އދ. ގެ ވަފުދުން ސަރުކާރާ މަޝްވަރާ ކޮށްފި

އދ. ގެ ވަފުދު މިއަދު ސަރުކާރުގެ ވަފުދާ ބައްދަލު ކުރަނީ -- ފޮޓޯ: ރައީސް އޮފީސް

19 ފެބުރުއަރީ 2018 - 00:52

ރާއްޖޭގައި މިހާރު ހިނގަމުންދާ ސިޔާސީ ހަމަނުޖެހުންތަކާ ބެހޭ ގޮތުން މަޝްވަރާ ކުރަން އައި އދ. ގެ ވަފުދުގެ ބޭފުޅުން ސަރުކާރުގެ އޮފިޝަލުންނާ މިއަދު ބައްދަލު ކުރައްވައި ވާހަކަތައް ބާއްވައިފި އެވެ.

ރައީސް އޮފީހުން ބުނީ މި ބައްދަލުވުމުގައި، ރާއްޖޭގެ ހާލަތާ ބެހޭ އެންމެ ފަހުގެ މައުލޫމާތު އެ ވަފުދަށް ދީފައިވާ ކަމަށެވެ. މިގޮތުން، އދ. ވަފްދުގެ ބޭފުޅުން ބޭނުންވާ މައުލޫމާތެއް ވާނަމަ އެ މައުލޫމާތެއް މިނިސްޓީރިއަލް ކޮމިޓީން އެ ބޭފުޅުންނަށް ދޭނެ ކަމަށާއި ކުއްލި ނުރައްކަލުގެ ހާލަތާ ގުޅިގެން އޭގެ އަސަރު ނުކުރާ ކޮންމެ ފަރާތަކާ ބައްދަލުކޮށް މައުލޫމާތު ހޯދުމުގެ ފުރިހަމަ އިހުތިޔާރު އދ. ގެ ވަފުދަށް އޮތް ކަމަށެވެ.

ފެބުރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން ރާއްޖޭގެ މަސްރަހަށް އައި ބަދަލުތަކާ ބެހޭ ގޮތުންނާއި ކުއްލި ނުރައްކަލުގެ ހާލަތާ ބެހޭ ގޮތުން ފުޅާ ދާއިރާއެއްގައި ދެ ފަރާތުންް މަޝްވަރާ ކުރި ކަމަށް ވެސް ރައީސް އޮފީހުން ބުންޏެވެ.

އދ. ގެ އިސް ވަފުދަކާއި ދިވެހި ސަރުކާރުގެ އިސް އޮފިޝަލުންތަކަކާ ދެމެދު މިއަދު މަޝްވަރާތައް ބޭއްވިއިރު، އިދިކޮޅު ފަރާތްތަކުން ގޮވާލި ގޮވާލުމަށް އިޖާބަދީ، ރާއްޖޭގެ ސިޔާސީ މަސްރަހު ހައްލުކުރުމަށް އދ. އިން ސިޔާސީ ލީޑަރުންނާ ބައްދަލުކޮށް، މަޝްވަރާ ކުރުމަށް ވަނީ ނިންމައިފަ އެވެ. އެގޮތުން، އދ. އިން އިއްޔެ ބުނެފައި ވަނީ ރާއްޖޭގެ ސިޔާސީ ލީޑަރުންނާ ކުރިއަށް އޮތް މަދު ދުވަސްކޮޅެއްގެ ތެރޭގައި ވާހަކަ ދައްކަން ފަށާނެ ކަމަށެވެ.

UN in raajjeyge leaderunaa mashvara kuran ninmaifi

The most trusted news source in the Maldives

Mihaaru

ރާއްޖެ އާއި އދ. ގެ އިސްވެރިންނާއެކު މިއަދު ކުރި މަޝްވަރާގައި، ދިވެހި ސަރުކާރުގެ ވަފުދުގެ އިސްވެރިއަކަށް ހުންނެވީ އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ. މި ކޮމެޓީގައި ހިމެނިވަޑައިގެންނެވި އިތުރު ބޭފުޅުންގެ ތެރޭގައި ޔޫތު މިނިސްޓަރު އިރުތިޝާމް އާދަމާއި އެންވަޔަރުމެންޓް މިނިސްޓަރު ތޯރިގު އިބްރާހީމާއި ހެލްތު މިނިސްޓަރު އަބްދުﷲ ނާޒިމް އިބްރާހީމާއި ހައުސިން މިނިސްޓަރު ޑރ. މުހައްމަދު މުއިއްޒު ހިމެނިވަޑައިގަންނަވައެވެ. މީގެ އިތުރުން މި ކޮމިޓީ އަށް ޓެކްނިކަލް އެހީތެރިކަން ފޯރުކޮށްދިނުމުގެ ގޮތުން ރާއްޖޭގެ ފޮރިން ސެކްރެޓަރީ އަހުމަދު ސަރީރު ވެސް މި ބައްދަލުވުމުގައި ބައިވެރިވެ ވަޑައިގެންނެވި ކަމަށް ރައީސް އޮފީހުން ބުނެ އެވެ.

ރައީސް އޮފީސް ކުއްލި ނުރައްކަލުގެ ހާލަތު ރާއްޖެ-އ.ދ ދިވެހި ސަރުކާރު ސިޔާސީ ޕާޓީތަކުގެ މަޝްވަރާތައް

9 ކޮމެންޓް, 93 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

falaku ain

19 February 2018

ތިޔަތަނުގައި ނެތޭ މިހިނގާ ކަންކަން ހިނގާ ކަން ދަންނަ ބަޔަކުވެސް. އދ. މޮޔަހައްދައިފި ޔާމީނު. އެކަކު ބުނާނީ ކިޔަވާކުދިން މިހާރު ރަނގަޅު ނަތީޖާ ހޯދަމުން ދާކަމަށް. އަނެކަކު ބުނާނީ މިހާރު 10000 ޑޮކްޓަރުންނަށް ވަޒީފާ ދެވިފައިވާކަމަށް. އަނެކަކު ބުނާނީ 80000 ފުލެޓްގެ ބިންގާ މިހާރު އަޅައިފިކަމަށް. ފަހު މީހާ ބުނާނީ އެންވައިރުމަންޓް ފްރެންޑްލީ އެނަޖީ އެއް މިހާރު ހޯދަން ޖެހިފައިވާ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

19 February 2018

ސަރުކާރުން ބައްދަލުކުރާ އެއްވެސް މީހެއްގެ ބަހަކީ ވިކޭނެ ބަހެއްނޫން، ތިޔައީ ބޭކާރުކަމެއް، ރައީސް ޔާމީނުއާއި ވާހަކަ ދައްކައިގެންނޫނީ ގޮތެއް ނުހޯދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯލި

19 February 2018

ދެވަނަ ސީރިޔާއަށް މިގައުމު ވެގެން ދިއުން ވަރަށް ކައިރިއެވެ. އަސަދުވެސް ވެރިކަމުން ދުރުނުވާންވެގެން ފައިވިއްދަނީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބީ ފާނު

19 February 2018

ދާހިލީ ބޮޑެތި ކަންކަމުގެ ވާހަކަދައްކަން ތިތާކުނެތްދޯ ކަމާބެހޭ އެއްވެސް ވަޒީރަކު. އ.ދ އިން ބޭނުންވާނީ އޭޖީ, ހޯމް މިނިސްޓާ ފަދަ ފަރާތްތަކާ ދޯ މަޝްވަރާކުރަން. މިއަކީ ހަމަ ޖެއްސުންކުރުމުގެ އަމަލެކެވެ. ކަމާނުބެހޭ, ޖަވާބުދޭން ނޭންގޭ ކުދިންތަކެއް ހަމަޖެއްސުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަންބޭ

19 February 2018

ތިހެން އެކަކު އަނެކަކާ ސަލާންކޮއް، ހިނިފުޅުވަޑުވާ ސަމާސާކޮއް، އެކަކު އަނެކަކާ ބިޒްނަސްކާޑު ބަދަލުކޮއްގެން ހައްލެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

19 February 2018

ކޮބާ އަދުރޭ އޭނަ ނުހިމެނޭތަ މަޝްވަރާކުރި ޓީމުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިނިއަންނަނީ

19 February 2018

ޢެމީިހުނަނާއި ވާލަކަދެއްކޭނީ އެމީހުންގެ ބަސް އިގެންޏާއެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

19 February 2018

ގުނަމުން ތިގެންދަނީ އެންމެ ފަހު ދުވަސްކޮޅު. ދެރަކަމަކީ ރައްޔިތުންނަށް އަރައިނުގަނެވޭވަރުގެ ބޮޑު ދަރަންޏެއް ވާރުތަ ކޮށްދިން ކަމާއި 4 އަހަރުވެސް ނުވަނީ ތިޖޫރިތައް ކަޅާކޮށްލިކަން. . . އުފާވެރި ކަމަކީ “މިކަން ނިމިގެންމިދަނީ ދެން ދުވަހަކު މިއިން މީހަކަށް މިފަދަ ކަމަކަށް ނާދެވޭވަރަށް ކުދިބޮޑު އެންމެން ބޭޒާރުވެގެން” ކަމުގައިވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

19 February 2018

އދ. ގެ ވަފުދުން މަޝްވަރާ ކޮށްފައި އެންގެވި ގޮތަށް ރައީސް އަބްދުﷲ ޔާމީނު ގެ ވެރިކަން ދަމަހައްޓަން މަޖިލިސް 12 މެމްބަރުންގެ ގޮނޑި ގެއްލޭނެ ކަމަށް ސުޕްރީމް ކޯޓުން ކަނޑައަޅާފައި މިވަނީ............ މިއީ ތިބުނާ ރާއްޖޭގެ ޙާލަތަކީ......