ހުކުރު ޚުތުބާ ފުރިހަމަ ނުވާ ކަމަށް ވިދާޅުވެ ޑރ. މަޖީދު ފާޑުވިދާޅުވެއްޖެ

ކުނޫޒުގައި ބޭއްވި ޖަލްސާއެއްގައި މަޖީދު ވާހަަކަ ދައްކަވަނީ-- މިހާރު ފޮޓޯ

އާމިނަތު ޝިފްލީން، މިހާރު

10 ނޮވެމްބަރ 2017 - 23:58

މިއަދުގެ ހުކުރު ނަމާދުގެ ޚުތުބާ ބިނާކޮށްފައި ވަނީ ހަދީސްގެ އެއްބަޔަށް ކަމަށް ވިދާޅުވެ، ދީނީ އިލްމުވެރިޔާ އަދި އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް ޑރ. އަބްދުލް މަޖީދު އަބްދުލްބާރީ މިރޭ ފާޑު ވިދާޅުވެއްޖެ އެވެ.

މިއަދުގެ ހުތުބާ ޚާއްސަ ކޮށްފައި ވަނީ ކޮންމެ ހާލެއްގައި ވެސް ވެރިންނަށް ކިޔަމަން ވުމާ ގުޅޭ ގޮތުންނެވެ. އިސްލާމިކް މިނިސްޓްރީން ތައްޔާރު ކޮށްފައިވާ އެ ޚުތުބާގައި، ވެރިންނާ ދެކޮޅަށް ނުތެދުވެވޭނެ ކަމުގެ ގިނަ ދަލީލުތަކެއް ދެއްކި އެވެ.

ރ. މަޑުއްވަރީގައި އިދިކޮޅު ފަރާތްތަކުން މިރޭ ބޭއްވި ޖަލްސާގައި ޚުތުބާ އަށް ފާޑުވިދާޅުވަމުން ކުރީގެ އިސްލާމިކް މިނިސްޓަރު ޑރ. މަޖީދު ވިދާޅުވީ، އިސްލާމީ ވެރިކަމުގެ ނިޒާމުގެ ވާހަކަތައް ޚުތުބާގައި ދެއްކި އިރު، ވެރިން ޖަވާބުދާރީ ކުރާ ވާހަކަ އަޑުއިވިވަޑައި ނުގަންނަވާ ކަމަށެވެ. އޭގެ ބަދަލުގައި ހައްތަހާ ވެސް ޚުތުބާގައި ދެއްކީ ވެރިންނަށް ކިޔަމަން ވުމުގެ ވާހަކަތައް ކަމަށް އޭނާ ވިދާޅުވި އެވެ.

އެގޮތުން ޚުތުބާގައި ދަލީލެއްގެ ގޮތުގައި ބަޔާންކޮށްފައިވާ ކީރިތި ރަސޫލާގެ ދެ ހަދީސެއް އޭނާ ފާހަގަ ކުރެއްވި އެވެ.

ފުރަތަމަ ހަދީސަކީ ރުހުމުގަ އާއި ނުރުހުމުގައި ވެސް އަދި ހިތް އެދޭ ކަންކަމާއި ނޭދޭ ކަންކަމުގައި ވެސް ވެރިމީހާގެ ފަރާތުން އަނިޔާވެރި ކަމެއް ކުރިމަތިވިޔަސް އޭނާ އަށް ކިޔަމަން ވުމާ ގުޅޭގޮތުން ކީރިތި ރަސޫލާ ހަދީސް ކުރައްވާފައިވާ ބަސްފުޅެވެ. އަދި ސަހީހު މުސްލިމު ރިވާ ކުރައްވާފައިވާ، އެންމެ ހެޔޮވެރިންނަކީ ތިޔަބައި މީހުން ލޯބިވާ ވެރިން އަދި ތިޔަބައި މީހުން ދެކެ ލޯބިވާ ވެރިން ކަމާއި ތިޔަބައި މީހުންނަށް ހެޔޮ ދުއާ ކުރާ އަދި ތިޔަބައިމީހުން ހެޔޮދު އާކުރާ ވެރިން ކަމަށް ހަދީސް ކުރައްވާފައިވާ ބަސްފުޅެވެ.

މިއީ ސައްހަ ދެ ހަދީސް ނަމަވެސް، އެ ހަދީސްގެ ފަހަތުގައިވާ ބައި ޚުތުބާގައި އަލިއަޅުވާލާފައި ނެތް ކަމަށް މަޖީދު ވިދާޅުވި އެވެ.

އޭނާ ވިދާޅުވި ގޮތުގައި އެ ހަދީސްގެ ފަހަތުގައި ބައިގައި އޮންނާނީ "އަދި ތިޔަ ބައިމީހުންގެ ތެރޭގައި ހިމެނޭ އެންމެ ނުބައި ވެރިންނަކީ ތިޔަބައި މީހުންގެ ދެކެ އެންމެ ރުޅިއަންނަ ވެރިންނެވެ. އަދި ތިޔަބައި މީހުން އެ ބަޔަކަށް ލައުނަތް ދޭ ވެރިންނެވެ. އަދި އެ ބަޔަކު ތިޔަބައި މީހުންނަށް ލައުނަތް ދޭ ވެރިން" ކަމުގަ އެވެ.

"އިލްމުވެރިން ވިދާޅުވަނީ ހަދީސެއް ބައިބައިކޮށްގެން ގެނައުމަކީ މައްސަލައެއް ނޫން ކަމަށް. އެކަމަކު އެއް މައުލޫއަކާ ގުޅޭ ވާހަކައެއް ނަމަ އެ މައުލޫ ފުރިހަމަ ކުރަން ޖެހޭނެ،" މަޖީދު ވިދާޅުވި އެވެ.

އޭނާ ފާހަގަކުރެއްވި ގޮތުގައި ހަދީސްގައި ރިވާ ކުރައްވާފައިވާ ހާދިސާގެ އަލީގައި އިލްމުވެރިން ވިދާޅުވަނީ ވެރިންނަށް ކިޔަމަން ވުމަކީ އިސްލާމީ ވެރިކަމުގެ ނިޒާމުގައި އޮންނަ ކަމެއް ކަމުގައި ވިޔަސް ވެރިންގެ ފަރާތުން ފެންނަ ނުބައި ކަންތައްތަކުގެ ވާހަކަ ދައްކައި ވެރިން ޖަވާބުދާރީ ކުރުވުމަކީ ވެސް އެ ނިޒާމުުގެ ތެރެއިން ހިމެނިގެންވާ ކަމެކެވެ. އަދި މުސްލިމު ވެރިންގެ ކުރިމަތީގައި ހައްގު ބަސް ބުނެ، ވެރިން ޖަވާބުދާރީ ކުރުވުމުގެ ކަންކަން ތާރީޚުގައި ހިނގާފައިވާ ކަން ފާހަގަ ކުރައްވައި، އެ ކަންކަން މަޖީދު ވިދާޅުވެ ދެއްވި އެވެ.

އިސްލާމް އިސްލާމިކް މިނިސްޓްރީ ރ. މަޑުއްވަރި އަބްދުލްމަޖީދު އަބްދުލްބާރީ ހުތުބާ އިދިކޮޅު ފަރާތްތައް ހުކުރު ނަމާދު

45 ކޮމެންޓް, 200 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމިނާ

16 February 2018

ވަރަށް މޮޅު ރ.މަޑުއްވަރީގަ ތިވާހަކަދަށްކަން ތީތިކަމަށް އެންމެ ރަނގަޅުރަށް ތިއަށްވުރެ މާތޯހިރުވާނެ ރ.މަޑުއްވަރީމީހުން ހުކުރުނަމާދަށް ނުދާތީވެ އެކަމާބެހޭގޮތުން ވާހަކަ ދެއްކީޔާ އަދި މުދިމުންނަށް މުސާރަދީގެން ބަންގިގޮވާ ނަމާދު ކުރާތީވެ ޖަމާޢަތުގަ ނަމާދު ނުކުރާ މީހުން ވަރަށްގިނަމީހުން ތިރަށުގަ އުޅޭނެ މަޖީދަކަށް އެކަމާބެހޭގޮތުން ވާހަކަދަށްކާކަށް ނޭންގު ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްތާ މަނިކުފާނު

12 November 2017

މީ މިބުނާ ވާހަކައަކީ..! އިންސާނާ ބޭނުންވީމަ، އޭނާގެ ބޭނުންތަކަށް ބޭނުން ގޮތަކަށް ދީނުގެ ކަންކަން އޮޅުވާލަނީ... ދެން އަޅުގަނޑުމެން ނިކަމެތިންނަށް ކިހިނެއްތޯ ހެވައި ނުބައި އިނގޭނީ... މިނިސްޓްރީ އިން ވަކި ގޮތެއް. ކުރީގެ މި މިނިސްޓަރު ވެރިކަމުގައި ހުރިނަމަ ކިހިނެއްވާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

16 February 2018

މައުމޫނު ވެރިކަމުގައި ސަރުކާރުގެ އޮފީސްތަކުގަޔާއި، އެނޫންވެސް ތަންތަނުގައި ރައްޔިތުންނަށް ޚިދުމަތްު ފޯރުކޮށް ދޭން ތިބޭ ބަޔަކު ނަމާދަށް ގޮވާއިރަށް ދާކަށް ނުޖެހޭނެކަމާއި، އެމީހުން އެކަންނިންމާފަ ފަހުން ނަމާދު ކޮއްލުމަކީ މައްސަލައެއް ނޫން ކަމާއި، މާތް ﷲ ނަމާދު ވަގުތު ދިގުކޮށް ދެއްވާފައިވަނީ އެހެން ވެގެން ކަމަށް ބުނީމާ އޭރު މަޖީދުމެން އެކަމާ އިދިކޮޅު ހެދިއެވެ. ނަމަވެސް އޭނަގެ މިނިސްޓަރު ކަމުގައި އަންނިމެން ބޭއްވި މޫދުކުޅިވަރު ތަކެއްގައި އެދުވަހު އަސުރު ނަމާދަށް ގޮވިއިރު މި މަޖީދު އޮތީ މޫދުގައެވެ،ވަގުތުން އަރައިގެން ނަމާދަކަށް ނުދެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ ހުޅުމާލެ

12 November 2017

މާޖީދޫ..! ކޮންމެ ހުކުރުދުވަހު ޖަމާޢާތް ހަދައިގެން ދުޢާކުރުމަކީ ކޮންކަހަލަކަމެެއްކަން އެނގިހުރެ އެއާމެދު އެއްޗެއްނުބުނަނީ ކޯލިޝަން ރުޅި އަތުވެދާނެތީތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަ ތެދެއް

12 November 2017

ތިބާ ބުނެދީބަލަ ޖަމާޢަތް ހަދައިގެން ދުޢާކުރުމުގައި މައްސަލައެއް އޮތްނަމަ އެ މައްސަލައެއް. އެބައިމީހުން ދުޢާ އެކުރަނީކީ ކަނޑިއާއި ބަޑި ހިފައިގެން ތިބެގެނެއްނޫން. ނިކަން ބިރުގަނޭ ދޯ ދުޢާ ކުރާތީ. ވާނީވެސް އެހެންތާ ދޯ!! ދުޢާ އަކީ ވަކިބަޔަކަށް ލިބިގެންވާ އެންމެ ތޫނު ކަނޑި ވިއްޔާ......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުފާނު

12 November 2017

ޖަމާޢަތް ހަދައިގެން ދުޢާކުރުމަކީ ނެތް ކަމެއްކަން "އިބޫ ހުޅުމާލެ" ސާބިތު ކޮށްދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުންމާރި

12 November 2017

މަޖީދު މި ކިޔާ އެއްޗެއް ދެކޮޅު ނުޖެހެއެއްނު. ޙަދީސުގެ އެއްބައި ކިޔައިދެވޭޭ ކަމަށް ޢިލްމުވެރީން ބުނާކަމަށް ވެސް ބުނަނީ މަޖީދު. ޙަދީސުގައި ވާ ގޮތުން، ވެރީންނަށް ކިޔަމަންވުމަކީ ކޮންމެ ޙާލަތެއްގައި ވެސް ކުރަންޖެހޭ ކަމެއްކަމަށް ވެސް ބުނަނީ ހަމަ މަޖީދު. ދެން މި ވަރުވީމާ އެބަ އެނގޭ މަޖީދު ބޭނުންވާ ގޮތަށް ޚުޠުބާ ތައްޔާރުނުކޮށްގެން އެކަމާ ހިތްހަމަނުޖެހިގެން އުޅެނީ ކަން. އެހެން ވިއްޔާ މަޖީދުގެ ދައުރުގައި މަޖީދު ކަންކުރީ ކިިނެއްކަން ހަމަ އެނގޭނީ ވެސް އެންމެ ބޮޑަށް ހަމަ މަޖީދަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސީހު

11 November 2017

ރުމާލު2 އަށް ހުތުބާ އަކީ ވަކިމީހަކު ގަޔާވާގޮތައް ކިޔަންޖެހޭ އެއްޗެއްނޫން އެ ދުވަސްވަރެއްގެ މަސްލަހަތާ ގުޅުވައިގެން ހުތުބާ ކިޔުމަކީ ރަސޫލާ ސއވ ވެސް ކަންކުރެއްވިގޮތް . ހަދީސް އެއްގަ ވެރިމީހާއަށް ކިޔަމަންވާންޖެހޭ ކަމާއި ވެރިމީހާއާއި ދެކޮޅު ނުވުމަށް އޮތްކަން ހުތުބާއެއްގަކީމަ ރުޅި ތިއާދެވެނީ ހަދީސްއަށްކަން ސާބިތުވޭ އެއީ ތިބޭފުޅާގެ އަގީދާ ބަލިކަށިކަން ހާމަވާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

11 November 2017

މަޖީދަށް ހަމަ ސާބަސް! އެމްޑީޕީ އާ އެއްކޮޅަށް ހުރިހާ ކަމެއްވެސް ދީނުގައި މާނަ ކޮށްދޭ ޝޭޚް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

11 November 2017

ނަޝީދުގެ ސަރުކާރުގައި ހުރިހާ ގޯހެއް ހެދި އިރުވެސް މަޖީދަށް ރަނގަޅު... އިސްތިޣުފާ އެއްވެސް ނުދެއްވި... ނަޝީދުގެ ސަރުކާރު ވެއްޓުމުން ބުނީ ސަރުކާރާ ދެކޮޅަށް ތެދުވެގެން ނުވާނޭ... އެއީ ދީނުގައި މަނާ ކުރައްވާފައިވާ ކަމެކޭ... އެކަމަކު ޔާމީނުގެ ސަރުކާރު ގޯސްވީމާ ޝަހީމަށް ގޮވި އިސްތިޣުފާ ދެއްވާށޭ... އަދި މިހާރު އަބަދު މަޖީދު ގޮވަނީ ސަރުކާރު ވައްޓާލާށޭ...ތިޔަ މަޖީދު ބޭނުންވާ ގޮތަކަށް ދީން މާނަ ކުރުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެންގެ އަޑު

11 November 2017

އަޅުގަނޑު ހީކުރީ ޕީ ޕީ އެމްގެ ނޫސްބަޔާނެއް ކީކަމަށް އެއްބަޔަކު އެބަބުނޭ ޚުތުބާއެކޭކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނމޫނާ

11 November 2017

ހީވަނީ ވެރިކަން ހޯދަން ނުފުރޮޅާ ގަލެއް ނެތްހެން ޚުތުބާގަ ކިއެއްނުން ވެރިކަމުގެ ހުރިހާ ކަމެއްވެސް އިސްލާމީ ހަޟާރަތުގަ އޮތީ މަޝްވަރާގެ ރިވެތި އުޞޫލުންނޭ. ވެރިންނަކީ ރައްޔިތުން އިޚުތިޔާރު ކުރާބައެކޭ. ދެން ކީއްވެތަ އަހަރެމެންގެ ނަމޫނާ ޤައުމު ސައޫދީގަ ގަދަބާރުން އާއިލީ ރަސްކަމެއް ކުރަނީ. ކީއްވެތަ އެއީ އިސްލާމްދީނުގަ އޮތްގޮތާ ޚިލާފޭ ނުބުނަނީ. އަހަރެމެނަށް އެމީހުން ވަރެއްނެތް ފައިސާ ބަހާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުދީ.

11 November 2017

ހަތަރު ޚަލީފާއިންގެ ފަހުން މުޅިންވެސް ކޮށްފަ ހުރީ ޢާއިލީ ވެރިކަމެއް ނޫންތަ؟ ސައުދީގަ ވެރިކަން ކުރަނީ އެތާ އޮންނަ ގަބީލާތަކުގެ ނިޒާމަށް ވަރަށް އެކަށށޭގެންވާ ގޮތަކަށް. އެހެންނޫނަސް ސައުދީގެ ވެރިންނަށް އެގައުމުގެ ރައްޔިތުންގެ ތާއީދު އޮވޭ. އެ ގައުމުގަ ދުވަސްކޮޅަކު އުޅެލީމަ އެނގޭނެ. އެގައުމުގެ ރައްޔިތުން ވެރިންނަށް ތާއިދުކުރާކަން. އިތުބާރުކުރާކަން. ނޫނީ ނިކަން ޓުވިޓަރަށް ވަދެލަބަލަ. އަރަބީން ކޮށްފަ ހުންނަ ޓުވީޓުތަކަށް ބަލާލީމަ އެނގޭނެ. ދެން މަޖީދު އެ އިޝާރާތްކުރި ހަދީސަށް ބަލާލާ.