ޚަބަރު / ރައީސް މައުމޫން އަބްދުލްގައްޔޫމް

ރޮހިންޖާގެ މުސްލިމުންނާ ދެކޮޅު ޖަރީމާތައް ހުއްޓުވަންޖެހޭ: މައުމޫން

މިއަންމާގެ ރަކީން ސްޓޭޓުގެ މުސްކުޅި އަންހެނަކު ގެންދަނީ.

މުހައްމަދު ޔާމީން، މިހާރު

04 ސެޕްޓެމްބަރ 2017 - 17:22

މިއަންމާގެ ރޮހިންޖާ ދަރިކޮޅުގެ މުސްލިމުންނާ ދެކޮޅަށް އެ ގައުމުގެ ސަރުކާރުން ހިންގަމުންދާ ރަހުމުކުޑަ ޖަރީމާތައް ހުއްޓާލަން ރާއްޖޭގެ ކުރީގެ ރައީސް މައުމޫން އަބްދުލްގައްޔޫމް މިއަދު ގޮވާލައްވައިފި އެވެ.

މައުމޫން ކުރެއްވި ޓުވީޓެއްގައި ވިދާޅުވީ ރޮހިންޖާ މުސްލިމުންނާ ދެކޮޅު ޖަރީމާތައް ހަރުކަށި އިބާރާތުން ކުށްވެރި ކުރައްވާ ކަމަށެވެ. އަދި އެ ރަހުމު ކުޑަ ޖަރީމާތައް ހުއްޓުވުމަށް ބައިނަލްއަގުވާމީ މުޖުތަމައުން ފިޔަވަޅު އަޅަން ޖެހޭ ކަމަށް އެމަނިކުފާނު ވިދާޅުވި އެވެ.

Strongly condemn atrocities committed against Rohingya Muslims of Burma. International community must take steps to stop this genocide.
— Maumoon Abdul Gayoom (@maumoonagayoom) September 4, 2017

މައުމޫން ކުރެއްވި ޓުވީޓު.

ރޮހިންޖާ މުސްލިމުންނާ މެދު އެ ގައުމުގެ ސިފައިން އަނިޔާވެރިވާން ފެށީ މިދިޔަ މަހުގެ 25 ގައި ރޮހިންޖާގެ ބަޔަކު އަސްކަރީ ޕޯސްޓަކަށް ދިން ހަމަލާއާ ގުޅިގެންނެވެ. ސިފައިން ދޭން ފެށި ހަމަލާތަކުގައި އެތައް ބަޔަކު މަރުވެ، ދުނިޔޭގެ ސަމާލު ކަމަށް އެކަން ވަނީ އައިސްފަ އެވެ.

ރޮހިންޖާގައި ހިންގާ އިންސާނިއްޔަތާ ޚިލާފު އަމަލުތަކާ ގުޅިގެން، ރާއްޖެ އިން ވަނީ އެ ގައުމާ ދެމެދު ކުރާ ވިޔަފާރީގެ ގުޅުން އިއްޔެ އިން ފެށިގެން ކަނޑާލައިފަ އެވެ.

ރަކިނީ ސްޓޭޓުގެ މުސްލިމުންނާ ދެކޮޅަށް މިއަންމާގެ ސިފައިން އަނިޔާވެރިކަން ހައްދުފަހަނަޅާފައިވާއިރު ވެސް އެ ގައުމުގެ ލީޑަރު އަން ސަން ސޫކީ އެއްޗެއް ވިދާޅުނުވެ ހިމޭނުން ހުންނަވާތީ އޭނާ އަށް އެތައް ބަޔަކު ދަނީ ފާޑުކިޔަމުންނެވެ.

މި މައްސަލާގައި ރާއްޖޭގެ ކުރީގެ ރައީސް މުހައްމަދު ނަޝީދު ވިދާޅުވީ ރޮހިންޖާ ދަރިފަސްކޮޅުގެ މީހުންގެ އިންސާނީ ހައްގުތައް، އެ ގައުމުގެ ލީޑަރު ހިމާޔަތްކޮށް ދޭން ޖެހޭ ކަމަށެވެ.

ރަކީން އަކީ މިއަންމާގެ އެންމެ ފަގީރު ސަރަހައްދެކެވެ. އެ ސްޓޭޓުގައި މިލިއަނެއްހާ މުސްލިމުން ދިރިއުޅެ އެވެ. ރަކީންގެ މުސްލިމުންނަކީ އެ ގައުމުގެ މީހުން ކަމަށް މިއަންމާ ސަރުކާރުން ގަބޫލްކޮށްފައެއް ނުވެ އެވެ.

ރޮހިންޖާގެ އަވަށަކުން 700 ގެ އަންދާލާފައިވާ ކަމަށް އެންމެ ފަހުގެ ފޮޓޯތަކުން ދައްކަ އެވެ. އެކަމަކު ސިފައިންގެ އަތް ދަށުވެ، މަރުވީ ކިތައް މީހުން ކަމެއް އަދި ސާފެއް ނުވެ އެވެ.

ރައީސް މައުމޫން އަބްދުލްގައްޔޫމް މުސްލިމުން މިއަންމާ ރޮހިންޖާ ރާއްޖެ-މިއަންމާ

10 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފް

05 September 2017

މިހުރިހާ ޖަރީމާއެއް މިއަންމާއިން ހިންގާއިރު ކޮބާތަ ހުރިހާ މުސްލިމުންގެ ބައްޕަ ކަމަށް ދައުވާކުރާ މީހާ؟؟؟ ޔަޢުނީ ރަސްގެފާނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކްރަމް

05 September 2017

ރޮހެންގާ މުސްލިމުން ކަތިލާއިރު ސަޢޫދީއެރެބިޔާ ހިމޭނުން. އެމެރިކާދެކެ ގަންނަ ބިރުން މިކަން ކުށްވެރިކުރަން ނުކުރިފާ. ޙާޤީޤަތުގައިވެސް އާލް ސަޢޫދުންނަކީ މުސްލިމުންގެ ފޮށައި އަޅައިގެން ތިބި ޔަހޫދީންނާއި ނަސާރާއިންގެ ޚިދުމަތުގައި އެމީހުންނަށް އަޅުދާސްވެގެން އުޅޭ ބައިގަނޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖް

05 September 2017

މިޤައުމުގަ ބޮޑަތި ޖަރީމާތައް ހިންގަން ފުރުސަތުހުޅުވާލީ މައުމޫނު ފިނޑިކަމުން 30 އަހަރުގެ މާސިންގާ ބޮޑު 6 ދައުރު ނިމުނުއިރުވެސް އެކަމަށް ހައްލެއްނުހޯދެވުނު ނާގާބިލްވެފަ އަމިއްލަ އެދުން އިސްކުރުމުގާ ލާމަސީލުމީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީދީ

05 September 2017

މުސްލިމް ގައުމުތަކުންނާ ގައުމުގެ ލީޑަރުން މިކަން ކުއްވެރި ކުރުމަކުން ނުފުދޭ. ދިވެހި ރާއްޖެއިން މީގެން ކިތައް މީހުންނައްތޯ މި ބިމުން ހިޔާވެއްސެއް ދިނީ. ހަމަގައިމު އެކަކައްވެސް ހިޔާވެހިކަމެއް ނުދޭ. މުޅިންވެސް މިފެންނަނީ އެމެރިކާ ނޫނީ ޔޫރަޕުގެ ގައުމުތަކުން ހަންގުރާމައިގެ ރެފުއުޖީ މުސްލިމުގައުމުތަކުގެ ރައްރިތުންނައް ހިޔާވަހިކަންދޭތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޫގުލާ

04 September 2017

މައުމޫނު އަދި ޓުވީޓަކަށް ވާވަރު ޓުވީޓެއް އެކުރީ.. ނަސީދުވެސް ވަރަށް ވަނދު ގޮތަކަށް ކުއްވެރި ކުރި.. ސަރުކާރުންވެސް ވިޔަފާރީގެ ގުޅުން ކަނޑާލި އިރު ހީވަނީ މާ ގިނަ ވިޔަފާރިތަކެއް ކުރާބައެއްހެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮބްޒާވާ

04 September 2017

މީހުން މެރުމާ އިންސާނިއްޔަތާ ޚިލާފު އަމަލުތަކާ ލޮލުން ބޮލުން ދެކޮޅު. އެހެން ނަމަވެސް ބޭރު ދުނިޔޭގެ ހަބަރުތައް ދިރާސާ ކުރާމީހެއްގެ ހައިސިއްޔަތުން ބުނެލަން ބޭނުންވަނީ މިޔަންމާގައި މިހާރު ހިނގަމުން އެދަނީ ފާޑެއްގެ 'ސިޔާސީ' ހަމަނުޖެހުމެކޭ. ވަކި މުސްލިމުން ވެގެން ހިންގާ ޖަރީމާތަކެއް ނޫން. މައްސަލަ ފެށެނީ އެމީހުންގެ އޮރިޖިންއާމެދު ސުވާލު އުފެދޭ ހިސާބުން. މިޔަންމާއިން ބުނަނީ އެއީ ގަވައިދާ ޚިލާފައް އެގައުމަށް އެތެރެ ވެފަ ތިބި ބަންގްލަދޭޝް މީހުން ކަމަށް. އެހެން ނަމަވެސް ބަންގްލަދޭޝް އިންވެސް އެމީހުން ގަބޫލު ކުރާކަށް ބޭނުމެއް ނުވޭ. އެއްވެސް ގައުމަކުން އެހެންގައުމެއްގެ ބަޔަކު އަރާ އެގައުމުގެ ބިން ހިސާރުކޮށް ހެދުމަކަށް ޖާގައެއް ނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

04 September 2017

އިންޑިއާގަ ތަމަޅައިން އުޅޭ އެމީހުން ދިރި އުޅެނީ ޓަމިލް ނާޑޫ ސްޓޭޓްގައި ހަމަ އެގޮތަށް ސްރީލަންޖާގަވެސް ތަމަޅައިން ދިރިއުޅޭ އެމީހުން ދިރި އުޅެނީ ޖަފްނާ ކިޔާ ހިސާބެއްގައި ސްރީލަންކާގެ ސަރުކާރަށް ނުވަތަ އެހެން ބަޔަކަށްވެސް އެނގޭނެތޯ ޖަފްނާގައި ދިރިއުޅެމުންދާ ތަމަޅައިން އިންޑިއާއަށް ދިއުމަށް ނޭންގޭނެ އެއީ އެމީހުން އެތާގައި ދިރިއުޅޭތާ އެތައް ގަރުނެއްވެފާވާ އެތާގެ ރަށްވެހިކަން ނަށްވާތީ... މަލިކު މީހުން ދިވެހިރާއްޖެއަށް ދިއުމަށް އިންޑިއާ ސަރުކާރަށް އެންގޭނެބާ؟މިހުން ނަނީކީ ކުރެވޭނެ ކަންކަމެއް ނޫން