ދޯންޏަކުން މަސް ބާނަނީ: ލަންދޫގައި ދެ މަސްވެރިން މަރުވުމާ ގުޅިގެން އެ މީހުން މަހަށް ދިޔަ ދޯނިން ވަނީ މަސްވެރިކަން މެދުކަނޑާލާފައި
02 ޖެނުއަރީ 2018 - 12:26
17 comments
ނ. ލަންދޫ ދޯންޏަކުން މަހަށް ގޮސް އުޅެނިކޮށް ހަފުތާއެއްގެ ތެރޭގައި ދެ މަސްވެރިން މަރުވުމާ ގުޅިގެން އެ ދޯނީގެ އެއްވެސް މަސްވެރިއަކު މިވަގުތު މަހަށް ދާން ބޭނުން ނުވާތީ، އެ ދޯނި މަހަށް ފުރުން މެދުކަނޑާލައިފި އެވެ.
އެ ރަށުގެ "މުރިނގު-2" ނަމަކަށް ކިޔާ އެ ދޯނީގެ އޮޑިވެރިޔާ ޚާލިދު އަބޫބަކުރު ބުނި ގޮތުގައި އެ ދޯނީގައި ގިނަ ދުވަސްތަކެއް ވާންދެން މަހަށް ދިޔަ ދެ މީހަކު ކުއްލި ގޮތަކަށް މަރުވުމުން، އެހެން ފަޅުވެރިންނަށް ވަނީ ފުން ހިތާމައެއް ލިބިފަ އެވެ. އަދި މި ވަގުތު އެއްވެސް މީހަކު މަހަށް ދާން ބޭނުން ނުވާ ކަމަށް އޭނާ ބުންޏެވެ.
މިދިޔަ މަހު 21ގައި އެންމެ ފުރަތަމަ މަރުވީ އެ ދޯނީގެ ކެޔޮޅެއް ކަމަށްވާ އާދަމް އިސްމާއީލް، 45، އެވެ. އަދި އޭގެ ހަތް ދުވަސް ފަހުން އޭނާގެ އެކުވެރި އަހުމަދު ފައިސަލް، 45، މަރުވީ އެން އުކަން ހުއްޓަ އެވެ.
ދެ މަސްވެރިން ވެސް މަރުވީ ހާޓްއެޓޭކެއް ޖެހިގެން ކަމަށް ބެލެވޭ ކަމަށް، އެ މީހުންނަށް ފަރުވާ ދިން އެ އަތޮޅު ކެނދިކުޅުދޫ ސިއްހީ މަރުކަޒުން ބުންޏެވެ.
"މިހާރު"އާ ވާހަކަ ދައްކަމުން ހާލިދު އަބޫބަކުރު ބުނީ މި ވަގުތު އެއްވެސް މީހަކު މަހަށް ދާން ބޭނުން ނުވާތީ ދޯނި މަހަށް ފުރާނެ ދުވަހެއް އަދި ނޭނގޭ ކަމަށެވެ.
"އަޅުގަނޑުދެން މި ގަސްދު ކުރަނީ ދޯނި އެހެލަން. އަނެއްކާ ވެސް ކުޑަ ދުވަސްކޮޅެއް ފަހުން ބާލާފައި މަހަށް ދާން ކަމަށް،" ހާލިދު ބުންޏެވެ.
ދެ މަސްވެރިންގެ އާދަޔާ ޚިލާފު ކުއްލި މަރާއި ސިހުރާ ގުޅުން ހުރެދާނެ ކަމަށް އެ ރަށު ބައެއް މީހުން ތުހުމަތު ކުރެ އެވެ. އަދި ކައުންސިލުން ވެސް ވަނީ އެ މަރާ ސިހުރާ ގުޅުން ހުރިތޯ ބެލުމަށް ރުގުޔާ ކުރުމަށް ނިންމާފަ އެވެ.
ނަމަވެސް އޮޑިވެރިޔާ ހާލިދު ބުނީ މަސްވެރިންގެ މަރާ ސިހުރާ ގުޅުން ހުރި ކަމަށް އޭނާ ގަބޫލު ނުކުރާ ކަމަށާއި އެއީ ގުދުރަތީ މަރެއް ކަމަށެވެ. އަދި އެ ދޯނިން މަހަށް ދިޔުމަށް ދެން ތިބި މަސްވެރިން ވެސް ޖެހިލުން ނުވާ ކަމަށް އޭނާ ބުންޏެވެ.
"މިހާރު"އާ ވާހަކަ ދައްކަމުން ކައުންސިލުގެ ރައީސް އަބްދުﷲ އާރިފް މިއަދު ވިދާޅުވީ ރުގުޔާ ކުރާނެ ގޮތަކާ ގުޅޭ ގޮތުން ކައުންސިލުން މިއަދު މަޝްވަރާ ކުރާނެ ކަމަށާއި ވަރަށް އަވަހަށް އެކަމުގެ ހަގީގަތް ދެނެގަނެވޭތޯ ބަލާނެ ކަމަށެވެ.
"އަޅުގަނޑުމެން ވެސް ސީދާ ގަބޫލެއް ނުކުރަން މިއީ ސިހުރާ ގުޅުން ހުރި ކަމެއް ކަމަކަށް. އެކަމަކު ސިހުރު ހަދައިގެން މީހުން މެރުމަކީ ރާއްޖޭގައި ކޮށްފައި ހުރި ކަންކަން. އަދި ދެ މަސްވެރިން ވެސް މަރުވީ ސިހުރު ހަދައިގެން ކަމަށް ބައެއް މީހުން ތުހުމަތު ކުރާނަމަ އެކަން އަޅުގަނޑުމެން މަސައްކަތް ކުރާނަން އެކަން ބަލަން،" އާރިފް ވިދާޅުވި އެވެ.
ފުލުހުން އަންނަނީ އެންމެ ފަހުން މަރުވި ފައިސަލް ވަޅުލުމުގެ ކުރިން އޭނާގެ ހަށިގަނޑުން ސާމްޕަލް ނަގައި، މަރުވި ގޮތް ދެނެގަތުމަށް ތަހުލީލުތައް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
03 January 2018
މިަވގުތު ކިހާބޭނުން ވާނެ އެ ވައުދުވި 10000 ރުފިޔާ. ދެން އެ މަސްވެރިން ތިބެންވީ އެތައްދުވަހަކު އެއްޗެއް ނުލިބި
ދޯނި
03 January 2018
ދޯނި އެހެލުމުގެ ކުރިން ތިޔަ ބަލަންވީ އެއްޗެއް ބަލައި... ދޯނީގެ މަސްވެރިކަން ރަނގަޅު ކުރަން ސިހުރު ހަދާފައި ހުރޭ... ފުލުހުންގެ ބެލުމުގެ ދަށުން ދޯނި އެހެލާފައި ދޯނި ޗެކު ކުރަން ފެނޭ... އަކަ ކުރަހާ ކަންކަން ކޮށްފަ ހުރި ތޯ...
އަލީ.
02 January 2018
ކީކޭ ކަންފަތުގަ މަޑުލާފަ ހުރީމަ ތިޔަކިޔާއެއްޗެއް ސާފެއްނުވޭ
މަޑޭ
02 January 2018
ތިވާނީ ފަންޑިތަވެރިކަމެއް ކަމަށް
މެންޓަލިސްޓް
02 January 2018
އެޔޯއަނެއްކާ ،،،، ދާދިފަހުން މެލޭޝީއަން އެއަރލައިންގެ ބޯޓެއްކަމުގައިވާ އެމްއެޗް 370 ވެސް ވަނީ ގެއްލިފައި ،،، ވީތަނެއްވެސް ނޭންގޭ ،،، ނަމަވެސް މެލޭޝިއަން އެއަރލައިންސްއިން އަދިވެސް ހުއްޓާނުލާ އެއަރލައިން ހިންގާ ،،، ދެންއޮތީ އަހަރުތަކެށް ކުރީން މަނިޔަފަރަށް އެރިދޯންޏަކުން 3-4 މީހުންވަރުވެ ގެއްލިފައިވޭ ،،،، ނަމަވެސް އެދޯނިވެސް ފަހުން ހަމަދުއްވާނަގާ ،،،، ހޮސްޕިޓާތަކުގައިވެސް މީޙުންމަރުވޭ ،،،، ނަމަވެސް ހޮސްޕިޓަލް ބަންދެއްނުކުރޭ ،،، ދަނޑުމަތީގައި ކުޅެންހުރެފައިވެސް ވެއްޓީގެން މީހުންމަރުވޭ ،،، ނަމަވެސް ދަނޑެއް ބަންދެއްނުކުރޭ ،،،، ވީމާ އަޅުގަނޑު ދެކޭގޮތުގައި ތިޔައީ ތާކުންތާކު ނުޖެހޭ ކަމެށް ،،،، މައައްސަލާމާ
ޝަހާމް
02 January 2018
ޕޯސްޓް މޯޓަމް ހަދައިގެން ނަމަވެސް ތިޔަކަން ބަލަންވެއްޖެ. ތިވެދާނެތާ ފަންޑިތަވެރި ކަމަކަށްވެސް. އެހެން ވާދަވެރި ދޯންޏަކުން ކުރާ ކަމަކަށްވެސް. ނުވަތަ ދޯންޏަށް އަރުވާ ކާއެއްޗެތީގެ ތެރެއިން ބައެއް ކާއެއްޗިއްސައް ހަސަދަވެރިންގެ ތެރެއިން ބަޔަކު އެއްޗެއް ލާފައި ހުރީކަމަށްވެސް. ނުނީ، އެނޫން ސަބަބެއްވެސް އޮވެދާނެ ދެއްތޯ...! ތަހްގީގް ކުރޭ، މަސްވެރިންގެ އަދި އޮޑިވެރިންގެ ހައްގުގައިނަމަވެސް އެބަޖެހޭ މިކަން ތަހްގީގް ކުރަން. ނޫނީ މަސްވެރިންނަށް ހާޓްއެޓޭކް ޖެހެންފެށީ، ބުރަ ބޮޑުވެގެން ކަމެއް ނޫނީ ލިބެންވާވަރަށް އާމްދަނީ ނުލިބޭތީ އެކަމުގެ ހިތާމާގައި އުޅެން ޖެހިގެން ތޯ ނުވަތަ، މަސްވެރިންގެ އަނބިން، މަސްވެރިން މަހަށް ފުރީމާ ވިޔާނުދާކޮށް އުޅޭތީ ބޯގޮވަނީތޯ، މިކަހަލަ ކިތަންމެ ސުވާލެއް އެބަޖެހޭ ފުލުހުން ކުރަން...!
ބަރުބާަދު
02 January 2018
ތިކަމުގަ އިންޓެލްރިޕޯޓެއް ލިބޭތޯ މަސައްކަތްކުރުން ބުއްދިވެރި.
މުސާފިރު ޚާނާ
02 January 2018
ތީގަ ހިތާމައިގެ ގޮތުން ނުފުރުން އޯކޭ. ނަމަވެސް ސިހުރު ހާހޫރަ ވައްދާފަ ނުފުރައިފިއްޔާ ޝިރްކް ގެ ތެރެއަށް ނުވަންނާނެބާއޭ ހިތށް އަރާ. ދީނީ ޢިލްމް ވެރިއަކު ކައިރިން ސާފުކޮށް ލުން ރަގަޅު.
ގޯހުންގޯހަށް
02 January 2018
މިވާހަކަ ނޫހުގައި ލިޔާ ކޮންމެ ފަހަރަކު ހަމަ އަޖައިބުވާކަހަލަ މަޢުލޫމާތު މި ހުންނަނީ. ޢުމުރުން އެންމެ 45 އަހަރުގައި މަރުވި 2 މީހުންނަށް އިޙުތިރާމު ކުރުމުގެ ގޮތުން އަދި ޢާއިލާއަށްވެސް ހެޔޮއެދޭނަމަ ދެން މި 2 މަރާ ބޯދާ ވާހަކަތަކާ ނުގުޅުވާ ފުލުހުންގެ މަސައްކަތް ނިމެންދެން މަޑުންތިބެން ފެނޭ. މީހަކު ބުނާހާ އެއޗަކަށް އަދި ޖަހާހާ ބެރަކަށް ކައުންސިލުން ނަށާކަށް ނުޖެހޭ. މީހަކު ބުނެފާނެ ދޯނި އެހެލާފަ ކޮންމެވެސް ވަލީވެރިއަކަށް ނަދުރުބުނެފަ، މުދިމު ލައްވާ ކިޔަވާފަ ދޯނީގަޖަހާ ކާއްޓެއް ފަޅާލާށޭވެސް. ދެން އެކަން ކުރަންވީ. ސިހުރުތޯ ބަލަން ރުޤިޔާ ކުރަންވިއްޔޯ. ދެން ކީކޭ ބުނާނީ. ސިހުރުމައްޗަށް ސިހުރު. ތިވެސް ދީނީ ކަމަކަށް ހަދައިގެން ބަޔަކު ލާރިހޯދަން ހިންގާ ޖަރީމާއެއް، ސިހުރުގެމައްޗަށް ސިހުރު. ހާރޓްއެޓޭކް ޖެހެނީ ސިހުރަކުންނޫނޭ. މިއީ ކާށިތެލުން ވޮއްކޮޅު ދިއްލައިގެން ފަންޑިތަ ވެރިޔާ (ޕަންޑިތު) ބުނާބަހަށް ހެއްލިގެންތިބޭ ޒަމާނެއްނޫން. ޙައިރާންވޭ ހަމަ. މި ކޮމެންޓަށް ދެކޮޅުހަދާ މީހުްނތިއްބަސް މީ ޙަޤީޤަތް
ލޮޑުނޒަހީ
03 January 2018
ފުލުހުންނަކީ މާމޮޅު ބައެއްތަ؟ މިރާއްޖޭގެ ކިތައް މަރު ތިޔަ ފުލުހުން ތަހުގީގު ނުކޮށް ނިންމާލާފައި އެބަހުރި. ފުލުހުންނަކަށް އެއްވެސް އިތުބާރެއް ނެތް.
މޮގާބޭ
02 January 2018
ކޮބައިތޯ ޑޮކްޓަރ އަްރާޝީމް ޢަލީގެ ޤާތިލުން.
ރަދީފް
02 January 2018
''ވަގުތު ޖެހުނީމަ ހާމަކުރާނަން''. މިހެން ވެސް ބުނި.
އަލީ
02 January 2018
ފުލުހުން މީ އެހާ މޮޅު ބައެއްތަ.
ރަދީފް
02 January 2018
ނޯ ވޭ. ސްކޮޓްލެންޑް ޔާޑް ފުލުހުންނަށް ތިޔަކަން ވެދާނެ.