ހުޅުލޭގައި ހަދާ އާ ރަންވޭގެ މަސައްކަތް އޮގަސްޓް މަހު ނިންމާލެވޭނެ: ސައީދު

ވީއައިއޭގެ އާ ރަންވޭގެ މަސައްކަތް ކުރިއަށް ދަނީ.-- ފޮޓޯ: ހުސައިން ވަހީދު/މިހާރު

އަލީ ޝިނާން، މިހާރު

30 މާޗް 2018 - 23:35

ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ރަންވޭގެ މަސައްކަތް އަންނަ އޮގަސްޓް މަހު އެއްކޮށް ނިންމާލެވޭނެ ކަމަށް އިކޮނޮމިކް މިނިސްޓަރު މުހައްމަދު ސައީދު މިރޭ ވިދާޅުވެއްޖެ އެވެ.

ސައީދު ކުރެއްވި ޓްވީޓެއްގައި ވިދާޅުވީ، އޮގަސްޓް މަހު ރަންވޭގެ މަސައްކަތްތައް އެއްކޮށް ނިމި، މި އަހަރުގެ ފިނި މޫސުމަށް އިތުރު އެއާލައިންތަކަށް ރާއްޖެ އަށް ދަތުރުތައް ފެށޭނެ ކަމަށެވެ. އާ ރަންވޭ ނިމުމާ އެކު ރާއްޖެ އަށް ދަތުރުތައް ފަށާ އެއާލައިންތަކުގެ ތެރޭގައި ޔޫރަޕްގެ ގިނަ އެއާލައިންތައް ހިމެނޭނެ ކަމަށް ވެސް ސައީދު ވިދާޅުވެފައި ވެއެވެ.

"[އާ ރަންވޭ ނިމުމާއި އެކު] ޔޫރަޕްގެ ގިނަ އެއާލައިން ތަކުން ވެސް ރާއްޖެ އަށް ދަތުރުތައް ފަށާނެ. މިއާ އެކު ރާއްޖެ އަށް މުޅިން އަލަށް [ދުނިޔޭގެ އެންމެ ބޮޑެތި މަތިންދާބޯތުތަކުގެ ތެރޭގައި ހިމެނޭ] އޭ380 މަރުކާގެ ބޯޓުތައް ވެސް ޖައްސަން ފަށާނެ،" ސައީދުގެ ޓްވީޓުގައި ވިދާޅުވި އެވެ.

Completion of the VIA’s new runway comes in August with all confidence to welcome more airlines for the upcoming Winter. This will include many European Airlines including A380’s for the first time to the MALDIVES.
— Mohamed Saeed (@em_saeed) March 30, 2018

ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުންނަ އާ ރަންވޭގެ މަސައްކަތް މި އަހަރުގެ ފަހު ކުއާޓަރުގެ ކުރިން ނިންމަން ހަމަޖެހިފައިވާ ކަމަށް، މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ މެނޭޖިން ޑިރެކްޓަރު އާދިލް މޫސާ މީގެ ކުރިން ވަނީ ވިދާޅުވެފަ އެވެ.

ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އާ ހަވާލުކޮށްގެން ކުރިޔަށްގެންދާ މަޝްރޫއުގެ ދަށުން، އާ ރަންވޭ ހަދަނީ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިގެންނެވެ. މި ލޯނުގައި ރަންވޭގެ އިތުރުން 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 120،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ.

އޮގަސްޓް މަހު އާ ރަންވޭގެ މަސައްކަތް ނިންމާއިރު، މިހާރު ވަނީ ފަސް ދިމާލަކުން، ދެ ރަންވޭ ގުޅާލުމުގެ މަސައްކަތް ފަށައިފަ އެވެ. ދެ ރަންވޭ ގުޅާލުމުގެ މަސައްކަތް ކުރަމުން ދަނީ ރޭގަނޑު 12 އިން ހެނދުނު ހައެއް ޖަހަންދެން އެއާޕޯޓުގެ ރަންވޭ ބަންދުކޮށްގެން ކަމަށެވެ.

VIA ge aa runway aai mihaaruge runway gulhaalumuge masaikah fashaifi

The most trusted news source in the Maldives

Mihaaru

އެމްއޭސީއެލް އިކޮނޮމިކް މިނިސްޓަރު ވީއައިއޭގެ އާ ރަންވޭގެ މަޝްރޫއު ވެލާނާ އިންޓަނޭޝަނަލް އެއާޕޯޓް މުހައްމަދު ސައީދު (އިކޮނޮމިކް މިނިސްޓަރު) ރާއްޖެ-ޔޫރަޕް ޔޫރަޕް

5 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާމަ333

31 March 2018

އައްޑޫ ހޮސްޕިޓަލް ނުނިމި ޖުލައިވެސް މިއޮތް ޖެހެނީ....މިހާރު އެހެން ކިޔާއަޑެއްވެސް ނީވޭ....ދެން އައްޑޫ މަގުތައް ހަދަން ބަޖެޓްކޮށް އިއުލާންކޮށް ކޮންޓްރެކްޓަރުން ފައިނަލްކުރި ކަމަށް ސަރުކާރުން ބުނި...މިހާރު އެހެނޭކިޔާ އަޑެއްވެސް ނީވި މިއޮތްގޮސް ދައުރުނިމި އަހަރުމެން ވޯޓްލާންޖެހޭ ދުވަސް އަންނަނީ....އައްޑޫން ތާއިދުކުރާނީ ތަރައްގީއަށް...މީހާގެ މޫނަކަށްނޫން....މާލެ ތަރައްގީކުރުން ޔާމީނު އިސްކަންދިނީ އަތޮޅުތަކަށް ލިބުނީ ނިސްބަތުން ކުޑަ ޕަސެންޓެއްގެ ތަރައްޤީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޑިތާންބެކައްޕި

31 March 2018

ދެ ރަންވޭގެ އަގުގަ 1 ތި އަދި އެހާމެ ދޯދިޔާކޮށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

31 March 2018

ނަޝީދު އަކަ މިރާއްޖެ ހިންގަންނޭގުނު ހުރިހާކަމެއް ޖީއެމްއާރްއަ ހުރިހާ ފައިދާއެއް އެމީހުންނަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފކތރޕ

31 March 2018

މިހާރު ވެރިކަން ކުރާ މީހުން ގައުމަށް ދިން ގެއްލުން ވަރަށް ބޮޑު. ހުރިހާ ދާއިރާއަކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްޕާޓް

30 March 2018

ހިއެއް ނުވޭ.. އާ ރަންވޭގެ މެދުގައި އޮތީ އެއަރޓެކްސީ ޓާރމިނަލް ތައް.. އެތަން ބަދަލުކުރަން އަޅާ އާ ޓާރމިނަލް ގެ މަސައްކަތް ނުވެސް ފަށާ އަދި! ދެން ކިހިނެއް ރަންވޭ ނިންމާނީ..