ޖަޕާނުން ރާއްޖެ އަށް 9.9 މިލިއަން ޑޮލަރުގެ ސާމާނު ހަވާލު ކުރަނީ. - ފޮޓޯ: ފޮރިން މިނިސްޓްރީ
28 ނޮވެމްބަރ 2017 - 10:17
15 comments
ޖަޕާނުން ރާއްޖެ އަށް 9.9 މިލިއަން ޑޮލަރު (152 މިލިއަން ރުފިޔާ)ގެ އެހީއެއް އިއްޔެ ދީފި އެވެ.
ފޮރިން މިނިސްޓްރީން ބުނި ގޮތުގައި އެހީގެ ގޮތުގައި ޖަޕާނުން ދީފައިވަނީ ރާއްޖެ އަށް ކުރިމަތިވެދާނެ ގުދުރަތީ ކާރިސާތަކުން ރައްކާތެރިވުމަށް އަޅަން ޖެހޭ ފިޔަވަޅުތައް އެޅުމަށް ބޭނުންވާ ވަސީލަތްތަކެވެ.
ކަޅުތުއްކަލާކޮށީގައި ބޭއްވި ރަސްމިއްޔާތެއްގައި މި އެހީއާ ރާއްޖެއިން ހަވާލުވީ ޑިފެންސް މިނިސްޓްރީގެ ސްޓޭޓް މިނިސްޓަރު މުހައްމަދު ޒުހައިރެވެ. ޖަޕާނުން މި އެހީ ހަވާލުކޮށްދެއްވީ އެ ގައުމުގެ ޕާލިމެންޓަރީ ވައިސް މިނިސްޓަ ފޯ ފޮރިން އެފެއާޒް އައިވާއޯ ހޯރީ އެވެ.
ފޮރިން މިނިސްޓްރީން ބުނި ގޮތުގައި ރާއްޖެ އާއި ޖަޕާނާ ދެމެދު އޮތް ސިޔާސީ ގުޅުމަށް 50 އަހަރު ފުރިފައިވާއިރު، ޖަޕާނުން ވަނީ ރާއްޖެ އަށް ގިނަ އެހީތަކެއް ވެފަ އެވެ.
ރާއްޖެ ވަޑައިގެން މިހާރު އުޅުއްވާ ޖަޕާނުގެ މިނިސްޓަރު ވަނީ ރައީސް އަބްދުﷲ ޔާމީނާއި ފޮރިން މިނިސްޓަރު ޑރ. މުހައްމަދު އާސިމްއާ ބައްދަލުކުރައްވައި ގިނަ މަޝްވަރާތަކެއް ކުރައްވައިފަ އެވެ.
އެގޮތުން ޖަޕާންގެ ޓޫރިސްޓުން ރާއްޖެ އަށް އަންނަ އަދަދު އިތުރު ކުރުމަށާއި އެ ގައުމުގެ ވިޔަފާރި އާއި އިންވެސްޓްމެންޓް ރާއްޖޭގައި އިތުރު ކުރުމާ ގުޅޭ ގޮތުން މަޝްވަރާ ކުރި އެވެ. އަދި ޓެރަރިޒަމް ނައްތާލުމަށް މަސައްކަތް ކުރުމަށާއި މަސްވެރިކަން ތަރައްގީ ކުރުމާއި ތިމާވެށި ރައްކާތެރި ކުރުމުގެ ދާއިރާއިންނާއި ތިމާވެއްޓަށް އަންނަ ބަދަލުތަކަށް އަހުލުވެރިކުރުމުގެ ދާއިރާ އިން މަޝްވަރާ ކުރެއްވި އެވެ.
ޖަޕާނަކީ ރާއްޖެ އަށް މާލީ ގޮތުން ވަރަށް ބޮޑަށް އެހީތެރިވަމުން އަންނަ ގައުމެކެވެ. އެގޮތުން ރާއްޖޭގައި ޑިޖިޓަލް ޓެރެސްޓީރިއަލް (ޑީޓީޓީ) ބްރޯޑްކާސްޓިން ނެޓްވޯކް ގާއިމު ކުރުމަށް ޖަޕާނުން 25 މިލިއަން ޑޮލަރު (376 މިލިއަން ރުފިޔާ) ގެ އެހީއެއް ދާދި ފަހުން ވަނީ ދީފަ އެވެ. ޖަޕާން ސަރުކާރުން ރާއްޖެ އަށް 9.3 މިލިއަން ރުފިޔާގެ ސިއްހީ ސާމާނު ވެސް މި އަހަރުގެ ތެރޭގައި ވަނީ ހަދިޔާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ.
28 November 2017
ތީތިކޮޅު ރިސޯޓު ހިއްސާގެ ގޮތުގަ މިދާއިރާގަ ތިބި ދިވެހި މުވައްޒަފުންނައްބަހާލާ 4 އަހަރު މިވީ ދޮގާމަކަރުން މަގޭވޯޓު އަތުލިތާ
ބޯސާ
28 November 2017
ބޯހަލާކު މިމީހުން ޚަބަރެއް ފެންނައިރައް ކޮމެންޓް ކުރަންފަށާނެ .ކޮމެންޓް ކުރާއިރު ޚަބަރު ރަނގަޅައް ކިޔާފަ ކޮމެންޓް ކޮއްބަލަ އޭރުން އެހެންމީހުންނައް ފަހުމް ވާނީ. ކީއްކުރާނީ ހިސާބައްވުރެ ގަމާރު ވީމާވެސް ވާނީއެހެން.
އައިސްތު
28 November 2017
ތިޔައީ ވަރަށް އުފާވެރި ހަބަރެއް. ތިޔަހާ ބޮޑެތި އަދަދުތަކުން ހާރިޖީ އެހީ ލިބެމުން އަންނަކަމީ ބިދޭސީ ސަރުކާތުތަކުން ދޭ އެހީ ދިވެހި ސަރުކާރުން ބޭނުންކުރަނީ ހެޔޮ ގޮތުގައި ދިވެހި ރައްޔިތުން ގެ ހެވާއި ލާބަ އަށް ކަން އެހީ ދޭ ގައުމުތަކުގެ ސަރުކާރުތަކުން ގަބޫލުކުރާ ކަމުގެ ރަނގަޅު ދަލީލެއް. މި ދަނޑިވަޅު ގައި ޖަޕާނު ސަރުކާރަށް ޝުކުރު ދަންނަވަން. ދިވެހި ސަރުކާރަށާއި ރައްޔިތުންނަށް މަރުހަބާ ދަންނަވަން.
އަހަރެން
28 November 2017
މިއެހީ ޖަޕާނުންދިނީ މިސަރުކާރަށް ޖަޕާންގެ ފުރިހަމަ އިތުބާރު އޮތުމުންނެވެ. މިސަރުކާރުން އެތަކެތި ހޭދަކުރާނީ ސަރުކާރު ބޭނުން ކަންތަކަށެވެ. އިދިކޮޅުން ކިތަންމެ ވޭނެއް އެޅިޔަސް ކަންއޮތީ މިގޮތަށެވެ.
ހައުސޭޑް
28 November 2017
ޖަޕާނުން ދޭ އެހީ މިގައުމުގައި ބޭނުންކުރާ ގޮތް ނުބެލޭހާ ޖަޕާނު މީހުން ނުކުޅެދުންތެރިއޭތަ މާނައަކީ؟
އިޔެ
28 November 2017
ޗައިނާއިން ދުވަހަކުވެސް ހިލޭއެހީއެއް ނުދޭ މިގައުމަކަށް. މުޅިންވެސް ދަރަނި.
އުމަރު
28 November 2017
ތިޔަ އެހީން ޔަގީން ހަރަދުކުރާނީ ތިޔަކަމަށްނޫންކަން، ކޮންމެވެސް ސިޔާސީ ކަމަކަށް ހޭދަކުރާނީ، ތިޔަގޮތަށް ކިތަކެއް ގައުމަކުން އެހީދީފި، އޭގެ އެއްވެސް ބޭނުމެއް 2008 އިން ފެށިގެން ނުހިފާ، އެހީގެ ބޭނުން ހެޔޮގޮތުގައި ހިފީ މައުމޫނުގެ ސަރުކާުރުން
ފޮނިކަލޯ
28 November 2017
ކުރިންވެސް ތިކަހަލަ ކތައް ޤައުމުން ކިތައް މިލިޔަން ޑޮލަރ ތޯ އެހީގެ ގޮތުގައި ދީފަ އޮތީ ، އެކަމަކުވެސް އޭގެން ލޯލާރިއެއްވެސް ރައްޔަތަކައް ފައިދާއެއްގެ ގޮތުގައި ލިބުނުތޯ ހުރިހައި ފައިސާތައް ރަޢީސާއި ނައިބު ރައީސް މެން ގެ ބެލުމުގެ ދަށުން އެގޮތް މިގޮތައް ތަޅާ ބުރުވާލީ ..... ނަތީޖާއެއްގެ ގޮތުގައި މިހާރު ނައިބު ރައީސް އެހުން ނެވީ ޖަލުގައި ، ރައީސް އެހުންނެވީ މަޖަލުގައި ހެ ހެ ެހެ
ވައިސޯ
28 November 2017
ދެން ކީއްވެބާ އެގައުމުތަކުން އެވާހަކަ ނުދައްކަނީ؟ ގައުމުތަކުން އެހީދީފަ އެއަށް ވާނުވާ ބަލާލާނެ ގޮތެއްވެސް ނޯންނަނީތަ؟ ސަރުކާރުގެ ލިއެކިއުމާ ބޭރު ގައުމުތަކަށް ޖަވާބުދާރީވުމާ އެއީ ނުހުންނަ ކަންކަމަކީ ނަމަ މިހާރު އެގައުމުތަކުން ކޮންމެވެސް ވާހަކައެއް ދައްކާފަ އޮންނާނީ.
ޑޭންޖުރެެސް
28 November 2017
ޖަޕާނުން ރާއްޖެ އަށް 9 މިލިއަން ޑޮލަރުގެ އެހީއެއް ވުމުން އެއީ މަމެން އުފާ ކުރާ ކަމެކެވެ. އެމެން ރަންރީނދޫ ބޮޑޭ ގަމާރު ކަމުން އޭނާ އަށް ނޭގުނީ އޭ ރާއްޖެ އަށް ޖެނިއުންލީ ކޮށް ހަގީގަތުގައި އެހީވާ ޗައިނާ އާއި ޖަޕާން އާއި އެކު އެކުވެރިކަން ބަދަހި ކުރަން. އެމެން އެގޮތަށް ކަންކަން ކުރި ނަމަ މިއަދު ޖަޕާނުގެ އެހީގައި ގުޅިފަޅު ވެސް ހިއްކާލާ އެތަނުގައި އިންޑަސްޓްރިއަލް ޕާރކެއް ވެސް ހެދުނީސް ނޫންތޭ. ޖަޕާނުގެ ލޯން އެހީގައި މާލެ ސަރަހައްދުގައި އިންޑަސްޓްރިއަލް ޕާރކްސް ތަކެއް ތަރައްގީ ކުރުމަށް ޓަކައި އެބަޖެހޭ ގުޅި ފަޅު ހިއްކަން ޖަޕާނު ބޭންކް އަކުން ލޯނެއް ނަގައިގެން ނަމަވެސް. އެނޫން ނަމަ މިރާއްޖޭގެ އިގްތިސާދަށް އިންޑިއާގެ އިގްތިސާދުގެ މައްޗަށް ކުރި ނުހޯދޭނެއެވެ. އިންޑިއާ ދެން މަހަށް ދޭ ބަލަ. އިންޑިއާ އަކީ އެއީ ރާއްޖޭގެ ދާޚިލީ ކަންކަމުގެ ތެރެއަށް ބޭނެން އުޅޭ ވަރަށް ނުރައްކާ ވައްތަރު ގައުމެކޭ އެމެންނަށް މާލޭން ދިން ބިން އަތުލާ ހަމަ މިހާރު. އަތުލާ އަތުލާ އަތުލާ.. ޑޭންޖުރެެސް ޑޭންޖުރެސް ޑޭންޖުރެސް.
އައްޔޫ
28 November 2017
އެންމެ ފަސޭހައިން ފައިސާކޮޅަށް ވާ އެއް ނުވާއެއް ނޭގި ޕޮލިޓިކަލް ކަންތަކަށް ބޭނުންކޮށްލެވޭނީ އޭރުންތާ، އެހެންޏާ ރާއްޖޭގައި ޑީޒާސްޓަރ އިޝޫ އެއް ނުވެސް ނެތް ދުވަސްކޮޅެއް.
އަލިހޮއްކޮ
28 November 2017
ޔަގީންތަ ދައުލަތުގެ މާލިއްޔާއަށް ތިޔަ ނުވަ މިލިއަން ވަންކަން ނޫނީ ވަންނާނެކަން؟ އަހަރުމެންނަށް ޝައްކު މާޒީގަ ކަންހިނަގާފަ އޮތް ގޮތަށް ބަލާއިރު.
އުނބުށެން
28 November 2017
ޚަބަރުގައި އޮތްގޮތުން ނަމަ ޖަޕާނުންދެނީ އެކަމަށް ބޭނުންވާ ވަޞީލަތްތަކެވެ. ވީމާ ހީވަނީ ދޭނީ ފައިސާއެއް ނޫން ހެންނެވެ. އެއީ އެހީދޭން މިހާރު އެންމެ ރަނގަޅުގޮތެވެ. އޭރުން ބައެއް ކަހަލަ އެއްޗިއްސަކީ ކޮންމެ ކޮންމެ މީހަކަށް ބޭނުންކުރެވޭނެ އެއްޗެއްސަކަށްވެސް ނުވާނެތާއެވެ.