ސަން އައިލެންޑް ރިސޯޓުގެ ބާ ގައި މަސައްކަތްކުރާ މުވައްޒަފެއް ގެސްޓުންތަކަކަށް ޙިދުމަތްދެނީ.---ފޮޓޯ: ހުސެއިން ވަހީދު/މިހާރު
25 ޖެނުއަރީ 2018 - 12:27
15 comments
ވިލާ ގްރޫޕްގެ ޗެއާމަން އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ރިސޯޓުތަކަށް ރަލާއި އޫރުމަސް ކަސްޓަމްސް އިން އަލުން ދޫކުރަން ފަށައިފި އެވެ.
ކޮމިޝަނާ ޖެނެރަލް އޮފް ކަސްޓަމްސް އިބްރާހިމް ޝަރީފް "މިހާރު" އަށް ވިދާޅުވި ގޮތުގައި ވިލާގެ ރިސޯޓުތަކަށް ރަލާއި އޫރު މަސް އެތެރެކުރުމަށް ސަރުކާރުން ދިން ވަގުތީ ލައިސަންސާ އެއްގޮތަށް ކަސްޓަމުން މިހާރު އަމަލު ކުރަމުން އަންނަ ކަމަށެވެ. އަދި އެއްވެސް ދަތި ކަމެއް ނެތި ވިލާ އަށް ރަލާއި އޫރުމަސް ރާއްޖެ އެތެރެ ކުރެވޭނެ ކަމަށް ވެސް ޝަރީފް ވިދާޅުވި އެވެ.
"މައުލޫމާތު ލިބިފައިވާ ގޮތުގައި ރޯޔަލް އައިލެންޑް ރިސޯޓުގައި އެއްވެސް ދައްޗެއް ނެތި ހިންގޭ ވަރަށް އަދިވެސް އެބަހުރި ބަނގުރާ. އެހެންވީމަ ދައްޗެއް ކުރިމައްޗެއް ނުވާނެ،" ޝަރީފް ވިދާޅުވި އެވެ.
ގާސިމްގެ ރިސޯޓުތަކަށް ރަލާއި އޫރުމަސް އެތެރެކުރުމަށް ސަރުކާރުން ދިނީ ދެ ހަފްތާގެ މުއްދަތެކެވެ. އެ މުއްދަތު ގުނާނީ މިއަދުން ފެށިގެންތޯ ސުވާލުކުރުމުން ޝަރީފް ވިދާޅުވީ އެކަން ނިންމާނީ އިކޮނޮމިކް މިނިސްޓްރީން ކަމަށާއި އެ މިނިސްޓްރީން އަންގާ ގޮތަކަށް އަމަލު ކުރާނެ ކަމަށެވެ.
ގާސިމްގެ ފަސް ރިސޯޓު ކަމަށްވާ ރޯޔަލް އައިލެންޑް ރިސޯޓާއި ޕެރެޑައިސް އައިލެންޑް ރިސޯޓާއި ފަން އައިލެންޑް ރިސޯޓާއި ހޮލިޑޭ އައިލެންޑް ރިސޯޓާއި ސަން އައިލެންޑް ރިސޯޓަށް ބަނގުރަލާއި އޫރުމަސް އެތެރެކުރުމުގެ ހުއްދަ އިކޮނޮމިކް މިނިސްޓްރީން ބާތިލްކޮށްފައި އޮތް އޮތުން ނިމުމަކަށް ގެނެސް، ރަލާއި އޫރުމަސް އެތެރެކުރުމަށް 14 ދުވަހުގެ ވަގުތީ ލައިސަންސެއް ދިނީ މިދިޔަ ހޯމަ ދުވަހެވެ.
އެކަމަކު، ގާސިމްގެ ރިސޯޓުތަކަށް ބަނގުރަލާއި އޫރުމަސް އެތެރެކުރުމަށް މަސައްކަތް ކުރުމުން އެކަން ކާމިޔާބުވާ ގޮތްވެފައިނުވާ ކަމަށް ވިލާ އިން އިއްޔެ ވަނީ ބުނެފަ އެވެ. ނަމަވެސް ވިލާގެ އޮފިޝަލަކު މިއަދު ވިދާޅުވީ ރަލާއި އޫރުމަސް އެތެރެ ކުރެވޭ ގޮތް މިހާރު ހަމަޖެހިފައިވާ ކަމަށެވެ.
ރޯޔަލް ފިޔަވައި ގާސިމްގެ ހަތަރު ރިސޯޓަށް ބަނގުރަލާއި އޫރު މަސް އެތެރެކުރުމަށް އޮތް ހުއްދަ މިދިޔަ މާޗް މަހުން ފެށިގެން ވަނީ ބާތިލްކޮށްފަ އެވެ. އެންމެ ފަހުން ހުއްދަ ހިފެހެއްޓީ، ގާސިމްގެ އައިލެންޑް ޓްރެވެލް އެންޑް ޓްރޭޑް ޕްރައިވެޓް ލިމިޓެޑުގެ ދަށުން ހިންގާ ރޯޔަލް އައިލެންޑް ރިސޯޓަށް ބަނގުރަލާއި އޫރުމަސް އެތެރެކުރުމަށް ދީފައިވާ ހުއްދަ އެވެ.
ގާސިމްގެ ރިސޯޓުތަކަށް ބަނގުރަލާއި އޫރު މަސް އެތެރެކުރަން ވަގުތީ ހުއްދައެއް ދިން ކަން ހާމަކޮށް ޓޫރިޒަމް މިނިސްޓްރީން ބުނި ގޮތުގައި ވަގުތީ ލައިސަންސެއް ދޭން ނިންމީ ރާއްޖޭގެ ޓޫރިޒަމަކީ އިގްތިސާދަށް މުހިއްމު ސިނާއަތަށް ވާތީވެ، ރާއްޖެ އަށް ޗުއްޓީ ހޭދަކުރަން އަންނަ ޓޫރިސްޓުންގެ ހިތްހަމަޖެހުމަށެވެ.
ގާސިމްގެ ރިސޯޓުތައް ފާސްކުރީ ރޯޔަލް އައިލެންޑަށް ގެންދަން ހުއްދަ ދީފައިވާ، އޫރު މަހާއި ރާ، ސަން އައިލެންޑާއި ޕެރެޑައިސް އާއި ފަން އައިލެންޑާއި ހޮލިޑޭ އައިލެންޑް ރިސޯޓަށް ގެންދާ ކަމަށް ބުނެ އެވެ. އަދި ފަންގައި ހުރި ގިނަ އަދަދެއްގެ ރާ ފުޅިތައް ކަސްޓަމްސްގެ ބެލުމުގެ ދަށަށް ވަނީ ގެންގޮސްފަ އެވެ.
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ބުނީ ވިލާގެ ހަތަރު ރިސޯޓަކުން މިދިޔަ މާޗު މަހުން ފެށިގެން ޖީއެސްޓީ އާއި ގްރީން ޓެކްސްގެ ގޮތުގައި 5.1 މިލިޔަން ޑޮލަރު ނުދައްކާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏަން
25 January 2018
އަލް ހަމްދު ލިއްލާހި
އުމަރު
25 January 2018
ބަލަ ސަރުކާރުގެ މުއައްސަސާތަކުން އުޅެނީ ކިހިނެއްވެގެންތޯ؟ ވިލާ ހޮޓެލްސްގެ ރަށްތަކަކީ ޓޫރިޒަމް މިނިސްޓްރީގެ ހުއްދައިގެ ދަރުން ޓޫރިސްޓުން ގެނެސްގެން ހިންގާ ރަށްތަކެއް، އެރަށްތަކުގައި 2000 ވަރަކަށް ޓޫރިސްޓުން އެބަތިބި، ރަލާއި އޫރުމަސް އެތެރެކުރުމުގެ ހުއްދަވެސް އަދި އެހެން ބާވަތްތަށް އެތެރެކުރުމުގެ ހުއްދަވެސް އޮންނަންޖެހޭނީ ދެވިފައި، ރަލާއި އޫރުމަހަސް އެތެރެކުރަން 2 ހަފްތާ، ކާނާ އެތެރެކުރަން އެއް ހަފްތާ، ޑީސަލާއި ޕެޓްރޯލް އެތެރެކުރަން 3 ހަފްތާ މިއީ ހުއްދަދޭގޮތެއްނޫން، ކަސްޓަމްސް އަދި ސަރުކާރުގެ މުއައްސަސާތަކުގެ ވެރިން ތިޔަ މަގާމު ދޫކޮށްލިޔަސް ތިޔަ މައްސަލަތަށް ބެލޭނެ، ހުރިހައި މުއައްސަސާތަށް ގުޅިގެން ތިޔަ އަމަލުކުރަނީ ގޭންގެއް ހިންގާގޮތަށް މީސްމީހުން އުމުރު ދުވަހުން އެސްޓަބްލިޝްކޮށްފައިވާ ތަންތަން ނެތިކޮށްލައި ބަނގުރޫޓްކޮށްލުމުގައި، އެހެންކަމުން ތިޔަ އަމަލުތަށް ހަރުކަށި އިބާރާތުން ކުއްވެރިކޮށް ތިޔަކަންކަމުގައި ބައިވެރިވި މީހުންނަށް ހައްގު އަބަދު ދިނުމަށް ގޮވާލަން
އަލިބޭ
25 January 2018
އުމަރަށްވަރިހަމަދޯ ރައްޔިތުންނަށް ދޭންޖެހޭ އެއްޗެއްނުދިނަސްދޯ؟
ހޭކެނޑޭ
25 January 2018
އިބްރާހިމް ޝަރީފަށް ވަރަށް ވެދުން. މަނިކުފާނެވެ. މަނިކުފާނުވެސް ޝާމިލް ވާގޮތައް ދަޢުލަތުން މި ހިންގި ގޭސްގަޑު މަނިކުފާނަށް ސާފު ވާ ވަރަށް ސާފުވީމާ ދޮތަ ތި ހުއްދަތައް ތި ދެއްވީ. މިހެންކަމުން މަނިކުފާނުވެސް ޤަބޫލު ކުރައްވައިފި ދޮތަ މި ކުރެވުނީ ޤާނޫނާއި ޤަވާޢިދާއި ޙިލާފް އަމަލެއްކަން. މަމެން ބުނެލަން ބޭނުން ވަނީ މިހާރު ތި ކުރެވުނު ކަންތައްތައް ދެން ނިންމާނީ ވިލާ އާއި ކޯޓު ތަކުން ކަމުގައި ދަންނަވަން. ނަމަވެސް ބުއްދި ވެރި ގޮތަކީ ދެންވެސް އަވަހަށް މި ކުރެވުނު ކަމާއި މެދު އެވެރިންގެ ކިނބައިން (އެނބަހީ) ވިލާގެ ކިނބައިން މިކަމަށް މަޢާފް އަށް އެދުން ކަމުގައި މަމެން ދެކެން. ބުއްދި ވެރިންގެ ގޮތަކީ މިއީ ކަމަށް ދެކެން.
ޠާނީ
25 January 2018
ޢިބްރާހިމް ޝަރީފް އަށް ހުންނާނީ ރާކަނި މަސް ކެވިފައި މިހާރު
ކޮލެޖް ބޯއީ
25 January 2018
ވިލާ އިން ގާނޫނާއި ޚިލާފުވެގެން ކަސްޓަމުން ވިލާ އަށް ރާ އެތެރެކުރުން ހުއްޓުވާފައި އޮއްވަ، ދެން ގާނޫނާއި ޚިލާފަށް ކިހިނެތް އިކޮނޮމިކް މިނިސްޓްރީ އަކަސް ހުއްދަ ދޭނީ؟
ކުރިކީލަ
25 January 2018
ރާ އުފުލާމީހާއާއި ރާ ވިއްކާ މީހާއާއި، ރާބޯ މީހާ ހަމަހަމަ ކަމުގައި މި އުއްމަތުގެ ނަބިއްޔާ ހަދީޘްފުޅެއްގައިވެ. މުސްލިމަކަށް ވީތީ އަންގާލީ. ޙިޔާލު ފާޅުކުރުމުގެ މިނިވަންކަމެއް އޮތީތީ ޙިއްޞާ ކޮށްލީ.
ހުސޭނު
25 January 2018
ސާބަހޭ! މި ވާހަކަ ދައްކާލާނެ މީހަކު ނުވި ދޯ.
ޢަލީ އިބްރާހީމް
25 January 2018
ޝުކުރިއްޔާ ރައީސް ޔާމީން. 2018 އިންތިހާބު އޮތީ ވަރަޢް ކައިރީގައި. ޢެހެންކަމުން މިކަހަލަ ޑިސްޓްރޭކްޓްވާ ކަހަލަ ކަންތައްތައް ނުކޮއް ސީދާ ފޯކަސް ބަހައްޓަންވީ އިންތިހާބައް. ޢެއްވެސް މީހެއްދެކެ ޖެހިލުންވާނެ ކަމެއް ނެތް. ނަޝީދައް ވެސް ގާސިމްއައްވެސް ފާރިޝްއައްވެސް އިންތިހާބުގައި ވާދަކުރަން ފުރުސަތު ދީ. ޙަމަ ޔަގީން ބަލިކުރެވޭނެކަން. ޙަމައެކަނި މަނިކުފާނުގެ ބަލިފަޔަކީ. ޕެރަނޮއިޑްވުން. ލެޓްސް ފޯކަސް އޮން އިލެކްޝަން
ރޯޒް ރައީސް
25 January 2018
ވާނުވާ ނޭގޭ ސަރުކާރު.
ފިގޭ
25 January 2018
7 ފެބް 2012 ގައި ޖުމްހޫރީ މައިދާނަށް ކެއުން ތައްޔަރު ކޮށްދިން ފަރާތަށް ތިހާ ބޮޑު ގެއްލުމެއް ދޭން ހެޔޮނުވާނެ
ހިސާމް
25 January 2018
އިކްނޮމިޓްގެ ވެރިކަމެއްގައި މިޒާތު ކަމެއް ހިނގުން ވަރަށް ދެރަ