ރާއްޖެ ސަރަހައްދަށް ގަވައިދާ ހިލާފަށް ވަން ލަންކާގެ މަސްބޯޓުތައް
21 ނޮވެމްބަރ 2017 - 14:59
30 comments
މިދިޔަ ހޮނިހިރު ދުވަހު ރާއްޖެ ސަރަހައްދުން ފެނުނު ސްރީ ލަންކާގެ މަސްބޯޓުތައް ރާއްޖޭ ސަރަހައްދަށް ވަދެފައި ވަނީ ހުއްދަ ނެތި ކަމަށް ފިޝަރީޒް މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ޑިރެކްޓަރު އާދަމް ޒިޔާދު ވިދާޅުވީ މަސްބޯޓުތައް ވަނީ ހުއްދަ ނަގައިގެން ކަމަށް ކޯސްޓްގާޑުން ބުނި ނަމަވެސް އެފަދަ ހުއްދައެއް އެ މިނިސްޓްރީން އެ ބޯޓުތަކަށް ދޫކޮށްފައި ނެތް ކަމަށެވެ.
"މަސްވެރިން އެ ބޯޓުތައް ހިފެހެއްޓުމުން ކޯސްޓްގާޑުން ގޮސް ބެލުމަށް ފަހު އެ ބޯޓުތަކަކީ ހުއްދަ ނަގައިގެން ވަދެފައިވާ ބޯޓުތަކެއް ކަމަށް ބުނެ ދޫކޮށްލީ. ނަމަވެސް މި މިނިސްޓްރީން ނަގަން ޖެހޭ އެއްވެސް އެ ހުއްދައެއް އެ ބޯޓުތަކުގައި ނޯންނާނެ،" އޭނާ ވިދާޅުވި އެވެ.
ރާއްޖޭގެ ގާނޫނުތައް ބުނާ ގޮތުން އިނޮސެންޓް ޕެސެޖް (އެއް ގައުމުން އަނެއް ގައުމަށް ދާން ކަނޑުގެ ސަރަހައްދު ބޭނުންކުރުމުގެ ހުއްދަ) އަދި ހާއްސަ ހާލަތެއް މެދުވެރިވެގެން ނޫން ގޮތަކަށް ރާއްޖެ ސަރަހައްދު ހުރަސްކޮށް ދަތުރުކުރާ ނަމަ ހުއްދަ ނަގަން ޖެހެ އެވެ.
"ރާއްޖެ ކަނޑުގެ ސަރަހައްދު ހުރަސްކޮށް ދަތުރުކުރަން މަސްވެރި އުޅަނދުތަކަށް އަޅުގަނޑުމެން ހުއްދަދެން. އެގޮތުން ޒީރޯ ޑިގްރީ އާއި ވަން ޑިގްރީ ޗެނަލް އިން ދަތުރުކުރަން އުޅަނދުތަކުން ހުއްދަ ނަގަން އެދޭ. އެއީ ރާއްޖޭގެ ގާނޫނުތައް ބުނާ ގޮތުން ކުރަން ޖެހޭ ކަމެއް،" ޒިޔާދު ވިދާޅުވި އެވެ.
ގއ. ކޮލަމާފުށީގެ ހުޅަނގު އުތުރުން 10 މޭލު ބޭރުން ދަތުރުކުރަމުން ދަނިކޮށް މަސްވެރިންނަށް ފެނުނު ހަތަރު މަސް ބޯޓު ބަލައި ފާސްކުރުމަށްފަހު ކޯސްޓްގާޑުން ދޫކޮށްލީ އެ ބޯޓުތައް ފެނުނު ދުވަހު ހަވީރު އެވެ.
ކޯސްޓްގާޑުން ނެރުނު ނޫސް ބަޔާނެއްގައި ބުނީ ރާއްޖޭގެ ކަނޑުގެ ސަރަހައްދުން ދަތުރުކުރަމުންދިޔަ އެ ބޯޓުތައް ހިފަހައްޓައި ބެލިބެލުމުން އެއީ ރަސްމީ ފަރާތްތަކުން ހުއްދަ ނަގައިގެން ލަންކާއިން މޮރިޝަސްއަށް ދަތުރުކުރަމުންދިޔަ ބޯޓުތަކެއްކަން އެނގިފައިވާ ކަމަށެވެ.
"އެ ބޯޓުތަކުގައި މަސްވެރިކަން ކުރާ އާލާތްތައް ހުރި ނަމަވެސް، އެ އާލާތްތައް ބޭނުންކޮށްފައި ނުވާކަން އެމްއެންޑީއެފް ކޯސްޓްގާޑަށް ފާހަގަކުރެވިފައިވޭ،" އެ ބަޔާނުގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭރި
23 November 2017
ދެން އެންމެން އަތް ޖަހާ . . . . ސާބަސް ކުދިންނޭ
މުގާބެ
22 November 2017
ސަހަލު ގޮތަކަށް ދާނެބާ! ވަރަށް ރަނގަޅަށް ފާރަވެރިވާންޖެހޭނެ.
ދޮގެއްތަ؟
22 November 2017
ދުވަސްކޮޅެއް ކުރިން ހިކިމަސް ވިއްކާ ލަންކާ "ކުއްޖަކު" ވެސް މާލެ އައިސް އުޅުނު. ތިވެސް ވާނީ އެފަދަ މަސްވެރިންތަކަކަށް. ޕްލޮޓް ޖަމާއަތާއި ވަސަންތީ އާއި ބާބޫމެން ފަދަ "ލަންކާ މަސްވެރިން" މަތިން އެންމެން ހަނދާން ވާނެ ތިކަމާ ގުޅިގެން.
މަންމަނު
22 November 2017
ތެދުބުނީ ފިޝަރީޒްތަ ނޫނީ ސިފައިންތަ؟
ދިންމަނަ
01 March 2019
މަސްވެރިކަނކުރަން ވަދެ އުޅޭނަމަ. ތެދުބުނީ ފިޝަރީޒް އެއީ މަސްވެރިކަން ކުރަން ހަމަ ތިބެފަ ހުއްދަ ނުދެވޭނެތީ
މެންޓަލިސްޓް
21 November 2017
ކޮންއިރަކުތޯ ހުއްދަނަގައިގެން ވަދެ މަސްބޭނީ ،،، ރާއްޖޭގެ ސަރަހައްދަށް އެތަށް ސަތޭކަބޯޓެއް އަހަރަކުވަދެ މަސްބާނައިގެން ދޭ ،،،، ރާއްޖޭގެ ކަނޑުގެ ސަރަހައްދު ބެލެހެއްޓުމުގެ ގާބިލްކަމެށް ސިފައިންނަކަށް ނެތް ،،، ރާއްޖޭގައި ހުންނާނެ އިންޑިޔާމީހުން ބަހައްޓާފައިހުރި ރާޑަރސްޓޭޝަންތަކެށް ،،، އޭގެވެސް ޑޭޓާ ދިވެހިރާއްޖެއާޢި ހިއްސާކުރަނީ ކިހާވަރަކަށްކަމެށްނޭގޭ ،،،، ހުރިހާ މައުލޫމާތެއް ހުންނާނީ ގައުމީ ސަލާމަތަށޭ ކިޔާފައި ރައްކާކުރެވިފައި ،،، މީހުންނަށް ވާއެއްނުވާނެއްނޭންގޭނެ ،،، އަނެއްކޮޅުން ގައުމުގެ ތިޖޫރީ ހުސްވިއިރުވެސް ވެރިމީހާއަށް ނޭންގުނު ،،، އެވަރު ގައުމެއްގައި ކަނޑުފަޅު ސަލާމަތުން އޮތްކަން ނަސީބެއްނު ،،،، ވަރަށްވެދުން
ސައްދާމް
21 November 2017
ދިވެހިރާއްޖޭގެ ކަނޑުން މިޔަރުގެ އުނދަގޫ ވަރަށް ބޮޑުވެ ކަނޑު މަހެއް އަދި ފަރު މަހެއް ވެސް ބާނަން އުނދަގޫ ކަމަކަށް ވެއްޖެ.......... މިނިސްޓަރު މިކަމަށް ހައްލެއް ބޭނުން........ ހަމަ އެކަނި ފަތުރުވެރިން މިޔަރު ބަލަން ދޫކޮށްލާފައި ދިވެހި މަސްވެރިން ކުރާ މަސައްކަތުން އެއްޗެއް ނުލިބުމަކީ ވަރަށް ދެރަ ކަމެއް..........
ޗިކުސް
21 November 2017
މޮރިޝަސް އޮންނަނީ ކޮލަމާފުށި ކާރީގަ ތޯ؟
މަސްވެރިޔާ
21 November 2017
ދެން ކީކޭބުނާނީ. މނޑފ އިން ބުނި ހުއްދަނަގައިގެނޭވަނީ ކޮބާ ތިކަމުގެ ހަގީގަތަކީ ތިގޮތައް ކަންތައްކޮއްގެން ހުރިހާގެއްލުމެއް އަހަރެމެން މަސްވެރިންނަށް ތިބޭފުޅުން ފިނިކޮޓަރީގަ ވަރަށް ތާހިރު އަދި ކަނޑު ތައް ބަލަން ދެތިން މަނަވަރާއި ހެލިކޮޕްޓަރު ހޯދަންވީނު...
ކައުންސެލަރު
21 November 2017
ދެން އެޑަމްބެ ބުނަނީ ކީކޭޔޯ މިކަމުގަ..
އަހުމަދުބެ
21 November 2017
އެ މިނިސްޓްރީގެ ޑިރެކްޓަރު އާދަމް ޒިޔާދު ވިދާޅުވީ މަސްބޯޓުތައް ވަނީ ހުއްދަ ނަގައިގެން ކަމަށް ކޯސްޓްގާޑުން ބުނި ނަމަވެސް އެފަދަ ހުއްދައެއް އެ މިނިސްޓްރީން އެ ބޯޓުތަކަށް ދޫކޮށްފައި ނެތް ކަމަށެވެ. މިއޮތީ ވަޒީފާ ގެއްލޭފަދަ ވާހަކައެއް ބުނެފައެވެ. އެކަމު ވަޒީފާގެ ބިރައްނުބަލާ ތެދު ބަސް ބުނީއެވެ. ގައުމަށް ބޭނުންވަނީ ތެދު ވެރީންނެވެ. ވަގު ޑީލް ހަދާ މީހުންނެއް ނޫނެވެ.