އިލްހާމާއި ސިނާންގެ ދާއިރާގެ ބައިއިލެކްޝަން ވެސް ބާއްވަނީ

ޕީޕީއެމުން ބޭއްވި ހަފުލާއެއްގައި އިލްހާމް (ކ) އަދި މައްޗަންގޮޅީ ދެކުނު ދާއިރާގެ މެމްބަރު ސިނާން.---މިހާރު ފައިލް ފޮޓޯ

28 އޯގަސްޓް 2017 - 00:18

ދަނގެތި ދާއިރާގެ މެމްބަރު އިލްހާމް އަހުމަދާއި މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާންގެ ގޮނޑި ވެސް ގެއްލިފައިވާ ކަމަށާއި އެހެންވެ އެ ދެ ދާއިރާގެ ބައިއިލެކްޝަން ވެސް އޮންނާނެ ކަމަށް އިލެކްޝަންސް ކޮމިޝަނުން މިރޭ ބުނެފި އެވެ.

ވެރިކަން ކުރާ ޕާޓީ، ޕީޕީއެމުން ވަކިކުރުމާ ގުޅިގެން މަޖިލީހުގެ ގޮނޑި ގެއްލިއްޖެ ކަމަށް އިލެކްޝަންސް ކޮމިޝަނުން ނިންމާފައިވާ ހަތަރު މެމްބަރެއްގެ ގޮނޑިއާ މެދު އިތުރަށް ނިންމަން ޖެހޭ ނިންމުމެއް ނެތް ކަމަށް ސުޕްރީމް ކޯޓުން މިރޭ ކަނޑައެޅުމާ ގުޅިގެން، އެ ކޮމިޝަނުން ބުނީ އެ ހަތަރު ދާއިރާއެކޭ އެއްގޮތަށް ދަނގެތި ދާއިރާ އާއި މައްޗަންގޮޅީ ދެކުނު ދާއިރާގެ ބައިއިލެކްޝަން ވެސް އޮންނާނެ ކަމަށެވެ.

ގޮނޑި ގެއްލިއްޖެ ކަމަށް ނިންމައި ބައިއިލެކްޝަން ބާއްވަންޖެހޭ ގޮތަށް ކުރިން ކަނޑައަޅާފައި ވަނީ ތުލުސްދޫ ދާއިރާ (މުހައްމަދު ވަހީދު އިބްރާހީމް) އާއި މަޑުއްވަރީ ދާއިރާ (މުހައްމަދު އަމީތު) އާއި ވިލިނގިލީ ދާއިރާ (ސައުދު ހުސެއިން) އަދި ދިއްދޫ ދާއިރާ (އަބްދުއްލަތީފް މުހައްމަދު) ގެ އެވެ.

މަޖިލީހުގެ ގޮނޑި ގެއްލުނު ހަ މެމްބަރުން (ކ-ވ) ސައުދު، އިލްހާމް، ސިނާން، ލަތީފް، ލޯޔަރު ވައްޑެ އަދި އަމީތު.---މިހާރު ފޮޓޯތައް

ރައްޔިތުންގެ މަޖިލީހުގެ ހަ ދާއިރާއެއްގެ ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކުރިއްސުރެ ކަނޑައަޅާފައި ވަނީ، ރައްޔިތުންގެ މަޖިލީހުގެ މެންބަރަކު މަޖިލީހަށް އިންތިޚާބުވި އިރު ހުންނެވި ޕާޓީ ނޫން އެހެން ޕާޓީއަކަށް ބަދަލުވުމުން، ވަކިވުމުން ނުވަތަ ޕާޓީން ވަކި ކުރުމުން މަޖިލީހުގެ މެންބަރުކަން ގެއްލޭނެ ކަމަށް ސުޕްރީމް ކޯޓުން މިދިޔަ މަހުގެ 13 ގައި ކުރި ހުކުމާ ގުޅިގެންނެވެ. ނަމަވެސް އެ ހުކުމާ ގުޅިގެން އެކި ފަރާތްތަކުން ތަފާތު ރައުޔު ނެރެމުން ދަނިކޮށް، ސުޕްރީމް ކޯޓުން ފަހުން ނެރުނު އަމުރެއްގައި ބުނީ، ކުރީގެ ހުކުމަކީ މާޒީގައި ވެފައިވާ ކަމެއްގެ މައްޗަށް ތަންފީޒުކުރުން ހުއްދަ ހުކުމެއް ނޫން ކަމަށެވެ.

ސުޕްރީމް ކޯޓުގެ ހުކުމާ އެކު، ހަ މެމްބަރެއްގެ ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅުމާއެކު، އޭގެ ތެރެއިން ލޯޔަރު ވައްޑެ އާއި ސައުދާއި އަމީތު އަދި ލަތީފް، އެ މައްސަލާގައި ގޮތެއް ނިންމައި ދިނުމަށް އެދި ސުޕްރީމް ކޯޓަށް މައްސަލައެއް ހުށަހަޅުއްވި އެވެ.

އެ މައްސަލާގައި ސުޕްރީމް ކޯޓުން މިއަދު ނިންމީ އެ ގޮނޑިތަކާ މެދު އިތުރަށް ނިންމަން ޖެހޭ ނިންމުމެއް ނެތް ކަމަށެވެ.

UPDATE: 4 membarunge gondi aa medhu ithurah nimman jehey kameh neiy: Supreme Court

The most trusted news source in the Maldives

Mihaaru

ސުޕްރީމް ކޯޓުގެ އެ ނިންމުމާ އެކު، އިލެކްޝަންސް ކޮމިޝަނުން ކަނޑައެޅީ ކުރިން ވެސް އާންމުކުރި ގޮތަށް ހަ ދާއިރާއެއްގެ ގޮނޑި ގެއްލިފައިވާ ކަމަށެވެ. އަދި އެ ހަ ދާއިރާގެ ބައިއިލެކްޝަން ވެސް އޮންނާނެ ކަމަށް އިލެކްޝަންސް އިން ނިންމި އެވެ.

ކުރީގެ މެމްބަރު އިލްހާމް އަހުމަދު މެމްބަރު އަބްދުﷲ ސިނާން އިލެކްޝަންސް ކޮމިޝަން ބައި އިލެކްޝަން ރައްޔިތުންގެ މަޖިލިސް ސުޕްރީމް ކޯޓް

21 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާމިޔާބު

28 August 2017

ޮްާަަ ﷲ އިރާދަކުރެއްވިއްޔާ ޝިނާނަށް ކާމިޔާބު ލިބޭނެ. އަދި ﷲ އިރާދަފުޅުން 2018ގައި ޕީޕީއެމް ބަލިކޮށް އިދިކޮޅަށް ކާމިޔާބު ލިބޭނެ, ވެރިކަންވެސް ކޯޓުން ޕާޓީވެސް ކޯޓުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެނބަދޫ ރައްޔިތެއް

28 August 2017

ސްޕްރީމް ކޯޓްގެ ހުކުމުގައި އެއްބައި މަދުކަމަށް ފެނޭ އެއީ ދާއިރާގެ ރައްތަކަށް ނާންނަ މެންބަރުންގެ ގޮނޑިވެސް ގެއްލޭނެކަމަށް އޮތްނަމަ ގައިމު ކެނދިކުޅުދޫ ދާއިރާގެ ބައި އިލެކްޝަން ވެސް ބާއްވަން ޖެހުނީހެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަށް ސަލާމް

28 August 2017

ޤާނޫނުއަސާސީގެ 72 ވަނަ މާއްދާ ބުނާގޮތުން، ރައްޔިތުންގެ މަޖިލިސްގެ މެމްބަރެއްގެ ގޮނޑި ގެއްލިއްޖެކަމާމެދު ސުވާލު އުފެދިއްޖެނަމަ އެމައްސަލައެއް ބަލައި ގޮތެއް ނިންމުމުގެ ބާރު ލިބިގެންވަނީ ސްޕްރީމް ކޯޓަށެވެ. މިހެން މިކަން އޮއްވައި މެމްބަރުންތަކެއްގެ ގޮނޑި ގެއްލިއްޖެކަމަށް ނިންމީ އިލެކްޝަން ކޮމިޝަނުންނެވެ. އެއީ އެކޮމިޝަންގެ އިޚްތިޞާޞްގެ ތެރޭގައި ހިމެނޭ ކަމެއްނޫނެވެ. އެކޮމިޝަނަށް ބުނެވޭނީ މިވެނި މެމްބަރުން ޕާޓީން ވަކިކުރީ މިވެނި ތާރީޚެއްގައި ކަމަށެވެ. އެހެންކަމުން ގޮނޑި ގެއްލިއްޖެކަމާމެދު ސުވާލު އުފެދޭކަމަށެވެ. ދެން އެބޭފުޅުން ޖެހޭނީ ސްޕްރީމްކޯޓަށް އެކަން ހުށަހަޅާށެވެ. ފަހުންވެސް ސްޕްރީމް ކޯޓުން ވިދާޅުވީ ގޮނޑިއާމެދު ސުވާލެއް ނެތްކަމަށެވެ. އޭގެމާނައަކީ ގޮނޑި ނުގެއްލުމެވެ. މިހާހިސާބުންވެސް އިލެކްޝަނުން ބޭނުންވަނީ ބައިއިލެކްޝަން ބާއްވާށެވެ. ކުރިޔަށް ގެންދެބަލާށެވެ. ފަހުން ފެންނާނީ ސުމޯޓޯމައްސަލައެއްގައި ކޮމިޝަންގެ ބޭފުޅުންނާމެދު ފިޔަވަޅުއަޅާތަނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުލޫމާތު

28 August 2017

ސުޕްރީމް ކޯޓުން މެމްބަރުންގެ ގޮނޑި އާއި ބެހޭގޮތުން ނިންމި ނިންމުމުގެ ހުލާސާ ސިޓީ ގައިވާ އެއްޗުއް ފަހުމުނުވާގޮތައް އެއޮތީ ކިހިނެއްވެބާވައެވެ. ގާޒީ ބާރީގެ އާއިލާއައްދެމުންއައި ސެކިއުރިޓީ މި އުނިކުރީ ކީއްވެގެންބާވައެވެ؟؟؟ މާދަމާ ދެންތިބި ގާޒީންނައް ހަދާނީ ކިހިނެއްބާވައެވެ؟؟؟ ކޯޓުތަކުގެ އަމުރުތަކާއި ސަރުކާރުގެ މުއައްސަސާތަކުން ހިލާފު ވަމުން ދަނީ ކީއްވެބާއެވެ؟؟؟ މިކަންކަން ބަލަންތިބި މުއައްސަސާތައް ކޮބާތޯއެވެ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާ7

28 August 2017

ފަސާދައިގެ ތެރެއިން ފަސާދަ ވެރިންނަށް ނެރެވޭނެ އިންސާފެއް ހަމަޖެހުމެއް އޮންނާނެ ހެއްޔެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލާމް

28 August 2017

ސްޕްރީމް ކޯޓްއަކީ ފިނޑި ކޮރަޕްޓްތަނެކެވެ. އެތާގައި ހުރީ ދުނިޔެއަށް ހުސްވެފައި ތިބި ފަޑިޔާރުންނެވެ. ރާއްޖެގައި އަދުލު އިންސާފް ގާއިމު ކުރެވޭނެ ކޯޓެއް މުވަސަސާއެއް އޮތް ކަމަކަށް ގަބޫލެއް ނުކުރަމެވެ. ގަދަ މިހާ ނުނީ ބޮޑު މީހާ ބޭނުންގޮތެކެވެ. އާމުން ޓެކްސް ދައްކައިގެން ކުލިދައްކައިގެން އުޅުން ނޫން ގޮތެއްނެތެވެ. ހިވަނީ ވެހެއީ އެކަން ކުރަން ހެނެވެ. ގައުމަށް ވަރަށް ސަލާމް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

28 August 2017

ގަދަބަސް ބުނެ ހޫނުފެން އެޅޭނެ ކަމަށް ބުނިމީހާއަށް ކިހިނެތްމިވީ. ޕަކާޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލު

28 August 2017

ސުޕްރީމް ކޯޓުން ނެރޭ އަމުރަކާ ހިލާފަށް އިލެކްޝަންސް ކޮމިޝަންއިން ނިންމުމެއް ނިންމައިފިއްޔާ އެތާތިބި މެމްބަރުންނަށް އެޅެން އޮތް ފިޔަވަޅަކީ ކޮބާ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭއިންސާފާ އަނިޔާ އާއްމު ވެއްޖ

28 August 2017

ބޭއިންސާފުން އަދި ޤާނޫނީ އިޚްތިސާށެއް ނެތި 4 މެމްބަރުން ވަކި ކުރަން ކެރުނު މީހަކަށް ވޯޓް ފޮށި އޮޅުވާލަން ނުކެރޭނެ ކަމަށް ރައްޔިތުން ހީނުކުރުން ހުއްޓެވެ. .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްލެޓް ފިނޑި

28 August 2017

ގަދަ އެރުވި ތިން ފަނޑިޔާރުނަކީ ސުމެއްގެ ބައެކެވެ.މުޅި ޖުޑީޝަރީ ފެއިލް ކޮށް ލީއެވެ. ހަމަ އަމިއްލަ އެދުމަށް ޓަކައި ޤައުމު އަދުލު އިންސާފުގެ ނިޒާމު ފަނާ ކޮށްފި އެވެ.