އާންމުން ބިރު ގަންނަ ގޮތަށް ޚަބަރު ގެންނަ މީޑިއާތަކާ މެދު ހަރުކަށި ފިޔަވަޅު އަޅަން އަބްދުއްރަހީމް ގޮވާލައްވައިފި
އިދިކޮޅު ހަރަކާތުން މިއަދު ހަވީރު ބާއްވަން އުޅުނު އެއްވުން ރޫޅާލުމަށް ފުލުހުން ޕެޕާ ސްޕްރޭ ޖެހުމުން އޭގެ އަސަރު ކުރި، ވީޓީވީގެ ނޫސްވެރިއަކަށް އާންމުންގެ ބަޔަކު އެހީވަނީ.---ފޮޓޯ: ހުސެއިން ވަހީދު/މިހާރު
16 ފެބުރުއަރީ 2018 - 23:26
95 comments
އާންމުން ނުތަނަވަސްވާ ގޮތަށް އަމަލުކުރާ މީޑިއާތަކާ މެދު ހަރުކަށި ފިޔަވަޅު އެޅުމަށް، ވެރިކަން ކުރާ ޕާޓީ ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ މިރޭ ގޮވާލައްވައިފި އެވެ.
އެ ޕާޓީގެ އޮފީހުގައި މީގެ އިރުކޮޅެއް ކުރިން ބޭއްވި ނިއުސް ބްރީފިންގައި އަބްދުއްރަހީމް ވަނީ ރާއްޖެ ޓީވީ އާއި ވީޓީވީގެ ނަން ވަކިން ފާހަގަ ކުރައްވައި، "ފިތުނަފަސާދަ" އުފައްދާ މީހުންނާ މެދު ހަރުކަށި ފިޔަވަޅު އެޅުމަށް ގޮވާލައްވައިފަ އެވެ.
"ރާއްޖެ ޓީވީންނާއި ވީޓީވީން މިކުރާ ހުރިހާ ވެސް މަސައްކަތަކީ މި ރާއްޖޭގައި ފިތުނަ ފަސާދަ އުފައްދަން ކުރާ މަސައްކަތް. ރައްޔިތުންނަށް ވާނުވާ ނޭނގި، ރައްޔިތުން ބިރުވެރިކަމެއްގެ ތެރެއަށް ގެންދަން ކުރާ މަސައްކަތް. ދޭތެރެ ޖައްސަން ކުރާ މަސައްކަތް. ރާއްޖޭގެ ރައްޔިތުންނަށް ނުރައްކާތެރި ކަމެއް އޮތް ކަން ދޭހަކޮށްދިނުމުގެ ގޮތުން ކުރާ މަސައްކަތް،" އަބްދުއްރަހީމް ވިދާޅުވި އެވެ.
އޭނާ އެހެން ވިދާޅުވިއިރު، އިދިކޮޅު ހަރަކާތުން މިއަދު ހަވީރާއި މިރޭ މާލޭގައި ކުރިއަށް ގެންދާ އެއްވުން ކަވަރު ކުރަން ހަރަކާތްތެރިވާ ބައެއް ނޫސްވެރިންނަށާއި ކެމެރާމަނުންނަށް، ފުލުހުން އެއްވުން ރޫޅާލުމުގެ ތެރޭގައި ވަނީ އަނިޔާވެފަ އެވެ. އަދި އެއްވުން ރޫޅާލުމުގެ ތެރޭގައި މީޑިއާތަކުގެ މީހުންނަށް އަމާޒުކޮށް ފުލުހުން ޕެޕާ ސްޕްރޭ ޖަހައި އަދި އެއްވުން ކަވަރު ކުރަން ވެސް ދަނީ ހުރަސް އަޅަމުންނެވެ.
އަބްދުއްރަހީމް ވިދާޅުވީ، އާންމުންގެ މެދުގައި ބިރުވެރިކަން އުފެދޭ ގޮތަށް ރިޕޯޓް ކުރާ މީޑީއާތަކާ މެދު ހަރުކަށި ފިޔަވަޅު އެޅުމަކީ މީޑިއާތަކުގެ މިނިވަންކަމަށް އަރައިގަތުން ކަމަށް ގަބޫލު ނުކުރައްވާ ކަމަށެވެ.
ގައުމުގައި ފިތުނަފަސާދަ އުފައްދަމުންދާ ކަމަށް ބުނެ ރާއްޖެ ޓީވީ ބަންދުކުރަން އަބްދުއްރަހީމް މީގެ ކުރިން ވެސް ވަނީ ސަލާމަތީބާރުތަކަށް ގޮވާލައްވައިފަ އެވެ. މި މަހުގެ ހަތަރުވަނަ ދުވަހު ބޭއްވި ނިއުސް ބްރީފިންއެއްގައި އޭނާ ވިދާޅުވެފައި ވަނީ ގައުމުގެ ހަމަނުޖެހުން ނަގާލަން ރާއްޖެ ޓީވީ އަށް ފުރުސަތު ދީގެން ނުވާނެ ކަމަށެވެ. އަދި އެ ސްޓޭޝަނުން ކުރަމުން އަންނަނީ ފިތުނަފަސާދަ އުފެއްދުމުގެ މަސައްކަތް ކަމަށާއި އެކަން ހުއްޓުވަން ޖެހޭ ކަމަށް ފޮނަދޫ ދާއިރާގެ މެމްބަރުން ވިދާޅުވެފައިވެ އެވެ.
މުވައްޒަފުންނަށް ލިބެމުން ދިޔަ އިންޒާރުތަކުގެ ސަބަބުންނާއި ފުލުހުން ރާއްޖެ ޓީވީ އަށް ދެމުން ދިޔަ ހިމާޔަތް މެދުކަނޑާލާފައިވާތީ، މިނިވަން ނޫސްވެރިކަމަށް އެކަށީގެންވާ މާހައުލެއް ނެތް ކަމަށް ބުނެ ރާއްޖެ ޓީވީގެ އާއްމު ބްރޯޑްކާސްޓިން މި މަހުގެ އަށްވަނަ ދުވަހުގެ ރެ އިން ފެށިގެން އެ ސްޓޭޝަނުން އަމިއްލަ އަށް މެދުކަނޑާލާފައި ވެ އެވެ. ނަމަވެސް ތިން ދުވަސް ފަހުން ރާއްޖެ ޓީވީގެ ޕްރޮގްރާމްތައް ވަނީ ފަށައިފަ އެވެ.
މިރޭގެ ނިއުސް ބްރީފިންގައި އަބްދުއްރަހީމް ވިދާޅުވީ، ހުކުމް ތަންފީޒު ކުރައްވަމުން ގެންދަވާ ނުވަ ބޭފުޅަކު ދޫކޮށްލުމަށް ސުޕްރީމް ކޯޓުން މި މަހުގެ އެކެއްގައި ނެރުނު އަމުރުގެ އެ ބައި ފަހުން އެ ކޯޓުން ބާތިލް ކޮށްފައިވާއިރު، ކުރީގެ އަމުރު ތަންފީޒު ކުރުމަށް ގޮވާލައި މަގުމައްޗަށް މީހުން ނެރުމުގެ ޖާގައެއް ނޯންނާނެ ކަމަށެވެ.
އަބްދުއްރަހީމް މިރޭ ވެސް ވިދާޅުވީ، ކުރީގެ އަމުރުގައި ބުނާ ކުށްވެރިން ދޫކުރުމަށް ސަރުކާރުން ފުރުސަތު ނުދޭނެ ކަމަށެވެ.
"ޕީޕީއެމުން ސަރުކާރަށް މި ގޮވާލަނީ ނަމަނަމަ ކުށްވެރިއަކު ދޫނުކޮށްލާށޭ. ކިތަންމެ ޕްރެޝަރެއް ކުރިޔަސް އެކަން ކޮށްގެނެއް ނުވާނެއޭ. އަޅުގަނޑުމެން އެކަމެއް ބަލައެއް ނުގަންނާނަމޭ. މި ރާއްޖޭގައި ކުށްވެރިންނަށް ތިބީ ހަމައެކަނި ނުވަ މީހުންނެއް ނޫން. އުމުރު ދުވަހަށް ހުކުމް ކޮށްފައި ތިބި މީހުން ވެސް އެބަތިބި،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީމަން
18 February 2018
އަބްދުއްރަހީމްއަށް ފިޔަވަޅުއަޅަން ގޮވާލަން.
ފައިރޫޒް
17 February 2018
އަހަރެން މިގޮވާލަނީ ތިޔަ އަދުރޭއަށް ފިޔަވަޅުއަޅަން މުޅި ގައުމު ހަލާކުކޮށް ކައި ހުސްކޮއްފި
އައިސަތު އާޒިމާ
17 February 2018
އަދުރޭގެ މައްޗަށް ޓެރަރިޒަމްގެ ދައުވާ އުފުލުމަށް ފުލުހުންނަށް އަޅުގަޑުމެން ގޮވާލަމެވެ. މީނާގެ ބަސް އަހައިގެން ފުލުހުން ރައްޔިތުންނާއި ދެކޮޅަށް ހިންގާ ޖަރީމާތަކަށް ހިއްވަރު ދެނީ ވެސް މީނާ އެވެ. މިވެސް ފުލުހުން ބަލަންޖެހޭ މައްސަލަ އެކެވެ، އަނިޔާ މި ވަނީ ހައްދު ފަހަނަ އަޅާފައެވެ
ީއިބްރާ
17 February 2018
މިހާރު ހިގާ ކަންތަކާ ބިރުގަންނަނީ ޕިންކީ ކުދިން ކޮޅު އެކަނި މިކަން ލައިކު ތަކުން އުނގޭ!
ދަމެންޓަލިސްޓް
17 February 2018
ޔާމީނުގެ ވެރިކަން އަދިވެސްއޮތީ ކުރިއަށް. އާރާއިބާރާއި ސާބިތުކަންމަތީގަ. އެމްޑީޕީ،އަދާލަތު،މައުމޫނު ގްރޫޕް،ޖުމްހޫރީ، އެކިނަންނަމުގައި ރާއްޖޭގައިހިންގާ ޖަމުއިއްޔާ ޖަމާއަތްތަކާ، އިންޑިޔާ، އެމެރިކާ، އިނގިރޭސިއަދި ޔޫއެން ވެސްގުޅިގެން ޖޫޑީޝަރީ މެދުވެރިކޮށް ރާއްޖެއަށްގެނައިބަޤާވާތުން ރާއްޖެ ސަލާމަށްކުރެއްވީ ﷲގެ ވާގިފުޅާއެކު ރައީސް ޔާމީނާއި ސަލާމަތީ ބާރުތަކުން. އެފަރާތްތަކަށް ޝުކުރިއްޔާ. އިންޑިޔާއިން ރާއްޖެއަށް އިންވޭޑުވެސް ނުކުރެވޭނެ. ޖެހޭނީ ތެޅިތެޅި ތިބެން. ސަރުކާރުން ކުރަންވީ ކަންކަން.(1) ރާއްޖޭގައި މަސައްކަތްކުރާ ޓީޗާސް، ނާސް، ޑޮކްޓާސް، ލޭބަރާސް ފަދަ އިންޑިޔާ ރައްޔިތުންގެ މިހާރު ހަދާފައިވާ ކޮންޓްރެކްޓްތކުގެ މުއްދަތު ހަމަވުމުން އައު ނުކުރުން. އަދި ލަންކަ ނުވަތަ އެއަށްވުރެ ދުރުން އެކަންކަމަށް މީހުންގެނައުން (2) އިންޑިޔާގެ ހޮސްޕިޓަލްތަކުން އާސަންދަ ހުއްޓާލުން. އަދި ލަންކާއާއި ބެންކޮކް ހޮސްޕިޓަލްތަކުން އާސަންދަ ލިބުން. (3) އިންޑިޔާއިން މިހާރު ގެންނަ މުދާ އެހެން ޤައުމުން ގެނައުން. އަދިވެސް.....
ވަދޫދު
17 February 2018
އެމީހުން ދޫކޮށްލައިފިއްޔާ އަބްދުއްރަހީމްއަށް ބިރުބޮޑުދޯ؟؟؟؟
އަޖީތު
17 February 2018
އަދުރޭމެން ނޫން އެހެން އެއްވެސް ބަޔަކު މި ގައުމުގައި އުޅޭނެ ކަމެއް ނެތް. ހުރިހާ މީޑިއާވެސް ބަންދުކޮށްފައި ސިޔާސީ އިދިކޮޅު ހުރިހާ ލީޑަރުން ޖަލުގައި ބައިތިއްބާފައި، އެމީހުންގެ މުދާތައް ހިފާ ބަގުރޫޓުކޮށްލީމާ މި ބޭފުޅުން ބޭނުންފުޅުވާ ގޮތަށް އެއޮތީ ބައިތިލްމާލު ނަގަން ފުރުސަތު ލިބިފައި. އަދުރޭ އަށް އަދި ވިސްނޭނެ. އޭރު އެކަމު އޮންނާނީ ވަގުތު ފާއިތުވެފައި ކަމުގައިވުން ވަރަށް ގާތް.
ކަމާ
17 February 2018
މީނާ ބުނަހާ ކަމެއް ސަރުކާރުން ތަންފީޒް ކުރާނެ. އަޅުގަޑު ކަހަލަ ރަށުގަ ދިރިއުޅޭ މެދު ޢުމުރަށްވުރެ މުސްކުޅިންނަށް މާލޭގަ ވާނުވާ ލޮލަށް ފެނި އެގެނީ ޓީވީން. ވީ ޓީވީ ރ ޓީވީ ނެތްނަމަ ޓީވީއެމުން އެގޭ އެކައްޗެއްވެސް ނޯވެ. ކަންކަމުގެ ދެކޮޅާ ހަޤީޤަތް އެގޭނީ މިތަން ތަނުން.
ސަޅިބެ
17 February 2018
މަށަށް ހީވަނީ މި 2 ޗެނަލް ފެނުނީމާ އަދުރޭއަށް ވަރަށް ވަރުތަކެއް ވާހެން.
ޖަހާމު ޝަރީފް
17 February 2018
ހަގީގަތުގައިވެސް އިސްލާމީ ތަރަހައިގެ ތެރެއިން ބޭރުން ބްރޯޑް ކާސްޓް ކުރާ ހުރިހާ ޓީވީތަކެއް ބަންދު ކުރަން ވެއްޖެ. ބައިނަލްއަގުވާމީ މިންގަނޑުތަކަށްވެސް އެންމެ ކުޑަމިނުން ނުފެތެނީ. މީޑިއާގެ މިނިވަންކަން ދިނުމަށް ފުރަތަމަ މަޝްވަރާ ކުރެވުނު އިރުވެސް، ޕާޓީ ޗެނަލްތައް ނޫފެއްދުމަށް ބާރުއެޅުނު. އެއީ، މިއަދު މިދެކޭ ކަހަލަ މަންޒަރުތަކެއް ފެނިދާނެތީ. ބޭނުންވަނީ، އެއްފަރާތައް ވުރެއް ގިނަ ފަރާތުގެ ހިޔާލާއެކު، ހާއްސަކޮށް، ސަރުކާރުން ނާއި މުއައްސަސާތަކުން ރައްދުގައި ބުނާއެއްޗެތިވެސް ރިޕޯޓް ކުރުމާއެކު އިދިކޮޅު ފަރާތްތަކުގެ ކަންބޮޑުވުންތައް ގެނެސްދޭނެ މީޑިއާތަކެއް. ޕާޓީ އާއި ވަކިމީހެއްގެ މަސްލަހަތު ހިމާޔަތް ކުރަން މަސައްކަތް ކުރާ ޗެނަލްތަކެއްނޫން. މިކަން މިބީދައިން ކުރަންޏާ، ގަވާއިދު ތައް ހަރުދަނާ ކުރަންޖެހޭ. ދައުލަތުގެ މީޑިއާއިންވެސް އެބަޖެހޭ ހުރިހާ ވާހަކައެއް ގެނެސްދޭން. އިދިކޮޅު މީޑިއާތަކުންވެސް %40 މަޢުލޫމާތަކީ ދައުލަތުން ރައްޔިތުންނަށް ދޭންބޭނުންވާ މެސެޖްތައް ކަމަށް ވާން އެބަޖެހޭ.
ލައްކަވާހަކަ
17 February 2018
ޕާޓީ ޗެނަލަކަށް އޮތީ އެންމެ ޗެނަލެއް - އެއީ ޗެނަލް 13
ދޮޅިދާން
17 February 2018
ވާނުވާ ނޭނގި ގޮވޭނީ ކޮސް