްކަކަށް ހަދައި ރައްޔިތުން އަޅުންނަށް ހަދަން: ސައުދު

ވިލިނގިލީ ދާއިރާގެ މެންބަރު ސައުދު ހުސައިން ފުލުހުންގެ ބަންދުން ދޫކޮށްލުމުން އަތޮޅުވެހިން ނިކުމެވަޑައިގަންނަވާއިރު އިދިކޮޅު ބައެއް މެންބަރުން އުފާ ފާޅުކުރަނީ. -- ފޮޓޯ: ހުސެން ވަހީދު/މިހާރު

ފަޒީނާ އަހުމަދު، މިހާރު

22 އޯގަސްޓް 2017 - 11:46

12 comments

މި ސަރުކާރުން އަމާޒުހިފާފައި ވަނީ 16 ވަނަ ގަރުނުގެ ރަސްކަމާ ދިމާލަށް ކަމަށާއި ބޭނުންވަނީ ރައްޔިތުންގެ މުދަލާއި ހަޒާނާ ރަދުންގެ މިލްކަކަށް ހަދައި ރައްޔިތުން އަޅުންގެ ގޮތުގައި ބައިތިއްބަން ކަމަށް ވިލިނގިލީ ދާއިރާގެ މެމްބަރު ސައުދު ހުސެއިން މިއަދު ވިދާޅުވެއްޖެ އެވެ.

ސަލްޓަންޕާކު "ރަސްރަނި ބަގީޗާ"ގެ ނަމުގައި އަލުން ހުޅުވައިދެއްވައި ރައީސް ރޭ ދެއްކެވި ވާހަކަފުޅަށް އިޝާރާތް ކުރައްވައި ސައުދު ވިދާޅުވީ ރައީސް ވިސްނުންފުޅު ގެންގުޅުއްވަނީީ ރައްޔިތުންގެ ހުރިހާ ހައްގުތަކެއް ހަނިކޮށް، ހަމައެކަނި ވެރިކަން ހިންގުމުގެ ބާރުން ހުރިހާ ކަމެއް ކުރައްވަން ކަމަށެވެ. މިއީ، 16 ވަނަ ގަރުނުގައި ވެސް ރާއްޖޭގެ ކަން ހިނގައިދިޔަ އުސޫލު ކަމަށް ސައުދު ވިދާޅުވި އެވެ.

"އޭރުގެ ހާލަތަށް ދިވެހިރާއްޖެ އަނެއްކާވެސް މިދަނީ ވެއްޓެމުން. އޭރު ގޮނޑުދޮށަށް، ފަރަށް އެއްޗެއް ލެއްގިއަސް އެއީ ރަދުންގެ މިލްކެއް. ރުކަކުން ކާއްޓެއް ވެއްޓުނަސް ރަދުންނަށް. ރައްޔިތުންގެ އެއްޗެއް ނޯވޭ،" ސައުދު ވިދާޅުވި އެވެ.

އޭނާ ވިދާޅުވި ގޮތުގައި ހައްގުތައް ފުރިހަމައަށް ކަށަވަރުކޮށްދީ، މި ސަރަހައްދުގައި ނެތް ވަރުގެ ގާނޫނުއަސާސީއެއް ރާއްޖޭގައި އޮތް ނަމަވެސް އޭގެ ބާރު ވެސް "ކަނޑުވާލައިފި" އެވެ. ރަދުން ވެރިކަން ކުރަން، ގާނޫނާއި ގަވާއިދު ބޭނުން ނުވާ ކަން އެކި މީހުންނާ ދޭތެރޭގައި ހިންގާ އަނިޔާވެރި އަމަލުތަކުން ފެންނަމުންދާ ކަމަށް ވެސް ވިދާޅުވި އެވެ.

"ގާނޫނު ހަދަން ޖެހެނީ ރަދުން ވިދާޅުވާ ގޮތަށް. އެކަމާ ހިޔާލުތަފާތުވާ ނުވަތަ ދެކޮޅު ހަދާ މީހަކު ދާން ޖެހެނީ ހުރަގެ އަށް. މިހާރު ރަދުން އެ އޮތީ ވިދާޅުވެފައިި މަޖިލީހުގެ 13 މެމްބަރަކު ހުރަގެއަށް ލާން. ރަދުންގެ އެންގުމާ އެއްގޮތަށް އެކަން ހިނގާނެ،" ޖިނާއީ ތުހުމަތުކޮށް މެމްބަރުންތަކެއްގެ މައްޗަށް ދައުވާކުރަން ފޮނުވި މައްސަލައަށް އިޝާރާތް ކުރައްވައި ސައުދު ވިދާޅުވި އެވެ.

ރައީސް ޔާމީން ވެރިކަން ކުރައްވާ ގޮތަށް ސައުދު ފާޑުވިދާޅުވިއިރު، ޕީޕީއެމްގެ އެންގުމަކާ ގުޅިގެން އޭނާގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނާއި ރައްޔިތުންގެ މަޖިލީހުން ވަނީ ނިންމައިފަ އެވެ. އެކަމަކު އެއީ އެ ދެ މުއައްސަސާ އަށް ނިންމޭނެ ކަމަކަށް ނުވާތީވެ އެ މައްސަލަ އޭނާ އޮތީ ސުޕްރީމްކޯޓަށް ހުށަހަޅުއްވައިފަ އެވެ.

އެ މައްސަލައިގެ ޝަރީއަތް ނިންމައި މިހާރު އޮތީ ހުކުމް ކުރުމެވެ. މެމްބަރަކު ނޫން މީހަކު މަޖިލީހަށް ވަން ކަމަށް ތުހުމަތުކޮށް ސައުދަށް ދައުވާކުރަން ފޮނުވާފައިވާއިރު، ސުޕްރީމް ކޯޓުގެ ހުކުމް ލަސްވާތީ އޭނާ އަންނަނީ ކަންބޮޑުވުން ފާޅުކުރައްވަމުންނެވެ.

ފުލުހުން ދިވެހި ސަރުކާރު ކްރިމިނަލް ކޯޓް ސުޕްރީމް ކޯޓް އިދިކޮޅު ފަރާތްތައް ރައީސް އަބްދުﷲ ޔާމީން މެމްބަރު ސައުދު ހުސެއިން (ވިލިނގިލި)

12 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަތޫކުް

22 August 2017

ހަމަރަގަޅަށްވެސް ޔާމީނު ހުންނަނީ ދެއިރަށް ޑިކްޓޭޓަރަކަށް އަނެއްފަޅިޔަށް ހުދުމުހުތާރު ރަދުންނަކަށް މީނަނުންހޭ އެބުނީ ތިމަންނަގެ ގެއަށްވެއްދީ ހަލާލުފައިސާއެއްނޫނޭ، ގާނޫނުއަސާސީ ކަމަކުނުދެޔޯ، އޭގައިވަނީ މަރުތަޅުއެލިފައޭވެސް، ފައިސާ، އެފައިސާ، މިފައިސާއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިނާހު

22 August 2017

ސައުދުމެންގެ ހިތްވަރުން ހިތްވަރު ލިބިގެން ދިވެހިން އަނިޔާވެރިން މިޤައުމުން ބޭރު ކުރާނެ، އެދުވަސް ވަރަށް ގާތް ވެއްޖެ. މެމްބަރ ސައުދު ހުސައިން ތިކުރާ މަސައްކަތުގައި މާތް ﷲ ބަރަކާތް ލައްވާށި. އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

22 August 2017

މިސްރާބު ހުރީ މިގައުމު ތަރައްގީކޮށް އިތުރު އުސްމިންތަކަކަށް ގެންދިއުން!!! އެކަންކަމަށް ހުރަސް އަޅާ ގައުމު ހަލާކުކުރަން އުޅޭ މީހުން އެއްފަރާތްކުރެވޭނެ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

22 August 2017

އެމިސްރާބު ހުރީ އެގޮތަށްކަން އިދިކޮޅު މީހުން ބުނެދޭންފެށި ރައީސް ޔާމީނުގެ ވެރިކަމަށް 100 ދުވަސްވީދުވަހު، އެކަމަކު އެއިރުވެސް ދެން އަތްޖަހާ ކިޔަމުން މަޖިލިހުގެ ސުޕާރ މެޖޯރިޓީ ހޯދައިގެން މިސްރާބް ޖަހައިދިނީމާ މިހާރު ދަތުރުގެ މެދުތެރޭގައި ރައީސް ޔާމީނު އެހުންނެވީ، ދެން މިސްރާބް ބަދަލުކުރަން ހަދައިގެންވާ ހުރިހައިކަމެއް މިހާރު އެފެންނަނީ، ދެން ޖެހޭނީ ގަދަކަމުން މިސްރާބް ބަދަލުކުރަން، އެކަން ކުރެވޭނީ ވަރަށްބޮޑެތި ގުރުބާނީތަކެއްވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްޤު

22 August 2017

ފަހަކަށް އައިސް ސިޔާސީ ބޭފުޅަކު ވިދާޅުވި އެންމެ މުނާސަބު ވާހަކަކޮޅު. އެކަމަކު ރައްޔިތުންގެ ނިކަމެތިކަމުން މަދު ފައިސާކޮޅެއް ނުވަތަ ފްލެޓްގަނޑެއް ލިބިދާނެކަމުގެ އުއްމީދުގައި ތިޔަކަންކަމަށް ތާއީދުކުރާ ދިވެހިންވެސް އެބައުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުަން

22 August 2017

ރަދުންނުބުނާގޮތަކަށް ހުކުމެއްނުކުރެވޭނެ އެއީ އިސްލާމީޝާރީއަތާ ތަހުޒީނު ޑިމޮކްރަސީގައި އެކަން ހިނގާގޮތޯ ދެން އަތްޖަހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާދީބު ރާނީ

22 August 2017

ދެރަ ކަމަކީ އެކަމަށް ބާރުދޭ ބައަކު ތިބިކަން. އަދި އެގޮތް ބޭނުންވާ ބައަކު ތިބިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއާ

22 August 2017

ދިއްދޫ ދާއިރާއަށް އަމިއްލައަށް ޚަރަދުކޮށްގެން ލިބުނު ގޮނޑިވެސް, ރަދުން ޚަރަދު ނުކުރިޔަސް ރަދުން މި ގޮނޑި ހޯދަދޭން އެއްވެސް މަސައްކަތެއް ނުކުރިޔަސް މިގޮނޑިވެސް ގެއްލުވާލަން މަސައްކަތްކޮށް މި ގޮނޑިވެސް މިވަނީ ރަދުންގެ ގޮނޑިއަކަށް ހަދާފައި, މީ މިއަދުގެ އިންސާފު އޮތް ހިސާބު, ވިސްނާ ބަޔަކަށް އިބްރަތެއް ކަމުގައި މި ރަދުންގެ ވެރިކަން ވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިބިހޫރު

22 August 2017

ކުރީގެ ރަދުންތައް ވަނީ މަރުވެ ގޮސްފައި. އެކަމަކު މިރަދުން މި ހީކުރަނީ ތިމަންނާ ދުވަހަކު މަރެއްނުވާނެ ކަމަށް. އެހެންވެ ހުރިހާ އެއްޗެއްގެ މިލްކުވެރިޔާއަށް ވާން ބޭނުންވަނީ