އިއްޔެގެ މުޒާހަރާގައި ޝާހިދު (ކ) އަދި ރިޔާޒް (ކ-2) ބައިވެރިވަޑައިގަންނަވަނީ
03 މާޗް 2018 - 13:55
16 comments
މާލޭގެ މަޖީދީ މަގުގައި އިދިކޮޅު ފަރާތްތަކުން އިއްޔެ އާއި ރޭ ކުރި މުޒާހަރާއާ ގުޅިގެން 17 މީހަކު ހައްޔަރު ކުރިއިރު، އޭގެ ތެރެއިން ކުރީގެ ޕޮލިސް ކޮމިޝަނަރު، ކިނބިދޫ ދާއިރާގެ މެމްބަރު އަބްދުﷲ ރިޔާޒް ހައްޔަރުކުރީ ކުއްލި ނުރައްކަލުގެ ހާލަތުގެ ދަށުން ކަމަށް އޭނާގެ ވަކީލަށް ފުލުހުން އަންގައިފި އެވެ.
މުޒާހަރާއާ ގުޅިގެން ރިޔާޒްގެ އިތުރުން ދިއްދޫ ދާއިރާގެ މެމްބަރު އަބްދުއްލަތީފް މުހައްމަދާއި މަޖިލީހުގެ ކުރީގެ ރައީސް އަބްދުﷲ ޝާހިދު ވެސް ހައްޔަރު ކުރި އެވެ. އަދި އެމްޑީޕީގެ ޒުވާނުންގެ ގޮފީގެ ރައީސް މީކައިލް ނަސީމާއި އިދިކޮޅު މުޒާހަރާތަކުން އާންމުކޮށް ފެންނަ މޫނެއް ކަމަށްވާ އެމްޑީޕީ އެކްޓިވިސްޓް ނައިމާ މުހައްމަދު (ނައީމައްތަ) ވެސް ހައްޔަރު ކުރި މީހުންގެ ލިސްޓުގައި ހިމެނެ އެވެ.
މުޒާހަރާއާ ގުޅިގެން ހައްޔަރު ކުރި ބައެއް މީހުން ފުލުހުން މިހާރު ވަނީ ދޫކޮށްލައިފަ އެވެ.
އިއްޔެ ބޭއްވި މުޒާހަރާގެ ތެރެއިން ލަތީފް ހައްޔަރުކޮށްގެން ގެންދަނީ.---ފޮޓޯ: ހުސައިން ވަހީދު/މިހާރު
ގާނޫނީ ވަކީލު ހިސާން ހުސެއިން "މިހާރު" އަށް މިއަދު ވިދާޅުވީ ކުއްލި ނުރައްކަލުގެ ހާލަތުގެ ދަށުން ހައްޔަރުކުރި ރިޔާޒަށް ކުރާ ތުހުމަތެއް ފުލުހުން އަންގާފައިނުވާ ކަމަށެވެ.
"ތިން މެމްބަރުން ވެސް ވަކީލުންނާއެކު ބައްދަލުވުން ވަނީ ބާއްވާފައި. ރިޔާޒް ފިޔަވައި، ދެން ތިބި މެމްބަރުން ހައްޔަރުކުރީ އާންމު ޕްރޮސެސްގެ ދަށުން ކަމަށް ވަނީ އަންގާފައި،" ހިސާން ވިދާޅުވި އެވެ.
ރިޔާޒަށް ފުލުހުން ކުރަމުން އަންނަ ތުހުމަތެއް މިހާތަނަށް އަންގާފައި ނުވި ނަމަވެސް، ލަތީފް އާއި ޝާހިދަށް ތުހުމަތު ކުރަނީ ފުލުހުންގެ ދައުރު އަދާކުރަން ހުރަސް އެޅުމުގެ ތުހުމަތު ކަމަށް ހިސާން ވިދާޅުވި އެވެ.
ރިޔާޒް، ކުއްލި ނުރައްކަލުގެ ހާލަތުގެ ދަށުން ހައްޔަރު ކުރިއިރު، ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް ވެސް ހައްޔަރުކޮށްފައި ވަނީ ހަމަ އެ ހާލަތުގެ ދަށުންނެވެ. އެހެންކަމުން، ކުއްލި ނުރައްކަލުގެ ހާލަތު މި މަހުގެ ފަހުކޮޅު ނިމެންދެން، ދެ މެމްބަރުން ބަންދުގައި ބަހައްޓާނެ ކަމަށް ބެލެވެ އެވެ. މަހްލޫފް ހައްޔަރުކުރީ ރައްޔިތުންގެ މަޖިލިހުން އެ މުއްދަތު އިތުރުކުރިތާ ދެ ދުވަސް ފަހުންނެވެ.
އިދިކޮޅު ފަރާތްތަކުން އިއްޔެ މާލޭގެ މަޖީދީ މަގުގައި ކުރި މުޒާހަރާ ފުލުހުން ރޫޅާލީ ބާރުގެ ބޭނުންކޮށްގެންނެވެ. އަދި މުޒާހަރާ ރޫޅާލުމުގެ ތެރޭގައި ބައެއް އާންމުންނަށް އަނިޔާވެގެން ފަރުވާ ދޭން ޖެހުނެވެ. އެކަމަކު އެއްވެސް މީހަކަށް ސީރިއަސް އަނިޔާއެއް ނުލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޔާޒް
04 March 2018
ޢެއްމެފަހުން ރިޔާޒް އަތުލައިގަތީތާ. ޢޭނާއަށް އަފްރާޝީމްގެ ގަތުލު މައްސަލައިގެ ޚާއްސަ ސިއްރު ވަގުތުޖެހުނީމާ ފާޅުކުރާނެވާހަކަ ބުނެފައިއޮތީމާ އެެހެންތާ ހަދަންޖެހޭނީ
އައިޖޭ
03 March 2018
ކުއްލި ނުރައްކަލުގެ ދަށުން އަބްލޯ ރިޔާޒު...... މިހިރީ ކުރީގެ ސީޕީ އަށް ހަސަދަ އެއް ފިލުވާލާފަ.. މުޒާހަރާއެއްގެ ތެރެއިނ ކުއްލި ނުރައްކަލުގެ ދަށުން.....؟؟
ޢަބްދުﷲނާފިޒު
03 March 2018
"17 މީހަކު ހައްޔަރު ކުރި، ރިޔާޒް ހައްޔަރުކުރީ ކުއްލި ނުރައްކަލުގެ ހާލަތުގެ ދަށުން"، އެހެންވީމަ ދޫކޮށްލި އެންމެން ހައްޔަރުކުރީ ކުއްލި ނުރައްކަލުގެ ހާލަތުގެ މަތިން ދެއްތޮ، މަޖާ ކަންތައް ކުރާ ބައެއްނު.
އަށްޑޫ މީހާ
03 March 2018
ހައްޔަރުކުރަމުންދަނީ އެތަނުގެ ތެރެއިންވެސް މީހުން. ފުލުހުން އަމިއްލަޔަށް ތިޔަ ބޮޑިބޮނީ ކޮމާންޑަރު އެހުރީ ފިލައިގެން ގޮސް. އަމިއްލަޔަށް ހަލާވުމަށް ވުރެން ރަންގަލުވާނެ ސަލާމަތް ހޯދިއްޔާ/
އަބޫ ކެޓް
03 March 2018
ރައްޔިތުންގެ ކިބައިން ހައްގެއް ފޭރިގަނެފައި ހުރިމީހަކު، ރައްޔިތުންނަށް މާފެއް އެދުމެއްވެސް ނެތްދޯ....އެކަމަކު ރަންރީންދޫ ލީޑަރޝިޕް ހަމަ އެމީހުންނާ ހެދި މޮޔަވަނީ....
ޙައްގު
04 March 2018
ކޮން ހައްގެއްތޯ؟ ސާފުކޮށް ކިޔާދެއްވުން ރަގަޅުވާނެ.
ފަހުނޭވާ
03 March 2018
އަސްލު ގެޓް އަކީ ރިޔާޒް އެވެ.އަދި މީހުން ހައްޔަރު ކުރަމުން ގޮސް އަމިއްލަ އަށް މިނާ ހައްޔަރު ވާނެއެވެމ
ސުވާލު
03 March 2018
ފުލުންދައްކާ ވާހަކަ މިހާރު ނާހާނެ އެއްވެސް މީހަކު..މިނޫންވެސް ދުވަހެއް އެބައޮތޭ ފުލުހުންނެއް ކަމަކު ވިސްނާ ފިކުރު ކޮށްބަލަ..
ރަދީފް
03 March 2018
ރިޔާޒް.ނައު ޓޭސްޓް ޔޯ އޮއުން މެޑިސިން. ހަނދާންވޭތަ ރޯދަމަހެއްގަ 21 ދުވަސް ވަންދެން އޯޑިއޯން ޖަލުގަ މަނިކްފާނު ވޮރެންޓް އޮފިސަރ ގރ2 ގެެ މަގާމްގަ ހުރެ ބެލިމައްސަލައެއްގަ ހެއްކެއްގެ ގޮތުގަ ގެންގޮސް މަބަންދުކޮއްގެން އުޅުނު ހަނދާން.ވ.ވެދުން
ޝިފާގު
03 March 2018
ތިރިޔާޒަކީ މިރާއްޖޭގެ ޑިމޮކްރަސީއަށް ހާދަ ދުއްޕާނެއް ކުރި މީހެކެވެ. އޭނާއަށް ޖަލުގެ ތޭރިތަކުގެ ފަހަތުގައި ކުރެވޭ ތަޖުރިބާތައް އެނގުމަކީ ވަރަށް މުހިންމު ކަމެކެވެ.
ޜޮހެންޔާ ކުޑަ ތުއްތު
03 March 2018
ކޮބާހޭ 200 ހެއްކާ 1000 ވީޑިޔޯ ފުޓޭޖް؟ ކޮބާހޭ ބުއިހާ ފެނާއި އޮހޮރި ދާތަށް؟ ކޮބާހޭ ފޮރޮޅި ގައުތަކާ މުރަކަތަށް؟ ކޮބާހޭ ކޮބާހޭ އަފްރާޝިމްގެ ހަޤީޤީ ޤާތިލުން؟؟؟؟