ސޮދަގާތު ފައުންޑޭޝަންގެ މި އަހަރުގެ ހިތާނީ ފެސްޓިވަލަށް ހުޅުމާލޭގެ ރެހެންދި ސްކޫލް ޒީނަތްތެރި ކޮށްފައިވާއިރު، އެތަނުގެ އިންތިޒާމުތައް ފަސްޓް ލޭޑީ ފާތުން ބައްލަވާލައްވަނީ.
13 ޑިސެމްބަރ 2017 - 21:33
23 comments
ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހިމް ހިންގަވާ ސޮދަގާތު ފައުންޑޭޝަންގެ މި އަހަރުގެ ހިތާނީ ފެސްޓިވަލް މިއަދު ފަށައިފި އެވެ.
ހިތާނީ ފެސްޓިވަލްގެ ތައްޔާރީތައް ފަސްޓް ލޭޑީ ފާތުން މިއަދު ބައްލަވާލައްވަނީ.
އެ ފައުންޑޭޝަނުން ކޮންމެ އަހަރަކު ބާއްވަމުން ގެންދާ އެ ފެސްޓިވަލް މި އަހަރު ބާއްވަނީ ހުޅުމާލޭގެ ރެހެންދި ސްކޫލާއި ގޭޓް ވޭ އިންޓަނޭޝަނަލް ސްކޫލްގަ އެވެ. މި އަހަރުގެ ފެސްޓިވަލްގައި 500 ކުދިން ހިތާނު ކުރަން ހަމަޖެހިފައިވާ ކަމަށް ސޮދަގާތު ފައުންޑޭޝަނުން ވަނީ ބުނެފަ އެވެ.
ސޮދަގާތު ފައުންޑޭޝަންގެ އެހީތެރިކަމާ އެކު، ހިތާނު ކޮށްފައިވާ ކުއްޖަކާ ފަސްޓް ލޭޑީ ފާތުން މިއަދު ސަލާމް ކުރައްވަނީ
މުޅިން ހިލޭ ކުރިއަށް ގެންދާ އެ ފެސްޓިވަލްގައި ހިތާނުކުރި ކުދިންނަށް ފަސްޓް ލޭޑީ ފާތުން މިއަދު ވަނީ ޒިޔާރަތް ކުރައްވައި، އެ ކުދިންގެ ހާލު ބައްލަވާލައްވައިފަ އެވެ.
ސޮދަގާތު ފައުންޑޭޝަންގެ އެހީތެރިކަމާ އެކު، ހިތާނު ކޮށްފައިވާ ކުއްޖަކާ ފަސްޓް ލޭޑީ ފާތުން މިއަދު ވާހަކަ ދައްކަވަނީ.
މި މަހުގެ ނިޔަލަށް ކުރިއަށް ގެންދާ މި ފެސްޓިވަލްގައި ހިތާނު ކޮށްފައިވާ ތިބޭ ކުދިން އަދި އެ ކުދިންގެ ކައިރީގައި ތިބޭ ބެލެނިވެރިންގެ ކެއުމުގެ ޚަރަދުތައް ބަލަހައްޓަނީ ސޮދަގާތު ފައުންޑޭޝަނުންނެވެ. އަދި ކުދިންނާއި ބެލެނިވެރިންނަށް ޚާއްސަ މުނިފޫހިފިލުވުމުގެ ހަރަކާތްތަކެއް ވެސް އޮންނާނެ ކަމަށް އެ ފައުންޑޭޝަނުން ބުނެ އެވެ.
ހިތާނީ ފެސްޓިވަލްގެ ތައްޔާރީތައް ފަސްޓް ލޭޑީ ފާތުން ބައްލަވާލައްވަނީ.
މިދިޔަ އަހަރު ވެސް ސޮދަގާތު ފައުންޑޭޝަނުން ވަނީ ހިތާނީ ފެސްޓިވަލެއް ކުރިއަށް ގެންގޮސްފަ އެވެ. އެ ފެސްޓިވަލްގައި އެ ކުދިން ހިތާނު ކުރުމާއި ކުދިން ބެލެހެއްޓުމާއި ކެއުމުގެ ޚަރަދާއިި ޑޮކްޓަރަށް ދެއްކުމާއި ބޭނުންވާ ވަސީލަތްތައް ފޯރުކޮށް ދެނީ ވެސް ސޮދަގާތު ފައުންޑޭޝަނުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙްމް
14 December 2017
ވެން މަސް ވެނަށް ކާންދޭއިރުވެސް ރައްޔިތުން ހަމަ ހެވިފަ.
ހާސް
14 December 2017
ނަމުގަ ސަދަގާތް ފައުންޑޭޝަން. އަސްލު ހުރިހާ ޚަރަދެއްކުރަނީ އާސަންދަ ކުންފުންޏާ، އެންސްޕާ އާއި އެހެނިހެން ދައުލަތުގެ ކުންފުނި ތަކުން. ތި ފޮޓޯތަކުންވެސް ހުޅުމާލެ ހޮސްޕިޓަލްގެ މުވައްޒަފުން އެބަ ފެނޭ. އަދި އެންސްޕާގެ ސީއީއޯ އެބަ ފެނޭ. ނޫސް ތަކުންވެސް މިކަންކަން ތަންކޮޅެއް ގާތުން އެބަ ބަލަނަޖެހޭ.
ހެޔޮވެރިކަން
14 December 2017
ސަދަގާތް ފައުންޑޭޝަންގެ ނަމުގައި މިފަހަރު 500 ނިކަމެތި ކުދިން މި ޚިތާނުކުރަނީ ސަރުކާރުން އެކަމަށް ހުއްދަދީ ބާރުއަޅައިގެން ސަރުކާރުންދޯ އެހެންވީމަ...
ސީނު
14 December 2017
ސަދަގާތު ނަން އެހެން އޮތްނަމަވެސް އެކުރާކަމަކީ ސަގަތާތަށް ވާކަށް މަޖަބޫރެއްނޫން. އެ ޚިތާނައަކީ ފޯރުންތެރިކަން ނެތްބަޔަކަށް ސަރުކާރުން ވެދޭ އެހީއެއް.
ކަރަ
14 December 2017
މައްސަލައަކީ ސަރުކާރުގެ ހަރަދުގަ ކަން ކޮށްފަ ނަން ލިބިގަންނާތީ. އެވެސް ފާޑެއްގެ ވައްކަމެއް.
އޯޒޯން
14 December 2017
ސަދަގާތު ފައުންޑޭޝަނަކީ ސަރުކާރުގެ މުއައްސަސާއެއް ނޫން. ސަރުކާރުން ފޯރުންތެރިކަން ނެތް ފަރާތްތަކަށް ތިޚިދުމަތް ދޭން ބޭނުންވިނަމަ ހެލްތް މިނިސްޓްރީ، ނޫނީ އެންސްޕާ، ނޫނީ އާސަންދަ ފަދަ މުއައްސަސާތަކުގެ ނަމުގެ ދަށުން، މީހުންނަށް އޮޅުވާނުލާ ތިކަން ކުރެވުނީސް
ސަލަންޓޭ
14 December 2017
ނަމުގަ ސޮދަގާތު ފައުންޑޭސަން. އެސްޓީއޯއިން ރެހެންދިކޭންޕް، އެމްޕީއެލްއިން ގޭޓުވޭ، ހޮސްޕިޓަލް ހަރަދު އާސަންދަ. ދެން އަތްޖަހާ
ޙައިދަރު
13 December 2017
ޞަދަޤާތަކީ ތިޔަގޮތަށް ކުރާ ކަމެއްނޫން. ޞަދަޤާތުގައި ދެއްކުންތެރިކަމެއް ނޯވޭ. ތިޔަށް ކިޔަންވީ ރިޔާއު ފައުންޑޭޝަނޭ. ނުވަތަ ކަން ދައްކާ ފައުންޑޭޝަނޭ.
ތުއްތޫު
13 December 2017
ޚިތާނު ކުރާނެ ލާރި އެއް ވެސް ނެތި ގެން ޞަދަގާތުން ޚިތާނު
ޑޮކްޓަރުންގެ ސިޓީ / އައްޑޫ ސިޓީ
13 December 2017
ރައްޔިތުން އެމީހުންގެ ތިޖޫރި ހަވާލުކުރިމީހުން “ތިޖޫރި ކަޅާކޮށްލީމަ” ޤައުމު ވިކިދަރާހުސްވީމަ ، ދައުލަތުގެ ހަޒާނާ ގައި ލޯލާރިއެއްވަރުވެސް ނެތުނީމަ ތިޔަކަހަކަ ފަންޑު ތަކާއި ސަލާން ޖެހުމާއި އެހެނިހެންކަންކަންވެސް ފެންނާނެ. ތިއީ ނޯތު ކޮރެޔާ އާއި ޒިމްބާބުވޭ ފަދަ ޤައުމުތަކުން ވަރަށް އާންމުކޮށް ފެންނަ މަންޒަރެއް.
އައިޖޭ
13 December 2017
އެންސްޕާ އިން މިއިން ކޮންމެ ކުއްޖަކަށް ކިހާވަރެއް މިފަަހރު ޙަަރަދު ކުރިބާ؟ މިދިޔަ އަހަރުވެސް ކޮްނމެ ކުއްޖަކަށް 7000ރ ނެގި ކަމަށް އަދު ތައް އުޅޭ
ފަހީމާ
13 December 2017
ސާބަހޭ މެޑަމް ތީ ލާމަސީލް
ފަހީމާ ގޯތީ އާދަނު
14 December 2017
މެޑަމް އަށް ހަމަ ސާބަސް. "ނަމުގަ ސޮދަގާތު ފައުންޑޭސަން. އެސްޓީއޯއިން ރެހެންދިކޭންޕް، އެމްޕީއެލްއިން ގޭޓުވޭ، ހޮސްޕިޓަލް ހަރަދު އާސަންދަ. ދެން އަތްޖަހާ"
ކާޖާ
13 December 2017
ފެސްޓިވަލްގައި އެ ކުދިން ހިތާނު ކުރުމާއި ކުދިން ބެލެހެއްޓުމާއި ކެއުމުގެ ޚަރަދާއިި ޑޮކްޓަރަށް ދެއްކުމާއި ބޭނުންވާ ވަސީލަތްތައް ފޯރުކޮށް ދެނީ ސޮދަގާތު ފައުންޑޭޝަނުންތޯ ނުވަތަ ދައުލަތުންތޯ؟ އާސަންދަ! ކުންފުނިތައް! އޮފީސްތައް! އެތަންތަނުގެ ވަސީލަތްތައް!