އަރީފް ހުންނެވީ މަގާމުގައި ފުރިހަމަ ބާރާ އެކު: ޕޮލިސް

ޕޮލިސް ކޮމިޝަނަރު އަހުމަދު އަރީފް ހުންނެވީ ފުރިހަމަ އިހްތިޔާރާއެކު އޭނާގެ މަގާމުގައި ކަމަށް ފުލުހުން މިއަދު ބުނެފި އެވެ.

ފުލުހުން މިހެން ބުނީ، ރިޝްވަތުގެ ތުހުމަތުގައި ހަ މަސްވަންދެން ބަންދުގައި ބަހައްޓާފައި މިދިޔަ ބުރާސްފަތި ދުވަހު ދޫކޮށްލުމަށް ފަހު އިއްޔެ އަނެއްކާ ހައްޔަރުކުރި ދިއްގަރު ދާއިރާގެ މެމްބަރު އަހުމަދު ފާރިސް މައުމޫންގެ މައްސަލަ ބެލުމުން އަރީފް އެކަހެރިކޮށް އެކަން ފުލުހުންގެ ޑެޕިއުޓީ ކޮމިޝަނާ އަހުމަދު ސައުދީއާ ހަވާލުކުރި ކަމަށް ބުނެ ބައެއް މީޑިއާތަކުން ރިޕޯޓުކޮށްފައިވާތީ އެވެ.

ފުލުހުންގެ ސްޕޯކްސްޕާސަަން، ސުޕްރިންޓެންޑެންޓް އަހުމަދު ޝިފާން ވިދާޅުވީ ބޮޑެތި ތަހުގީގުތައް އަބަދުވެސް ކުރަނީ ހާއްސަ ޓީމްތައް ނަގައިގެން ކަމަށެވެ. އެގޮތުން، ފާރިސްގެ މައްސަލަ ތަހުގީގު ކުރަމުން އަންނަނީ ސައުދީ އާއި އެސިސްޓެންޓް ކޮމިޝަނަރު އަހުމަދު މުހައްމަދުގެ ބެލުމުގެ ދަށުން ކަމަށް ޝިފާން ވިދާޅުވި އެވެ. އެކަމަކު އޭނާ ވިދާޅުވީ ފުލުހުންގެ މުއައްސަސާގެ ތެރޭގައި އެއްވެސް ނުތަނަވަސްކަމެއް ނެތް ކަމަށެވެ.

"އަރީފް ހުންނެވީ ފުރިހަމަ އިހްތިޔާރާއެކު މަގާމުގައި. ފުލުހުންގެ ހުރިހާ ކަމެއް ހިނގަމުން ދަނީ ކޮމިޝަނަރުގެ ކޮމާންޑްގެ ދަށުން،" ޝިފާން ވިދާޅުވި އެވެ.

Faris ge massala belun DCP Saudhee ge belumuge dhashah

The most trusted news source in the Maldives

Mihaaru

ފާރިސްގެ މައްސަލަ ބެލުން ސައުދީ އާއި އަހުމަދު މުހައްމަދާ ހަވާލުކުރުމާ ގުޅޭގޮތުން ކޮމިޝަން އޮފިސަރުންނަށް މެސެޖަކުން އަންގާފައިވާއިރު އޭގައި ވާގޮތުން ވަކި މައްސަލައެއް ޑީސީޕީ ސައުދީގެ ބެއްލެވުމުގެ ދަށުން ކުރިއަށް ގެންދިއުމަށް ނިންމިޔަސް ފުލުހުންގެ އެއްވެސް މަގާމަކަށް އަދި އޮނިގަނޑަކަށް އެއްވެސް ބަދަލެއް ނާންނާނެ އެވެ.

ސީޕީ އަރީފާއި ފާރިސް ކައިވެނި ބައްލަވައިގެން އުޅުއްވަނީ އެއްބަނޑުއެއްބަފާ ދެބެންނާ ކަމަށް ވާއިރު، އިއްޔެ ފާރިސް ހައްޔަރު ކުރުމުގެ ކުރިން އަރީފް، ފާރިސްއާ ބައްދަލު ކުރެއްވި ކަމަށް މީޑިއާގައި ފާރިސް ވިދާޅުވެފައިވެ އެވެ. ފާރިސް ވިދާޅުވެފައި ވަނީ އޭނާ ހައްޔަރު ކުރުމަށް ސަރުކާރުގެ ނުފޫޒުގަދަ ފަރާތްތަކުން އަރީފަށް ނުފޫޒު ފޯރުވަމުން ގެންދަވާ ކަމަށް އަރީފް ވިދާޅުވި ކަމަށެވެ. ނަމަވެސް އަރީފާއި ފާރިސް ބައްދަލުކުރެއްވި ވާހަކަ އާއި ފާރިސް ދެއްކެވި ވާހަކަތައް ފުލުހުން ވަނީ ދޮގުކޮށްފަ އެވެ. ރިޝްވަތުގެ ތުހުމަތުގައި ހަ މަސް ވަންދެން ޖަލުގައި ހައްޔަރުކޮށްފައި ބެހެއްޓުމަށް ފަހު، ފާރިސް ކްރިމިނަލް ކޯޓުން މިނިވަން ކުރީ މިދިޔަ ބުރާސްފަތި ދުވަހު އެވެ. އެކަމަކު އޭނާ މިނިވަންކުރިތާ އެއް ދުވަސް ފަހުން ކްރިމިނަލް ކޯޓުން ނެރުނު އަމުރެއްގެ ދަށުން އިއްޔެ އަލުން ހައްޔަރުކުރުމަށް ފަހު ރޭގައި ވަނީ ފާރިސްގެ ބަންދުގެ މުއްދަތު 15 ދުވަހަށް އިތުރު ކޮށްފަ އެވެ.