މިއަދު ބޭއްވި ނޫސްވެރިންގެ ބައްދަލުވުމެއްގައި ނިހާން ވާހަކަ ދައްކަވަނީ-- ފޮޓޯ: ނިޝާން އަލީ/ މިހާރު
07 ނޮވެމްބަރ 2017 - 15:54
36 comments
ހދ. ކުޅުދުއްފުށީގައި އަންނަ އާދިއްތަ ދުވަހުގެ ރޭ ޕީޕީއެމުން ބޭއްވުމަށް ހަމަޖެހިފައިވަނީ ތާރީޚީ ޖަލްސާއެއް ކަމަށާއި އެއީ "އުދުހިގެންދާ" ޖަލްސާއެއް ކަމަށް އެ ޕާޓީގެ ޕާލިމެންޓަރީ ގުރޫޕު ލީޑަރު އަހުމަދު ނިހާން މިއަދު ވިދާޅުވެއްޖެ އެވެ.
ވެރިކަން ކުރާ ޕާޓީ، ޕީޕީއެމުން ކުޅުދުއްފުށީގައި ބާއްވާ ޖަލްސާއާ ގުޅޭގޮތުން ބޭއްވި ނޫސްވެރިންގެ ބައްދަލުވުމުގައި ނިހާން ވިދާޅުވީ އަންނަ އަހަރުގެ ރިޔާސީ އިންތިޚާބަށް ރައީސް އަބްދުﷲ ޔާމީން އެ ރަށަށް ވަޑައިގަންނަވާނީ "އުދުހިފައި" ކަމަށް އޭނާ ކުރިން ވިދާޅުވެފައިވާ ކަމަށެވެ. އަދި އެއީ ތެދަކަށް ވާނެ ކަމަށާއި އެއާޕޯޓުގެ މަސައްކަތް ރަސްމީކޮށް ފެއްޓެވުމަށް ކުޅުދުއްފުށީގައި ބާއްވާނީ ވެސް "އުދުހިގެންދާ" ޖަލްސާއެއް ކަމަށް ނިހާން ވިދާޅުވި އެވެ.
ކުޅުދުއްފުށީގައި އެ ޖަލްސާ ބޭއްވުމަށް ހަމަޖެހިފައިވަނީ ޕީޕީއެމްގެ ހަ ވަނަ އަހަރީ ދުވަހާ ވެސް ގުޅުވައިގެންނެވެ. މިއީ އެ ޕާޓީގެ އަހަރީ ޖަލްސާއެއް މާލެއިން ބޭރުގައި ބާއްވާ ފުރަތަމަ ފަހަރެވެ.
މިއަދު ބޭއްވި ނޫސްވެރިންގެ ބައްދަލުވުގައި ރިޔާޒު ރަޝީދު ވާހަކަ ދައްކަވަނީ-- މިހާރު ފޮޓޯ: ނިޝާން އަލީ
ޕީޕީއެމުން ބުނީ ކުޅުދުއްފުށީގައި ބާއްވާ ޖަލްސާ، އިދިކޮޅު ފަރާތްތަކުން ހއ. ދިއްދޫގައި ބޭއްވި ފަދަ ޖަލްސާއަކަށް ނުވާނެ ކަމަށެވެ. އަދި އެއީ މިހާތަނަށް ރަށެއްގައި ބާއްވާ އެންމެ ފުރިހަމަ ޖަލްސާއަކަށް ވާނެ ކަމަށާއި ކުޅުދުއްފުށީގެ ރައްޔިތުން އެއާޕޯޓަކަށް ބޭނުންވެފައިވާ މިންވަރު ވެސް ޖަލްސާއިން އެނގޭނެ ކަމަށް ޕީޕީއެމުން ބުންޏެވެ.
އަންނަ ބުރާސްފަތި ދުވަހު ވެސް މާލޭގައި ބޮޑު ޖަލްސާއެއް ބޭއްވުމަށް ޕީޕީއެމުން އަންނަނީ ތައްޔާރުވަމުންނެވެ.
ރައީސް ޔާމީން ވެސް ބައިވެރިވެ ވަޑައިގެންނަވާ އެ ޖަލްސާ ކުރިން ބޭއްވުމަށް ހަމަޖެއްސީ މި މަހުގެ ތިން ވަނަ ދުވަހުގެ ރޭގަ އެވެ. އެކަމަކު މޫސުން ގޯސްވުމުން ޖަލްސާ ފަސް ކުރީ އެވެ.
އެ ޖަލްސާ އިންތިޒާމް ކުރުމުގައި އުޅުއްވާ، މަޖިލީހުގެ ވިލުފުށީ ދާއިރާގެ މެމްބަރު ރިޔާޒު ރަޝީދު ވިދާޅުވީ ނަސްރުގެ ދުވަހާ ވެސް ގުޅުވައިގެން ބާއްވާ އެ ޖަލްސާގައި އެ ދުވަސް ތަޖުރިބާ ކުރެއްވި ބޭފުޅުން ވެސް ވާހަކަ ދައްކަވާނެ ކަމަށާއި އެ ހާދިސާއާ ގުޅޭ ގިނަ ވާހަކަތަކެއް ޖަލްސާ އިން އެނގޭނެ ކަމަށެވެ.
"މި ޖަލްސާގައި ބައިވެރިވާނީ ހަމައެކަނި ސިޔާސީ ބޭފުޅުންނެއް ނޫން. އެ ދުވަހުގެ ބަތަލުން ވެސް އެ ބޭފުޅުން ކުރެއްވި ތަޖުރިބާ ކިޔައި ދެއްވާނެ،" ރިޔާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުޅުވައިގެން
08 November 2017
ރައީސް ހިއްޕުޅަށް އަރާނެ ސަހަރޯއޭ މިމީހުންގެ އަޑިނުބައިކަމޭ، ފުރުސަތު ލިބިއްޖެނަމަ މަށައްވާނީ ކިހިނެއަބާ؟
ރަބަރު
08 November 2017
މާތް ﷲ ގެ އިރާދަފުޅާ މިންވަރުފުޅުން އުދުހިފަ ދިޔައަސް ކުޅުދުށްފުށި ރަން ޖަވާހިރަށް ހެދިއަސް 2018 ގައި ކަރުތެރޭ ހިތިރަހަ ލާނެ މިހާރުވެސް މަގޭކުރިމަތީ އިން މުވައްޒަފަކު މުވައްޒަފުން ކާރިން އަހަމުން އެދަނީ މާދަމާރޭ ޖަލްސާއަށް ދަންތަ؟ ނުދަންޏާ ސަބަބެއް ދައކަންޖެހޭ.
ޑިމޮކްރަސީ
08 November 2017
މިހާރުވެސް ހުރިހާ ރައްޔިތުން ހަމަ އުދުހެނީ /ކުލިދައްކާފަ އަގަޔާ އަތާދިމާނުވަނީ /ފްލެޓްވެސް ގެދޮރުވެރިންނަށް ސާބަހޭ އަތްޖަހަ އަތްޖަހަ އަތްޖަހަ އެންމެންބާރަށް އަތްޖަހާ
މާސް
08 November 2017
އެހެންވީމާ ކުޅުދުއްފުށީ ކޮންމެ ރައިއްޔަރަކަށް ފިޔަގަނޑެއް ލިބޭނެތާ އަދި ކުޅިތެރޭގައި ކެޔޮހައްދާނެތަނެއްވެސް ބާއްވާނެތާދޯ ހަހަހަހަ
ބުރާންތި
07 November 2017
އުދުހިފަދިޔަސް ދެމިފަ ދިޔަސް ނޫނީ ފިރުކިފަދިޔަޔަސް 2018ގެ ކުރިން އަވަހައްދާތާކައްދޭ. 2018 ވެރީ ސޮރީ.
ކާފޫރު
07 November 2017
ރިސޯޓު ހިއްސާކޮބާ ވޯޓެއް ނުދޭނަން މަށެއް
ބަފާ އަމާ
07 November 2017
ރައީސް ކަމުގެ ދައުރުގައި ރައީސްގެ އަމިއްލަ އެކައުންޓަށް ދައުލަތުގެ ފައިސާ ވަދެގެން ތަހުގީގު ކުރި ހެކި ހުރި ފުރަތަމަ ރައީސް. ދެން އަތްޖަހާ. އަހަރެމެންނަކީ ފުރަތަމަ މުސްލިމުން. އެއަށްފަހު ދިވެހިން. އެގޮތުގެ މަތިން އަމަލް ކުރާނަން.
555666
07 November 2017
އާ އެބުނާހެން. އައިހެވަންގައި ވަރަށް ބުރަކޮށް އުޅޭ ކުދިންނަށް ތިޔަ ޖަލްސާއަށް ދާން ފެރީ ލިބޭނެ ދޯ؟
ހޯހޯ
07 November 2017
ކަލޯ އުދުހިފަދިޔަޔަސް ދެއަހަރު ހަމަވެހިގައްޖެ އެއާރޕޯޓެއްއަދިނޭޅޭ މިހާރުތިޔައުޅެނީ 2018 ކައިރިވާތީ ގޮތްހުސްވެގެން ކުަޅުދުއްފުށީ މީހުން ތިޔަޖަލްސާއައް ނުދިޔަސް ޖެހޭނީ އެއާރޕޯޓްއަޅަން
ހުރިހާ
07 November 2017
ޕްރޮމިސްތައް ފުއްދާދިނަސް ހީވެސް ނުކުރާތި ވޯޓް ލިބޭނެ ކަމަށް، އެއީ ފާޅުގަ ތިހިންގާ ކޮރަޕްޝަންގެ އަމަލު ތައް ރޭ ދުވާ ދައުރު ވާ ހެން ރައްޔިތުން ނަށް އެނގޭ، މިހާރު ފައިނަލް ކައުންޓް ޑައުން ފަށާނަން ނޮވެމްބަރު 11 ގަ، ދެން ކަލޭމެން ފިރުކެން ޖެހޭނީ، އުދުއްސައެއް ނުގަނެވޭނެ