ހުޅުލެ ފެރީއެއްގައި ހުރި ފުޅިމަދު ފޮށިގަނޑެއް ފެރީން ބާލުވަނީ. ބައެއް ރަށްރަށުން ކާޑާއި ގޭސް ހުސްވުމާ ގުޅިގެން އެސްޓީއޯއިން ދަނީ އެހީތެރިކަން ފޯރުކޮށްދެމުން. - ފޮޓޯ: މިހާރު/ ހުސެއިން ވަހީދު
01 ޑިސެމްބަރ 2017 - 22:12
7 comments
ރާއްޖެ އަށް މިހާރު ކުރަމުންދާ ގަދަ ވިއްސާރައާ ދިމާކޮށް، ބައެއް ރަށްރަށުން ގޭހާއި ކާޑު ހުސްވަމުން އަންނާތީ އެ ރަށްރަށަށް އެހީތެރިކަން ފޯރުކޮށްދެމުން އަންނަ ކަމަށް ސަރުކާރުން ބުނެފި އެވެ.
ޑިފެންސް މިނިސްޓަރު އާދަމް ޝަރީފް "މިހާރު" އަށް މިރޭ ވިދާޅުވީ ނޭޝަނަލް ޑިޒާސްޓާ ސެންޓަރުންނާއި ރަށު ކައުންސިލްތަކުން މިހާތަނަށް ދިން މައުލޫމާތާއެކު ކާޑު ހުސްވެފައިވަނީ ހަތް ރަށަކުން ކަމަށެވެ. އަދި ގޭސް ހުސްވެގެން ދެ ރަށަކުން ރިޕޯޓުކޮށްފައިވާ ކަމަށް އޭނާ ވިދާޅުވި އެވެ.
"އެއްވެސް ހާލެއްގައި ކާޑަށް ޖެހިގެނެއް ނޫން މި އުޅެނީ. ހާލުގައެއް ވެސް ނުޖެހޭ. ރަށްރަށުގެ ފިހާރަތަކުން ލިބެން ހުރި ކާޑާއި ގޭސް ހުސްވީ،" އާދަމް ޝަރީފް ވިދާޅުވި އެވެ.
ގޭހާއި ކާޑު އެކީގައި ހުސްވެގެން މިހާތަނަށް ރިޕޯޓުކޮށްފައިވަނީ ހދ. ފިނޭން އެކަންޏެވެ. އަދި ޅ. ކުރެންދޫން ގޭސް ހުސްވާން ކައިރިވެފައިވާ ކަމަށް އެ ރަށު ކައުންސިލުން ބުނެ އެވެ.
ކާޑު ހުސްވެގެން ރިޕޯޓު ކުރި ރަށްތަކަކީ ފިނޭގެ އިތުރުން މ. މުލަކު، މ. ރަތްމަންދޫ، ހދ. ކުމުންދޫ، ހދ. ހަނިމާދޫ، ނ. ކުޑަފަރި، ފ. ބިލެތްދޫ، ފ. ދަރަނބޫދޫ އެވެ.
ބައެއް ރަށްރަށުން ކާޑާއި ގޭސް ހުސްވި ނަމަވެސް، ކޮންމެ އަތޮޅެއްގައި ވެސް ހުންނަ އެސްޓީއޯގެ ފިހާރަ މެދުވެރިކޮށް އެ ރަށްރަށަށް ބޭނުންވާ ކާޑާއި ގޭސް ފޯރުކޮށްދިނުމުގެ މަސައްކަތް ކުރަމުން އަންނަ ކަމަށް މިނިސްޓަރު ވިދާޅުވި އެވެ. އެސްޓީއޯގެ އަތޮޅު ފިހާރަތަކުގައި ބޭނުންވާ ވަރަށް ހަނޑޫ، ހަކުރު އަދި ފުށުގެ އިތުރުން ގޭސް ހުރި ކަމުގެ ޔަގީންކަން އެ ކުންފުނިން ދީފައިވާ ކަމަށް މިނިސްޓަރު ވިދާޅުވި އެވެ.
ލަންކާގެ ހުޅަނގު އުތުރުގައި އިންޑިއާ ކަނޑުގައި އުފެދިފައިވާ ތޫފާން "އޯޝީ"ގެ ސަބަބުން ރާއްޖެ އަށް ދަނީ ވަރަށް ގަދަޔަށް ވިއްސާރަ ކުރަމުންނެވެ. ފެންބޮޑުވުމާއި ރާޅު އެރުމާއި ރުއްގަސް ވެއްޓުން ފަދަ ހާދިސާތައް އެކި ރަށްތަކަށް ކުރިމަތިވެފައިވާ އިރު، އެންމެ ބޮޑަށް ގެއްލުންވެފައި ވަނީ އުތުރާއި މެދު ރާއްޖެތެރޭގެ ރަށްތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރުވާކުޑަ
02 December 2017
މިވިއްސާރަ ކުރަންފެށިތާ ހަފްތާއެއް ނުވާއިރު ކާޑާ އެއްޗެހި ހުސްވީމަ އެނގެނީ ރަށްރަށުގެ ކައުންސެލަރުންގެ ދޯދިޔާކަން. މިހިރަ ޒަމާނުގަ އެއްވެސް ރަށެއްގަ 1 މަސްދުވަހުގެ ކާބޯތަކެއްޗާ އެންމެ މުހިންމުކޮށް ބޭނުންވާ ސާމާނު ހުރިތޯ ނެތްތޯ ނުބަލަންޔާ ކީއްކުރަން ތިބޭ ކައުންސިލަރުންނެއްބާ؟ ކޮންމެ ރަށެއްގަވެސް އެވަރުގެ ޒިންމާއެއް ނެގޭވަރުގެ ބަޔަކު ތިބެންވާނެ. ގުދުރަތީ ކަމެއްވާނީ ކޮންމެ ފަހަރަކު ކުރީބައިގަ އެނގިގެނެއްނޫން.
ބްރަވާޑޯ
02 December 2017
ޙަނިމާދޫން ކާޑްހުސްވިތާ މިހާރު ހަފްތާއެއްވެއްޖެ.ހަނިމާދޫ މީހުން ގޮތްހުސްވެފަ.
އަލީ_
02 December 2017
ކާޑަކަށް ގޭހަކަށް ނުޖެހޭ. ނެތީ، މިވީ ކޯންޗަކަށް؟ ކަރަންޓަކަށް ނުޖެހޭ، ކަރަންޓު ނެތީ. ފެނަކަށް ނުޖެހޭ، ފެން ނެތީ. އެ ވިދާޅުވަނީ މުޅި ދުނިޔެއިން އެ އެއްޗެހި ހުސްނުވާ ވާހަކަ.
ސެންޗޯ/މަނަދޫ
02 December 2017
ހާލެއްގަނުޖެހެ މާލެއާ 200މޭލެއްހާ ދުރުގަހުރި ރަށްރަށުން ކާޑާ ކައްކާގޭސް ހުސްވީ..އެހެންވީމަ ސަރުކާރުގެ ނަޒަރުގަ ހާލުގަޖެހުންކަމަށްވާނީ 10ވަރަކަށް ރަށުގެމީހުން ބަނޑަށްޖެހިގެން މަރުވުންތާދޯ..މޯޑިސްގެ ހާލަތު
ކޮޕް
01 December 2017
ކުޑަ ޤައުމެއް، އެކަމަކު ކަނޑު ބޮޑު. ރަށްރަށް ގިނަ. އެކަމަކު ވަސީލަތްތަކެއް ވެސް ނެތް. ނަމަވެސް ނިސްބަތުން މި ފަހަރުގެ ވިއްސާރައިގެ ކަންކަމުގައި ރާއްޖޭގެ ސަރުކާރުން މި އަމަލުކޮށފައިވަނީ ވަރަށް ރަނގަޅަށްކަމުގައި ޤަބޫލު ކުރަންޖެހޭ. ޚާއްޞަކޮށް އެމްއެންޑިއެފާއި ކޯސްޓްގާޑްގެ ޚިދުމަތް ވަރަށް ފާހަގަ ކުރެވޭ. ނަމަވެސް ސެންޓްރަލް އޭރިޔާގެ ޚިދުމަތް ރަނގަޅެކޭ ނުބުނެވޭނެ. އެތަނުގެ ކޮމާންޑަރ ފޯނެއް ނުނަގާ. ކަންކަމުގައި އަބަދުވެސް ބޮލުން ނައްޓާލަން މަސައްކަތަތް ކުރޭ. މާލެ އޭރިއާ އާއި ސަދަން އޭރިއާ ވަރަށް ބަރާބަރު. ކޯސްޓްގާޑްވެސް ރަނގަޅު. ޑިޒާސްޓަރ މެނޭޖްމަންޓްވެސް ރަނަގަޅު. ޑިފެންސް މިނިސްޓަރ ބަރާބަރު. ރައްޔިތުންގެ އިހުސާސްތައް ވަރަށް ރަނގަޅަށް ދެނެވަޑައިގަންނަވާ. އަބަދުވެސް ރައްޔިތުންނާ ގުޅިފައި. ތެދު މަޢުލޫމާތު ދެއްވި. ސިފައިންނާ ފުލުހުންނަށްވެސް ހިތްވަރު ދެއްވާ. އައި ސެލިއުޓް ފޮރ ދަ ޑިފެންސް މިނިސްޓަރ ވިތު ގްރޭޓް ރެސްޕެކްޓް. ލަވް ހިމް.
ބާންސް
01 December 2017
ކުޅުދުއްފުށީ އެސްޓއޯ ފިހާރަޔަކުން ގޭހެއް ނުވިއްކާ
މުހައްމަދު ލޮޓްޕިސް
01 December 2017
ެެއެބުނާހެން . މެޓުން ބުނީ އެޔެއްނޫނޭ މިޔޭ... އެއީ އަދި އެހެން އެއްޗެކޭ.. އޭތި ފަހުން ބަދަލުވީ އެހެން އެއްޗަކަށް... ބުނެވުނު އެތި ދިފާއުކުރަންވާނެތާ....