އިދިކޮޅު ފަރާތްތަކުން މާލޭގެ މަޖީދީމަގުގެ އެކި ސަރަހައްދުތަކުގައި ކުރި މުޒާހަރާގެ ތެރެއިން .---ފޮޓޯ: ހުސައިން ވަހީދު/މިހާރު
02 މާޗް 2018 - 20:24
57 comments
އިދިކޮޅު ފަރާތްތަކުން މިއަދު ހަވީރު މަޖީދީ މަގުގައި ބޭއްވި މުޒާހަރާގައި ބައިވެރިވީ މަދުބައެއް ކަމަށާއި އިދިކޮޅު ކޯލިޝަނުން އަންގާ ގޮތަށް ރައްޔިތުން އަމަލު ނުކުރާކަން އެ މުޒާހަރާ އިން އެނގިއްޖެ ކަމަށް ޕީޕީއެމުން މިއަދު ބުނެފި އެވެ.
މަޖީދީމަގުގެ އެކި ސަރަހައްދުތަކުގައި އިދިކޮޅު ފަރާތްތަކުން ގިނަ އަދަދެއްގެ ބަޔަކާއެކު މިއަދު ކުރިއަށް ގެންދިޔަ މުޒާހަރާއާ ގުޅިގެން، ވެރިކަން ކުރާ ޕާޓީ، ޕީޕީއެމުން ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ނައިބު ރައީސް އަބްދުއްރަހީމް އަބްދުﷲ ވިދާޅުވީ އެ މީހަކު ދިރިއުޅޭ ގެއަކާ ދިމާލުން މަޖީދީ މަގަށް ނުކުންނަން މީގެ ހަފުތާއެއްހާ ދުވަސް ކުރިން އިދިކޮޅު ފަރާތްތަކުން ގޮވުމުން ވެސް ނުކުންނާނެ މީހަކު މިއަދު ހަވީރު ނުވި ކަމަށެވެ. އަދި އޭނާ ވިދާޅުވި ގޮތުގައި މުޒާހަރާގައި ގިނައިން ތިބީ ބިދޭސީންނެވެ.
ސުޕްރީމް ކޯޓުން މިދިޔަ މަހުގެ 1 ގައި ނެރުނު އަމުރު ތަންފީޒު ކުރުމަށް ގޮވާލައި އިދިކޮޅު ފަރާތްތަކުން މާލޭގެ މަޖީދީމަގުގެ އެކި ސަރަހައްދުތަކުގައި ކުރި މުޒާހަރާގެ ތެރެއިން .---ފޮޓޯ: ހުސައިން ވަހީދު/މިހާރު
"އަޅުގަނޑުމެން މި އައީ މަޖީދީ މަގު އެއްކޮޅުން އަނެއްކޮޅަށް ބަލާފައި. އެތަނުގައި ތިބި ކޮންމެ ދިވެއްސަކަށް 12 ބިދޭސީން އެބަތިބި. ނުކުމެގެން އުޅޭ ދިވެހިންގެ އަދަދު ނާރާ 100 އަށް ވެސް،" މިދިޔަ މަހުގެ 1 ގައި ސުޕްރީމް ކޯޓުން ނެރުނު އަމުރު ތަންފީޒު ކުރުމަށް ގޮވާލައި ބޭއްވި މުޒާހަރާއާ ގުޅޭ ގޮތުން އަބްދުއްރަހީމް ވިދާޅުވި އެވެ.
އޭނާ ވިދާޅުވީ، މުޒާހަރާ އަށް ނުނިކުތީ އިދިކޮޅު ފަރާތްތަކުން ބުނިގޮތަށް ވެރިކަން ބަދަލުނުވުމާއި ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ނެރުނު އަމުރު، އެ ކޯޓުން ފަހުން ބާތިލް ކުރުމުން އެއީ ތަންފީޒު ކުރަން ނުޖެހޭ އަމުރެއް ކަމަށް ގަބޫލު ކުރާތީ ކަމަށެވެ.
އިދިކޮޅު ފަރާތްތަކުން މަޖީދީ މަގުގައި މުޒާހަރާ ކުރަން ނިންމީ އެއީ ކާރުބާރޫ ބޮޑު މަގަކަށް ވާތީ މުޒާހަރާ އަށް އެއްވާ މީހުންގެ އަދަދު އިތުރުކަން ދައްކަން ކަމަށް ވެސް އަބްދުއްރަހީމް ވިދާޅުވި އެވެ.
އެއްވެ އުޅުމުގެ މިނިވަންކަން ނުލިބޭ ކަމަށް އިދިކޮޅު ފަރާތްތަކުން ބުނާ ބުނުމަށް ރައްދު ދެއްވައި އަބްދުއްރަހީމް ވިދާޅުވީ އެއްވެ އުޅުމާ ބެހޭ ގާނޫނު ބުނާގޮތުން މަޖީދީ މަގަށް އެއްވުމަކީ ކުރެވޭނެ ކަމެއް ނޫން ކަމަށެވެ. އެހެންވެ އެ މުޒާހަރާ ފުލުހުން ރޫޅާލުން ގާނޫނާ ޚިލާފު ނުވާ ކަމަށް އޭނާ ވިދާޅުވި އެވެ.
ރައްޔިތުންގެ މަޖިލީހުގެ ކުރީގެ ރައީސް ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދާއި ކިނބިދޫ ދާއިރާގެ މެމްބަރު އަބްދުﷲ ރިޔާޒުގެ އިތުރުން ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު ވަނީ މިއަދުގެ ހަވީރުގެ އެއްވުމުން ހައްޔަރުކޮށްފަ އެވެ.
އިދިކޮޅު ފަރާތްތަކުން މިއަދު ކުރިއަށްގެންދިޔަ މުޒާހަރާގައި ދިއްދޫ ދާއިރާގެ މެމްބަރު ލަތީފް ހައްޔަރުކޮށްގެން ގެންދަނީ .---ފޮޓޯ: ހުސައިން ވަހީދު/މިހާރު
އަބްދުއްރަހީމް ވިދާޅުވީ މުޒާހަރާގައި އިދިކޮޅު ފަރާތްތަކުގެ ލީޑަރުން ނެތް ކަމަށެވެ. ލީޑަރުން ތިބީ ފިއްލަވައިގެން ކަމަށް ވިދާޅުވި އެވެ.
ޕީޕީއެމްގެ ޗީފް ސްޕޯކްސްޕާސަން އަދި ކެލާ ދާއިރާގެ މެމްބަރު އަލީ އާރިފް ވިދާޅުވީ އެމްޑީޕީން ކުރަނީ ޣައިރު ގާނޫނީ މަސައްކަތެއް ކަމށާއި އިދިކޮޅު ފަރާތުގައި އުޅޭ އެއްވެސް މީހަކު މަގުމައްޗަކަށް ނުނިކުންނާނެ ކަމަށެވެ.
އިދިކޮޅު ލީޑަރުންގެ ބޭނުމަކީ އެބޭފުޅުން ފިއްލަވައިގެން ތިއްބަވައި ނިކަމެތި ރައްޔިތުން މަގުމައްޗަށް ނެރެ އެރައްޔިތުންނަށް އަނިޔާތައް ލިބުން ކަމަށް އާރިފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަދު
03 March 2018
އެެއްވީވެސް މަދު ބަޔެއް. އޭގެ މާނަ އަކީ ތަައީދު ބޮޑީކީ ނޫން. ހަމައެކަނި ލޮލަށް ޕެޕާ ސްޕުރޭ ޖެހެން ބޭނުންނުވީ. މިނިވަން އިންތިޚާބެއްގާ ކިތަންމެ ފައިސާ އެއްބެހިއަސް ބަލިވާނެ.
އަބްދުއްލާ
03 March 2018
މަޖީދީމަގަށް އެއްވުން ބަދަލުކުރީ މިހާރު ނިކުްނަމީހުން މަދުވުމުން މަގު ހިގާމީހުނާ ދުއްވާއެއްޗިއްސާ ބާޒާރުކުރާމީނުނާ މިއީވެސް މުޒާހަރާގެ ބައިވެރިނަކަމަށް ފޮޓޯއިންދައްކާ އަދަދު ގިނަކުރަން ތޯއްޗެއް ،މަގުގަ އެއުޅެނީ މަގުހިގާމީހުނާ ސޮޕިންނަށް ގޮސްއުޅޭމީހުން މުޒާހަރާއަށް ނިކުތްމީހަކު މަގުމައްޗަކުނެތް ހުރީ އާބިދާއެކަނި
މަގޭ ހިޔާލު
03 March 2018
ޥިޔަފާރިއަށް ގެއްލުންވިޔަސް އަދި ވިޔަފާރިކުރާ އާންމު މީހާޔަށް އުނދަގޫވިޔަސް އެއްވާން ވެއްޖެއްޔާ ދެން ނެތް އެހެންމީހެއްގެ ހައްގެއް އެއްވާ މީހުންގެ ފިޔަވާ. ޢެއްވާން ދޭބަލަ ބީޗަށް. މަޖީދީމަގު އެއީ އެތަކެއްބަޔަކު ބޭނުންކުރާ މަގެއް. ޢެތަނައްް އެއްވީމާ ވަރަށް ގިނަ ބަޔަކަށް އުދަގޫވޭ. ޢެމްޑީޕީ ކުދިން ވިސްނާލަން ޖެހޭ ކަމެއް މީ.. މީޑިޔާ ތަކުން އެގޮތައް ނަސޭހަތްތެރި ވާން އެދެން.
ދޮޅިދާން
03 March 2018
މޭޑޭ ގައި ބަޔަކު ނިކުތް ކަމަށް ކަލޭމެން ގަބޫލު ކުރަންތަ؟
ޒިންދަގީ
03 March 2018
މަޖީދީމަގަށް ބަޔަކު އެކެއްނުވޭ.. ފުލުހުން އަމިއްލައަށްގޮސް ހުސްމަގަކަށް ޕެޕަރ ސްޕްރޭޖަހާ. މަޖިލީހުގެ ތިންމެމްބަރަކު ގޭގައި ތިއްބަވަނިކޮށް ހައްޔަރުކުރީ.. ކީކޭ އަދުރޭ؟؟
މަޖީދީމަގު
03 March 2018
މަޖީދީމަގެއް އެކަކު ވެސްނުދޭ އެހެންބުނިއްޔާ މާތާހިރެއްނޫން!!
ރަދީފް
03 March 2018
އަދުރޭގެ ލަދުކޮބާ؟؟؟
ލަދުހަޔާތް
03 March 2018
އިދިކޮޅު ފަރާތްތައް ޖަލައްލައިގެން އަދި އެބަ ކިޔައެއްނުން ލީޑަރުން ފިލާތިބެއޭ.
ޖައްސަބަލަ
03 March 2018
ރާއްޖޭގެ ސިޔާސީ މައިދާން އިދިކޮޅު ފަރާތް ތަކުން ކައްކައިގެން ރައްޔިތުންގެ ހިތް ތަކުގައި ސިޔާސީ ކަންކަމާއި މެދު ކަން ބޮޑު ވުން އުފެދޭ މިންވަރަށް މިކަން ކަން މީޑިއާ މެދުވެރިކޮށް ޕްރޮޕެގެންޑާ ފަތުރަމުން ދާތީވެ ސަރުކާރުން އެބަޖެހޭ ސަރުކާރުން އިގްތިސާދީ ވަރުގަދަ ޕެކޭޖްސް ތަކެއް ކޮންމެ ދުވަހަކު ހެން ފުލު ފުލުގައި ނެރެދޭން. ސަރުކާރުގެ އެނަރޖީ ދުއްވާލައިގެން ނުވާނެ ހަމަ އެކަނި ސިޔާސީ ކަންކަމަށް. އެކަން ޖެހޭނީ ބެލެންސް ކުރަން. އެގޮތުން ބަލާއިރު މާލެ ސަރަަހައްދުން ފްލެޓްސް ތަަކަށް ކުރިމަތި ލާފައިވާ 15 ހާސް މީހުންނަށް ފްލެޓްސް ތައް ދޭނެ ކަމަށް މިއަދުން މިއަދަށް ހައުސިންގް މިނިސްޓްރީން އިއުލާން ކުރަންވީ ރައީސް އޮފީހުގައި ބޮޑެތި ނޫސް ކޮންފަރެންސް ބާއްވައިގެން އަދި ފްލެޓްސް ތަަކަށް އެދި ފޯރމް ލާފައިވާ ހުރިހާ މީހުންނަށް ފްލެޓްސް ތައް 2019 ވަނަ އަހަރު ނިމުމުގެ ކުރިން ދޭނެ ކަމުގެ ލިޔުން ވެސް ހަވާލު ކުރަންވީއޭ. އެއިރުން ދެން ސިޔާސީ ކަންކަން އޮބިގެން ހިނގައިދާނެއޭ. މިކަން ކުރަންވީ ވަގުތު އޮތްވާ ކޮށްބަލަ.
މާނު
03 March 2018
ކޮންތާކު ހުރި ފުލެޓެއްތޯ؟
ޒައީމް
03 March 2018
ހާހާ. ތި ސްޓްރެޓެޖީގެ ދަށުން މުޅިން ތިއޮތީ އިއުލާންކުރުން ދޯ؟ އިން އަދަރ ވޯޑްސް ކަޑަ،ޖެހުން އުތަ؟ ލޮލް
ފާތި
03 March 2018
އަދުރޭ، ކީއްވެގެންހޭ ތިހާ ހާސްތިވަނީ؟ އިދިކޮޅަށް ސަޕޯޓު ނެތްކަމަށް ޔަޤީންވަންޏާ ކީއްކުރަން ހުކުރު ދުވަހު މަގުމައްޗަށް ނުކުމެ މީހުންގެ އަދަދު ތިގުނަނީ؟ ގޭގަ ޓީވީ ބަލަން އަރާމުގަ އޮތްނަމަ ދޯ. އަދިވެސް ހަމަ ހަޖަމްނުވަނީ ދޯ.