ލޮރިއަކުން ބިސްތަކެއް ބާލަނީ: ބިސް ކޭހެއްގެ އަގު މިހާރު ވަނީ 300ރ. އަށް އުފުލިފައި. ފޮޓޯ: ނިޝާން އަލީ /މިހާރު
16 ޖެނުއަރީ 2018 - 19:03
7 comments
ބޭރުތޮށި ސާފުނުކޮށް، ނަޖިސް ހަރުލާފައި ހުންނަ ކުކުޅުބިސް ރާއްޖެ އެތެރެކޮށް ވިއްކުން ހެލްތު މިނިސްޓްރީން މަނާކޮށްފި އެވެ.
އެ މިނިސްޓްރީ މިއަދު ކުރި އިއުލާނެއްގައި ވަނީ ރާއްޖެއަށް އިމްޕޯޓްކޮށް ވިއްކާ ކުކުޅުބިސް ބަހައްޓަންޖެހޭ މިންގަނޑުތަކެއް ކަނޑައަޅައިފަ އެވެ.
އެގޮތުން، ޓްރީމަންޓެއް ނުދީ ފިނި ނުކޮށް ކުކުޅުބިސް ބަހައްޓަން ވާނީ އުފެއްދި ތާރީޚުން ފެށިގެން އެންމެ ގިނަވެގެން 28 ދުވަހަށް ކަމަށް އުސޫލުގައި ކަނޑައަޅާފައިވެ އެވެ.
ފިނިކޮށް ފަސް ޑިގްރީ ސެލްސިއަސް އަށް ވުރެ ދަށުގައި ބަހައްޓަން ވާނީ އުފެއްދި ތާރީޚުން ފެށިގެން ތިން މަސް ދުވަހަށް ކަމަށާއި އެގޮތަށް އިމްޕޯޓްކޮށް ވިއްކާ ކުކުޅުބިސް އިމްޕޯޓްކޮށް ވިއްކުމުގެ ހުރިހާ މަރުހަލާއެއްގައި އޭގެ ފިނިހޫނުމިން ހިފެހެއްޓިފައި ހުންނަވާނެ ކަމަށް ވެސް ވަނީ ކަނޑައަޅައިފަ އެވެ.
ކުކުޅުބިހުގެ މުއްދަތު ހަމަވާ ދުވަސް އިތުރު ކުރުމަށް ޓްރީޓްމަންޓެއް ދީގެން އިމްޕޯޓްކުރާނަމަ، މުއްދަތު ދިގުކުރުމަށްޓަކައި ކޮށްފައިވާ ކަމެއް ބަޔާންކުރާ އުފެއްދި ގައުމުގެ ކޮންޕިޓެންޓް އޮތޯރިޓީގެ ލިޔުމެއް ހުށަހަޅަން ޖެހޭ ގޮތަށް ވެސް ބަނީ ހަމަޖައްސައިފަ އެވެ.
މީގެ އިތުރުން ރާއްޖެއަށް އިމްޕޯޓުކުރާ ބިހާއި ބިހުގެ ބާވަތްތަކަށް ހެލްތު ކްލިއަރެންސް ދޫކުރާނީ ހެލްތު ސެޓްފިކްޓް ހުށަހެޅުމުން ކަމަށް ވެސް ހެލްތު މިނިސްޓްރީން ވަނީ ކަނޑައަޅައިފަ އެވެ.
ރާއްޖެއަށް އެތެރެކޮށް ވިއްކާ ބިހާއި ބިހުގެ ބާވަތްތައް ހުންނަން ވާނީ ބަންދުކުރި ކާބޯތަކެތި ލޭބަލް ކުރުމުގެ ގައުމީ މިންގަނޑާ އެއްގޮތަށް ކަމަށާއި ފިހާރަތަކުގައި ވިއްކަން ހުންނަ ބިސް ވެސް ހުންނަން ވާނީ މުއްދަތު ހަމަވާ ތާރީޚު ގަންނަ ފަރާތަށް އެނގޭނެ ގޮތަށް ކަމަށް މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޓްކިންގ
17 January 2018
މުއްދަތު ހަމަވާ ތާރީޚް ކުކުޅު ބިހުގައި ޖަހާނެތަ އެންމެ ކުޑަވެގެން މުދަލުގެ އަގު ޖަހާނުލާ ބަޔަކު. އަނެއްކާ އިންޑިއާއިން ބިސް އެތެރެކުރާއިރު އެތެރެ ކުރަނީ އުފެއްދި ފަހުން ކިތައްމަހު އެތަނުގައި ތަޅުވާފައިކަން އެނގޭ މީހަކު ނެތް. މިރާއްޖެ ގެނެސްވެސް އަގުބޮޑުކޮށް ވިއްކަން ގުދަންކުރޭ. ނެރެެގެން ވިއްކާއިރު ވިއްކަނީ ކުނިބިސް. މުއްދަތު ހަމިޔަސް، ނަޖިހާއެކު ބިސް ވިއްކިޔަސް އެކަން ބަލައި ފިޔަވަޅެއް އަޅާނެ އިދާރާއެއް ނުހުންނާނެ.
ހޭލަބަލަ
17 January 2018
ހާދަފަހަކުން ތިކަން އެވެރިންނަށް ރޭކާލީ.
ކޮލެޖް ބޯއީ
16 January 2018
އިންޑިއާ ބިހުގަ ނަޖިސް ހުންނާނެ. އިންޑިއާ ގަ ގެރި ގުއި ވެސް ނަޖިހަކަށް ނުވޭދޯ.
ސިންތިލީ ވޫމް
16 January 2018
ބިހުގައި މުއްދަތު ހަމަވާ ތާރީހުވެސް ލިޔަން މަޖުބޫރުކުރޭ!
ޞެއްލަމް
16 January 2018
88 ބިސް އޮތީ ކުނިވެފަ.އެންމެ ފަހުން ގަތް. 380 ރުފިޔާ ކޭސް ގަތީ. 210 ބިހުގެ ކޭހެއް. 200 ރުފިޔާއަށް ވުރެ ގެއްލުން ބޮޑު
ރަނގަޅު
16 January 2018
މިސަރުކަރުން ކުރިޔަސް މިއީ އެއްވަނައިގެ ކަމެއް. ދެރައީ ވިޔަފާރިތަކުން މިކަނުގެ ނާޖާއިޒް ފައިދާނަގާ ބިހުގެ އަގު ބޮޑުކުރާނެތީ
އަހުމަދުބެ
16 January 2018
ވ ރަނަގަޅު ނިންމުމެކެވެ. އިންޑިޔާއިން ބޭރު ތޮށީގަ ނަޖިސްހުންނަ ބިސް ވިއްކަން ހުއްޓަ ނުފެނެއެވެ. ދެން އެމީހުން ރާއްޖެއެތެރެކުރާއިރު ބަލަން ޖެހެއެވެ.