23 ޖެނުއަރީ 2018 - 06:15
17 comments
އިޒްރޭލުގެ ބޮޑުވަޒީރު ބެންޖަމިން ނަތަންޔާހޫގެ އިންޑިއާ ދަތުރުފުޅުގައި ހިންދީ ފިލްމު އިންޑަސްޓްރީގެ ފަންނާނުންނާ ބައްދަލުކުރަން ބޭއްވި ހަފުލާއަށް ބޮލީވުޑްގެ އެންމެ މަޝްހޫރު ތިން ޚާނުން ކަމަށްވާ އާމިރު ޚާނާއި ޝާހްރުކް އަދި ސަލްމާން ޚާން ނުދިޔަ އެވެ. މިކަމާ ސޯޝަލް މީޑިއާގައި ގިނަ ބަޔަކު އަންނަނީ މި ތިން އެކްޓަރުންނަށް ތައުރީފު ކުރަމުންނެވެ.
މުސްލިމް މިރާ ނޫހުގައިވާ ރިޕޯޓެއްގައިވާ ގޮތުން ނަތަންޔާހޫއާ ބައްދަލުކުރަން ޝާހްރުކާއި ސަލްމާން އަދި އާމިރު ނުދިޔައީ އެއީ ފަލަސްތީނުގެ މައުސޫމް އަންހެނުންނާއި ކުޑަކުދިންގެ ގާތިލްކަމަށް ވާތީ އެވެ.
ނަތަންޔާހޫއާ ބޮލީވުޑް ފަންނާނުން ބައްދަލުކުރަން ބޭއްވި ރަސްމިއްޔާތުގައި އެންމެ ފާހަގަކޮށްލެވުނީ އަމީތާބު ބައްޗަން އުޅުނު ގޮތެވެ. ނަތަންޔާޙޫއާ އެކު ސެލްފީ ނެގުމާއި އޭނާއަށް މަރުހަބާ ކިއުމުގައި އެންމެ ކުރީގައި ހުރީ އަމީތާބެވެ. އަމީތާބާއެކު އޭނާގެ ދަރިފުޅު އަދި ބޮލީވުޑް ބަތަލު އަބީޝެކް ބައްޗަން އާއި ޅީދަރިފުޅު އަދި މަޝްހޫރު ބަތަލާ އައިޝްވަރިޔާ ރާއީ ވެސް މި ހަފުލާގައި ބައިވެރިވެ ފޮޓޯ ނެގި އެވެ.
އަމީތާބުގެ އާއިލާ ފިޔަވައި ޑައިރެކްޓަރު ކަރަން ޖޯހަރް، އިމްތިޔާޒު އަލީ އަދި މަދުރް ބަންޑާރްކަރް ވެސް މި ހަފުލާއިން ފެނުނެވެ.
ނަތަންޔާހޫއާ އެކު ބޮލީވުޑް ފަންނާނުން ނެގި ޚާއްސަ ސެލްފީގައި ޚާއްސަ އެހެން ކަމެއް ވެސް ފާހަގަ ކުރެވުނެވެ. އެއީ އައިޝްވަރިޔާގެ ކުރީގެ ލޯބިވެރިޔާ ވިވެކް އޮބްރޯއީ ވެސް މި ފޮޓޯގައި ހުރުމެވެ. މިއީ ވަރަށް ގިނަ ދުވަސް ވަންދެން ވަރަށް ދުރުދުރުން އުޅުމަށްފަހު ވިވެކް އާއި އައިޝްވަރިޔާ އެކުގައި ފެނުނު ފަހަރެކެވެ.
ބޮލީވުޑްގެ އެންމެ ނަން މަޝްހޫރު ތިން ޚާނުން ކަމަށްވާ ސަލްމާން (ކ)، ޝާހްރުކް އަދި އާމިރު (ވ)
އެއްވެސް ޚާނަކު ނަތަންޔާހޫއާ ބައްދަލުނުކުރުމުން ސޯޝަލް މީޑީއާގައި ތައުރީފުކުރާ މީހުން ބުނަނީ އެއީ "ހަގީގީ ބަތަލުން" ކަމަށެވެ.
އިންޑިއާގެ ބައެއް ނޫސްތަކުން ބުނެފައިވާ ގޮތުގައި ނަތަންޔާހޫއާ ބައްދަލުކުރަން ތިން ޚާނުން އިންކާރުކުރީ އޭނާ އަކީ ޔަހޫދީ އަކަށް ވީމަ އެވެ.
އެކަމަކު މިއީ ގައުމީ ވަންތަކަމާ ދުރު އަމަލެއްގެ ގޮތުގައި އެއްބަޔަކު ސިފަ ކޮށް އެމީހުންނަށް ފާޑުކިޔުންތައް އަމާޒުކޮށްފައިވެ އެވެ.
ބޮލީވުޑް އެކްޓަރެއް ކަމަށްވާ އީޖާޒް ޚާން ރެކޯޑްކޮށް ފޮނުވި މެސެޖެއްގައި އިޒްރޭލުގެ ބޮޑުވަޒީރާ ބައްދަލުކުރީތީ އަމީތާބާއި ކަރަން ޖޯހަރަށް ވަރަށް ބޮޑަށް ފާޑުކިޔާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ..ކޮބާ
29 August 2019
ކުރެވިފައި ވީ ގޮތާ ޚިލާފަށް،ހީ އަމީތާބަކީ، އަނިޔާ ވެރިންނާ ގާތް، އަނިޔާ ވެރިކަމަށް ތާއީދު ކުރާ މީހެއްކަން ރަނގަޅަށް ސާބިތު ވެއްޖެއެވެ. " ތިމާގެ އެކުވެރިންނަކީ، ތިމާގެ މޫނު ބަލާ ލޯގަނޑެވެ." 2
ޝަހާމު ޝަރީފް
24 January 2018
އަމީތާބަށާއި އޭނާގެ އާއިލާއަށް ކުރި ތާއީދު އަނބުރާ ގެންގޮސްފިން. ހާނުންނަށް ހަމަ ސެލިއުޓް ކުރަން.
ފައިސަލާ
24 January 2018
އަލްހަމްދުލިއްލާހި. އިސްލާމްދީނަށް ނަސްރުދެއްވާށި.
ޖާރިޔާ އަހުމަދު ދީދީ
24 January 2018
ހަހަަހަހަ.. އަމީތާބު ކިހިނެއް ތިޔަ ހެދީ؟ އެމްޑީޕީ ކުދިން ބުނެގެން ރާއްޖޭގައި ބޭއްވި ވޯރލްޑް ހެލްތް އޯރގަނައިޒޭޝަން ބައްދަލުވުން ކެންޗަލްކޮށްފަ، މިފަހަރު ކިހިނެއް ތިޔާ ހެދީ؟ އެމްޑީޕީ ކުދިން ބުނީތަ ނަތަންޔާހޫއާ ބައްދަލުކުރިއަސް އޯކޭ އޭ؟
ޒިންދަގީ
25 January 2018
ތެދެކޭ.. އަމީތާބުދެން މޑޕއަށް ސޮއެކުރުން އޮތީ..
ޢޮއިވް
23 January 2018
ޔަހޫދީންނާއި ގުޅޭނީ ޔަހޫދިންނަށް.
އައް
23 January 2018
އަހަރެން ހަމަ ސެލިއުޓް ނަގަން މި 3 ހާނުންނައް
ދީކު
23 January 2018
އަމީތާބު ހިތުން ދެން އޭނާ އަކީ އޯ އިންސާނިއްޔަތުގެ ބައްޕަ! އެކަމު މިހިރީނުން ކަން ހުރި ގޮތް! ދެން އެހެރީ އެެ ކަަރަން ޖޯހަރު، އެއީވެސް ބޮލީވުޑްގަ ފަަސާދަ އުފެއްދުމަށް އަރާހުރި މީހެއް!
ފޫހި
23 January 2018
އިންޑިއާއަކީ މުސްލިމުންނާ ވަރަށް ނަފްރަތުކުރާ ބައެއް. އޭގެ ތެރޭގައި އަމީތާބެއް މޯޑީއެއް ތަފާތެއްނެތް.
ޢެލެކުސް
23 January 2018
އަމީތާބްމެންގެ ފެންވަރު މި ފެންނަނީ. އޭނާ ކުޅެފަހުރި އަންދާގާނޫނާ އެހެން ގިނަ ފިލްމްތަކުން ފެންނަނީ ހައްގުތަށް ނުލިބިގެން އުޅޭ މީހުންނަށް ހައްގު ހޯދަދޭ މަންޒަރު. އެކަމަކު މީނަ އަކަށް އިނގޭކަމަކަށްނުވި ނަތައްޔާހޫ މީ ފަލަސްތީނުގެ އެތަށްހާސް ކުޑަކުދިންގެ ގާތިލްކަމެއް. މުނާފިގްކަން
ޙުސެން
24 January 2018
ފިލްމުގެ ކެރެކްޓަރާ އަސްލުމީހާ ވަރަށްތަފާތުވާނެ. ފިލްމުވާނީ ފިލްމަށް.
ހަޑިގިއްލާ
23 January 2018
ތި ތިންޚާނުންކުރެ އަހާލަބަލަ ޤިބްލަހުރީ ކޮންދިމާލެއްގަތޯ! މުސްލިމެއްގެ ބޯޑުއަޅުވައިގެން ސަޖިދައެއްވެސް ނުޖަހާތާ ފާޚީޝް އަމަލުތައްކުރުމުގައި މުޅިހަޔާތް ވޭތުކުރާމީހެކޭ ޔަހޫދީއެކޭ ހުރީ ކޮންތަފާތެއް!
ނަތަންޔާހޫ
23 January 2018
ހަޑިގިއްލާ މީހެއްގެ އަމަލުތައް މޮޅަށް ދެނެވޮޑިގެންވަނީ މާތް ﷲ. ގިބުލަ ނޭންގުނަސް އެމީހުންނަށް ފަލަސްތީނުގައި ތިބީ އިންސާނުންކަމާއި އެތާގައި ހިންގަނީ ގަތުލުއާއްމެއްކަން އިނގެއްޖެއްނުދޯ؟ އެމީހުންގެ ހިތުގައި އިންސާނިއްޔަތުކަން ހުރިކަން އެނގިެއްޖެދޯ. ކުށެއްނެތް އެތައް ކުޑަކުދިންނާއި އަންހެނުން މަރާކަން އެނގިއްޖެދޯ؟ ސާބަސް ދިވެއްސަކަށް ހުރެ ތިޔަގޮތަށް ހަޑިގިއްލާ ކޮމެންޓްކުރީތީ ހިތާމަކުރަން.
ދީކު
23 January 2018
ހަމަ ވެދާނެއްނުންތަ އަންނަން ބޭނުންވެފަ ތިބެވެސް ބިޒީ ކަމުން ޙާނުންނަށް ނާދެވުނީ ކަމަށް!
އާމިރުކޭ
23 January 2018
އާމިރު ޚާން މިހާރު ކިތައް ފަހަރު އުމްރާއަށާ ހައްޖަށް ދިޔަކަން ކަލެޔަށް ނޭގެނީ ދޯ. އެއްޗެއް ފެންނައިރަށް ތެޅިނުގަނެބަލަ.
ޙަސަން އަޙްމަދު
23 January 2018
ކަލެޔަށް އެނގެޔެއްނު ގިބުލަ ހުރި ދިމާ. ދެން ބޮލީވުޑް ފިލްމްސްޓާރަކަށް ގިބުލަ ނޭނގުމަކުން ކަލެޔަށް ވާނެ ގެއްލުމެއް ނެތެއްނު. އެކަމަކު ފަލަސްތީނު މީހުން ވަރަށް އުފާވާނެ އެމީހުން ކުރި ކަންތަކުން
ބޭމިސާލު
24 January 2018
ސަލްމާނަކީ އޭނަގެ އާމްދަނީގެބޮޑުބައެއް ޚައިރާތުގެ ގޮތުގައި ހޭދަކުރާމީހެކެވެ. ގިބްލަ ހުރި ދިމާ ބަލައިގެން ކުރާކަމަކީ ކޮންމެހެން އެހެންމީހުންނަށް އިއުލާނު ނުކުރިޔަސް ކުރެވިދާނެ ކަމެކެވެ. އިންޑިޔާއަކީ މުސްލިމް ނޫން ގައުމަކަށްވުމުން ކޮންމެފަހަރަކު މިސްކިތެއް ހުރިތަނެއްހޯދައިގެން މިސްކިތަށް އެރުން ވާނީވެސް ހަމަބޮޑުކަމަކަށެވެ.