ހުޅުމާލޭގައި އަޅާފައިވާ ފްލެޓްތަކެއް: ގެދޮރުވެރިކަމުގެ މަޝްރޫއުގައި ގާތްގަނޑަކަށް 15،000 މީހުން ކުރިމަތިލި.
09 އޮކްޓޯބަރ 2017 - 14:25
32 comments
ސަރުކާރުގެ ގެދޮރުވެރިކަމުގެ މަޝްރޫއުގެ ދަށުން ހުޅުމާލޭގެ ދެވަނަ ފިޔަވަހީގައި 7000 ފްލެޓް އެޅުމަށް ހުށަހަޅާފައިވާ ޗައިނާގެ ކުންފުންޏަށް 369 މިލިއަން ޑޮލަރުގެ ސޮވެރިން ގެރެންޓީއެއް ސަރުކާރުން ދީފި އެވެ.
ރައްޔިތުންގެ މަޖިލީހުގެ މާލިއްޔަތު ކޮމެޓީގައި ވިލިމާލެ ދާއިރާގެ މެމްބަރު އަދި ކޮމެޓީގެ މުގައްރިރު އަހުމަދު ނިހާނު ވިދާޅުވި ގޮތުގައި އެއީ ހުޅުމާލޭގައި 7000 ހައުސިން ޔުނިޓް އެޅުމަށް ހުށަހަޅާފައިވާ ޗައިނާގެ ކޮންސްޓްރަކްޝަން ކޮމްޕެނީ ލިމިޓެޑަށް ދިން ގެރެންޓީއެކެވެ. މި ލޯނަކީ އިންޑަސްޓްރިއަލް ކޮމާޝަލް ބޭންކް އޮފް ޗައިނާ (އައިސީބީސީ) މެދުވެރިކޮށް ސަރުކާރުން ނަގާ ލޯނެއް ކަމަށް އޭނާ ވިދާޅުވި އެވެ.
ކޮމެޓީ ބައްދަލުވުމުގައި ނިހާނު މިއަދު ބައިވެރިވެވަޑައިގަންނަވަނީ. - ފޮޓޯ: ނިޝާން އަލީ/ މިހާރު
ފިނޭންސް މިނިސްޓްރީން ވަނީ އެކަމާ ގުޅޭ ކަރުދާސްތައް މާލިއްޔަތު ކޮމެޓީ އަށް ހުށަހަޅައިފަ އެވެ. ލިޔެކިޔުންތަކުން އެނގޭ ގޮތުގައި އެ މަޝްރޫއަށް 434 މިލިއަން ޑޮލަރު ހިނގާނެ ކަމަށް ބެލެވެ އެވެ.
ޗައިނާގެ ކުންފުންޏަކަށް އެހާ ބޮޑު ގެރެންޓީއެއް ދިން އިރު، އެކަމާ ގުޅޭ ގޮތުން މާލިއްޔަތު ކޮމިޓީގެ މިއަދުގެ ބައްދަލުވުމުގައި މެމްބަރުން މާ ގިނަ ވާހަކަތަކެއް ނުދައްކަވަ އެވެ.
މާލިއްޔާތު ގާނޫނު މިހާރު އޮތް ގޮތުން ސޮވެރިން ގެރެންޓީ ދޫކުރުމުގެ ކުރިން މަޖިލީހަށް ހުށަހަޅައި ފާސްކުރާކަށް ނުޖެހެ އެވެ. އެހެންވެ، ފިނޭންސް މިނިސްޓްރީން ޗައިނާގެ ކުންފުންޏަށް ދިން ގެރެންޓީގެ ލިޔެކިއުންތައް ވެސް މަޖިލީހަށް ފޮނުވީ މެމްބަރުންގެ މައުލޫމާތަށެވެ.
މާލިއްޔަތު ކޮމެޓީގެ މިއަދުގެ ބައްދަލުވުން ކުރިއަށް ދަނީ. - ފޮޓޯ: ނިޝާން އަލީ/ މިހާރު
ކޮމެޓީ ބައްދަލުވުމުގައި ގެމަނަފުށީ ދާއިރާގެ މެމްބަރު ޖަމީލް އުސްމާން ވިދާޅުވީ ވީހާ ވެސް ކުޑަ އަގެއްގައި ރައްޔިތުންނަށް ފްލެޓް ލިބޭނެ ގޮތަކަށް ބައްޓަން ކަންކަން ހަމަޖެއްސުމަށް އެދިވަޑައިގަންނަވާ ކަމަށެވެ.
"7000 ހައުސިން ޔުނިޓްގެ މަސައްކަތް ނިންމާފައި ރައްޔިތުންނާ ހަވާލު ކުރެވޭއިރު، މި ދެންނެވި ގޮތަށް (ވީހާ ވެސް ހެޔޮ އަގެއްގައި ފްލެޓް ލިބުން) އެކަން ކުރެވިއްޖެ ނަމަ، ރައްޔިތުންނަށް ލިބޭ ވަރަށް ބޮޑު ލުއި ފަސޭހައަކަށް ވާނެ،" ޕީޕީއެމްގެ މެމްބަރު ޖަމީލް ވިދާޅުވި އެވެ.
ހައުސިން މިނިސްޓަރު ޑރ. މުހައްމަދު މުއިއްޒު ކުރިން ވިދާޅުވި ގޮތުގައި ރައީސް އަބްދުﷲ ޔާމީންގެ ބޯހިޔާވަހިކަމުގެ ވައުދުގެ ބޮޑު ބައެއް އަންނަ އަހަރު ފުރިހަމަވާނެ އެވެ. އަންނަ އަހަރު ތެރޭގައި މަދުވެގެން 7،000 ފްލެޓްގެ މަސައްކަތް ނިންމާލެވޭނެ ކަމަށް ވެސް އޭނާ ވިދާޅުވި އެވެ. ބޯހިޔާވަހިކަމުގެ ދަތިކަން ފިލުވަން 15،000 ހައުސިން ޔުނިޓް އެޅުމަކީ މި ސަރުކާރުގެ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޞޫ
11 October 2017
ޖަމީލް + ނިހާން އަށް އެނގޭބާ 434މިލިއަން ޑޮލަރަށް 7000 ފްލެޓޭ ބުނައިރު އެއީ 956،040.00ރ އަށް ފްލެޓެއް ކަން؟ 550 އަކަފޫޓަށް ބެލީމަ އަކަފޫޓަަކަށް 1738ރ ކޮންޓްރެކްޓަރަށް.. މީ ވ ބޮޑު އަގެއް، އަދު ރާއްޖޭގައި ހުރިހ ަކޮންޓްރެކްޓަރުންގެ ރޭޓްވެސް އުޅެނީއަކަފުތެއް 1000ރ -1200ރ އަށް ... އަދި ކޮބާ ހައުސިންގ މިނިސްޓްރީގެ، ޕްރޮޖެްކްޓް މެނޭޖްޓީމް ގެ ހަރަދު، ކޮބާ ލޯން އިންޓެރެސްޓް؟... މިީ ލައްކަ ވާހަކަ... ދެނޯ
މިންނަތު
11 October 2017
ފުލެޓް އަޅާނެ ކަމުގެ އުފާވެރި ހަބަރު ލިބިއްޖެ ސާބަސް ރައީސް ޔާމީނު ސުކުރިއްޔާ މުއީޒު
ފްލެޓް
11 October 2017
އަަކަފޫޓަކަށް 1750ރ މީއީ ބޮޑު ކަޓެއް
ރަހުމަ
11 October 2017
ދަފުތަރުގަ ތިބިމީހުނަށް އިސްކަން ދޭނަމޭ ބުނި ނިހާނު ރަައްޔިތުން ގަޅަހައްދަނީ
މަހޭބެ
10 October 2017
ޗައިނާގެ ކުންފުނިތަކުން ރާއްޖޭގެ ސަބްކޮންޓްރެކްޓަރުން ލައްވާ މަސައްކަތް ކުރުވާފަ ފައިސާނުދީ ފިލަނީ...
2222
10 October 2017
އަޖައިބު. މާލޭގައުޅޭ މީހުން ދިރިއުޅެން ބިން ނެތިގެން ފްލެޓް އަޅަންވިއްޔޯ 600މިލިއަން ޑޮލަރު ދީގެން. ޗައިނާއާ، ތުރުކީއަށް. ވިލިގިނލި ނެގިގޮތަށް މާލެ ކައިރީ ރިސޯޓްތައް ނަގާ ގޮދޮރުނެތް މާލެއުޅޭ މީހުންނަށް ބިމާ ގެދޮރު ލޯނާ ދީފައި 400މިލިއަނުން ރާއްޖެތެރެ ތަރައްގީ ކުރީމަވީނު! އޭރުން މާލެހެޕީ ރާއްޖެތެރެ ހެޕީ
ކޖުޔ
10 October 2017
މިވަރުގެ ގެރެންޓީއެއް އަންނަން އޮތް ޖީލުތަކުގެ ބޮލުގެ އެޅޭގޮތަށް މަޖިލީހުގެ ރުހުންނެތި 5 އަހަރުން އަންނަ އެންމެ މީހަކަށް ދެވިގެން ނުވާނެ. ހުރިހާ ސަރަހައްދެއްގައި މިކަން ކުރަންތޯ އަހަންވާނެ. އެހެން އެހޭނީ މަޖިލީހުގައި. މަޖިލީހުގެ ރުހުން ހޯދަންވާނެ. މަށާށް ރަގަޅީ ތިޔަވުރެ ބޮޑު ލޯނެއް ރައްޔިތުން ބޮލުގައި އެޅުވުމުގެ ކުރިން މިސަރުކާރު ބަދަލުވިއްޔާ!
ދޮގެއްތަ؟
10 October 2017
ހެޔޮ ފްލެޓް ނޭޅިޔަކަސް. ތިވާހަކަ ދެއްކިޔަސް އާދެވެނީ ރުޅި.
ހަނދުކޭތަ
10 October 2017
މީގެ 10 މަސްދުވަސްކުރިން ތުރުކީގެ ކުންފުންޏަކަށްދިން 328 މިލިއަން ޑޮލަރުގެ ގެރެންޓީ. މުއިއްޒު މިންޓަރުކަމުގަ 6 އަހަރު. އެޅުނު އެއްވެސް ފުލެޓެއް ނެތް ނިހާނޫ
ބޯގޯސްކަމެއް
10 October 2017
1މިލިއަން ރުފިޔާ ގާތަށް ތީގެން އަލިފާން ފޮއްޓެއް(ސޮރީ މިބުނީ ފްލެޓެއްގެ) އަގު މިހާރުވެސް ތިބުނި ގޮތުން އެބައަރާ، ތިވަރު ސޮވަރިން ގެރެންޓީއެއް ރައްޔިތުންނަށް ދީގެން އަމިއްލަ ބިމުގައި ގެއެޅުމުގެ ވިސްނުމެއް ހަމަ ނެތީބާ؟ ތިޔޮށްބޮޑު ހުޅުމާލޭގައި ބިންކޮޅެއް އަތްފޯރާފަށެއްގައި ވިއްކާލުމުގެ ވިސްނުމެއް ހަމަ ނެތީބާ؟ މާލޭގައި ތޮއްޖެހުމުގެ ސަބަބުން ދިމާވެފައިވާ އިޖްތިމާއީ ބަލިމަޑުކަމަށް ރިޔާޔަށްކޮށްލާފަ ހަމަ އަދިވެސް ރައްޔިތުން ތޮއްޖެހުމާ ދިމާލަށް ގެންދަން ވިސްނުމަކީ ބޯގޯސްކަމެއް.
ދޮން އާމިރު
10 October 2017
ނުވާނެ.....2018އަށް ޖަހާ ކަޑަތިޔައީ...........މަވޯޓެއްނުދޭނަން.